فلسطيني ممنوع تعيش

"فلسطيني ممنوع تعيش -----"
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا على جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
ومش مسموح تكون مقهور
اياك تطالب بحقك
اوعك بيوم تشوف النور
*****
ممنوع تجدد هويه
ممنوع تجدد بسبور
فلسطيني وبدك تتعلم
هاي الشغلة ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
ولا يطلع بجناحك ريش
فلسطيني ممنوع تعيش
*****
فلسطيني بكل المطارات
اسمك بالاحمر مكتوب
وعلى شباك مصلحة الجوازات
كتبوا على جبينك مطلوب
لازم تتوقف ساعات
مذنب او من دون ذنوب
ويتوجه الك اتهامات
انك سبب كل الحروب
كأنو بسببك الحق مات
والعدل بارضك مسلوب
وكأنك سبب النكسات
وكل ازمات الشعوب
وكأنو بسببك مجرم فات
على جنين بلحظة الغروب
ودبح صبيان وبنات
وعجز على امرها مغلوب
*****
مع انو الحقيقة
انا الي بالدنيا ضحية
عملتوني مادة للغنى
وقضية للي ما عندوا قضية
انا الي راسي ما انحنى
بوجه الريح القوية
انا الي شعبي صمد
في الضفة وبغزة الأبية
انا الي شعبي انتفض
وبحجر حارب دورية
واليوم وبكرا وللابد
عنا كلمة وحدة
فلسطيني وافتخر

اقتباس :: "فلسطيني ممنوع تعيش -----"

"فلسطيني لازم تعيش -----"
تسلم ايدك ابراهيم على القصيده دي

فلسطيني وما بقبل إلا بفلسطين حرة عربية
مشكور أخوي منجد كلمات رائعة

اقتباس :

فلسطيني وما بقبل إلا بفلسطين حرة عربية
مشكور أخوي منجد كلمات رائعة

بار الله فيكى اختى فلسطينية

نورتى الموضوع

و الله العضيم رووووووووووعة مش عارفة اقلك ايه
عجز اللسان عن القول بجد حاجة جميلة والي الامام ابراهيم

تقبل تحياتي:ميسووووووو

جزاك الله خيرا وزود حسناتك

تسلم ايدك

تسلم ايديك والبطن اللي حملك
بجد انت روووووعة بكل ما فيك
فلسطين مفتخرة بشباب مثلك
الله يجزيك الخير

اقتباس :: تسلم ايديك والبطن اللي حملك
بجد انت روووووعة بكل ما فيك
فلسطين مفتخرة بشباب مثلك
الله يجزيك الخير

جزاكى الله كل خير أختى

شرفتى الموضوع بمرورك الطيب

جزانا الله واياكى خير الجزاء

مشكور اخي ابراهيم علي كلماتك الرائعه
وجزاك الله خيرا
وننتظر منك المزيد

سلم ايديك يا اخي علي هاي القصيدة
قصيييدة والله رووووعة
والله غصبن عن الكل راح يعيش

جزاك الله خيرا
الله يعطيك الف عافية
دمت بخير وبعون الله ورعايته