دكتورة المنتدى على كرسي الإعتراف

روز انا لقيت الحل

شوفى دا كدا





احنا عاوزين زيه للشيكولاته

اقتباس :

الظاهر يا آيه محدش عايز يسالك غيري انا

ما تحسرنيش يا ختي
ومالك بتقولي آية بالفم الاخضر كدة ( قصدي المليان ) فاهماكي انا يا لئيمة
سوال كده
---
يقال ان الصمت ابلغ لغات العالم!
ويقال أن الكلام من فضة والسكوت من ذهب.
اذن/ ماهو الموقف الذي تفضل به الصمت عن الكلام
ماا فيش
أو بمعني اصح ما بعرفش
ما اعرفش اسكت
اي موقف يحصل معايا لازم اتكلم ولو ما اتكلمتش اموت
ودة مش صح داينا طبعا
يعني احيانا في ناس تستفزني بالكلام ويبقي المفروض ما اردش ولا اهتم
ومع ذلك ما اعرفش اعمل كدة
كمان في ناس تضايقني ويبقوا ما يستهلوش حتي العتاب
وبرضه لازم اكلمهم
بس دة احينا بيبقي ميزة لانها بتوضح حاجات
يعني في ناس ممكن نبقي فاهمينهم غلط لكن كل ما كلمناهم كل ما عرفناهم
والعكس ماهو الموقف الذي لا تسطتيع الصمت وتبداءي بالكلام ؟
تقدري تقولي اني طول الوقت بتكلم
حتي وانا مسافرة في العربية لولا انا بطبيعتي صوتي مش عالي كان زمان الركاب رموني من الشباك من كتر ما بكلم زميلاتي ولو حسيت اني زودتها بطلع كتاب اقراه او اقري في المصحف علشان ابطل كلام
ايضا هل أحسستي بألم الصمت مره ؟
مرات
لأن في اشخاص في حياتنا كلنا بنبقي عايزين نكلمهم في مواقف معينة
بس ممكن حاجات كتير تمنعنا ( خجل ,, احترام ,, مراعاة شعور .,,,,,,,, الخ )
ماذا تفعلين إذا كنتي لا تستطعين التغلب على صمتك عندما يساء إليكي ان حصل ذاك او لم يحصل ؟!!!
انا زي ما قلت قبل كدة مش بعرف اسكت ابداااااااااا
ودة احيانا بينفع واحيانا لاااااا

اعذريني ايووت
عارفه انك اليوم اجازه

استغلالية
بس بحبك

شكرا سلومتي علي العصير
بس المرة الجاية اعملي حسابك انا بحب الفاكهة كدة سليمة
العصير ما ليش فيه قوي بس اشربه علشان خاطر عيونك
وبالنسبة لروز ونتتظر اتهنوا بالشيكولاتة براحتكم
أنا بحب اتفرج عليها بس

المنتظر لبلاد الافراح كتب:

روز انا لقيت الحل

شوفى دا كدا



احنا عاوزين زيه للشيكولاته

ياربي يا منتظر عرفت تجيبها ازاي دي ؟؟؟؟؟؟؟؟؟؟؟

شوفت الحلم ازاي ينفع يتحقق بسهولة

معلش بس انا شيلت الرابط علشان فيه بنت بتظهر فيه

تسلم يا منتظر ربنا يكرمك ضحكتني ضحك

احلى شكر منتظر

معلش احنا احتلينا موضوع اية
بس علشان عارفة انك هتتواصل معايا هنا

تحب تكتب كلمات معينة بدل كلمة صديق لامع ؟
زي وردة المنتدى كده

اقتباس :

ما تحسرنيش يا ختي
ومالك بتقولي آية بالفم الاخضر كدة ( قصدي المليان ) فاهماكي انا يا لئيمة

اقتباس :

شكرا سلومتي علي العصير
بس المرة الجاية اعملي حسابك انا بحب الفاكهة كدة سليمة
العصير ما ليش فيه قوي بس اشربه علشان خاطر عيونك

طب اوووكي اتفضلي صحن الفواكه ده بالهناء والشفاء

تسلميلي يا سلومتي

اقتباس :

آيه

هل تعتقدين فى الحظ

يعنى احياناً لما مش بتعرفى تعملى حاجه بتقولى اصل حظى مكانش كويس؟
nooooooooooooooooooooo
اكره كلمة في جياتي كلمة الحظ
عارف استاذ معاذ
احيانا الاقي ناس في حياتي يعترضوا علي قضاء ربنا بكلمة حظ نصيب وغيره
ودة بيفرسني جدااااااااااااااااااا
يعني مثلا واحدة مش جميلة قوي مثلا تتخطب
أو تتجوز تلاقي ضعاف النفوس حواليك يفضلوا يرددا حظوظ
مش عارف ايه مش فلانة الجميلة اللي اللي وهكذا
بجد بتضايق جدا لما اسمع كدة لأن دة اعتراض علي قضاء ربنا
انا مؤمنة جدا ان ربنا خلقنا كلنا بميزان حتي لو اخد منا حاجات
بيدينا حاجات تانية
الاختلاف والتفاوت اللي بيحصل في الدنيا فيما بعد
احنا اللي بنعمله مش ربنا
حتي لو ربنا بيدي حد حاجة زيادة انا بعتبر دة رضا وكرم
مش حظ
انا مثلا بعتبر تفوقي الدراسي خاصة قبل الكلية رضا وكرم من ربنا
الرضا دة بيشيلني حمل كبير زي ما اكون انا المفروض ارضي ربنا قوي
علشان اوفي النعم اللي بيديهالي ( ومش هقدر طبعا )
في حين ان بعض زميلاتي بيعتبروا ان دة حظ ( وانا مش شايفة كدة )
انا مؤمنة بالقضاء والقدر وليس الحظ
ويمكن اللي مخليني قادرة اعيش في الدنيا دي
ان شايفة ان مهما ربنا ابتلاني فأنا زيي زي اي حد
الكل مبتلي لكن بصور مختلفة
وقد يكون ابتلاء انا شايفاه بسيط
بالنسبة لحد تاني بظروف تانية كارثة ومصيبة
*********
انت فى يوم زفافك كيف تحبين ان يكون هذا اليوم احكى لنا بالضبط هل

ستقومين بعمل فرح وخلافه ولا ايه

نريد شرح وافى .........
عائلتي )
(للاستفاده)
الحقيقة انا اتربيت في بيئة ( بالنسبة لموضوع الافراح دة ) الفرح بيبقي في نادي
أو في الشارع وبيبقي موجود اغاني وزفة كدة مش لوقت متاخر و اهم حاجة الناس تاكل

بس ما فيش لا رقص ولا حاجات من اللي بنشوفها اليويمن دول
وبتبقي العروسة محجبة يعني فرح نقدر نقول عليه معتدل
( علي الاقل في محيط عائلتي )
وانا بقي كبنت من وانا صغيرة لو تخيلت يوم فرحي هيبقي بالشكل دة
دة كان زمان لان الي حد ما كان الناس عندهم وعي اقل
دلوقت تفكيري اختلف شوية
اتمني الاول لما يحين وقت زواجي يكون انسان متدين
وبصراحة انا جربت الفرح الاسلامي وعجبني جدا
يعني اتمني ربنا يرزقني بزوج صالح ومتدين في المستقبل ان شاء الله ويعمل فرح اسلامي
في نظام بيتعمل للأفراح الاسلامية عندنا دلوقت بيبقي النادي فيه قاعة فوق واعة تحت بتبقي واحدة للنساء وواحدة للرجال
وبيبقي فيه اناشيد اسلامية وكدة
لكن علشان اكون صريحة
لو اتقدملي حد محترم متدين ومعتدل وكان عايز يعمل فرح في نادي بأغاني وكدة
مش هيكون دة عائق بالنسبة ليا
خاصة وانه مش بيبقي مستفز قوي زي افراح تانية بشوفها
وان كنت طبعا لو افتعته يكون افضل

*********
فى حياة كل منا اهداف ومن هذه الاهداف نحدد اولويات

قوليلنا على هدف نجحت فى التخطيط له ونفذتى الخطه ونجحت فيه

بس بالتفصيل يعنى كان ايه الهدف وازاى وضعت الطرق والاساليب عشان تنجحى

ولما قابلتك مشاكل كنت مخططى لها ازاى ولما قابلتك مشكله مكانش معمول حسابها عملت ايه

عمري للأسف ما مشيت وفقا لخطة
حتي مهاراتي التعليمية اكتشفتها بالصدفة
يعني طول السنة مش بذاكر قوي
واجي ايام الامتحانات اذاكر والاقي نفسي فجاة طلعت الاولي ازاي ما اعرفش
عمري ما حطيت في بالي اني اطلع الأولي او اتعدي فلان او فلانة
حتي يوم ما حلمت ما حققتش حلمي
كان نفسي اكون مدرسة وما نفعش
(لأن مجموعي كبير مش العكس )
وازاي بقي واحدة جايبة 99.9 وتبقي مدرسة ( مش كلامي طبعا )
حتي ما جاهدتش كتير وما عارضتش كتير
يوم ما اتزنقت ولقيت نفسي خلاص داخلة طب ( جهنم بالنسبة لي في الوقت دة )
اتصلت بشيخ وانا ببكي وقولتله هو لو رضيت والدي ووالدتي علي حساب رغبتي
وفي حاجة مستقبلية ( وحكيت له الموضوع ) اخد ثواب
قالي اكيد
واقنعت نفسي بقي بالثواب دة وانه كفاية عليا
ودخلت طب ولسة ماشية فيها بلا هدف
بس اختلف شعوري ناحيتها بعض الشيء
كفاية دول الوقتى انا عارف انى تقيل شويتين يلا استحملينى بقه
لا ولا يهمك استاذ معاذ
حضرتك تنور الموضوع
دة غير ان اسئلتك رائعة

والله ان كان كدة ابقي محظوظة جدا يا استاذ معاذ
خلاص هسيبلك موضوع التخطيط دة
أصل أنا موحاتي طول عمرها علي قدها
علشان كدة مش دايما بفكر في بكرة ولا بخطط
سايباها علي الله
ولو اني عارفة طبعا ان التخطيط افضل
دايما كلامك مفيد جدا استاذ معاذ

يسلمووو موضوعك حلووو كتير
الله يعطيكي الف عافية
ننتظر ما هو جديد لديك

ماشي ماشي
بس مش فاهمة الأسئلة بجد
طيب خدني علي قد عقلي وغير بس قي صيغة الأسئلة
او اللي فاهم يفهمني يا جماعة
معلش مخي طلسم من كتر الحفظ

هههههههههه
عارف المشكلة كانت فين
في الاقواس اللي انت عاملها دي
طيب مش تحط فيها نقط علشان افهم انك عايز حاجة تساوي دي
ضحكتني والله يا رحال
نجاوب بقي يا سيدي
بس بعد الفاصل
اووووووووول ما ارجع من الكلية ان شاء الله

اقتباس :

- للدنيا امال وللهدف صعاب كيف تجمعين بين الأثنين في ظل تواجد ايوت في أجمل ما تتمني ؟

زي ما قلت قبل كدة
انا في الغالب مش بيبقي عندي اهداف
ببقي اه عندي امال بس مش بخططلها
بسيبها علي لاالله كدة وزي ما تيجي
مش معني كدة طبعا اني مش بقايل صعاب
لا بقابل كتيييييييييير جدا وانا اصلا حاسة اني شلت مسؤلية في وقت كنت فيه صغيرة جدا
لكن مع كل الصعوبات دي عمري ما بتغير لا للأحسن ولا للأسوأ
أنا من النوع اللي صعب اتغير لأن عندي مباديء ثايته صعب قوي اغيرها
وانا مؤمنة جدا بقضاء الله وعارفة ان المكتوب ليا هيكون
اه بسعي بس لو ربنا اراد شيء انا مش عايزاه برضي واسلم امري ليه
لكن من غير ما اتغير من جوايا
في اوقات كتير حاولت اغير حاجات فيا بس ما عرفتش

اقتباس :

الدنيا وما فيها والسماء وما عليها وكنوذ العالم لا تكفي

أمي وكل ما يتعلق بيها

اقتباس :

الخوف " "

أكثر شعور بيلازمني

اقتباس :

- الضحكة " "

أحسن حاجة يعملها الطفل

اقتباس :

رأيك بإنسان عاد إلي تمني بحلم أكبر مما كان بظروف أصعب مما فات ونسبة ال 1 % لا تفارق عيناه ؟

والله الراجل دة اين حلال مصفي
لا بجد انا بحب الناس اللي بيبقي عندها امل متمسكة بيه دة
بس بما اني واقعية نوعا ما
فنصيحتي للشخص دة انه يتمسك بأمله ماشي ما قلناش حاجة
بس في نفس الوقت يفكر بموضوعية ويحط قدامه كل الاحتمالات علشا لو لا قدر الله ربنا ما حققلوش حلمه ما يتصدمش وينهار وقتها
نورت رحال وفي انتظار اسئلة اخري

فكرة بغاية الروعة
يسلمووو بجد روعة اعجبتنى اكتيررر
بانتظار القادم

اقتباس :

لا ياختي انا بطلت اسال
ههههههههههه ال اسال ال
واقعد شهرين تاني علي ما تجاوبي
لا بجد تسلمين علي الاجابات

ههههههههه
معلش بقي جت معاك كدة
اسئلتك فكرتني بأسئلة المسابقات مادة العربي والفيزياء مسابقات اوائل الطلبة

اقتباس :

فكرة بغاية الروعة
يسلمووو بجد روعة اعجبتنى اكتيررر
بانتظار القادم

شكرا مي
ربنا يكرمك