من هو عصام شرف ...؟؟؟

السلام عليكم ورحمة الله وبركاته

بعد استقالة احمد شفيق من رئاسة الوزراء
وفشله الذريع في القضاء على البلطجة ورجوع الامن للشوارع
وعدم سيطرته على الموقف وانتمائه لمبارك ومن معه
كان لابد من وقفة حازمة حتى يستقيل وبالفعل استقال ...
وتم تعيين دكتور عصام شرف وهذه نبذة بسيطة عنه ...

هو رئيس وزراء جمهورية مصر العربية، بدءا من يوم 3 مارس 2011، وكلفه المجلس الأعلى للقوات المسلحة بتشكيل الحكومة، خلفاً للفريق احمد شفيق، الذي لم يبقي رئيسا للوزراء إلا لمدة 35 يوماً، كانت من اكثر الايام العصيبة في حياة مصر، ويعد دكتور عصام واحد من ابرز خبراء النقل في العالم العربي، وكان يشغل منصب وزير النقل والمواصلات في حكومة أحمد نظيف من يوليو 2004، حتى استقال في ديسمبر 2005 بعد حادث قطار قليوب.
تخرج من كلية الهندسة بجامعة القاهرة، وحصل على درجتي الماجيستير والدكتوراه من الولايات المتحدة الأمريكية، وبعد تركه لمنصب وزير النقل، شارك في تخطيط الطرق في دولة الامارات العربية المتحدة. حصل عصام شرف على جائزة الدولة التشجيعية في العلوم الهندسية ثلاث سنوات، من اكاديمية البحث العملي عام 1987، وكذلك نوط الامتياز من الطبقة الاولي عام 1995.
قدم دكتور شرف نحو أكثر من 160 بحثاً في مجال الطرق، نشرت في الكثير من المجلات والدوريات العملية الكبرى، وحصل على جائزة رفيق الحريري عن اجمالي أبحاث، وحصل على جائزة التميز الهندسي من الولايات المتحدة الامريكية، وهو الوحيد من خارج الولايات الذي حصل علي هذه الجائزة.
وكان اسم دكتور عصام شرف قد تردد لتولي مسئولي وزارة البترول في التعديل الاخير في وزارة شفيق، إلا انه نفي ذلك، واكد انه مهتم بوجوده في جمعية عصر العلم، التي يرأس مجلس ادارتها، والتي يشارك فيها الدكتور احمد زويل والدكتور البرادعي.
ومن النقاط المضيئة في مسيرة الدكتور شرف، هو مشاركته في مظاهرات ميدان التحرير، عندما شارك في مظاهرات أساتذة الجامعات التي خرجت أثناء ثورة 25 يناير، والتي توجهت من جامعة القاهرة إلى ميدان التحرير سيرا على الأقدام، في مشهد نادرا ما يتكرر من مسئول حكومي سابق، وعرف عنه مواقفة الصارمة ورفضه للتدخل في نقابة المهندسين، ومطالبته الدائم برفع الحراسة عن النقابة، وقت ان كان رئيساً للجنة التسيير بنقابة المهندسين، وكان عضو في تجمع "مهندسون ضد الحراسة".
وقيل ان سبب استقالة دكتور شرف، من وزارة الدكتور نظيف، تعود لضغوط من زكريا عزمي، رئيس ديوان رئيس الجمهورية، بسبب محاولاته المستمرة للتدخل في تميع قضية العبارة "السلام 98" لصالح رجل الاعمال ممدوح اسماعيل، وازاء موقف عصام شرف المتشدد، تم التضيق عليه، حتى كانت حادث قطار قليوب الشهير، فتم التضحية به بعد الحادث بشهرين في التعديل الثاني الذي اجراء دكتور نظيف في وزارته عام 2005، بعد عام ونصف تقريبا وزيرا للنقل.
أمام دكتور عصام شرف، رئيس الوزراء الجديد، مهمة صعبة، اعقدها مسالة التعديلات الدستورية، واكثرها الحاحا الآمن الذي بات يروع ويهدد حياة الكثير من المصريين، هذا غير الاوضاع الاقتصادية المضطربة وغلق البورصة وتعطلي عجلة الانتاج، وتناقص الاحتياطي التمويني في مصر، وملفات الفساد المفتوح في كل مكان، والمظاهرات الفئوية التي تتزايد يوما بعد يوما، وخارجيا، تنتظره اوضاع سياسية ملتهبة خاصة مع جيران مصر، ومع دول حوض النيل.

منقــــــول

تسلم ايدك يا بيبو على الموضوع

كنت لسة هادخل على جوجل ادور على معلومات عنه

مع احلى اصحاب لا تتعب ولا تحتار من هو عصام شرف ...؟؟؟ 873394

بس فعلا تاريخ مشرف

يا رب يكمل بنفس الاسلوب والسلطة متغيروش

ويااااا رب تبقى فيه قوانين رقابية على المسئولين تكفل الأداء المستقيم.. وتضمن أموال البلد

ربنا يحفظ مصر ويبارك في شعبها

تقبل مروري بيبو

لفتة رائعة منك بيبو
و زى ما بتقول سوما مع احلى اصحاب لا تتعب و لا تحتار
بخلاف انى كنت من مؤيدين أحمد شفيق ألا أن عصام شرف بالمعلومات اللى قلتها عنه شايفة انه فعلا يستحق المنصب ده
و ان شاء الله يكون عند حسن ظننا
فعلا تسلم ايديك بيبو على المجهود الهايل ده

اهاااااااااااااااا شي جميييييل جدا والله
تسلم ايديك يا اخي
اتمني انو يكون عند حسن ظنكم للابد
ربي ينصر مصر ويحررها من ظلم الطواغيت

اي خدمة يا اسمااااااااااااء
ويارب يكون اهل للثقة ويفعل وينشط البلد من جديد
يااااااااااااارب ..
نورتيني بمرورك الرائــــــع
-------------------
منـــــــــــة
ولا مجهود هايل ولا حاجة واجب علينا في الايام دي كلنا
نساعد بعض ونفهم ونتعلم ونثقف نفسنا ونكون عارفين
اي حد هييجي ده شكله ايه تفكيره ايه هيقدملنا ايه
علشان احنا اللي بايدينا نطور البلد دي وهيحصل ان شاء الله ..
نورتيني بمروك الجميــــــل ..
-------------
سوســــــــو
دائما انتي متابعة لقضايانا ولتطورات الاحداث في مصر
وهذا مثال للوحدة العربية والاخوة الصادقة في الله
جزيت كل خير ...

اللهم ولى امورنا خيارنا ولا تولى امورنا شرارنا
اللهم من اراد بمصر خيرا فرزقنا خيره ومن اراد بمصر شرا فاكفنا شره
اللهم ارنا الحق حقا وارزقنا اتباعه وارنا الشر شرا وارزقنا اجتنابه
اللهم اكفنا شر الفتن ما ظهر منها وما بطن

اقتباس :: اللهم ولى امورنا خيارنا ولا تولى امورنا شرارنا
اللهم من اراد بمصر خيرا فرزقنا خيره ومن اراد بمصر شرا فاكفنا شره
اللهم ارنا الحق حقا وارزقنا اتباعه وارنا الشر شرا وارزقنا اجتنابه
اللهم اكفنا شر الفتن ما ظهر منها وما بطن

دعاء جميل قوي يا عهود
ربنا يولي من يصلح في كافة المناصب في مصر ان شاء الله
رئيس الوزراء الجديد شخصية محترمة علي ما سمعت
واكيد افعاله ان شاء الله وقراراته هتبين دة
لكن دعونا لا نغفل ان دكتور احمد شفيق ايضا كان شخصية محترمة جدا
علي الاقل ما كانش فاسد ودة بشهادة ناس كتير
اخرهم حوار انا سمعته لدكتور يحي الجمل وهو شخصية محترمة ايضا
دكتور يحي قال نقطة لفتت انتباهي ان شفيق رفض لانه عين في عهد مبارك
مع ان رئيس الوزراء الحالي ايضا عين وزيرا في عهد مبارك
لكن طبعا الوضع قبل الثورة يختلف عن الوضع بعدها
انا شخصيا اعتقد ان شفيق استقال بسبب الضغط المعنوي الهائل اللي هو وقع فيه
انا شفته في حوار علي قناة اون تي في وكان بيرد علي الروائي علاء الاسواني
وكان منفعل جدا علي غير عهدي بيه
في الايام السابقة دليل علي الضغط الكبير اللي كان بيتعرض له
يا رب الاوضاع بقي تستقر علشان انا عايزة ارجع الكلية
شكراااا بيبو

الله يبارك لك يا عهوووود
ده اجمل دعاء ممكن نقوله اليومين دووول
فعلا ربنا يولي امورنا اصلحنا ياارب
يسلملي مرورك عهووود
------------------
ايـــــــــوت
مش عارف ليه بحس اوقات كتير انك المتحدث الرسمي باسم
الحكومة القديمة كلها او مع اللي بيشتالوا دايما ههههههههه
مش تزعلي مني طبعا بهزر معاكي بس
يمكن عاطفية شوية او زيادة حبتين وبتتعاطفي مع الناس دي
بغض النظر او لعدم معرفة كافية بهم ولمجرد انهم كبار في السن...
عموما احمد شفيق له ماله وعليه ما عليه ومرحلة وطويت
وربنا يسهل للي جاي ان شاء الله ويعدي امورنا على خير ...
نووورتيني ايوووووووت

كنت حاسه ان احمد شفيق هيعمل حاجه وحاسه اننا خسرناه
زي ماخسرنا عمر سليمان هما جم في الوقت الغلط
يارب ده بقي يكون عن حسن ظنا ويقدر يعمل حاجه
ويغير في الايام الجايه
انا شوفتله لقاء م زمااااااااااااااااااااااااااااااااااااااااااان
كان بيتكلم كويس
تسلم يا بيبو

لا مش هزعل منك يا بيبو
لأننا اخوان في الاول والاخر
لكن انت لك راي انا احترمه
وانا لي رأي يجب ان تحترمه
انا تابعت حوار الدكتور احمد علي اون تي في مع دكتور عمرو حمزاوي
وبعدين مع علاء الاسواني
وانا استشفيت كلامي من كل اللقاءات اللي كان فيها دكتور شفيق
انا ما قلتش غير ان الدكتور بغض النظر عن اي شيء فهو شخصية محترمة جدا واخلاقة عالية وذوق واسلوبه متحضر
ودة مش رأيي لوحدي
انا مش ضد انه اتشال او استقال
بس انا بقول ان مش علشان هو استقال يبقي كان شخصية فاسدة
انا هحطلك رابط لموضوع ومش عايزاك تقراه
عايزاك بس تقرأ التعلقات ومش هقول اكتر من كدة
http://arabic.arabia.msn.com/news/middleeast/general/2011/March/sahfy2.aspx?region=egypt.&featuredAR&ref=viewhp

في نقطة تانية
انا مش مسألة عاطفية او غيره
صحيح انا عندي مبدا معين قد يكون صواب او خطأ
بس انا ضد اننا نقعد ننشر حاجات عن ناس واحنا مش واثقين منها
يعني مثلا بعد استقالة شفيق انا قريت نوت علي الفيس حد كاتبها
بعنوان فساد شفيق
فلل بقي وشاليهات ومش عارف ايه لسوزان مبارك وحاجات زي كدة
كان فين دة كله وهو في الوزارة
دي نقطة
النقطة التانية
قريت في مقال نرجسية حسني مبارك كاتب علي بدلته مبارك
اعتقد اننا ما وصلناش لدرجة من الفضي والتفاهة اننا نناقش غرور مبارك ونرجسيته وبدله
وبعدين في اخر المقال
مكتوب السطرين دول
جدير بالذكر، أن العديد من الاسرار قد تكشفت في الأيام الأخيرة عن شخصة الرئيس مبارك، منها ما قاله مدير مكتبه السابق محمود صبره، بأن مبارك قد تعدى بالضرب على أحد المحافظين السابقين، بخلاف انه لم يقرأ كتابا طوال 18 عامًا
يعني هو دة ظهر بس بعد ما مبارك مشي
الفكرة اننا ما نخلطش الاوراق يا بيبو
هو مبارك دة ابن عمي ؟؟
انا معرفوش ولا بدافع ولا هدافع عنه لاني ما اعرفش مين الظالم ومين المظلوم
بس الفكرة ان انا مش بحب نلقي تهم علي حد فجاة كدة من غير ما يبقي مسموحله حتي انه يدافع عن نفسه
والله ان كان مبارك قد سلب ونهب واختلس وقتل فلا مجال لأن نتحدث عن بدله دلوقت
حاجة كمان انا بصراحة احترمت جدا دكتور حمزاوي في حواره مع شفيق
اسلوبه محترم جدا ومهذب ودة الرقي اللي احنا عايزينه
تيجي بقي للروائي علاء الاسواني
انا شايفة بصراحة انه اساء الادب في الحوار معاه
الراجل ما بيتكلمش غير بحضرتك ويا فندم والاسواني نازل هجوم ومعارضة باسلوب غير لائق
واي حد يرد عليا يقولي وماله دة موظف عندنا
يعني الموظف عندنا دة ما نحترمهوش
طيب هو موظف عندنا وانت كمان موظف عنده
فكرة الاحترام في ظل الظروف دي فقدناها بصراحة
بس دة رايي
وانا مش محتاجة حتي انك تعلق عليه يا بيبو
دة رأيي و لأني بحترم رأيك بطلب منك برده انك تحترم رايي وما تعتبرنيش جاهلة او علي عدم
علم ودراية كل واحد له وجهة نظر تحترم
وزي ما احنا عارفين اختلاف الرأي لا يفسد للود قضية

والله يا ياسمينـــــــــا ولا خسرناه ولا حاجة
زيه زي قلته ولا كان هيعمل حاجة بل بالعكس الحرائق اللي حصلت
في التحرير وف مبنى الادلة الجنائية اكبر دليل على طمث الحقائق
وكانت حكومة شفيق موجودة لتنظيف الفساد فقط لا غير
والحمد لله اننا خلصنا منه ...
وعمر سليمان بتاع المخابرات طلع حلو كمان ...؟؟
سبحان الله ده مخابرات فرع اسرائيل ...
واعتقد اللي بيغرق بيجيب حد ينقذه مش يغرقه اكتر ولا ايه ..؟؟
------------------------------------
في البداية يا دكتورة اية يعلم الله انا عمري ما قصدت اهمشك
او اني اقلل منك ومن افكارك وعقليتك ابدااا علشان انا مش ليا
الحق في كده ولكن ما نتحدث فيه ويتحدث فيه كل الناس
هو اختلاف الراي وعند اختلاف الراي لابد من ظهور الحقائق
فاذا كنت مخطئا وجب لكي تصحيحي بالادلة وان كنتي مخطأة وجب
لي التصحيح ايضا بالادلة ومن هنا نصل الى ما نريد ..
احمد شفيق انا ما قلت انه سرق او نهب او غير ذلك ولا اعرف شيئا حتى
الان عن هذا الملف مع العلم اني قرات ورقتين تهاجمه بشدة
ولم التفت لهم ولكن حكمت عليه ايضا من خلال احاديثه التليفزيونية
التي كان يلقيها ومن كلامه الذي كان معظمه بلغة اخرى
ومن هنا رسمت له صورة انه جزء لا يتجزأ من النظام القديم بالعقلية
القديمة بنفس الفكر الذي يسير عليه الحزب الوطني وهو جزء منه
ولا احد ينكر هذا واكبر دليل طالما انك ذكرتي حديث اون تي في
عندما استفزه علاء الاسواني (وعندي اعتراضات كثيرة عليه)
قام احمد شفيق يقول انا وطني انا اكتر منك انا حاربت انا عملت انا
سويت انا كنت كذذا وكذا يعني انا تمنيت انهم كلهم ما كانوا حاربوا
علشان ما يفضلوش يزلوا فينا لحد دلوقتي كل ما حد يتكلم يقول حاربت
اعتقد بقى اللي رجله او ايده اتقطعت ده يقوم يحكمنا مية سنة قدام
وكمان رئيس وزراء يقول لشعبه لو ما بطلتوش تطالبوا باقالتي
مش هتلاقوا الفول تاكلوه يبقى ازاي ائتمنه على البلد ويقول الشرطة
مس سويتش هنزلهم الشارع محتاج شغل طووووووويل اوووي
طيب ازاي ده يقدر يحكمم بلد ويمشي نظامها ده غير انه قال
في وزراء مفروضين على الوزراة طيب حضرتك طالما شخصية محترمة
ما تشي وتسيبها طالما مفروضين عليك ...!!!
يعني حاجات كتيرة وطبعا لما قالوا انت كنت مهتم بالبنبوني للمتظاهرين
ومش مهتم انك تحاسب اللي قتلوا الشهداء ودي حقيقة
الدكتور شفيق اللي كان في خلال الثورة بيقول دي مش ثورة
وبعدها بيقول ثورتنا اعتقد دي مش شخصية تستحق الاحترام ابداااا ..
وده فيديو يؤكد ذلك واكتفي به ...

وفي النهاية هو الحمد لله مشي واعتقد لو في حد بيحبه او كان عايزه
وكان محترم فعلا ما كان مشي من مكانه بناءا على مريديه....

يبدو يا محمود انك مش قادر تفهمني كويس
او انا بقي مش قادرة اوصلم وجهة نظري
انا ما قلتش اني اؤيد بقاء احمد شفيق في الوزارة
انا بس بقول انه انسان محترم كشخصية ودة رأيي وراي ناس كتير
بس دة اللي انا قلته
ويا ريت تفصل بين النقطتين دي حاجة
الحاجة التانية
انت بتقول

اقتباس :: طيب ازاي ده يقدر يحكمم بلد ويمشي نظامها ده غير انه قال
في وزراء مفروضين على الوزراة طيب حضرتك طالما شخصية محترمة
ما تشي وتسيبها طالما مفروضين عليك ...!!!

دكتور يحي الجمل قال امبارح ان رئيس الوزراء قدم استقالته قبل كدة اعتراضا علي تشكيل الوزارة اللي هو
اخر تشكيل
وقال تحديدا اعتراضا علي سامح فهمي
ولما الشباب راح يقابل المجلس الاعلي للقوات المسلحة
قالوا ان شفيق مقدم استقالته من زمان بس المجلس لسة ما قبلهاش علشان مش لاقي البديل
ودة معناه انه اساسا قبل حواره علي اون تي في كان مقدم استقالته

اقتباس :: عندما استفزه علاء الاسواني (وعندي اعتراضات كثيرة عليه)
قام احمد شفيق يقول انا وطني انا اكتر منك انا حاربت انا عملت انا
سويت انا كنت كذذا وكذا يعني انا تمنيت انهم كلهم ما كانوا حاربوا
علشان ما يفضلوش يزلوا فينا لحد دلوقتي كل ما حد يتكلم يقول حاربت

من حق اي حد يدافع عن نفسه وبالطريقة اللي هو شايفها
واللي حاربوا في اكتوبر جنود حاربوا في سبيل الله ولهم كل الاحترام
ومن حقهم يفخروا بكدة
ما هو المشكلة اي حد عايز يسيء لد دلوقت بقي يقوله انت حزب وطني انت تبع النظام
انت مش وطني وكان الثورة دين اللي ما يدخلش فيه يبقي كافر
والله انا شخصيا مش شايفه انه عيب انه يدافع عن نفسه ويقول انه وطني
ويستشهد علي كدة بحرب اكتوبر
خاصة تجاه اسلوب الاسواني المستفز جدا
يكفي انه مش عارف الفرق بين السلطة التنفيذية والتشريعية والقضائية ومش عارف مدي الفصل بينهم
............................
علي كل دة مش حوارنا اساسا انا شايفة انك كبرت الموضوع شويتين لسببين
الاول اني ما اعترضتش علي استقالة شفيق واني باركت تولي شرف رئاسة الوزراء من اللي سمعته عنه بس لأني ما سمعتش منه حتي الان
ثانيا كوني بدي لانسان حقه من وجهة نظري وبدي رأيي في شخصيته وخلقه فدة لا يعني اني مؤيدة او معارضه لبقاءه
ويا ريت الحوار في الموضوع دة ينتهي عند هنا لأني مش مهتمه بمين عمل ايه وما عملش ايه وعلشان مين
الفكرة اني شفت حاجة وقلتها واحترم رايك بشدة

اشكرك جزيل الشكر دكتورة اية
مع اني ما سمعت تعليقك على الفيديو اللي هو اهم شئ في الموضوع ...

حطلي بس اللينك بتاعه يا بيبو
لأن انا منزلة ويندوز جديد
ومش باين عندي غير مربع كدة
حط اللينك المباشر بتاعه

اتفضلي يا ايووووت

https://www.youtube.com/watch?v=H3ZWH4IFx0k

اقتباس :: مخابرات فرع اسرائيل ...

يعني مخابرات فرع اسرائيل
كليه زراعه قسم خراطيم
يابني هو مخابرات مصريه مش جاسوس
ليه محسسني انه جاسوس لصالح اسرائيل
ده مصري وانتمااؤه مصري
دا حتي عمرو اديب فالبرنامج بتاعه
قال انا ارشح عمر سليمان لرئاسه الجمهويه ودا قبل ما يتعين نائب

شكرا بيبو
انا حملته وسمعته
برضه انت مش فاهم انا قصدي ايه بالظبط
انت عارف في الجزء التاني اللي هو بيقول فيه ثورتنا
انا في رايي انه اساسا مش مقتنع بيها
هو بيقول كدة لانه لازم يقول كدة
هي اساسا الثورة دي في بدايتها الشباب اللي قام بيها كان بيقول عليها ثورة؟؟
لا
كان اسمها دايما اللي بيتردد تظاهرات سلمية
ومصطلح ثورة دة لم يتم استخدامه الا بعد ما سقف الطلبات علي
نتيجة بطء الحكومة والنظام وتخاذلهم في تنفيذ مطالب المتظاهرين
الحكومة وقتها كانت فاكرة ان الموضوع زي كل مرة شوية مظاهرات
وهينتهوا بالطريقة المعتادة علي ايد امن الدولة
اسم ثورة دة انا اول ما قريته كان علي قناة الجزيرة
الحديث الاول اللي كان علي قناة الحياة وكان طالع فيه شفيق
وطلع يومها مع مني الشاذلي ومع معتز كان كلامه عاقل ومنطقي بشهادة الجميع
انا فكرة سمعته كله يومها وما لفتش نظري حاجة غريبة وقتها
ولو كان وقتها كلمته ان دي مش ثورة غريبة او ما شابه كنت هلاحظ دة
الغريبة يا بيبو ان اول ما مبارك عين شفيق وعمر سليمان الشباب كلهم قالوا انهم ناس محترمين
شباب الثورة نفسهم
انا لغاية دلوقت مقتنعة انه انسان كويس ومحترم حتي يثبت لي العكس
وان كنت لا اؤيد بقاؤه في رئاسة الوزراء
يا ريت اشوف كل مسؤلين مصر في رقيه وتحضره وتواضعه اللي اشاد بيه الشيخ حسان شخصيا
انا بساطة عبت عن رايي في شخصيته مش اكتر مش عارفة بقي ايه الغريب في كدة
يعني لو انت شايف انه انسان فاسد او من الشخصيات الغير محترمة قول كدة صراحة
لانك لغاية دلوقت ما قلتش حتي كدة
طيب احنا مختلفين علي ايه بقي؟؟

نسيت اقول حاجة
لما دكتور علاء الاسواني كلمه في موضوع البونبوني
رد دكتور شفيق لم يقنعني بالمرة
حسيت انه بيألف علشان يخرج نفسه من الموقف
زي ما احنا بنعمل كتير
ومع ذلك انا احترمه

عمـــــر سليمـــــــــان
يلا ربنا انتقم منه الحمد لله قبل ما يمسك حاجة
في البلد تاني كفاية انه خربها في المخابرات
كان هيجيلنا نائب كمان بس هوتدبير ربنا انه ييجي
نائب رئيس علشان يتحرق والناس اللي ما كانت عارفاه
تعرفه كويس ...
شكررررا ياسمينـــــــا
-------------------

اقتباس :: انت عارف في الجزء التاني اللي هو بيقول فيه ثورتنا
انا في رايي انه اساسا مش مقتنع بيها
هو بيقول كدة لانه لازم يقول كدة
هي اساسا الثورة دي في بدايتها الشباب اللي قام بيها كان بيقول عليها ثورة؟؟

كده هندخل في نوايا الراجل واحنا ماالنا الا الظاهر
وف كلا الحالتين معترف او مش معترف يبقى لسه بيبص تحت رجليه ..

اقتباس :: الغريبة يا بيبو ان اول ما مبارك عين شفيق وعمر سليمان الشباب كلهم قالوا انهم ناس محترمين
شباب الثورة نفسهم

دي مش معاكي فيها خالص
لان كل اللي كانوا معانا وكل الناس اللي كانت تعرفهم
بالاخص عمر سليمان لم يختلفوا عليه شفيق كانوا بيجسوا نبضه ..

عموما يا ايووووووت
الاتنين رااااااحوا عند بابا في شرم يقعدوا يشربوا شاي
ياكلوا ترمس لب وفشااااااار مع بعض
وباذن الله مش هيتهنوا برضه وهنجيبهم نحاكمهم ...

سعدت بالمناقشة معااااكم بجد
ولولا ان الاتنين مشيوا خلاص كنت فتحتلكم ملفات بالهبل
لكن يلا المســـــــــامح كريـــــــــم ...

سوســــــــو
دائما انتي متابعة لقضايانا ولتطورات الاحداث في مصر
وهذا مثال للوحدة العربية والاخوة الصادقة في الله
جزيت كل خير ...

هداواجبي اتجاه مصرلانها متل فلسطين والله
ربي يبارك فيك وجزيت كل خيييير
تسلم يا اخي
ربي ينصر مصر دايما

بارك الله فيك وجزاااك الله كل خيييير اخي بيبووو
ان شاء الله بكون كويس كتيييير ويكون عند حسن ظنكم
يا رب كون عونا لاهلنا في مصر واحميهم من الظالمين
تسلم ايدك بيبوووو
موضووووع جمييييييييييييييييييييييييييييييل

دايما عندك المفيد مش بقولك انت رائع