| يوميات شاب عادي (الحلقة الاولى والثانية ) | |
|
+8طالبة عفو الرحمن ابو تامر نسمه شموخ عالم سمسم BeeBooo a white rose Dr_aya Ayman 3nbar 12 مشترك |
كاتب الموضوع | رسالة |
---|
Ayman 3nbar نهـــــــــــر عطـــــــاء
عدد المساهمات : 2626 العمر : 37 الاوسمة: : النشاط : 3365 التقييم : 523
| موضوع: يوميات شاب عادي (الحلقة الاولى والثانية ) الثلاثاء مايو 11, 2010 9:57 pm | |
| بسم الله الرحمن الرحيم
يلا يا جماعة كلاكيت أول مرة هنبدأ التصوير ملحوظة : ألحق العرض الأول ولا تبقى للأعادة
بعون الله نبدأ
الحلقة الاولى
على بوابة الألتزام
فى احدى شوارع الأسكندرية تقف عمارة شامخة آيلة للسقوط كما هو الحال مع كثير من عمارات مصرنا المحروسة وفى إحدى طوابق هذه العمارة تسكن أسرة مصرية بسيطه تتكون من خمسة افراد اب : موظف عادى فى احدى الشركات ام : ربة منزل اخت : عائشة واخ: بطلنا الهمام ( عبد الرحمن) واخت صغرى: فاطمة الساعة الثامنة صباحا ام عبد الرحمن: قوم ياابنى تعبتنى معاك اول يوم فى الكلية ومش هتروح عبد الرحمن: حاضر ياماما قايم اهه ربع ساعه بس ام عبد الرحمن: خلاص براحتك انا زهقت منك تروح ماتروحش انت حر
بعد نصف ساعة عبد الرحمن: صباح الخير ياست الكل ام عبد الرحمن : اهو هو ده الى واخدينه منك روح الكلية بقى مش من اولها كده عبد الرحمن: حاضر اعتبرينى روحت خلاص بعد ساعة من اللكاعه نزل من البيت أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف) ركب صاحبنا الاتوبيس وماأكثر الزحام وطبعا لم يسلم من واحده صاحية متأخر ومتعصبه وهى رايحه الشغل وواحد مراته واخده منه مصروف البيت ومنكده عليه على الصبح ومتخدش فى بالك طبعا اللى قاعدين على الكراسى فكلهم طالعين رحلة لا ينزلون إلا فى نهاية الخط
المهم انتهت معركة الاتوبيس بالفوز المبين ووصل للكلية حينما رأى سور الجامعة عادت به الذاكرة الى الوراء شهورا ياااااااااااااااااااااه خلصنا خلاص من الثانوية العامة وتعبها اخيرا دخلنا الكلية أهى هيه دى الحرية ولا بلاش أخيرا هنعشها صح
خطى اولى خطواته داخل الجامعة وعلى البوابة....
الحارس: اين الكارنيه؟ عبد الرحمن: انا لسه سنة اولى الحارس: طيب وياريت تبقى تعمله ماتنمش عليه دخل عبد الرحمن وهو بيقول: هو ماله الأخ فى حد مزعله؟
ظل يبحث طويلا عن جدول المحاضرات ليدونه فوجده اخيرا ودونه فهو لا يعرف حد فى الكلية فالشلة الكريمه بتاعته غالبهم لم ينجحوا الجزء الاخر التحقوا بمعاهد خاصة وصل الى المدرج وجلس الساعة الأن 12: 30 دقيقة بدأ الدكتور فى الترحيب بهم وخلاف ذلك مما يتحدث فيه الدكاتره اول يوم
وفجأة إرتفع آذان الظهر لم يهتز لاخينا عبد الرحمن طرف(فهو بعد لم يلتزم) حدثه احد الاخوة بجواره يبدو عليه الالتزام الن تصلى يااخى؟ضحك): طيب والمحاضرة؟ هنستأذن ونرجع على طول امممممممم اصلى مش متوضئ تعال ننزل ونتوضئ من مسجد الكلية معلش اتفضل انت عشان ماضيعش المحاضرة آل يعنى الولا هيقطع نفسه مذاكرة من أول يوم
براحتك بس عايز اقلك حاجه النجاح يبدأ من المسجد ربنا يهديك
وقال صاحبنا فى نفسه: هو فيه ايه؟ ليه كل ده؟ ماعلينا انتهت المحاضرة وعاد عبد الرحمن للبيت
الام : اهلا ياعبد الرحمن اخبار الكلية ايه؟ عبد الرحمن : كويسه بتسلم عليكى الام: مالك فى حاجه ؟ عبد الرحمن : لا عادى هاتيلى اكل يأكل ): اتغدى صاحبنا ودخل لينام تقلب على السرير بعض الوقت يشعر انه مخنوق أهو هتقول إيه فاضى بأه لايعرف لماذا هذا الشعور الح على نفسه بالنوم لعله يستيقظ وقد ذهب عنه الذى يجده فى صدره استيقظ بعد ساعات ولم يذهب مابه مبدهاش أقوم احسن أفتح النت قضى الليل كله امام النت وقبل الفجر بساعة نام............... ولتشتكى يافجر من عبد الرحمن فى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق أن يحدثه أحد ذهب للكلية ودخل المدرج ولم يلتفت حوله لانه بعد لم يستيقظ من النوم
نبهه اخ بجواره بقوله : السلام عليكم يااخى انا محمد وانت؟ انا : عبد الرحمن محمد: ماشاء الله اسمك جميل جدا ماتتصورش انا بحب اسم عبد الرحمن أد إيه معناه حلو اوى من الرحمة واحنا محتاجين للرحمة جدا فى أيامنا الوردى دى ضحك): عبد الرحمن: بدى عليه علامات التعجب ولا جواب!!! محمد : انت مضايق عشان انا بكلمك ولاحاجه عبد الرحمن : لا انا مضايق لوحدى محمد: طيب ممكن نبقى اصحاب وتفضفضلى ؟ عبد الرحمن: ممكن نبقى اصحاب!!! محمد : طيب ممكن تأخد منى الشريط ده عربون صداقة عبد الرحمن: أخده منه ولم ينظر حتى فى اسم الشريط" شكرا" وحان وقت صلاة الظهر محمد: يالا يابطل ننزل نصلى اكيد لما تصلى هتبقى تمام عبد الرحمن: هبى تمام ازاى يعنى؟ محمد : لأن الله عز وجل قال ( ألا بذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا عبد الرحمن: ايوه ونعم بالله بالله نزل صحبنا معاه وهو طبعا مبلم مش فاهم إيه الحكاية لماذا يريد هذا الشاب أن يصاحبنى هو يعرفنى منين وعايز ياترى منى إيه ونزلا الى المسجد وعند دخولهم للمسجد وقعت عينه على شئ غرييييييييييييييييييييب جدا أتفجع أول ما شافه
ياترى ما هو؟؟؟؟؟؟؟؟؟؟؟؟؟
الحلقة الثانية
الـــــخـــــطـــــوة الأولـــــــى
خطى صاحبنا أول خطوة له فى المسجد ... بخطوات ثقيلة ولا يذكر آخر مرة دخل فيها المسجد متى كانت دخل بعد طول غياب... دخل بصمت وسكون عجيبين لكن قطع كل هذا أن وقعت عينه على مشهد لم يره من قبل...رأى شاب مضيئ الوجه يكاد ينير القمر فى وجهه رغم أنه لم يكن أبيض البشرة كثيرا إلا أن وجهه يشع يقرأ فى مصحف ويبدو عليه الخشوع والتأثر جدا حتى انه قد انحدرت من عينيه على خديه دمعتان تصف ما حلّ به من تأثر فما أن رأى وجهه حتى تعلقت عيناه به وكأنه مكتوب عليه ممنوع اللمس وحينها دار فى عقله : ياترى مين الواد ده إيه النور ألى فى وشه ده
كان أمرا غريبا لم يره من قبل وما زاده اندهاشا هو أن الشاب رفع عينيه من المصحف ونظر إليه ومع ماهو فيه من تأثر إلا انه تبسم له ابتسامة جميلة زادت من وجهه نورا على نور تعجب عبد الرحمن : هل هو يعرفني؟
لا أنا لم أره من قبل إذا فلماذا يبتسم لي وهو على هذه الحالة؟ لم يكن يعلم عبد الرحمن إن تلك الأبتسامة بمثابة ترحيب له بل لم يكن يعلم أنها ستكون سبب هدايته
وفجأة
** قطع الصمت.. صوت الإقامة فانتبه عبد الرحمن أن صديقه محمد كان يحدثه كل تلك الفتره إلا أنه لم يسمع منه كلمه واحدة ......ثم وقفت الصفوف للصلاة فتعمد الأخ صاحب الوجه المضيء أن يقف بجواره ولم يكلمه وضحك:كبروا للصلاة ......كبر عبد الرحمن للصلاة يااااااااااااااااااه
شعر صاحبنا بشىء غريب يسرى فى جسده هل السبب لأنه لم يصل ِ من زمن فات أم لأن جسده يلامس جسد ذاك الشاب الغريب وكأنه قد لامس سلك كهربا لم يخشع فى الصلاة كما ينبغي إلا انه لما انتهى من الصلاة شعر بشعور غريب فى قلبه لم يعرفوصف هذا الشعور اهو أرتياح ام ماذا....المهم......لما انتهت الصلاة سلم عليه الاخ وقال له : السلام عليك انت جديد فى الكلية؟ عبد الرحمن : ايوه الاخ: مرحبا بك معنا ما شاء الله وشك منور ياريت ماتحرمناش نشوفك فى المسجد أحبك فى الله ضحك صاحبنا فى عقله وقال فى سره : أما أنا وشى منور أمال هو وشه فى إيه ماس كهربى
ثم قطع محمد تفكيره مرة أخرى وقاله :ايه ياعبد الرحمن مالك؟ عبد الرحمن: لا أبدا هو مين ده ؟ محمد: ده الشيخ معاذ أخ نحسبه على خير فى سنة ثالثة ، خير انت بتسأل عنه ليه؟ عبد الرحمن : لا أبدا بس اصله كلامه حلو اوى.
محمد: ايوه .. هو ماشاء الله عليه مشهور بحسن خلقه غير كدة مولعها فى الكلية دروس ودعوة وقرآن مبيفوتش ثانية عقبالك وقبالى كدة أما نكون زيه عبد الرحمن: هو ينفع يعنى ان انا اروح اكلمه واقوله انى عايز اتعرف عليه؟ محمد : ايوه اكيد عبد الرحمن: ولابلاش مش لازم النهارده محمد: ليه؟ عبد الرحمن: مش عارف مش مهم خليها بكره محمد :طب إيه رأيك تدينى رقم تليفونك عشان أبقى أطمن عليك عبد الرحمن : أه طيب أتفضل أهو "............"
استحي عبد الرحمن ان يذهب ليحادث معاذ فقد شعر فى نفسه انه لايصلح ان يحادث هذا الشاب الصالح حس بفرق كبير بينهم
خرج من المسجد ليعود الى المحاضرة ... ثم حان وقت عودته للبيت فخرج ليركب المواصلات لم يشعر هذا اليوم بزحمة السير فقد كان باله شارد ولم يستفق الا وهو يضع المفتاح فى باب المنزل ويدخل....
عائشة اخته: اهلا اهلا استاذ عبد الرحمن عاش من شافك بتنام والناس صاحيين وتصحى والناس نايميين
عبد الرحمن:إيه يا خفة أبعدى عنى دلوقتى عشان الموضوع مشناقصك
ثم أبتسم إبتسامة جميلة عائشة: خير ايه ايه الهدوء ألى نزل عليك فجأة ده ؟ حد مزعلك؟
عبد الرحمن : لا مافيش
عائشه :طيب تتغدى
عبد الرحمن: لا هدخل اريح شويه لانى تعبان
عائشه : طيب استنى اتغدى ونام
عبد الرحمن: لا مش قادر اصل انا تعبان
عائشة : طيب روح نام
دخل عبد الرحمن لغرفته وبدل ملابسه واستلقى على السرير وكل مرة يحاول ينام وميقدرش من الملل ألى هو فيه والحياة الروتينية ألا أن تلك المرة لم ينم لأنه مازال يذكر ذلك الوجه يا ترى فى حد فى الأيام دى زيه كده إيه الناس دى ياترى بيعملوا إيه
وسعتها سمع صوت غريب جوة نفسه بيقوله: أنت مالك ومال الناس دى ياعم دى عالم واصلة بس دا صغير مش أكبر منى بكتير يعنى يييييييييه أنا هقرف نفسى والا إيه سيبك بأه وخلينا ننام شوية
وما أن قاربت عينه على النعاس الا وايقظها صوت كأنه اول مرة يسمعه
الله اكبر .. الله أكبر .. الله أكبر ... الله أكبر ... اشهد الا اله الا الله ... اشهد الا اله الا الله... اشهد ان محمدا رسول الله... اشهد ان محمدا رسول الله... حى على الصلاة.. حى على الصلاة....
الصلاة انها صلاة العصر هل ستدفع شيطانك ياعبد الرحمن وتقوم لتؤدى صلاة العصر ؟ ام ان الايمان فى قلبك لم يزل اضعف من محاربة الشيطان ؟لكن عينه غلبته للنعاس فنام ....
وياريته ما نام ياترى إيه اللى هيحصل وهو نايم ومكانش عايزه يحصل....؟؟؟
تابعونا فى الحلقه القادمة
| |
|
| |
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 6:13 am | |
| سبحان الله قصة رائعة فعلا عشتها وتخيلتها أمامي بأشخاصها أرجوك ايمن لا تحرمنا من بقيتها لكن كان عندي اقتراح تنزل حلقة حلقة علشان التشويق يبقي اكتر جزاك الله خيرا | |
|
| |
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 6:15 am | |
| نسيت أقول مع التقييم | |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 9:11 am | |
| جزاك الله خيرا أيمن منتظريييييييييييييييييييييييييييييييييين باقي الحلقات مع التقيييييييييم | |
|
| |
BeeBooo صاحب الطلة البهية
عدد المساهمات : 11574 العمر : 35 الاوسمة: : النشاط : 14043 التقييم : 1869
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 4:48 pm | |
| جزاك الله خيرا ايمـــــــــن جميييييييييلة الفكرة والعرض وكما قالت ايوووت حلقة بحلقة حتى تكون يسيرة وحتى يزيد التشويق ..
| |
|
| |
عالم سمسم SEMSEMA
عدد المساهمات : 7268 العمر : 37 الاوسمة: : النشاط : 3204 التقييم : 293
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 6:18 pm | |
| جزاك الله خيرا بجد حلوة قوووووووووي وبتتقفل بقفله مشوقه تسلم ايدك ومنتظرين الباقي
| |
|
| |
Ayman 3nbar نهـــــــــــر عطـــــــاء
عدد المساهمات : 2626 العمر : 37 الاوسمة: : النشاط : 3365 التقييم : 523
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 6:32 pm | |
| جزانا واياكم جميعا بس ياجماعة دولة اكتر من 44 حلقة انا مش عايزكم تحسو بالملل | |
|
| |
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 6:58 pm | |
| لا مش هنمل وادينا قاعدين مع بعض احنا رايحين فين زي ما خلصنا الاربعين النووية نخلصهم لو ربنا كتبلنا عمر علشان انا عايزة اقاها كل يوم ع السريع بعد الفجر او وانا رايحة الكلية وما اخدش وقت | |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: يوميات شاب عادي (الحلقة الاولى والثانية ) الأربعاء مايو 12, 2010 7:59 pm | |
| بجد حلوة قوووووووووي جزاك الله خيرا ايمـــن بنتظار باقي الحلقات احلى تقيييييم
| |
|
| |
ابو تامر صديق لامع
عدد المساهمات : 1975 العمر : 47 الاوسمة: : النشاط : 3033 التقييم : 237
| موضوع: رد: يوميات شاب عادي (الحلقة الاولى والثانية ) الجمعة أكتوبر 15, 2010 8:39 pm | |
| جزاك الله خيراعلي مواضيعك وننتظرمنكم ما هو جديد | |
|
| |
طالبة عفو الرحمن زهرة ندية من فلسطين الحبيبة
عدد المساهمات : 5925 العمر : 31 الاوسمة: : النشاط : 7566 التقييم : 850
| موضوع: رد: يوميات شاب عادي (الحلقة الاولى والثانية ) السبت أكتوبر 16, 2010 8:32 pm | |
| | |
|
| |
مي زياد صديق ماسي
عدد المساهمات : 149 العمر : 35 الاوسمة: : النشاط : 249 التقييم : 67
| موضوع: رد: يوميات شاب عادي (الحلقة الاولى والثانية ) الثلاثاء أكتوبر 19, 2010 1:26 am | |
| لقد ابدعت واقتحمت كل القلوب التى مرت من هنا دون اى استئذان بطرحك الراااائع والمتميز فانت مبدع دائما وابدا تقبل اجمل ورودي وارق تحياتي
| |
|
| |
ملاااك صديق لامع
عدد المساهمات : 7104 العمر : 33 الاوسمة: : النشاط : 9108 التقييم : 838
| موضوع: رد: يوميات شاب عادي (الحلقة الاولى والثانية ) الثلاثاء أكتوبر 19, 2010 12:12 pm | |
| قصة روعة كتييير مشتاقة لاكملهااا واعرف شو راح يصير جزاك الله كل خير | |
|
| |
Mahmoud Ali صديق لامع
عدد المساهمات : 420 العمر : 29 الاوسمة: : النشاط : 506 التقييم : 46
| موضوع: رد: يوميات شاب عادي (الحلقة الاولى والثانية ) الثلاثاء يوليو 12, 2011 4:43 pm | |
| قصه حلوه انا مش سيبها الاما اخلصها | |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: يوميات شاب عادي (الحلقة الاولى والثانية ) الأحد مارس 25, 2012 12:31 am | |
| يلا يا جماعة كلاكيت مرة تاني هنرفع مواضيع قسم شاب عادي من باب التجديد جزى الله عنا كل الخير باشمهندس ايمن تعب معنا لغايه ما كمل المسلسل كله ونبداء بسم الله ++ | |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: يوميات شاب عادي (الحلقة الاولى والثانية ) الخميس مارس 29, 2012 12:34 am | |
| جزاك الله خيرا باشمهندس أيمن وجزاك الله خيرا سلووومة على الكلاكيت ثانى مرة متابعين بقية الحلقات لما سلمى ترفعهم | |
|
| |
| يوميات شاب عادي (الحلقة الاولى والثانية ) | |
|