هل تؤيد أم تعارض الخروج يوم 8 يوليو ؟

السلام عليكم ورحمة الله وبركاته

هل تؤيد أم تعارض الخروج يوم الجمعة

الموافق 8 يوليو 2011 للتظاهر بشكل سلمى

للإسراع في المحاكمات وتطهير مصر من الفاسدين

بعد كمية الأحداث الغريبة بمصر

منذ أحداث التحرير إلى براءة بعض الوزراء السابقين

والسؤال الآن .....

هل تؤيد أم تعارض ........؟

مش عارفة اختار ولا اختيار لأني تايهة جدا ومش عارفة الصح من الغلط

ليه يا ايه الموضوع مش صعب اوي كدا

عموما ربنا يصلحلنا الحال ويهدينا للصالح

والله واناكمان مش بعرف اقووول حاجة
بس انا يلي بدو احكيه اد الخروج راح يطهر مصر من المفسدين بالتاكيد انا اؤيد
ادا لاااا انا بعاااااااااارض وبشدة
لانو امور مصر تهمني كتيرا
الله يارب يطهر مصر من كل ظالم ومفتري ومابحبلها النهوض ولا الارتقاء ياااااااااااااارب
للاسف ماراح اقدر اؤيد ابدااااا

انا موافقة على الوقفة وان شاء الله هروح بكرة لازم نحظ حد للمهزلة دى رموز الفساد براءة والله عيب على المصريين

والله يا رحال كلااااام الاعضاء صحيح
هاي الشغلة مو بالسهل انو الواحد يؤيد زي ما قالت سوسو اذا كان الخروج فيه تطيهير مصر من الاجناس والظالمين ممكن اؤيد واذا لا طبعا اعارض
شكرا كتيييييير الك علي الموضووووع

يا جماعة معقول كلكم مش عارفين ليه هنخرج يوم الجمعة خرجين علشان
1- محاكمة النظام السابق محاكمة عاجلة وعلنية .
2-تطهير الشرطة من المتورطين .
3-الوفاءبالعهود ( زى زياده المعاشات وحاجات كتير يا جماعة فى ناس بيخدوا معاش السادات 80 جنية تخيلوا فى الشهر 80 جنية ) دا دى اقل حاجة لازم نرجع فلوس مصر المنهوبة

هتبقى اعتصام وليست مليونيه يعنى مستمر حتى تتحقق ما نريد

ياريت كلنا نشارك هتكون سلمية صدقونى مصر مش هتتغير لما نسكت

يا جماعة الرموز السابقة رموز الفساد اللى باعوا مصر طلعوا براءة حاجة بجد تجنن

شوف يا رحاال
انا بالنسبة ألى ما بأيد المظاهرات فى الوقت الحالى أبدا
و ده كان رأى على المظاهرات اللى فاتت كلها اللى طبعا كانت بعد الثورة
أما بالنسبة للمظاهرة ديه بصراحة محتاره فيها
من جهه أهدافها كتير مقنعة و بتستحق الوقفة
و من جهه تانية شايفه البرصة اللى عماله تخسر بسبب الوقفات و أقل الأشاعات اللى بتبهدل البلد
و عشان كدا هافضل ع رأيى القديم و هعارض المظاهرات

يا منه يا حبيبتى انتى ترضى ان اللى سرق مصر يطلع براءة ترضى ان رموز الفساد تاخد براءة فى تهمة اهدار المال العام يبقى الثورة قامت ليه لما نقول ان ضد المظاهرة دى فكرى كويس هتعرفى ان احنا عندنا حق ومستعدين مليون مننا يموت بس مصر متكونش محتله يا بنتى احنا كنا محتلين من مبارك وابنه كانت الماسونية هى اللى بتحكمنا اللى كان جمال مبارك عضو فيها يعنى كنا محتلين مصر مش هتفرح لما نقعد فى بيتنا ونسكت ولا هتفرح بينا لما نقول هنشتغل هتشتغلى ازاى وانت بتتهانى فى بلدك بكرة تجربى ان مش لاقيه شغل ولما تلاقى شغل ميبقاش فى اجر على قد جهدك وكمان تتذلى فيه واللى اكتر من الاهداف الفئوية مصر يا جماعة اتباع 70% منها ارجوكوا حافظوا على الباقى صدقونى مصر محتله ياريت نحررها يا جماعة مصر كده كده اقتصادها مضروب يله منغيرش ليه نسكت ونقول مش مأيد ياريت اللى بجد مش فاهم ينزل يشوف بعينه ويفهم ياريت اللى مكبر دماغ يقول خلاص وقت الصحيان جه خلاص مبقاش فى وقت نضيعه احنا سكتنا كتير اوى لكن هناخد حقنا .

طبعا مارضاش يا بسملة ان اللى سرقوا ما يتحكموش
بس كل شئ بيجى بأوانه المجلس الأعلى للقوات المسلحة قالت أنهم هيبذله أقصى ما فى جهدهم عشان يكون فى محاكمة نزيهه و عادلة
ليه احنا ما نصبرش و نشوف هيعملوا آيه و اذا كان فيه ظلم علينا فميدان التحرير مفتوح للكل
و ساعتها نضحى فعلا بالمليون
و باعدين مافيش أى حاجة هتتحقق طول مافيش شغل
كل اللى علينا عمالين نطلب و بس ما بنديش أبدا
كل يو التانى تلاقى واحد طلاعلك و عايز زيادة فى مرتبة و ممكن يكون مرتبه حلو أصلا و ده كله مش مشكلة
المشكلة انه فى المقابل مابشتغش بضمير و يحلل ماله اللى بيقبضه
و فى الحاله ديه مش هيعتبر حرامى زيه زى اللى اتقبض عليهم دلوقتى
أينعم كمية الفلوس مش نفسها بس كلها اسمها سرقة و هدر للمال العام زى الخمر بالظبط قليله و كثيره حرام
فليه البداية ماتكونش مننا و نشتغل و نوقف البلد على رجلها من جديد وساعتها نبدأ نطالب باللى احنا عايزينه
و بلاش نحط آمال كتيرة على المال المسروق لأن أكيد الحكومة بتاعتنا عايزة تسترده بس البلد اللى محطوط فيها الفلوس ديه مش هترجعها بسهوله لأنها أكيد مش عايزة تخسر نفسها لأن الفولس ديه أكيد كانت سانده البلد بتاعتها
يا رب أكون وصلتلك وجهة نظرى

يا حبيبتى بقولك القضية اتحكم فيها خلاص واخدوا برااااااااااااااااااااااااااااااااااااااءة

هيعمل ايه المجلس العسكرى بعد اما القضية اتحكم فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

آه انتى قصدك على اللى أخدوا برآءة النهاردة
بصراحة هو رفض الطعن بتاع النائب العام صدمنى جدا و أكيد صدم ناس كتير غيرى
اذا كانت فعلا الوقفة منظمة عشان الحكاية دية يبقى أكيد موافقة عليها
بس ده أكيد ماينفيش وجهة نظرى فى رفض المظاهرات الكتير عما على بطال كدا
لأن احنا بصراحة اتمادينا فيها بطريقة غريبة شويتين
شكرا ليكى يا جميل عشان فهمتينى أكتر .. ربنا يبارك فيكى يا قمر

اولا انا سعيد بالحوار الجميل دا يا جماعة

بس يا منة الموضوع مش موضوع مظاهرة

الموضوع بكل بساطة ان الناس مش فاهمة الاحدا ليه ماشية بالشكل دا

كل اللي حوالينا واخدنا لكذا حوار

منهم ضغوط خارجية وبنخضع لها ودا طبعا مرفوض

رئيس حكومة يحاول يستقيل 6 مرات وترفض تفتكري ليه

وزراء كانوا على مناصب عاليه في النظام السابق تفتكري ليه

أين مبارك ؟

أين العدالة الاجتماعية ؟

أين حق الشهداء لما كل الضباط خروج بكفالة وأمين الشرطة اعدام غيابيا

وهم الاقتصاد والبورصة اللي بتخسر (تفتكروا مين مستفيد من البورصة)

ما صحة اخبار هروب بعض الضباط خارج مصر

كل ما حدث في الداخلية ما هو إلا تغيير مسميات وحركة تنقلات

كل الكلام دا ان دل فبيدل على حاجة واحدة بس

اننا ماشيين في طريق غلط

ودا هيوصلنا لكذا حاجة

يا اما المجلس العسكري عايز يستمر بالحكم عسكري ونرجع تاني زي ما كنا

يا اما ضغوط خارجية وبنقبلها ودا مرفوض بردو

يا اما كانت هناك وعود لمبارك وعائلته بعدم المساس بهم

يا اما .... يا اما ..... يا اما ........

مهما كانت اسباب اللي بيحصل فهو مرفوض

بس السؤال هنا ....

الثورة التانية نتيجتها ايه ؟؟؟؟

دا السؤال الصعب

لكن بردو في ثورة 25 مكنش حد عارف النتيجة

لكن كل الناس خرجت عشان اهداف وحلم بالوصول للافضل

انا شايف اننا بكرة لازم نخرج واللي عندو القدرة على الاعتصام يعتصم

والنتيجة دي في علم الغيب

مادام بتستحضر نية الخير في قلبك

عندك حق يا رحال فى كل كلمة بتقولها
لكن انا من وجهة نظرى ان الأحوال مش هتمشى بالتظاهر
يمكن أكون انا مختلفة مع معظم الناس لكن شعورى ان كل شئ هيتحسن عن قريب من غير أى ضغوط على المجلس العسكرى أو حكومة شرف لأن الضغط الزايد ده هو اللى خلا رئيس الوزراء يقدم استقالته أكتر من مرة
لكن أهداف هذه الثورة مختلفة بعض الشئ عن سابقتها من الثورات فى أهدافها المهمة التى تستحق النزول من أجلها
فلذلك أؤيدها هى فقط دونا عن غيرها
شكرا ليك رحال على هذا النقاش الممتع

هو ده الكلام وانا اول وحدة اشتركت ولسه جاية والله وان شاء الله هكمل معاهم لحد ما نوصل لحقنا وحق عمرنا اللى راح هدر وحق بلدنا وحق امى واخويا واهلى وناسى وحق ارض اتربيت عليها وادتنى كل اللى اتمنيته .

نقاش جميل عشان تفاهمك يا منة

اكيد كلنا بندور على المصلحة العامة

ومفيش لا اهداف ولا اي حاجة من الحاجات دي

لاننا باختصار احنا المواطن البسيط اللي راح مننا كتير اوي

ــــــــــــــــــ

بسملة

حمدالله على سلامتك من الميدان

واحنا كملنا مكانك ولسه راجعين

متقلقيش

بس بصراحة الوضع اتغير كتير عن بالنهار

يعني بالليل ظهر اعداد ناس كتيرة قضت اليوم على انو فسحة

وخروجة لمكان اصبح عند المصريين مقدس

وبعد الساعة 6 صباحا بالظبط كانت الناس بدات تمشي

وييجي ناس اشكالها غريبة جدااااااااااا (شبه بلطجية)

واصبح الميدان عبارة عن وجوه غريبة ونقاشات غريبة

بعد ما المنصة دعت لتوحيد النداء بسحب الثقة من المجلس العسكري

وطلب وضع مجلس رئاسي

ودا الغلط بعينو ، مش عشان خاطر سواد عيون المجلس

لكن عشان خاطر الناس كلها خرجت عشان هدف محدد ووااضح وصريح

لكن في النص بقا نلخبط ونطلب حاجات هتفرق الاراء بينا

دا اللي بجد ممكن يضيع الاعتصام ونبص نلاقيها جمعة زي اي جمعة

ربنا يستر ونشوف على الضهر كدا

عندي امل الناس ترجع من شغلها على هناك ويتغير عن ما سبتو

عشان انا بجد رجعت مخنوق

عندك حق يا رحال صدقنى انا بكلمك من المكتب واول ما اخلص هروح مش عارفة ليه دايما يحاولوا يحطمونا بس صدقنى اوعى تحس بهزيمة علشان هم عاوزين كده

ان شاء الله هنرجع ونكمل اللى بداناه

ربنا يستر يا بسملة

يا ترا ايه الاخبار دلوقتي ........؟

يا جماعة انا بقيت في قمة الحيرة بجد
بس انا برضه مش ميالة لموضوع الاعتصام
لأن انا شايفة ان الضغط الجامد دة هيعطل المسيرة مش هيقدمها
بجد بشوف شباب كتير بيتكلموا بحماس واندفاع
وبحسهم مش فاهمين
وبعدين ايه اللي كل شوية نثق في حد ونرجع نسحب الثقة منه
يا جماعة اصلاح بلد كدة مش هيتم في يوم وليله
وشغل الاعتصامات ووقف الحال دة مش حل
الناس اللي عايزة تخدم البلد هتزهق
وبعدين اي قضية في مصر قبل ولا بعد الثورة لازم تاخد وقت
لما احنا نضغط بالشكل دة يبقي احنا بنظلم ناس في النص
يعني ازاي قولولي القاضي هيحكم بنزاهة وهو شايف ضغط بالشكل دة
اخر حاجة شفتها علي التليفزيون
شابين في قمة الحماس والغضب وزعلانين ان المجلس العسكري عين
وزير اعلام
ايه دة بجد يعني هو احنا في ايه ولا في ايه يعني خلصت المشاكل ومش باقي الا دي
اه الوضع يخوف والدنيا مش ماشية تمام قوي بس التظاهرات دي كمان مش عمال علي بطال
ندي فرصة للناس تشتغل بالراحة شوية
ولازم نلاحظ اننا ما زلننا تحت حكم عسكري شئنا ام ابينا فلازم نرضي بيه
لاننا رضينا بيه من الاول وما اعترضناش
ما ينفعش بقي حسب مزاجنا كل شوية نشيل دة ونحط دة الموضوع مش بالبساطة دي
وشوية شوية الموضوع هيقلب فوضي
وفي ناس كتير من الناس العاديين اللي في البيبوت بدأوا يكرهوا الثورة
ويحسوا ان في ناس بتروح الميدان تتفسح وترفع اعلام والسلام
اعتقد لازم ندي للناس فرصة تشتغل
ولازم احنا نحترم نفسنا علشان الناس تحترمنا
انا بشوف الشرطة دلوقت في اسكندرية خاصة بتوع المرور بيستهان بهم بمنتهي قلة الذوق
مستنين ايه احنا بقي
نصلح في نفسنا الاول وبعدين بقي نطالب بحقوقنا صح

رسميا اللي موجود في الميدان حاليا

حركة شباب 6 ابريل وجبهة التحرير وحركة العدالة والكرامة ( مش حزب العدالة والكرامة )

وبعض المستقلين

وبكدا نقدر نقول

ان حتى لو هما صح

مش دول اللي يتكلموا باسم الشعب المصري

يا جماعة في حد قلقان زيي ولا لا

انا حاسة ان الدنيا بدات تتلخبط من تاني
دي مرة من المرات القليلة اللي مش عارفة احدد فيها مين الصح ومين الغلط
امبارح سمعت واحدة بتتكلم اسنا رنا فاروق تقريبا
المتحدثة الاعلامية باسم مش عارفة شباب ايه كدة يعني
المهم
بيقولولها ايه رأيك في بيان دكتور عصام شرف
قالتلهم رافضينه طبعا
المذيعة قالتلها ليه
قالتلها ما يختلفش عن اسلوب النظام السابق
يعني ما يتصرفوش غير بعد الحدث
بجد قمة في التخلف من وجهة نظري
امال بقي هما معتصمين ليه
علشان يطلبوا مطالب ولو ما اتنفذتش يفضلوا في الميدان
ولو اتنفذت يقولوا فات الاوان وكان من الاول
والناس العادية تحت رحمة قراراتهم بقي
وانا شايفة ان المجلس العسكري مطنشهم خاااااااااالص فمش متوقعة ايه اللي ممكن يحصل الصراحة