نداء إلى باشمهندس حسام وروز ودكتور آية وسلمى

السلام عليكم اسماء

اممممممممم
المسلمين مش نايمين على ودانهم ولا حاجة ..
بالعكس دول فايقين كويس قوى وبيردوا

وعايز اقولك انى حماسى لموضوعك .. كان نتيجة متابعة جيدة للحملة الشرسة
على الاسلام .. - فى صورة زيجات النبى + وبعض الشبهات الذابلة
عن انتشار الاسلام بالسيف والعدوان والعنصرية والتشدد

فى الفترة الاخيرة وبسبب اقباط المهجر ..
زاد الهجوم بشدة على شخصية النبى وزوجاته
واللى شجعهم على كده نظرة الغرب العدائية للاسلام
وخصوصا بعد احداث 11 سبتمبر ..
( والتى قد تكون مفتعلة لصنع عدو تقليدى بديل للشيوعية البائدة )

وظهرت قنوات وبرامج تهاجم الاسلام بشراسة .. واستغلت التأخر التقنى والمعرفى للمسلمين .. وتخلفهم المتزايد فى كل العالم التالت

زى مجموعة برامج موجهة للتبشيبر عن طريق تشويه الاسلام
زى .. المدعو زكريا بطرس : حوار الحق - سؤال صريح - هل كان محمد على خلق عظيم ؟

ولله الحمد وقف له افاضل العلماء والشباب الناشطين المهتمين .. وقهروه ودحروه
هو وحججه وبرامجه كلها الى اسفل سافلين

ولدى على الجهاز مجموعة حلقات .. تسحق ادعاءات هذا القمص بكل قوة واقتدار
وهى بعنوان ( اكاذيب زكريا بطرس ) مجموعة من خمس او ست اجزاء

------------
اريد ان اقول : انه لا بأس ولا خوف من عرض افكارهم لنردها والله المستعان
طبعا بعد التنقيح وشيء من تهذيب اقوالهم - وعرض الفكرة المقصودة
دون استخدام الحرفية فى كلامهم - وانا اعلم انك ناضجة كفاية وزكية بالقدر الكافى - وستفهمين قصدى سريعا
----------
من يومين او ثلاثة .. فى برنامج ال 10 مساءا
رايت فقرتين عن التهجم على الاسلام كديانة - ف امريكا
فى برنامج شهير وواسع الانتشار
وكيف قال المحلل السياسى ان الاسلام دين الارهاب .. استنادا على احداث 11 /9
فهاجمته اثنتان من المذيعات - وهما ممثلتان ف الاصل -
وعارضتاه بشدة وانسحبتا من اللقاء احتجاجا على تعميم سلوك بعض افراد الديانات ..
وبالتالى اتهام مرجعية ودين معين بالارهاب والفوضوية

ثم بعد يومين من هذا خرج مذيع شهير اخر .. فقال :
لا نقول ان جميع المسلمين ارهابيون .. وانما نقول ان جميع الارهابيين مسلمون
فكل ارهابى مسلم .. وليس كل مسلم ارهابى

وبعد هياج الرأى العام .. اضطر للاعتذار - الواهى - عن هذا ..!!
--------------
اقول ما المشكلة اذا ..؟؟
دعونا نرى ما يقولون .. ثم نوجه نشاطنا وجهدنا فى دفع شبهاتهم
وانا ارى - ما شاء الله - عقليات رائعة ومفكرة ونشيطة ومجتهدة هنا

وحتى لا قدر الله ولم نوفق فى دفع شبهة .. سنبحث ونسأل اهل الذكر
-------------
هذا رأيي .. وامرهم شورى بينهم

فى انتظار اراء الجميع

انا مع الاستاذ حسام بكل اللى قاله
اتفضلي اطرحي الترجمه وبقيادتك انتي والاستاذ حسام
ان شاء الله نرد على الاكاذيب اللى بيقولها على ديننا الحنيف
بالتوفيق وبنتطار
باقي الاراء
+++

يا استاذتنا ولا سرعة ولا حاجة .. انا اول ما شوفت الموضوع رديت على طول
وبالنسبة لحكاية امانة المترجم .. طبعا على عينى وراسى
انا قلت ترجمى رأيهم .. بس مفيش داعى لحرفية التعبير
يعنى ما ننساش ان القرآن اورد الاتهامات اللى قالها المشركين للرسول :
شاعر ومجنون وساحر ومفترٍ .. ( صلى الله عليه وسلم )
ولكنها صياغة قرآنية
انما الدراسة المقصودة لو فيها تعدى جارح او سب فيبقى مرفوض تماما
ومطلوب تنقيحه وتهذيبه بشكل او باخر
---------
بالنسبة للحلقات يا ريت كنت اعرف والله ما اتاخر .. بس هيا كل حلقة ساعة كاملة ..
ان شاء الله انزل لكم الرابط وتنزلوها
----------------
شوفى يا اسماء الترتيب هنا مش هاينفع .. انا هاشوف حل تانى ان شاء الله
------------
سلمى .. انتى لازم تكونى معانا طبعا .. ومش باختيارك
شكرا لحماسك ورأيك
واكيد روز و د/ آية ومعاذ وبيبو ورحال وايمن لما يرجعوا بالسلامة ..
وطبعا كل احلى اصحاب

اقتباس :

وفي انتظار باقي الاعضاء طبعا.. انا كتبت اسمكوا في العنوان عشان كنتوا موجودين ساعة اما ارسلت الموضوع .. انما الدعوة للكل

كلنا معاكى طبعا يا اسماء .. وربنا معانا جميعا
ويجعل نيتنا خالصة لوجهه تعالى ويقدرنا ع المسؤلية
-----------

اللهم أمين

انا اسفة علي التأخير في الرد يا سمسمة
وشكرا للتنبيه استاذ حسام
بالنسبة للموضوع انا بصراحة نفسيا مش بحب المواضيع اللي فيها اهانة لرسول او ما شابه
بخاف حتي اقراها وبحس ان في ناس اولي بكدة
انا مؤمنة والحمد لله ومش خايفة علي نفسي بس المواضيع دي بتضايقني نفسيا
يعني مثلا ايام الصور المسيئة للرسول كانت مالية النت والمنتديات ومع ذلك ما اتجراتش تشوفها لأني بحس بضيق لما اشوف حاجة زي كدة
الفيس بوك كمان مليان مجموعات ضد الرسول بل سب في الذات الالهية نفسها والعياذ بالله
لكن بخاف ادخل واقرا فيها
كمان المنتدي بيبقي فيه ناس سنهم صغير ومش فاهمين
وممكن مواضيع زي دي تاثر علي فكرهم او تخليهم يسرحول بفكرهم لبعيد
انا هنا مش فاهمة بالظبط هو ايه الهدف من الموضوع
اللي فهمته ان اسماء هتترجم موضوع فيه شبهات ناس مش مسلمين حطينها
طيب احنا بعد ما نطلع عليها ايه هيكون دورنا ؟؟
هل فعلا هنقدر بنفسنا نرد علي الشبهات دي ؟؟

السلام عليكم آية
طبعا رأيك يهمنا جدا .. ولذلك بعت لك الدعوة
برغم انى عارف موقفك ووجهة نظرك مسبقا
وكمان متأكد ان الموضوع لو اتعمل هنا واتنفذ ..
مستحيل تمتنعى او تتأخرى عن المشاركة
---------------
باختصار يا جماعة انا شايف انكم تقصدوا :
الباب اللى يجيلك منه الريح .. سدوا واستريح ..
وان مفيش ضرورة ملحة للخوض فى هذه المواجهة ..
صح كده اللى فهمته ؟؟

وانا شايف ان الموضوع لا فيه ريح ولا مواجهة صعبة
وانه هايبقى موضوع تقليدى زى باقى مواضيع الحملات ..
شوية حماس وشغل زيادة وبس
--------------
ويمكن الريح داخلة علينا من كل ناحية .. باب وشباك وبلكونة
نت وفضائيات وجمعيات تبشير وتشهير .. نشيطة جدا

موضوع الشبهات والمستشرقين مش جديد .. من الف سنة وزيادة

الجديد هو التنظيم والترتيب فى التهجم على الاسلام
والمزعج فى الموضوع الحقيقة ..
هو التزوير والتلفيق والكذب فى عرض نقاط الهجوم

الكارثة يا آية .. انهم بيقولوا :
ذكر فى صحيح البخارى ....
وجاء فى كتاب البداية والنهاية لابن كثير ..
وروى عن ابن مسعود ..
وقال ابن عباس ..

قال يعنى بيستشهدوا بكتب المسلمين ومراجعهم .. ويستنبطوا منها الكوارث
( اقلق واشك واضايق .. )

ارجع بقى للكتب المذكورة .. اكتشف الكذب والزور والبهتان فى كلام المفترين
على الاسلام وكتبه ومراجعه ..
------------
كل الحكاية انى واثق جدا ان كيدهم ضعيف ..
وحججهم اوهن من خيوط العنكبوت .. وبالتالى ما اى عنديش مشكلة ف المواجهة
------------
اذا كان الموضوع هايضايقكم .. ويتعبكم نفسيا
يبقى بلاش منه طبعا .. ولو كان موضوعى هاطالب بحذفه فورا
-----------
اشكرك على رأيك طبعا يا آية .. اكيد وجهة نظر ليها اعتبارها

وخصوصا ان فى سؤال ملح جدا :
هل منتدانا .. مكان مناسب لمثل هذه القضايا ؟؟

اه طبعا قصدك واضح يا اسماء
وفكرة ذكية جدا .. وسهل تنفيذها - على ما اظن -

لكن طبعا .. هانستنى راى الادارة وقرارها
لانى اعتقد ان روز وبيبو وآية وعمرو .. هايبقوا متفقين ف الرأى ..
----------
بس انا ليا رجاء شخصى :
- لو مفيهاش تعب عليكى طبعا -
انا عايز نسخة من الترجمة .. حتى لو الادارة رفضت عمل الموضوع
لو ترجمتى حاجة منها .. نزليها بنفس الفكرة بتاعتك ..
او ابعتيها فى اى موضوع وانا موجود ..
اخدها كوبى وبعدين امسحى المساهمة ..
وبرضه انا مش عايز اتعبك .. يعنى ما تشغليش بالك قوى
شكرا اسماء واية وسلمى

فكرتك الاخيرة حلوة يا اسماء
وانا معاكم لحد دلوقت
ومستنية بقية الأراء

يسلمووو كتيرالكم جميعا
ومنكم نستفيد

شكرا لمشاركتك يا ملاك
---------
الله ينور يا معاذ ..
انا معاك طبعا فى كل كلمة
بس عايز اضيف.. اننا محتاجين فى مرحلة الترتيب :
نوع من الغربلة .. والانتقاء
فى الدراسة
لاننا مش هانرد على تفاهات .. او امور شبعت رد وتصحيح
واكيد مش كل كلمة هايقولها واحد مسطح التفكير والدراسة - للاسلام -
هانشغل بالنا ووقتنا فى الرد عليه ..
وكل ده هايتعمل .. زى ما قالت اختنا اسماء فى الاشراف
-----------
ولسه ف انتظار ... ما تجود به الاقدار

 

لو هيا دى الفكرة العامة يا اسماء ..
( مشروعية التعدد - زواج النبى بذينب وعائشة وجويرية وصفية )
يبقى احب اطمنكم ..
انا عندى مناظرة كاملة بين الدكتور جمال بدوى والقس انيس شروش ..
وتناولوا فيها الادعاءات دى كلها + انتشار الاسلام بالسيف وضرب المرآة ف الاسلام
والحقيقة دكتور جمال اجاد الرد لدرجة الابداع .. وخاض المناظرة بكل قوة واقتدار
وعلم وثقة ..
وللعلم دكتور جمال من تلامذة المناظر العلامة الراحل الشيخ احمد ديدات

المناظرة موجودة وتحت امركم .. حتى لو وصلت انى اكتبها باليد وانزلها تباعا
كردود على الاتهامات .... وعموما انا محملها من النت .. يعنى تقدروا جميعا تحملوها .. وتستفيدوا وتستمتعوا بجمال ردود دكتور جمال
والله ولى التوفيق

اه فعلا يا سلمى احنا اتكلمنا ف الموضوع ده ف شعورك الان
عن احمد ديدات وجمال بدوى
-----------------------------

اقتباس :

ممكن كمان اننا نزل المقطع ونقدر كمان نحدد الفقره اللى احنا عاوزين زي ماعملنا بالضبط بمقاطع حمله القران علشان وقتك حضرتك أ.حسام لانه ككتابه رد بتاخذ وقت
والاايه رايكم

اهو كل واحد بيقول اللى يقدر عليه .. وانا آخرى اسمع واكتب ..
انما تقطيع ورفع وتحميل .. ملعبك يا سلمى انتى وعمرو وآية

يا سلام يا سلمى .. انتى عارفة انا باثق ف رأيك وقدراتك قد ايه ..!!
علشان كده قلت لك :

اقتباس :

سلمى .. انتى لازم تكونى معانا طبعا .. ومش باختيارك

انا رأيي اننا نجمع الاتنين .. سلمى تقطع وتنزل المقاطع
وانا انزل الردود مكتوبة .. للتاكيد
واكيد اى ردود خارجية منكم هاتزيد الفايدة وتدعم الرد
والا ايه ؟؟؟