تنسيق الحملة (يا ريت الكل يدخل )

السلام عليكم
بداية للي ما يعرفش احنا بنتكلم عن ايه
كان في اقتراح احنا اقترحناه وتم الموافقة عليه مبدأيا من عدد من
الاعضاء والمشرفين
ودة الموضوع

اقتراح يا جماعة الخير

انا حبيت ننسق الموضوع هنا الاول في المشرفين علشان نبدأ في خلال اسبوع بالكتير ان شاء الله
انا مش متخيلة الفكرة ككل
فطبعا عايزة مساعدتكم
افكاركم اللي هتحطوها في الردود هرجع واعدل واحطعا تاني في رأس الموضوع
علشان ما تتوهش الافكار مننا واول ما نبقي جاهزين
نبدأ بإذن الله
مبدأيا انا شاغلاني جدا فكرة القضاء علي الاباحية في مصر
بكل صورها من اول الكليبات زي ما قالت نيرة
لغاية المواقع الاباحية نفسها
ولو عايزين نغير موضوع الحملة ما فيش مشكلة
هكتب هنا كل الاقتراحات والخطوات اللي اتقالت ونحاول نساعد بعض فيها ونستعين كمان بالاعضاء
كلما امكن علشان نحمسهم زي ما وضحت اسما قبل كدة
دي بعض الافكار اللي انا اقترحتها

• اختيار اسم الحملة
  
• نعمل موضوع نبين فيه فكرة الحملة واهدافها
  
• نحدد فترة للحملة (تم تحديد فترة شهرين )
  
• هنعمل واجهة للمنتدي فيها رمز لموضوع الحملة
  
• هنعمل مجموعة من التوقيعات والصور الشخصية تناسب موضوع الحملة
  وتترك للاعضاء حرية الاختيار بينهم
  
• علشان نساعد الجماعة اللي بيصمموا ممكن نعمل موضوع للأعضاء نخليهم يساعدونا في انهم يجيبولنا صور تنفع للتصميمات
  
• نعمل موضوعات ذات طبيعة نقاشية علشان نجبر الاعضاء من غير ما يحسوا انهم يشاركوا في الحملة
  
• نعمل مواضيع اسلوبها سهل للتوعية ونشجع الاعضاء انهم ينشروها في بيوتهم وفي الجامعة وعلي الفيس بوك ان شاء الله لو يتعمل بوستر او لوحة بخط الايد وتتعلق ولو في الشارع وممكن نعمل موضوع كل واحد فينا يقولنا عمل ايه وبالصور ان امكن
  

دي بعض الاقتراحات اللي قالها اسماء

• لازم يتحدد مشرفين (2) على الأقل كل اسبوع عشان ياخدوا بالهم من الحملة.. عشان ماتبقاش مفتوحة ويبقى كل واحد معتمد على الغير.. وفي الاخر محدش يعمل حاجة..
  
• 
  ممكن الأعضاء يكونوا فرق من عضوين او تلاتة ويعملوا مواضيع مع بعض وينسقوا سوا.. ويبقو يعملوا لهم موضوع جوا قسم الحملة ومحدش يشارك فيه غيرهم..
  
• ممكن نجيب أراء مجتمعات علمانية بتحارب الموضوع دا..
  ونفسي جداااا ان المواضيع ماتكونش منقولة.. او حتى نصيغها باسلوبنا
  
• في اخر كل حملة نعمل مسابقة عن أحسن مواضيع.. ونعمل كذا جايزة.. مثلا:
  احسن موضوع.... ودي يشترط فيها ان الموضوع يكون مش منقول.. او منقول الفكرة لكن الكلام والصياغة بقلم صاحب الموضوع..
  احسن نقاش.. لافضل رأي وأفضل نقاش اتقال في موضوع..
  أحسن تصميم (مين يشهد للعروسة بقى :)) ) ممكن كمان يدخل فيها تصميمات من الانترنت شوفناها وعملنا بيها موضوع..
  وياريت اللي بيعرف يكتب خواطر أو قصص لو عرف يألف حاجة مناسبة للحملة.. هاتبقى حاجة جميلة اوي..
  

يلا اللي عنده تعديل أو اقتراح يقول وانا هضيفه زي ما قلت لرأس الموضوع علشان ما نتوهش
بس مبدأيا حد عنده اعتراض علي اموضوع الحملة؟؟

ok
تم يا بيبو

فكرة ممتازة آية
ياللا بالتوفيق ان شاء الله
مستنين ابداعتكوا

طيب يا ريت الناس كلها تدخل تقول رأيها في موضوع الحملة علشان يا نكمل عليه يا نغيره
اللي عنده افتراح يقوله يا جماعة ما تتكسفوش والله البيت بيتكم
احنا خلصنا من مرحلة حلو وجميل وشغال
قولوا بقي اقتراحات
بس الاول عايزين نتفق علي موضوع الحملة
حد عنده اعتراض علي موضوع الاباحية دة؟؟

اقتباس :

مستنين ابداعتكوا

لا يا منون
دة احنا اللي مستنين ابداعاتك
انتي مش هتشاركينا ولا ايه؟؟

لا طبعا مفيش اى اعتراض
والفكره اكيد مش محتاجه مدح

معاكم ان شاء الله

1/اسم الحملة الاولى وموضوعها ..
لو زي ما طرحتها ايه هتكون
ضد الاباحية دا الاسم اسم عام
موضوعها هيكون ضد الاباحيه بكل صورها مواقع بقي او اعلانات او غيرو


2/اهداف .

التوعيه والتغييييييييييييييييييييييييييييير للافضل
.
3/وقت للحملة ..

شهر حلو

4/المطلوب من كل عضو او مشرف او مصمم ..

المصممين يعملو وجهات وتواقيع
المشرفين والاعضاء ينزلوا موضوعات
ويغضوا كل الظاهرة ده من كل الجوانب

5/خطة عمل خلال الفترة المحددة ..
ننزل موضوعين او تلاته بس كل يوم
مثلاااااااااااااا

بالعكس يا دكتورة
ده فكرة الحملة هى أكتر حاجة شدتنى
لأن دلوقتى و خصوصا بعد الثورة
بقى كل واحد نفسه يتغير من بره و جوه كمان
و اقترح ان العنوان يكون....
(معا ضد الاباحية)

جميل يا بنات
معا ضد الاباحية عنوان جميل
يعني تن شاء الله هنشتغل علي موضوع الاباحية

اقتباس :

3/وقت للحملة ..

شهر حلو

انا كنت مقترحة شهر يا ريري
بس اسماء قالت شهرين علشان شغل التصميم
زعلشان نستوعب الحملة
وانا وافقتها ايه رأيك؟؟

ممكن اقول رأى
انا شايفة انه شهر واحد كفاية
علشان مايبقاش فيه ملل
و فى نفس الوقت يبقى كلنا بنتحدى الوقت
عايزين نظهر اقصى ابداعاتنا فى مده معينة

ما شاء الله.. ربنا يحفظكوا يا رب
ايه الجمال دا
::::::::::::::
طيب من غير رغي كتير انا هادخل في الموضوع على طول
بيبو قال:
/اسم الحملة الاولى وموضوعها ..
حلو اسم معا ضد الاباحية..
ممكن كمان نقتبس من الآية الكريمة من سورة يوسف
قال: معاذ الله" .. يبقى اسم جديد ويلفت الانتباه.. ايه رأيكوا؟؟
:::::::::::::::::::::::::

2/اهداف ..
أولا: أهداف داخل العالم الالكتروني:
أ- مواضيع جديدة بأقلامنا.. مش نقل وخلاص..(ولو الموضوع فظيع وجامد ممكن يتنقل بس مع تعليق ناقل الموضوع جوا الموضوع نفسه.. يعني يقى في صورة اقتباس او استشهاد بالموضوع الأصلي)
ب- تصميمات دعوية باسم المنتدى.. يعني انا مش عاوزة التوقيعات يبق عليها اسامينا.. احنا نعمل تصميمات في شكل توقيع واللي حابب يحطها في توقيعه.. من غير اسمه.. عليها بس اسم احلى اصحاب..
ج- ممكن الأعضاء يكونوا فرق من عضوين او تلاتة ويعملوا مواضيع مع بعض وينسقوا سوا.. ويبقو يعملوا لهم موضوع جوا قسم الحملة ومحدش يشارك فيه غيرهم.. -

2-أهداف خارج العالم الالكتروني
أ- نعمل مواضيع توجيهية لكيفية دعوة الغير للمشاركة في الحملة.. يعني مثلا انا حاسة ان بيبو وآية ليهم خبرةفي الموضوع دا.. وممكن ينسقوا سوا وينزلوا لنا نصائح بخصوص الموضوع دا
ب- تتعمل مواضيع تحط فيها عبارات دعوية (تدعو للحملة) على غرار ما كان يحدث أثناء الثورة.. العبارات دي تتجمع وتتعمل بوسترات.. وممكن كل واحد فينا ياخدها على ملف وورد ويطبعها ويوزعها (زي ما قالت آية).. ولو قدرنا نعملها تصميم ::::::::::::::::::::::::
3/وقت للحملة ..
الوقت.. انا شايفة انه شهرين حلو عشان نقدر نوفيها حقها.. وأسبابي انا وضحتها في موضوع االاقتراحالاصلي
عموما اللي تتفقوا عليه يمشي
::::::::::::::::::::::::::::
4/المطلوب من كل عضو او مشرف او مصمم ..
اولا عاوزة اقول ان اي فكرة بتغذيها الافكار.. ولو توقفت الافكار الجديدة .. الفكرة الأصلية هاتموت..
يعني لما الحملة تبدأ لازم كلنا نقول الأفكار الجديدة ونغذيها عشان ماتوقفش عند حد معين..
بالنسبة للأعضاء.. طبعا هايضيفوا موضوعات.. سواء منفردين او بالاشتراك مع اعضاء تانيين..
+ يساعدوا المصممين في انهم يجيبوا صور تنفع للتصميم ..يبقى كتر خيرهم
أما المشرفين.. لازم يتحدد مشرفين (2) على الأقل كل اسبوع عشان ياخدوا بالهم من الحملة.. عشان ماتبقاش مفتوحة ويبقى كل واحد معتمد على الغير.. وفي الاخر محدش يعمل حاجة..
المصممين معروف هايعملوا ايه (وانت معانا يا بيبو مش تهرب :))))) )
5/خطة عمل خلال الفترة المحددة ..

مممممممم.. مش عارفة يا بيبو احط خطة معينة.. لكن ممكن شوية كده والفكرة تتضح واقدر احط خطة

طيب سؤال
هو هيتعمل قسم للحملة ولا لا
علشان نعرف نبتدي بقي ونحدد الاولويات؟؟

علي فكرة يا اسماء
انتي حاطة افكار هايلة
وانا برده مع ان الحملة تبقي شهرين
ان شاء الله مش هنمل ولا حاجة
وانا كمان عندي امتحانات
ولازم المصممين يرتاحوا
علشان يعملوا شغل كويس
وفكرة اسم الحملة اللي اقترحتيه برضه جميل ويشد
ساعدونا يا جماعة
احنا عايزين نوصل للمرحلة اللي نقول فيها
start

لا يا رحاااال قولنا على الفكرة .. :))))
::::::::::::::
طيب بخصوص قسم الحملة..
ايه رأيكوا يبقى قسم داخلي جوا شباب مشتاق للجنة؟؟
ويبقى لكل حملة القسم بتاعها جواه.. ويتضمن كل المواضيع الخاصة بيه.. بدءا من موضوع الاقتراح.. ولحد اعلان نتيجة المسابقات في الاخر..
انا كان نفسي في حاجة كده بس اعتقد انها صعبة شويتين :( بس الله أعلم يمك ربنا يسهلها..
كان نفسي نعمل مجلة بعد كل حملة .. تضم افضل المواضيع والنقاشات ..أو ممكن على أقل تقدير بعد كذا حملة ..
نسيبها لوقتها.. بس فكرة وحبيت اقولها قبل ما انساها

احنا ممكن نفضي قسم شباب مشتاق للجنة من الموضوعات اللي ممكن تتنقل لإسلاميات وكده
ثم نعمل لكل حملة قسم داخلي

انا نقلت معظم الاقتراحات لرأس الموضوع
والحاجة اللي هنعملها هنكتب عندها تم علشان نحس اننا بننجز
...................
اوك يا روز انا هبدأ اساعدك من دلوقت ننقل المواضيع
بس يا ريت تفتحي اشراف القسم لعدد من المشرفين او كلهم علشان يساعدونا في نقل المواضيع
...........................

أول خطوة يا جماعة عايزين نختار عنوان الحملة
في اقتراحين
معا ضد الاباحية
و
معاذ الله
اختارو بين الاتنين
او اقترحوا حاجة جديدة

معا ضد الاباحية

لأنه أكثر تركيز على الفكرة

معاذ الله رائع بس عام أكثر

خلاص هنفضي القسم ان شاء الله ونحاول ننقله كله لإسلاميات او القسم المناسب له

انا نقلت كام واحد
فيهم كتير ينفع لناقش وحاور

اه دا فيه كمان لإفتح قلبك

انا حبيت اشاركم بس للاسف ماراح اقدر ادخل الاسبوع الجاي ولا الي وراه للاسف لانو اختبارتي عالابواب
وانازعلانة كتير لاني ماراح اشاركم في الحملة


بس انا بختار معقول معا ضد الاباحية

سامحيني يا دكتورة كان نفسي اشاركم بس للاسف شكلو مالي نصييييييييييب

صح تمام
واعتقد في اتفاق
انا شايفة بقي نبدأ بس نفضي قسم شباب مشتاق للجنة علشان يبقي جاهز دي حاجة
ثانيا بما ان اسماء هتصمم معظم التصميمات تفتح موضوع
وتقول فيه احنا ازاي ممكن نساعدها
ويبقي الموضوع برده في نفس القسم
والغالبية بتقول معا ضد الاباحية
يبقي ممكن نستغل الآية الكريمة نفسها في التوقيعات او الواجهة