الاٍباحية ... اٍلى أين؟؟

بسم الله الرحمن الرحيم


كنا زمان لما نسمع ان حد وَصل نت وبقى عنده وصلة نت فى البيت..فجأة الناس اللى تعرف بكده وشها يتلون ميت لون _ دى الناس المخترمة _ وتقول يا ساتر يارب ليه عمل كدة فى نفسه؟!! اما الناس العادى الايزى اللى واخده الدنيا على صدرها زى ما بيقولوا يروحوا قايلين : "رَكب النت .. يا بخته .. خليه يعيش بقى "
ودايما كنت بسأل نفسى طب هيا النت دى مالها يعنى ؟! هيا حلوة ولا وحشة وليه الناس دى قالت يا ساتر ليه عمل كدة ؟ وليه الناس التانية قالت يا بخته دة هيعيش!!
ولما ربنا اكرمنا ووصلنا النت .. بدأت ادخل عليه ونفسى اعرف سبب التعليقين اللى فاتوا دول ..لحد ما فاتت كام سنة ووالعولمة بدأت تغزونا بشكل فظيع .. والعرى بقى فى كل مكان .. على التلفزيون فى الكليبات والافلام لا وكمان فى المسلسلات اللى بتتعرض فى رمضان كمان ... وظهرت على المواقع عناوين بتلمع وترقص وتغنى وتقولك " ادخل وشوف فضيحة الفنانة فلانة وهيا بتلعب فى مناخيرها " .. خش ومش هتندم .. ولو فوق 18 اتفضل ولو تحت 18 مش مسؤلين عنك .. وشعارات وكلام براق يشد النفوس المريضة .
وفجأة ظهرت المواقع الاباحية _ الحقيقة انا مش عارفة هيا فجأة ولا اصلا كانت موجودة وانا مكنتش اسمع عنها _
بيتهيألى كلمة زى اباحية دى من 5 سنيين كانت عيب ان حد يقولها بس ..دلوقتى بقت سلعة موجودة فى كل مكان على الانترنت والشباب اللى نفوسها ضعيفة تدخل وتشوف وتتفرج.. وانتشرت افلام وفيديوهات لدرجة ان معظم الشباب رفع شعار (لو عاوز تبقى راجل لازم يبقى تليفونك مفيرس بالاباحة من صور وفيديوهات ) ربنا يعافينا منها

دلوقتى السؤال المهم بقى الاباحية الى اين؟!!
ياترى هتاخد شكل جديد فى حياتنا وهتنتشر اكتر من كدة؟.. ولا هنلاقى ناس صحيت من الغيبوبة دى وفاقت وبدأت تقول لأ؟.. انا محترم انا مش هعمل كدة تانى!..هنلاقى شباب نتصح بعضها؟ وتقول لأ بلاش كدة؟

انا ليا سؤال اخير وضعته للنقاش بعد ما تقولولى رأيكم فى الكلام اللى فات دة.
ايه اللى خلى طبقة كبيرة من الناس واكثرهم الشباب يلجؤن لهذة المواقع؟؟
هل هيجى علينا يوم نسمع شباب بيقول (( انى اخاف الله؟))

اقتباس :

دلوقتى السؤال المهم بقى الاباحية الى اين؟!!

والله والله والله يا نيرا انا قبل الكلام عن الحملة دي
نزلت موضوع فالفيس بوك ع جروب بلدنا وكان عنو انه
نفس السؤال ده الاباحيه الي فين ؟؟؟؟؟؟؟؟؟؟
انا كمان م زمان بفكرا الاباحية دي اخرها ايه هتودينا لفين
مش كفاية بقي كفاية قلة ضمير وقلة دين
وقلـــــــــــــ.........................

اقتباس :

ايه اللى خلى طبقة كبيرة من الناس واكثرهم الشباب يلجؤن لهذة المواقع؟؟

بردو السؤال دا طرحته هناك وهنا ف موضوعي
هو موضوعي منزلشي ولا ايه ؟؟؟؟؟؟؟؟؟؟
هقولك الاسباب اللي فكرت فيها
الفراغ
تاخير سن الزواج
قلة الحيله احيانا
نفوس مريضه
قله دين
شياطين كمان

ممكن نقول ان دي الاسباب اللي جات ع بالي
_
نيرا
انتي لازم تشوفي موضوعي الاول وبعدين
اسالي ...اخدتي كل اسئلتي يا ستي
هههههههههههههههههههههههههههههههههههههههههه
_
تسلم الايادي
ربنا يهدينا ويصلح حالنا

اقتباس :

نيرا
انتي لازم تشوفي موضوعي الاول وبعدين
اسالي ...اخدتي كل اسئلتي يا ستي

هو الموضوع كان هنا فى المنتدى
ولا تقصدى على الفتيس؟؟
لو هنا فى قسم ايه؟
لو ع الفتيس
انا قفلت الاكونت ومش ببدخله

سوري انا نسيت
هو في واحد عالفيس ..اللي هو الاباحه الي فين
والتاني كان هنا فالاشراف انا نسيت اانه مش عندك
قسم الاشراف ههههههههههه لسه متاثرة بعالم سمسم
عالعموم بيبو نزله هناااااااااااااا
_
وبعدين انتي سايبه كل ردي ده وجايه تردي عالكلام
اللي خارج الموضوع
ركزي يا نيرا

اقتباس :

دلوقتى السؤال المهم بقى الاباحية الى اين؟!!

انا بشوف انها خلاص لنهايتها
و ان شاء الله هتنتهى بعالمنا العربى و الاسلامى

اقتباس :

ايه اللى خلى طبقة كبيرة من الناس واكثرهم الشباب يلجؤن لهذة المواقع؟؟

متهيألى السبب الأكبر للمشكلة دية هى الفراغ
و احساسهم ان مالهومش أى لازمة أو دور فى الحياة
فاطروا للجوء لمثل هذه مواقع لمجرد الاحساس بالرجولة و المتعة الزائفة
تسلم ايديكى يا قمر

اقتباس :

بيتهيألى كلمة زى اباحية دى من 5 سنيين كانت عيب ان حد يقولها بس ..دلوقتى بقت سلعة موجودة فى كل مكان على الانترنت والشباب اللى نفوسها ضعيفة تدخل وتشوف وتتفرج

موضوع مهم جدااااااا نيرة
بس الجزئية دي بالذات انا هعلق عليها
لاني موافقاكي عليها جداااااا
في كلمات ومصطلحات
كان زمان صعب ولد او بنت يقولها
دلوقت بقت سهلة قوي وعلي كل لسان
اعتقد التكنولوجيا والانفتاح علي الغرب لهم دور كبير في كدة
مشكلتنا اننا كل ما نبص للغرب ننبهر والسلام
من غير ما نفكر ونشوف ايه اللي ينفعنا وايه اللي ما ينفعناش
ايه اللي يفيدنا وايه اللي يضرنا
وبرررررررضه المشكلة اللي هنفضل نعيد ونزيد فيها
الاهل مش مصاحبين ولادهم
مش بيكلموهم
بيضطروا الاولاد دول من سن صغير ياخدوا معلومات من اصحابهم
وغالبا بتبقي حاجات غلط ومضرة
انا شخصيا لما رحت الكلية اتصدمت جدا
زي ما انتوا عارفين الدراسة في طب الي حد ما
منفتحة شوية نظرا لطبيعة المهنة
لكن انا شايفة ان حتي اكثر المواد حساسية يمكن ان تدرس باسلوب علمي محترم
يضمن لكل الحضور حياءهم
لكن للأسف شفت بعض الدكاترة ومش كلهم طبعا بقت الالفاظ والتعبيرات عندهم
سهلة للغاية وبيخلطوا الجد في الهزار بطريقة تثير الاشمئزاز
والاغرب رد الفعل من البنات قبل الولاد
راح فين الحياء؟؟
انا شايفة ان زي انتي ما قلتي فعلااااااا كل حاجة بقت سهلة ومباحة
ودي المشكلة
في الفاظ كتير دخيلة علي مجتمعنا وثقافتنا
وبقت عادي جدا وبنسمعها في كل حتة وعادي
ابسط كلمة كلمة زي كلمة مزة دي
كلمة بجد بالنسبة ليا مقرفة وبقت تتقال من اي حد وفي اي وقت
ومن غير مناسبة ومن بنات وولاد
قد تكون اسهل الكلمات
بس بجد المصطلحات دي غريبة عن مجتمعنا
وغريبة عن ديننا ودة الاهم
التربية كمان بتفرق جدا
يعني المتربي متربي مهما حطيتيله مثيرات او غيره
التريبة الدينية بتفرق
والقدوووووووة
ويا ريت نبطل نقول علي ذوي الاخلاق انهم اقفال ووجاهلين
بلاش نبص النظرة السطحية دي للحياة
لازم نفكر ونعتبر ونعرف ان في ربنا شايفنا وبيحاسبنا
ونخاف نموت علي شيء يغضب ربنا
وبلاش بضغطة زر ندمر حياتنا
خالص تقييمي لمشاركتك الرائعة نيرة

والله انتوا أجملتوا كل النقاط المهمة في ردودكوا.. ومش عارفة اقول ايه اكتر من كده..

فعلا أهم سبب.. الدين والخوف من الله..

يعني كلنا عارفين سيدنا يوسف - عليه الصلاة والسلام - عمل ايه؟؟

وكان هايضعف فعلا..مش عيب الانسان يضعف للحظة.. لكن العيب انه يستمر في ضعفه وينساق ورا المعاصي..

لازم التذكرة المستمرة.. عشان الشيطان مايلحقش يقوم بدوره..

لازم قبل اما اهاجم اللي بيعمل كده.. افكره إن باب التوبة مفتوح.. وماتخافش..

التوبة دي استيييكة هاتمسح كل اللي عملته.. بس انت انوي نية خالصة لوجه الله انك مش هاتتفرج على الحاجات دي تاني..

بالنسبة بقى للأسباب الاجتماعية اللي أدت لانتشار الظاهرة دي..

أو مش انتشارها.. هي كانت منتشرة بس مستخبية.. ممكن نقول أدت إلى ظهورها بشكل سافر.. وكأنها هي الحق..!

احنا زي ما قالت آية بقينا نتنازل كتير اوي في مبادئنا عشان هدف واحد.. ان محدش يقول علينا مقفلين .. ومعقدين..

يعني زي الملابس.. والسلوكيات العامة..

الأول كانت الملابس العارية بتنحصر في فئة محدودة في المجتمع.. دلوقتي تلاقي اللبس دا وصل للطبقات المتوسطة اللي اغلبنا منها..

وبقى العادي ان البنت والولد يلبسوا مايوهات على البحر.. والله انا فاكرة زمان كانوا الشباب بيتكسفوا ينزلوا البحر الا بشورتات طويلة وتي شيرتات..!

بالنسبة للأهل بقى.. انا معاكوا ان الاهل فعلااااا مش بيصارحوا أبنائهم بأي حاجة..

وان العلاقة الزوجية دي حاجة عيب اننا نتكلم فيها قبل الزواج..

ودا بيخلي الشباب يلجأوا لمشاهدة الافلام الاباحية خوفا من انهم يفشلوا في العلاقة نظرا لجهلهم..

ليه التعتيم دا؟؟ طيب على الأقل يوجهوا أبنائهم لكتب معينة يقرأوها.. أو ياخدوهم لشيوخ ومعلمات موثوق فيهم وفي اسلوبهم يفهموهم..

التعتيم دا للأسف بيؤدي في كثير من الأحيان إلى انحرافات زي مشاهدة المواد الاباحية.. واستمرار ذلك بعد الزواج.. لانه بيبقى ادمان..

وكمان بعض الازواج بيحاولوا يطبقوا اللي فيه دون وعي مما يؤدي إلى عدم رضاء بين الزوجين يؤدي بالتالي إلى خلافات وطلاق في أكثر الحالات..

إحنا ديننا جميل أوي.. وبيفصل كل شئ.. بس للأسف الأهل بيصعبوها علينا.. وبيضعوا قيود ما أنزل الله بها من سلطان..

وعشان مانتحججش بالأهل.. احنا ممكن نسألهم ونطلب منهم اننا نعرف.. ولازم نكسر حاجز الخجل الوهمي دا.. لأن مفيش حاجة نخجل منها..

لازم نحصن نفسنا بالمعرفة.. لان مانضمنش الشيطان هايلعب في دماغنا ازاي.. ولا هايخلينا نضعف ازاي.. لازم نقفل عليه الباب.. وطبعا نستعين بالله في الاول والأخر..

نيرة موضوع جميل اوي..

أحلى تقييم

حفظني الله واياكم من الوقوع في المعاصي.. وأعنا على وساوس الشيطان لعنه الله

اقتباس :

وبعدين انتي سايبه كل ردي ده وجايه تردي عالكلام
اللي خارج الموضوع
ركزي يا نيرا

ههههههههههههههه
لا اصل امبارح مكنش عندى طاقة انى اكتب وارد على تعليقك

معلش سامحينى

بس انا هصدعك دلوقتى كلام

دة انا هرد عليكى وعلى بيبو وايوتة ومنة واسماء

يعنى كبار عيلة المنتدى

يعنى ناقش من الاخر

يعنى الكلام الكبير

خليكى معايا بقى فى الرد الجاى

معاك يا معلم
ولا يهمك
حملة جامدة ان شاء الله

اقتباس :

انا كمان م زمان بفكرا الاباحية دي اخرها ايه هتودينا لفين
مش كفاية بقي كفاية قلة ضمير وقلة دين
وقلـــــــــــــ.........................

مش عارفة تقصدى بقله ......... دى اللى جت فى بالى ولا ايه

اصلها فعلا قلة ....... لما يبقى شاب مثقف ومتعلم ومسلم

وقلبه يطاوعه يكتب اسم موقع اباحى عشان يدخل يتفرج عليه

وهوا عاارف ان دة حرام

وان الموت بييجى بغته وان الانسان بيبعث على ما يموت عليه

وانه وارد جدا يموت وهوا بيشوف المواد الاباحية دى

ويبعث يوم البعث امام رب العباد وكل العباد وهوا على الفضيحة دى والمعصية دى

يبقى لا حول ولا قوة الا بالله

لا يسعنا الا ان ندعى ونقول رب اهدى شباب المسلمين وبنات المسلمين

وابعدهم عن هذة الاَفة السامة

معاك حق جدا جدا يا بيبو فى كلامك

احنا كبشر دايما نبص على الجانب المظلم من اى شئ

يعنى لو حاجة ليها سيئة واحدة و 10 مميزات

نمسك فى السيئة دى ونقول هيا اللى هتدمرنا

مع اننا بايدينا نتجنبها ونبعد عنها

اقتباس :

وسؤال النقاش ايه الي خلى الشباب يعملوا كده ..؟
اعتقد الاجابة واضحة وصريحة جدااا وهي بعد انتشار
التليفزيونات والفضائيات التي تمتلئ عن اخرها بالكليبات
والاغاني الفاضحة التي اصبحت رقصا وليست طربا
والمسلسلات العربية وغير العربية وما فيها من عري
وملابس سافرة والافلام وما تحمله من افكار شاذة ومشاهد
فاضحة يشاهدها الصغير قبل الكبير وخلاف ذلك في المجلات
وف الصحف وف الشارع من ملابس فتيات ومن عدم احتشام
والى اخره من مثيرات الفتنة والغرائز في كل مكان ..
اعتقد كل هذه الاسباب جعلت الشباب لا يتحملون كل هذه
المثيرات فلجأوا الى مواقع والى صفحات اباحية اعتقادا
منهم انها ستحمل الحل لمشكلته ...

طبعا كلام لا غبار عليه
ومن اهم الاسباب اللى خلت قلوب الشباب تضعف وبقت عندهم المشاهد دى مباحة وموجودة فى كل مكان وزمان
فبالتالى عاوزين منها اكتر

والبعد عن الدين او تجاهل الحلال والحرام دة مأساة كبيرة

نسأل الله ان يردنا اليه ردا جميلاَ

اقتباس :

متهيألى السبب الأكبر للمشكلة دية هى الفراغ
و احساسهم ان مالهومش أى لازمة أو دور فى الحياة
فاطروا للجوء لمثل هذه مواقع لمجرد الاحساس بالرجولة و المتعة الزائفة

صح يا منة الفراغ دة سلاح ذو حدين
ممكن ناس كتير عاقلة تستفيد منه
واحيانا بيكون سبب فى ضياع وتعاسة ناس
تستغل فراغها بشكل مش كويس ومش تمام
فالحل من وجهه نظرهم يكون
اروح اجرى على النت
افتح موقع وحش
اتفرج واحس انى راجل اوووى وانا بعمل كدة

لا حول ولا قوة الا بالله

اقتباس :

اعتقد التكنولوجيا والانفتاح علي الغرب لهم دور كبير في كدة

ما هيا دى المشكلة يا ايوتة
اننا بننبهر بالغرب بكل اللى بيعملوه
وكل اللى بيقولوه
من غير تفكير
انقيادى سلبى
والغاء للعقل بشكل مبتزل

والمشكلة الاكبر ان الغرب دول هما الل ىبيصنعوا الافلام الاباحية دى
وبيبثوا سمومها فى اجساد شباب الامة دى
انا مرة سمعت من دكتور على التليفزيون
كان عايش فترة كبيرة من حياته فى امريكا
ولما رجع مصر عمل ابحاث عن الافلام الاباحية دى
والمواقع وكدة
والراجل قال انا صعقت لما عرفت ان امريكا الدولة اللى بتعمل الحاجات دى
مش بتعرضها عندها على شاشات تلفزيوناتها
وكمان بتشجع شبابها بل وبتمنعهم منعا باتا من الدخول لهذة المواقع
واللى بيدخل فيها بيعاقب اشد العقاب وبيدفع غرامات هائلة

مش عارفة ليه مصدقتش شوية فى الاول
بس بعدين قلت وايه يعنى!!
هما هدفهم الاول هدم شباب الامة دى بكل ما هو تافهه وحقير وسطحى
وافضل وسيلة هيا اجتذاب الشباب دى للحاجات اللى بتثيرهم
وبالتالى هيلغى عقله عن التفكير فى نفسه ومستقبله
ومستقبل بلده ودينه

والله يا سومة كلامك جميل جدا ومش هزود عليه كلمة واحدة

وعجبنى اوى

اقتباس :

والله انا فاكرة زمان كانوا الشباب بيتكسفوا ينزلوا البحر الا بشورتات طويلة وتي شيرتات..!

يا نهااااااار ابيض
دول مذيعات النشرة دلوقتى بيلبسوا مايوهات
الواحد بيبقى قاعد مكسوفلهم والله
دة غير المذيعات التانيين اللى هما اصلا مش خريجين اعلام
وكلهم ممثلات
وكلهم لابسين لبس لا يستر ولا ينفع


وكمان فكرة ان الاباء يوجههوا ولادهم للثقافة دى
وينصحوهم بكتب محترمة يقروها
ايه المشكلة لو الاب يكلم ابنه كلام علمى منطقى دينى
يعرفه ايه الصح وايه الغلط
بس احنا دايما بنعتبر ان دى عيب
وان الولاد يعرفوا معلومات بالغلط من ناس غلط
وبالتالى الانجراف للمواقع الاباحية
والصور الخليعة

اقتباس :

إحنا ديننا جميل أوي.. وبيفصل كل شئ.

جملة جميلة جداااااااااا
لو كل حد رجع لدينه وتعاليم القراَن والسنة
مش هنلاقى منظر لبس خليع
ولا فيلم حقير
ولا مسلسل سافر
ولا حاجة تخلى شاب يفكر يدور على مخدر مؤقت لاحساسه بالنقص
وانه عاوز يكمل رجولته


واجمالا بقى للاسباب اللى حضرتكوا ذكرتوها عن سبب الاَفة دى

منها الزواج فعلا
"إذا جاءكم من ترضونه دينه وخلقه فزوجوه"
بس دلوقتى ابهات البنات بيتحكموا بشكل وحش
وظروف الحياة والغلاء بتخلى الشاب مش لاقى يتزوج ويحصن نفسه

وطبعا البعد عن الدين
ودة لاتعليق عليه كلنا عارفين ان الدين سبب سعادة فى الدنيا والاخرة

والفراغ

عدم الاحساس بالمسؤلية

المثيررات اللى حوالينا اللى بتخلينا مش طايقيين نفسنا
وتخلى النفس تضعف
والشيطان يشتغل
وندخل على النت
وبضغطة رز فعلا نخسر دينا ودنيانا واخرتنا

شـــــــــكــــــــر خـــــــــــاص لكل من كتب حرفا فى هذة الصفحة

السلام عليكم ورحمة الله وبركاته

موضوع رائع جدا
وأراء ومشاركات وردود وحلول وطروحات ولكن لنتوجه للتطبيق ووضع برامج عملية كيف نستفيد في ما نطرح ونجعل مواضيعنا على قائمة التطبيق

ان كنا نريد المعالجة فيجب ان تكون على اسس ومفاهيم واضحة

العالم الغربي في الزمن الماضي كان يحتكم الى قوة السلاح مع الدول الاسلامية والعربية وكنا نسميه الاستعمار ولكن في زمننا هذا عمل العالم الغربي على تغيير هذا المصطلح ليجعلة العالم الصديق المحب للسلام ويتعاطف مع الشعوب
اليوم يتعامل معنا لمصلحة الخاصة بطرق خبيثة وفي نفس الوقت اقوى من قوة السلاح وهو تغير مفاهيم الشباب والانتقال بهم الى طرق الضياع وابعادهم كل البعد عن دينهم واسلامهم الحنيف
الغرب ليس بالخصم السهل لكي نتفوق عليه ولكن اذا نضجت عقول شبابنا وشاباتنا اتجاه هذا الغزو الفكري والثقافي اكيد سنصل الى بر الامان

عندما نقول النت والفضائيات وغيرها هي من اوصلتنا الى ما نحن فيه فهذا خطأ كبير العالم كله يمتلك تلك التكنلوجيا وادرك تماما ما مدى خطورتها لانها سلاح ذو حدين وادرك تماما ان الغرب مشبع باخلاق الرذيلة ولكن يجب علينا ك شباب ان ندرك ايضا اننا مسلمين وان هذه التكنلوجيا ممكن ان نستفيد منها

وايضا عندما نقول ان في الزمن الماضي كانت الملابس متحشمة واليوم اصبحت بهذه الصورة الغير لائقة للشبابنا اعتقد ان هناك من يقوموا بمساعدة الغرب في تسهيل تلك الموضة لعالمنا العربي وهم حكوماتنا وتجارنا ورجال الاعمال كما يسمونهم حتى يستطيعوا امتلاك ثروات هائلة على حساب تدمير شعوبنا

قضية العلاج ليس بالامر السهل ولكن بالعمل يصبح المستحيل حقيقة

انظر الى الثورة المصرية بحذر شديد واتابع هذا الامر لكي ارى التغيير الحقيقي على الارض واتمنى من الله سبحانه وتعالى ان يواصل الشباب طريقهم للوصول للهدف المنشود وهو استئصال كل ما هو فاسد من رأس الهرم حتى القاعدة لكي ينعم الشعب المصري بحياة افضل تحت راية لا اله الا الله

الريح77

ياجماعه الشباب كلها ادمرت بسبب المواقع الاباحيه دى احنا عايزين حل للموضوع ده بس تفتكروا هنقدر نعمل ايه اذا كان مفيش حد عايز يسمع كل الناس بتسد ودانها اللى عايز يتغير بس هو ده اللى بيسمع واللى مش عايز بيسد ودانه وعجبى [i]

بس تعرفوا الحل فين
الحل فى
الصلاه اولا وقراءة القران لا ن دى اسباب وجودنا على الارض
وشكرا على الموضوع ده واتمنى ان الموضوع ده ينتشر بشكل سريع وكبير ويعملوا حملات مقاطعه كمان [b]