محررة ... صدقنى محررة !!!

حلو ..!!!


السلام عليكم قصدي



مدام دخلت هالصفحة ...



سكر الباب وراك شوي شوي



واسمع لشو بحكيلك !!



بتعرف .. والا لأ ؟؟؟,لأ بلاش تعرف...



خلي صوتك واطي ومشِّي معي




بتتزكر قبل تلات أشهر وقت احداث الأقصى ؟؟







والا أحكيلك ..تتزكرش هاي




بتتزكر لما اليهود هجموا ع الأقصى وكانت بدها اتولع





برضو مش هاد اللي كنت بدي اياك تتزكرو ...






طيب بتتزكر لما الفصائل الفلسطينية دعت لانتفاضة تالتة!!!






ركز معي مش هاد اللي بدي إياك تتزكرو ...






تتزكر لما طلعوا شباب الضفة احتجاجات وكانو ناويين يولعوها؟؟






لاهيك زودتها ... مشِّي مخاتك معي خيو وخليك ع السليم ها!!





بتتزكر قائد الشرطة الفلسطينية الضميري





أكيد مش هو اللي بدي اياك تتزكرو





اتزكر معي شو حكى وقتها ؟؟؟








طلِّع هالجوهرة عاد !








ما عرفت ..خلص انا بزكرك .. بعيني الله








قال :"" المعركة موجودة في القدس ...من يريد الدفاع عنها فليذهب إلى القدس """









بس كمان القدس مش قضيتنا يابا ..مش مهمة القدس ..لهيك ,ما تتزكرها هاي برضو


!! طنش








بتتزكر لما حكى :



الضفة منطقة محررة وتخضع لسيطرتنا التامة"""







استنى .. شو ؟؟؟






الضفة محررة ... !!!





يــــــــــــــاي






شي حلو والله ...طلعت ضفتنا محررة





أنا اقتنعت بكلامو ... بس كأنك عم تضحك ؟؟





بتتمسخر ع الزلمة يعني...




آه الضفة محررة ..محررة ونص ... اعتقد !!!






ولهيك أنا جاي اليوم أثبتلك إنها محررة ما بكزب عليك




بما إنك مش مصدق ...رح اعطيك مثال عن منطقة موجود فيها السيطرة السلطاوية الفلسطينية التامة وفيها مقر الرئيس الفلسطيني !! وكل الوزارات وكل شي بخص السلطة !!



عرفت المنطقة ؟؟؟




رام الله يا فـــــــالح








امشي معي ورح اتشوف إنها محررة !!!
.
.
.
امشي معي ورح اتشوف إنها محررة !!!






ويلكم تو رام الله ...يا هلا بالربع!!!



صحيح هالآرمة مكتوب عليها عبري وهالمنطقة كلها يهود


بس صدقني رام الله امحررة ..



ما اتركز بالصورة كتيير ...أنا لسه بدي ادخلك ع منطقة السيطرة الفلسطينية


هاي نقطة تفتيش حاجز قلنديا حاطينو هيك لانو الإسرائيلية بحبو

يستصبحو بوجوهنا!!!


يا عمي ..انت ليش بتطلع ع الشغلات البسيطة !!!


مجرد جدار محوطنا ..يعني مش هالإشي


طيب أريح ضميرك !


احنا مسيطرين تماما على المنطقة اللي جوة هالجدار ..



يعني المنطقة ما بعد الجدار بـــ55 كيلو متر ازا مش أكتر


صدِّقني يا نِكَدي..


يعني انت لا سمح الله شايفني من النوع اللي بجامل ...لا والإله


وبعدين احنا كتيير مبسوطين على بنائهم للجدار ..خلونا انفجر طاقاتنا الإبداعية ..آآآه الإبداعية!!


صرنا نثبت وجودنا بالرسم والألوان يا أخي !!!




وبعدين ..صرنا انلاقي حيطان بتعبي العين وبتنفع نضرب فيها روس نساوينا القاسية والعنيدة !!



وصرنا نشتاق للجيران ..فيما كنا نتقاتل من زمان ..



يا عمي وشو رأيك انو صرنا نفهم قيمة الأرض ..آآآه صرنا نفهم قيمة الأرض والزيتونة !!



يا خيي والله انك بسيط ومش عارف اشي عن هالدنيا ..




مش بقولو الدنيا سجن بسقف مفتوح




واحسب رام الله من هالدنيا سجن بسقف مفتوح...




الله يساااامحك!!فشلتني




كزدر ع طرف هالشارع كزدر !!!




لسه رايحين ع رام الله !!


[/url][/size][/url][/url][/url][/url][/url]



ياااااااااااااااااااااااااااا الله... لا انت شكلك مش جاي معي تنبسط ...


مالك ومال المستوطنات .. !!!


يعني صحيح أكبر عدد مستوطنات بعد القدس بتيجي رام الله


بس هزا يا عزيزي ما بعني انو رام الله مش امحررة ...


وبعدين ما فيها كتيير ...اكم من مستوطنة فيها؟...بيت ايل اللي هي

تالت أكبر معسكر في الضفة الغربية.. معاليه مخماس..

آدم ..حلماش ..جفعات زئيف..جفعوت ..جلجال..عوفرة و مستوطنة


بسكويت اللي بتطل ع برندة سيادة الرئيس ..بِنعَدِّين ع الأصابع ..



لسه المشاريع الكبيرة جاية ع الطريق ,,تحسدناش عاد !!



إصحى تحكي مع المستوطن واللا تتخنفس معو ..


احنا ماشيين ع اتفاقية أمن عشان نحصل ع السلام..




شايف علي!!



حتى لو خفشنا المستوطن وقرّب علينا ..


احنا ردنا ما بكون غير ميااااااااو ..



اترك المستوطن بحالو


استرني أنا بعرضك!!




بدك انكمل المشوار ع رام الله !!!



سجل معي بالرحلة ...وأنا بفرجيك الباقي


بس زي ما اتفقنا ..



يـــــــــا الله شو حلوة بلادنا وهي محررة


مش عارفة كيف بدي أعبرلك عن جمال الحرية والاستقلال واتصيرلنا سيادة ع أراضينا..


غير الاستقرار التام من كافة النواحي...وبطلنا انحس بالمذلة والمهانة


وبما إنا قربنا نوصل رام الله المدينة بــــــــ...
























وين نازل ...؟؟؟؟؟



























خليك قاعد بالباص,, وين نـــــــــــــــــــــــــازل؟؟؟





























وين !!!!


































[/url


لا إله إلا الله شو هالكسفة ...

انـــــــــــــزل من الباص,, إنــــــــــــــــــــــزل..



اوعى اتفكر انو هادا محســــــوم,,لااااااااااااااا, بتكون غلطـــــــان ...



ولا حاجز عسكري ...ما يروح فكرك لبعيد لأنو ...





رام الله محررة






هادي يا سيدي نقطة استراحة








ايش يا حج!!!


والله طيوب هالزلمة ..كان جارنا بالزمانات



شوف كيف المواطن معزَّز مكرَّم بالإستراحة




حابب انا واياك نرتاح شوي من اللفات اللي لفيناهم وما إلنا غير الاستراحة






شــــــــــــــــــــــــــــــــو؟؟؟؟






عفوا ...ما سمعت سؤالك ؟؟







هل أنا مقتنع بالحكي اللي بحكيه ..هادا سؤالك ؟؟؟؟؟















<A href="http://www.g4z4.com/vb/images/smilies/cray.gif" target=_blank><A href="http://www.g4z4.com/vb/images/smilies/cray.gif" target=_blank><A href="http://www.g4z4.com/vb/images/smilies/cray.gif" target=_blank><A href="http://www.g4z4.com/vb/images/smilies/cray.gif" target=_blank><A href="http://www.g4z4.com/vb/images/smilies/cray.gif" target=_blank>وكِّلها ع ربَّـــــــك بــس











بالاستراحة رح اتلاقي كتيير فوائد ...



أولا بنقعد تحت الشمس أقل شي ساعة ...وهالشي بعوضنا عن فيتامين د اللازم للجلد


وبكسبنا اللون الفلسطيني الأسمر..مع ختمة أصلية



وثانيا : الاستراحة بتعمل اختبار ازا كنت صاحب مشاعر أو بدون مشاعر !!


ومن الأفضل انك اتكون بدون مشاعر ...


لأنو اللي عندو مشاعر رح يرفض أي حركة مش مزبوطة من أصحاب الإستراحة والقائمين عليها..


وهيك رح اتعرض حالك لتجربة أكل وجبات سريعة مقدمة من الشيفز المَهَرة الموجودين بس لخدمتك


ثالثا : الاستراحة بتعلمنا النظام عن غصبن عن أبونا ...وفوقها بتعلمنا شو يعني الكرامة


وكيف انو الإنسان بدونها ما بيسوى شي

ورابعا : بنلاقي حجج لأسباب تأخرنا عن الشغل..الجامعة ..المدرسة ...الامتحانات ..الدار

كل شي بنلزقوا في الاستراحة


بس رح طمنك انو أقل استراحات بتلاقيها برام الله ...



لأنو سياسة الاستراحات بطلت خيار إسرائيلي


خاصة بعد ما اتحررت رام الله كلياً..


ولكن ..



الخيار الامثل للإسرائيلين صارت تسكير الطرق ..


وإغلاقها بشكل كامل



ارجع ع الباص تاقولك ارجع





الله يصبرني ع مخك الحِمَكي..

لأنو رام الله محررة ..

.




.


>

وابــــــــــــن عمِّي ضربني بشبريِّتو ..نيـــة العبــِد الاسمر ولا نيِّتو


هلا اااااااا..يلااااااااااااا ..أيوااااااااااااا ..سمعوني الكف

مالك مســــطل ومش معبِّرني ؟؟؟ كأني بحكي مع حالي؟

مش عاجبتك الأغنية ..واللا في حدا شاغل بالك ؟؟؟

شكلك مش ناوي اترخي حواجبك اللي عاقدلي اياهم وكافعهم كفع عاد

وتنبسط شوي معانا






يا خزاوتي

اممممم ...عاد قلت للشوفير يبعد عن منطقة سجن عوفر !! بس ما سمع الكلام

لأنو رام الله محررة والناس ماشيين ع خاطرهم من بعد ما شعروا بالحرية

يا سيدي ..صحيح سجن عوفر موجود برام الله ..

سجن عوفر واحد من أسوأ السجونة الإسرائيلية وأحقرها في معاملة الأسرى ..

وكل فترة بحدث فيها مناوشات بين الأسرى والاحتلال بسبب الوضع السيء اللي بعيشوه اسرانا في هالسجن الظالم

بس هالشي ما بنفي انو رام الله محررة ..

قول كيف ؟؟؟



مش حاكيلك إلا تتقول كلمة كيف !!



وقـــرف يهودي ماني حاكية إلا تتقول كيف!!



قول كيف بلأول !!




شاطر ..ممتاز , أنا بحكيلك كيف؟؟



صحيح سجن عوفر لساتو موجود برام الله ..بالرغم انو رام الله اتحررت وكل شي فيها صار تحت سيطرة سلطتنا

بس أنا بأكدلك انو اللي جوات هالسجن مش مسجونين إلا لسبب واحد !!

وهوِّ : إنهم لهلأ مش مصدقين انو رام الله محررة.. آآآآآآآآآآآه مش مصدقين

وإزا بدك تضمن حريتك ..لازم تعترف انو رام الله محررة ..

ولك صدقني ...هو في بيني وبينك نسب بتتمني أفكر اجبر بخاطرك يعني

ازا انت ما صدقت انو رام الله محررة ... بتنسجن الله يرحمك

لأنو اللي ما بصدق انو رام الله محررة ..بقعد يستعمل العنف والارهاب والتصعيد المسلح بوجه الاحتلال عشان يحررها

وهزا الشيء يسبب الأزى والحبس

يا شيخ والله ما انت صاحي ع هالبلد منيح ..فتحلي مخَّك

وبعدين .. عشان أطمنك أكتر

احنا كمان صار عنا سجونة ..

آآآآآآآآه ,,عنا سجونة ومعتقلات بتعبي العين والراس والمزاج برام الله

وصراخ اللي بــ سجوننا بتغطي ع سجن عوفر الاسرائيلي كمان..

بس وعرض خرفانك بديش هالحكي تنقلو ع لساني ها !!

المهم ...

..هاد تأكيد كامل انو رام الله محررة وتخضع لسيطرة أزهزتنا الأمنية الفلسطينية

فــــ عشان هيك ..رخِّيلي حواجبك ..

وهيِّص معانا شوي ..وطنش تعش تنتعش وتحت الكرسي تندحش

لانو الرحلة لســــــه بأولها



"" من مزرعتي ومن تل العاصور العال ..ضحك البيدر للغلِّة وغنّى موال ""

ننصب خيمة ع المية ونرحل ما فيش .. لو بِعنا ميرامية وزعتر بنعيش

يا شعبي هدِّي شوية وبتيأس ليش ؟..ورصاص البندقية نازل شلال"




تاكل جاج معي أمانة ما تستحي!!

اوففففف يقطع الشيطان ..انسيت احكيلك عن تل العاصور

أول شي كيف شفت هالغنية اللي غنيتها ...

بتحكي عن تل العاصور ؟؟

بتعرف شو يعني تل العاصور ؟؟

يعني الجبل اللي كل أجدادنا كانوا بتغنوا فيه لانو أعلى جبل برام الله...

والو قيمة تراثية برام الله ..خاصة عند الفلاحين .. لأنو كان من أخصب الجبال وأجملها

لكن من يوم ما انبنت عليه المستوطنات والمعسكرات الإسرائيلية...

من وقتها والجبل مكشعر ومكشر وماكل هوا بصراحة

هالجبل للأسف ما قدرنا انحرروا .. لأنو جماعتنا اللي بعتناهم ع منطقة العاصور لحتي يستلموها..

طلعوا بخافوا من المرتفعات ..

فقرروا يحرروا الوديان ..ويتركوا الجبال للي فيها

وازا مش مصدقني ..في آرمة بتستقبلك في الوادي

بتقولك هذه منطقة فلسطينية ممنوع دخول الإسرائيليين

وبتشير الآرمة لمنطقة مساحتها شي 5 دونمات وتقع في قاع الجبل .. وباقي الجبل للاحتلال

بس رغم كل هالحكي اللي حكيتو..

ورغم انو في اجزاء من رام الله مش محررة لهلأ ..

بس بأكد انو في مناطق تحت سيطرتنا يا أخي !! خلص اتعندش دخيلك

رام الله محررة قلت آه أو لأ ... وخلص سكِّر هالسيرة

ادعسسسسسسس يا شوفير


.
.
.

شو بدي احكيلك تأحكيلك ..


مرات الواحد من كتر ما هو فرحان بالحياة اللي عايشها


ما بيعرف يعبِّر !!!


بتعرف ..مرات بفتخر انو احنا مشينا ع هالدرب ..


قصدي ""درب الحرية بدون دم وعنف وترهيب""


احنا من دون الناس اتحررنا بتوقيع على ورق..على ورق يا سيدي !!


واتنازلنا عن بعض الحقوق عشان نحصل على بعض المطالب


فلو كانوا المجاهدين فهمانين فعلا ..وبهتموا بدماء هالشعب


وبهتمو في كهربة ومية وغاز هالشعب !!


كان عملوا متل اللي عملناه برام الله ..


مجرد توقيع للحفاظ على أمن الجار


وزي ما بقولو ""الأمان بالجار ""


ومن خلالها اخدنا حياة مستقلة نسبيا ...’


أخدنا غاز وكهربا ومي وخبز وأكم من شيقل ...مع رشة ملح!!!


انكمل رحلتنا !!








ياااااااا أخي الطيب ...لما بدك اتعيش برام الله


لازم اتحط في بالك عدة قواعد ..عشان اتحس بطعم الحرية


لازم اتكون ماشي على قاعدة "" صمٌ بكمٌ عمي فهم لا يفقهون ""


فـــ مش ضروري كل ما اتشوف شغلة برام الله .. تُصفنلي..


وتعمل حالك جدع ابن أسد


ووجهك يحمّر ..وبدنك يكشعر ..وعاملّي فيها وطنجي


لأنك بلآخر بتضيع عمرك ع الفاضي ...


هَلِّي كل شي عندك نورماااااااال وهلِّيك ريلاكس يا مااان


خد نفس


قهوة؟؟


سيجارة اتنسيك همومك؟؟


لأ ..آز يو لايك ..


لأنك برام الله ...انت حـــــــــــــــــــــر ..!!

هاي شكل من أشكال الحرية الموجودة عنا !!


صحيح اسرائيل بتدخل منطقة رام لله ..وكل منطقة فيها بتقدر تدخلها


ولكن أنا بأكدلك انو منطقة رام الله منطقة خاضعة للسلطة الوطنية فقط ..


فلما بدها القوات الإسرائيلية تعتقل اي واحد من اللي ""مش مصدقين انو رام الله محررة ""


بتطلب الإزن من أصحاب الشأن الفلسطيني!! آآه اسرائيل ما بتدخل رام الله إلا بإزن سلطتنا


مفكرنا قلال ..ولو بنعجبك؟


وأصحاب الحمية الَّزين يرفضون أن تدخل قوات إسرائيل رام الله اقتحاما..بيفتحوا لها الباب!!





آآآآآآآآآآه واللا بدك يقولوا البلد ما فيها رجال !!


يدخلوها اليهود بدون إزن ؟؟ ولا مررررررررررررة


لاااااااااا والإله هالحكي ما بزبط عند سلطتنا اطلاقا ..احنا سلطتنا ان قالت فعلت..


وإن رشَّحَت عطسَت ..


ومستحيل تسمح لشرذمة صهيونية انها تدخل رام الله المحررة بدون ازنها


لهيك .. سلطتنا هي الرأي الاول والآخير في الموضوع


وما بتدخل إسرائيل رام الله إلا وجيباتنا سابقيتها ""بس من ورا ""

منتصب القامة أمشي ..مرفوع الهامة أمشي !!!


والله صدق اللي قال المستوطن اسمو مستوطن لأنو مستوطي حيطنا ...


صاروا همة المنتصبين واحنا اللي امرخيين الله وكيلك ... ما علينا


المستوطنين ’’ صحبة احنا واياهم ...يعني بدخلوا رام الله بكل ثقة


لأنو ما رح يصير فيهم شي ...ولأنو العداوة بينا وبينهم ع حسب علمي


ولأنهم ببساطة ""بدخلوا عن طريق الخطأ ""


يعني أصلا ما بكونوا ناويين يدخلوا رام الله ..بس بخربطوا في الطريق


بيكونوا ناويين يروحوا يستجموا ..


وما بنشوفهم إلا وهمة عنا !!


مهو أحلى اشي الاستجمام عندنا برام الله ..


بمارسوا ألعاب اليوغا وبلعبو فينا تنس وكرة قدم وكراتيه


رشاشات !!! هادا من حقهم يابا !


أكيد لازم يكون معهم رشاشات ..وبعدين بيني وبينك هالمعلومة


ههمة لما بحملوا رشاشات وبعتدوا علينا ..يزيدوا الدخل القومي تبعنا !!


كيف ؟؟؟ مش في دكاترة متلتلين عنا


بنشغلهم وبننعش اقتصادهم


بشوفك في المرة الجاية لما نلتقي


لاني تعبت من كترة الحكي


بس زي ما بقولوا ""وللحديث بقية ""

لسا في بقية يا اخي ارحم
بس موضووووعك والله روووووعة عالاخر
ربي يبارك فيك يا اخي
وجزاك الله عنا كل خيييييييير
ملااااااك