نيرو ع كرسي الاعتراف

اقتباس :

نيييييييييييييييييييييييييرة هنا على الكرسى ......!!!
يا اهلا يا اهلا بالزعيم
منورة ومتألقة والله
عجبانى اوى ردودك
ومتابع باهتمام
استمرررررررررى يا استاذة
انا قلت ادخل امسى مؤقتا ...
وارجع تانى بالاسئلة

اهلا بيك ابو سلوووومة .. الله ينور عليك

الكرسى ناقصة اسئلة حضرتك وهيبقى احلى قاعدة بإذنك يارب

بس والنبى ما تطول علينا الغيبة

يسعد مساك يا غالى

***

اقتباس :

لو تختاري يكون شريك حياتي والاختيار بين اتنين
جوني والكبير اوي ...تختاري مين ؟؟؟؟؟؟؟

هههههههههههههههههه..

السؤال دة اجبارى ولا اختيارى .. اصل بصراحة مكنتش متابعة

المسلسل دة اووى .. كنت بشوف كام لقطة من كام حلقة مختلفة بعد رمضان


بس اعتقد انا ولا هختار دة ولا دة .. بس لو حد بخفه دم احمد مكى يبقى ياااارب

****
بيبـــــــو

اقتباس :

مين أكتر حد بيفهمك وبيعرف يتكلم معاكي
وزي ما بيقولوا كده بيقدر يستوعب الموضوع
ومش يفهمك غلط ويقدر انه يوصلك اجابة لتساؤلاتك
ف اي موضوع مثلا بتحتاجي مشورة فيه ..؟؟؟

اكتر حد بيفهمنى وبيعرف يتكلم معايا.. وانا كمان بعرف اتكلم معاه وبحس انه فكرتى بتوصله

من غير كلام ولا رغى كتير هيا واحدة صحبتى من ايام ثانوى ... وصحبتى كمان من اولى

كلية ..

واللى بحتاج مشورة لموضوع مصيرى مثلا بتكون ماما فى الاول.. وبعدين صحبتى بتاعت

ثانوى دى

***

اقتباس :

وكمان قوليلي ليه بحس احيانا ف كلامك ف مواقف معينة بثقة جامد
واحيانا ف مواقف تانية بحس انك ضعيفة شوية ...؟؟ احساسي ده صح ..؟؟

انا كمان بحس بكدة .. بتيجى عليا اوقات ببقى واثقة اووووى فى نفسى وفى المواقف بقى فظيعة

وممكن اخد قرار متأكدة منه مليون ف المية من غير ما افكر وبيكون صح

واحيانا بحس انى ضعيفة اوووى ومحتاجة اعيط .. ومش عارفة اعمل ايه فى دنيتى ومش

عارفة اتعامل ولا اخد قرار .. حتى لو قرار صغير زى اخرج ولا لأ ... تخيــــــل

بس اعتقد ان حتة الضعف دى مهمة كونى بنت .. يعنى مينفعش ابقى ماشية كدة بدراعى وثقتى

بنفسى بتخلينى الغى كل الناس او حتى الغى مشاعر الضعف اللى المفروض تكون موجودة عند

اى بنت

***

اقتباس :

قوليلي الحياة بالنسبة لك ايه

ابيض ..؟؟
اسود ..؟؟
رمادي ..؟؟
ولا
شايفة الالوان كلها ..؟؟؟؟

بالصراحة انا شايفة الحياة فيها كل الالوان

وعندى فيها الوان نارية اكتر

شايفها لوحة طفل صغير راسمها بألوان مايه زاهية اوووى

فيها اصفر كتيررررر وبرتقاااااالى واحمررررر واخضرررررر

وشايفة فيها زرقة ماية البحر

واللون الاسود كمان موجود بس على اطراف اللوحة دى

والابيض كمان موجود بس مش بشكل كبير اوووى

بنفس درجة وجود الاسود بس على مستوى اللوحة كلها

يعنى الوان حياتى تظهر فى لوحة فنية .. راسمها طفل بيحب الحياة والالوان



****

اهلا بيكى سوسو .. ربنا يخليكى على كلامك الجميل

دة من زوقك بس ..

ويالا هاتى اسئلتك النظيفة والظريفة

وانا مستنياكى بس دلوقتى

مش بعد ما الاعضاء يسألوا اسئلتهم

لان واضح انك كل حد داخل يتعازم على التانى

انا كيت

اقتباس :

لان واضح انك كل حد داخل يتعازم على التانى

شكلك بتخوفي ولا اييييييييه
مع ان صراحتك دي تطمن اوي
والله يا اختي بدعيلك ربنا يكون في عونك
طب سؤال رفيع علي الماشي كده
استعديتي نفسيا ازاي للكرسي اول ما عرفتي
فكرتي اكيد في اكتر سؤال نفسك محدش يجي ناحيته
يا تري ايه السؤال ده ؟؟؟؟؟؟؟؟؟
كمان جاوبي عليه
انا عارف اني رخم اتحملي بقي اول مرور

هيا اول القصيدة ..وقوف على الاطلال كدة

اولا الموضوع جة بسرعة اوووى .. انا لقيت روز فى موضوع ياسمينا بتقولها افتحى انتى بقى

موضوع لنيرة

فالموضوع مكنش محتاج استعداد نفسى ولا حاجة . . عشان انا بحب اتكلم وافضفض

وبحب الناس تسألنى وانا اجاوب .. وفرحت اوووى فى اول تجربة ليا على كرسى اعتراف فى

حياااااااتى .. انا اجاباتى تعجبكم وتحسوا فيها بالصراحة

وبأمانة يعنى مفيش سؤال معين خايفة حد يسألهولى

بس اوعدك لو اتزنقت ى سؤال ما .. هشاورلك عليه واقولك اهو دة السؤال اللى كنت خايفة

منه

ولا رخم ولا حاجة يا راجل دة انت

منوووووور يا ابو السواويح وياريت نشوف تانى وكتيييييير

احلى جيييييييت يا عم بيبو

منور الدنيا كلها

نبدأ بسم الله

اقتباس :

منتدى احلى اصحاب بيمثلك ايه ...؟؟؟

بص مش هقولك بقى عمرى وحياتى وروحى وكلام مواضيع التعبير دة

المنتدى دة طبعا انا عرفاه من زمان مش من يوم ما سجلت فيه

عجبنى فيه الاخوة اللى ما بينكم

والمعاملة يعنى انت مش بتعاملنى معاملة مدير لعضو

ولا بتعامل بقية الناس كدة

ولا مشرف لعضو ولا كدة

فانا عجبتنى الروح الحلوة بين الاعضاء

وحسيت بجد اننا احلى اصحاب فعلا

صحيح احيانا بتيجى عليا اوقات بدخل بيبقى مش عندى دافع انى اكتب او ارد على مواضيع

بس لازم كل يوم افتح اشوف ايه الجديد

وطبعا دة فى موضوع ما هو شعورك

بحس ان دة الخارطة بتاعتنا .. والاستراحة اللى بندخل نطمن فيها على بعض

فالمنتدى بالنسبة لى صرح بقضى عليه معظم وقتى

حتى لو مش عملت اى مساهمات

وعلى فكرة اليوم اللى مش بدخل على الاقل ابص بس

بحس ان فيه حاجة ناقصنى

انا عندى اقعد على المنتدى بس مش بتفرج على التلفزيون

اقتباس :

اكتر الاعضاء بتتابعي مواضيعه وردوده ..؟

نقووول

بيبو

وباشمهندس حسام

وباشمهندس ايمن

وروز

ورحال

ببقى عارفة انى هدخل القى موضوع جامد جدااا

ورد دسم هيعجبنى

وبعدين انا بتعلم منكم

اقتباس :

شايفة ان ايه ال ممكن يمنعك عن المنتدى ..؟؟

مش هقولك بردو استحالة مدخلش والكلام دة

ممكن جدا القى نفسى مش فاضية ادخل لمدة يومين او تلاتة او على الاكثر اسبوع

دة لان النت مثلا فاصل .. او انا مش فى البيت والمكان اللى انا فيه مفيهوش نت

لكن انقطاع تام ومستمر .. بإذن الله مش هيحصل


نوررررررررررررت يا بيبـــــــــو

اكيد لك عودة

يا سلام عليكي يا نيرة وعلى اجاباتك

يا جماعة انا شايف اننا نرشحها في الانتخابات بقا

عشان مطولش وابقا رغاي والجو دا

ما هو مدى الإتفاق بين عقل نيرة وقلبها ومن هو الأقوى ؟

وعايز اعرف كل كلمة من دول بتمثلك ايه

الشمس

القمر

النجوم

الأرض

السماء

البحر

الرمال

الخضرة

رسالة توجيها لاحلى اصحاب بهــــــا

حب ، افتقاد للغائب ، عتاب ، شكر ، امنية

بس ياختي شوفتي باختار اسئلة سهلة ازاي

نيرة يظهر من الأسئلة طبقت يومين نايمة
وعلشان كده جبتلها وجبة كده سريعة علشان تتنشط








آدي البيتزاا وآدي عصير المااااااااانجو
إتفضليييييييييييي

يا سلالالالالالالام على الدلع يا روز

بجد مدلعاهم وربنا

اهو انا لو مكانها مبقاش عايز حاجة من الدنيا خلاص

الله الله عليكى يا رووووز

كنت هنط على الشاشة دلووووقتى

تسلم اييييييدك يا قمررر

***

معلش بقى عشان مدخلتش امبارح لظروف داخلة عن ارادتى

نشوف بقى الاسئلة

***

ايه دة يا بيبو وانا اللى بقول عليك طيب

تقولى هتغير المعاملة

يا نهار احوس

وعلى فكرة بقى يا مدير لو غيرت المعاملة هتلاقى مليونية فظيييييعة فى ميدان ناقش وحاور

ومش هتعرف تخلص منا خالص

ومتسألش بقى المليون عضو دول جم منيين ؟؟

**

بسم الله نبدأ

اقتباس :

ايه اكتر حاجة استفدتيها من المنتدى

ثقافة ..؟؟
صداقة ..؟؟

اكثر حاجة استفدها من المنتدى المعلوووومة

والنقاش , صحيح موصلتش اوووى لمستوى النقاش الراقى وكدة

بس اتعلمت منكم ازاى اناقش وازاى احترم رأى الاخر

واقول رأى ووارد جداااااا انه يطلع غلط ويكون عليه نقد

استفدت صداقة طبعاااااااا

مع كتيييييير من البنات .. يمكن كتير منهم مش معايا ميلاتهم .. بس كلامنا على المنتدى بس

بس بجد بحس انهم اصدقائى جدااااااا

ومش البنات بس و ولاد كمان من خلال كلمنا وردودنا ومواضيعنا وتفاعلنا مع بعض

بحس اننا اكتر من اخوات



**

اقتباس :

وهل انتي اول يوم ف المنتدى زي دلوقتي ..؟؟

هقولللك يا سيدى ...

بالنسبة لى انا اول يوم زى دلوقتى

بس يمكن كان جوايا احساس خوف شوية ان انا مكنش زى سمسمة او مش تحبونى زيها

بس دة محصلش خاااااااااالص

..الاختلاف الوحيد ان انا كنت عرفاكم كلكم

بس انتو اللى مكنتوش عارفينى

بس الموضوع دة مخدش وقت

عرفتونى بسرعة

وخلتونى واحدة من احلى اصحاب بسرعة

بالنسبة للمشاركات وكدة .. فى الاول كنت بشوف من غير ما احط موضوعات

وارد على موضوعات

وكنت داخلة فى فترة الظروف السياسية فظيعة

فاتناقشنا واتكلمنا وحسيت انى خلاص بقيت واحدة منكم

وبعدين دلوقتى بقيت بختار المواضيع اللى بحس انها هتعجبكم وهتبقى على ذوقكم

والحمد لله ربنا بيوفقنى ودة بشهادتكم

**

اقتباس :

وقوليلي ايه الحاجة ال نيرة بتفكر تعملها حاليا ..؟؟

اولا بفكر اووى فى النتيجة .. لانى جالى اخبار انها يمكن تكون النهاردة او بكرة

بفكر اخد منحة

ال ICDL

دى واخلصها عشان زهقت منها

حاولت كتير اخودها ايام الدراسة ومعرفتش..

اقولك على سر فظييييييع بقى

مش بدور على شغل

مش عاوزة اشتغل

مع انه فى اوقات كتير ببقى زهقانة جدا .. ونفسى بقى اخرج اشتغل واشوف ناس وكدة

بس انا من اول يوم دخلت فيه جامعة قلت انا مش هشتغل بعد ما اخلص

وربنا يقدم اللى فيه الخير بقى...

بفكر اوووى اخود كورسات انجلش

عشان انت سيد العارفين

احنا بندخل الكليات ميح

وبنطلع منها اسوأ مما دخلنا

**

اقتباس :

وايه ال ممكن يشغل بال نيرة اوووي ..؟؟

ممكن حاجات بسيطة وتفاصيل محدش ياخد باله منها تشغل بالى اوووى
..

يشغل بالى لو امى مش راضية عليا لانى عملت حاجة مفكرتش فيها صح
..

يشغل بالى لو اتصلت على واحدة صحبتى ومردتش عليا .. افضل بقى اقول دى اكيد زعلانة .. طب انا عملتلها ايه

مع ان دة مبيكونش صح خالص

وانا واثقة ومتأكدة انى معملتش حاجة تزعلها

..
شاغل بالى حال البلد

حاسة اننا داخلين على ايام

خــــــــــــــــرابـــــــ

ربنا يسترها

**

اقتباس :

وايه ال ممكن يريح بال نيرة اووي ..؟؟

يريح بالى اوووى قاعدة حلوة بالليل فى الهواء الطلق .. مع امى وابويا مثلا واخواتى

دى اكتر حاجة بتريحنى

..
يريح بالى لو اللى حاوليا فاهمينى صح .. ومحدش واخد عنى فكرة وحشة انى خبيثة او

منافقة او اى حاجة من الصفات الوحشة دى

..

يريح بالى اوووى لو ساعدت حد من صحابى او حد انا اعرفه فى حاجة

لما احس ان اللى حواليا مباسيط

**

اقتباس :

استحمليني بقى

دى كلمة تتقال بردو يا راااااااجل

رحـــــــــــــالوووووو

اقتباس :

يا جماعة انا شايف اننا نرشحها في الانتخابات بقا

طب والنعمة لو حصلت وبقيت رئيسة الجمهورية

لاعدم نص الشعب المصرى

واعتقل ربعهم

والربع الباقى هحبسهم

ومتخافش يا رحااااااالو

انت من الربع اللى هحبسه بس

لا بجد انفع يعنــــــى ؟!!

ندخل على الاسئلة السهلة

بسم الله نبدأ

اقتباس :

ما هو مدى الإتفاق بين عقل نيرة وقلبها ومن هو الأقوى ؟

احيانا قلبى وعقلى بيكونوا وااااحد

معرفش افرق بينهم..

واحيانا عقلى بيغلب قلبى وبحس انه مينفعش ادخل قلبى فى الموقف دة عشان هضيع..

واحيانا قلبى بقى يحكم وعقلى بيكون ملغى تمااااااما..

يعنى نقول على حسب المواقف

...بس الاقوووى عندى دايما فى قراراتى قلبى

ودة بيتعبنى جداااااا .. فعشان كدة بلجأ لأمى اللى بعتبرها جزء العقل اللى ناقص فى تفكيرى

**

اقتباس :

وعايز اعرف كل كلمة من دول بتمثلك ايه

الشمس

عذاب الله على الارض فى الصيف

نوع من الفقدان والاحتياج فى الشتا

*

اقتباس :

القمر

حبيبى اللى بحكيله على كل حاجة ( فى سرى طبعا عشان الجيران ميسمعوش ويقولوا البت اتجننت )
*

اقتباس :

النجوم

حاجات صغننة اوووى فى السما بتبص علينا وبتراقبنا

وانا ليا كام نجمة صحباتى .. بنسلم على بعض فى ليالى الصيف الصافية

*

اقتباس :

الأرض

منها واليها نعود

مصدر الحياة والرزق

مش بنحافظ عليها وهتدفعنا التمن غالى اووى
*

اقتباس :

السماء

لما ببص ليها ساعة الظهرية .. طبعا بعيدا عن الشمس .. بشوف فيها لون ازرق انا بعشقه
..

مكاااااان واسع اوووى كله اسرار

..

المكان اللى برفع راسى ليه وبقول ياااااااااااارب

*

اقتباس :

البحر

ايووووووة بالضبببببببط فعلاااااااا

ممكن اقول عشقى .. عالمى .. بحبه وبخاف منه ..بحس ان الانسان اللى هحبه او هرتبط بيه

هيكون زى البحر

بحبه وبخاف منه

صوته فيه شجاعة وخشونة وحنية وضعف

امواجة قوية وهادرة وضعيفة وما بأيدها حيلة

البحر هزاره تقيل مع اللى يهزر معاه..

بحبه من بعيد لبعيد

لما بروح يا دوب بحط رجولى فى الماية ابلهم بس

واقعد على الشط وبتخيل حاجااااات كتيييير

*

اقتباس :

الرمال

مش بحب الرملة .. بتقشعرنى..

بس بحب اشوف فن الرسم على الرمال..

..صناعة الزجاج

يعنى مصدر دخل قومى
*

اقتباس :

الخضرة

الحياة .. الراحة النفسية اللى صعب تلاقيها فى اى حاجة

وخصوصا لو فى مكان فيه لون اخضر ومعاك حد عزيز على قلبك

هتكون حد تانى

مجربتش بالصراحة الاحساس دة .. بس احساسى بيقولى انه هيكون شديد جداااا

**

اقتباس :

رسالة توجيها لاحلى اصحاب بهــــــا

حب ، افتقاد للغائب ، عتاب ، شكر ، امنية

حب * بحبكم يا احلى صحبة فى الله وربنا يجمعنا سوا فى الفردوس الاعلى من الجنة

افتقاد للغائب * عهود .. باشمهندس ايمن .. استاذ معاذ .. باشمهندس حسام .. بنوتة وبس

ياررررررب ترجعووووووا بسرررررعة جداااااااا

عشان وحشتوووونا اووووووى

عتاب * بعتب على كل حد دخل المنتدى وكان مشترك فيه وكان واحد من اهله ودلوقتى بيدخل

نت بس مش بييجى يبص على المنتدى بصة واحدة

شكر * بشكركم كلكم احلى اصحاب .. وعلى احترامكم وحبكم ليا .. فهمتونى يعنى ايه نت بلا

معاصى او ذنوب

امنيه * نفسى نبقى ملييييون عضو .. وكلنا زى روز وبيبو ورحال وياسمينا ..الخ

اقتباس :

صوته فيه شجاعة وخشونة وحنية وضعف

امواجة قوية وهادرة وضعيفة وما بأيدها حيلة

روووووووووعة الوصف دا يا نيرة

بجد تخيل ممتااااااااااااااااااااااااااز

واحنا نيجى جنبك ايه يا شاعرنا

مستنياك تانى باسئلة جديدة

الطفولة يا نيرة

سؤال سهل اهو

عايزين نعرف الطفولة بالنسبة ليكي كانت ايه

وايه المواقف اللي اثرت في طفولتك جداااااا

مواقف اثرت بالسلب ومواقف اثرت بالايجاب

بص على الصورتين دول لانهم مرتبطين جدا بطفولتى على ما ارد على الفون واجى

ودى كمان

بص بقى يا رحالو انت سألت عن طفولتى .. فانا جبتلك الصور دى ليييييه بقى ؟؟

لان دى الحاجات الوحيدة .. بجد الوحيدة اللى فكراها من طفولتى

طفولتى دى بالنسبة لى بص احداث متفرقة ومتشتته مش بتيجى على بالى كتير

احيانا بشوف صور ليا وانا صغيرة .. بقول لامى مين دى ؟؟

حتى شكلى نساية وانا صغيرة .. مع انه مش مختلف كتير عن وانا كبيرة

بس بحس ان طفولتى دى مرحلة متكنسله من حياتى

.. احيانا بفتكر مواقف معينه بوضوح فظيع .. لما بحكى لماما عليه .. يأما تقولى مش فاكرة

والله امته دة .. يإما تقولى يا نهاااااار ابيض .. انتى فاكرة دة ازاى

نرجع بقى لموضوع الصور

دى الاماكن اللى كنا دايما بنخرج نتفسح فيها

اول 3 صور دولا .. لمنطقة اسمها تل ابو مندور .. والمسجد اللى باين فيها دة .. اسمه مسجد

ابو مندور بردو

كنا بنروح نقضى يوم هناك مع خالتى وولادها .. ونصيد سمك .. صحيح سمك لا يرى بالعين

المجردة .. بس فرحة انك اصطادت سمكة دى .. يمكن من الحاجات القليلة اللى فكراها لحد دلوقت

اليوم اللى كنا هنروح فيه رشيد .. يبقى الصحوة من الفجر مثلا .. مع اننا كنا بنتحرك على 10 ولا 11

بس دى كانت طقوس عندى بقى

الماية اللى باينة فى الصور دى .. ماية النيل طبعا

***

بص على دى بقى


دى بقى قناطر ادفينا

ودى كمان كانت من اهم اماكن خروجتنا وفسحتنا

من حوادث الطفولة اللى انا فكراها بقى .. ان كان فيه مواسير كدة على الماية.. فانا مشيت

لحد نص الماسورة كدة وتحتيا الماية والنيل وكله زى الفل وكنت رايحة اجيب عصفور واقف

على اخر الماسورة

قال يعنى العصفور هيستنانى لحد ما اوصله

فابويا جة من ورايا بالراحة وانقذنى .. لو كنت نزلت فى الماية يومها ممكن مكنتش طلعت تانى

يااااااااااه ظكريااااااات

فكرتنى باللذى مضى يا رحااااااالو

وكمان منساش رحلة البحر بتاع بلدنا دة .. كنا نضرب المايوهات .. ويجبولنا (كريته ) او

حنطور يعنى ونتحنطر بقى ونروح البحر

يااااااه كنا صغيرين والدنيا مفيهاش حاجة تستاهل الواحد يشغل باله بيها

احلى ايام ولو انى مش فاكره منها غير الخروجات بس

اه فاكرة منها كمان انهم كانوا بيقصولى شعرى زى الولاد

..عارف يا رحااال الكلام دة ريحنى وفرحنى شوية مع ان اليوم النهاردة بالنسبة لى اليوم

المقفول.. بس السؤال دة له تأثير السحر والله

ربنا يكرمك يارب

.. حاجة كمان كانت بتميزنى انى كنت دايما بعيط .. وماما مكنتش بتحب تاخدنى معاها وهيا

خارجة عشان بفضل اعيط واقولها يالا نرووووح

... اول مرة قالولى ماما خرجت راحت للدكتور تاخد حقنة .. وعرفت انهم بيضحكوا ليا .. وتيقنت الموضوع دة يعنى

حسيت انى كبرت بقى ومبقتش اللى بيضحكوا عليها ..

كنت بروح مع ماما المدرسة ( لان امى سكرتيرة ) حضرت معاها سنتين مستمعة فى سنة

اولى .. فاكرة بقى من الايام دى .. انهم يوم القبض الاستاذة ماجدة ( اللى كانت بتقبضهم )

تبعتلى اى عيل ينادينى من الفصل .. عشان تقبضنى .. كانت تدينى (بريزة ) عشرة صاغ

وتقولى امضى على الورقة .. فاكتب اسمى .. تبوسنى .. وكنت بفرح اوووووى

بالبريزة دى اكتر من اى حاجة فى الدنيا

***
مش فاكرة بقى مواقف السلب والايجاب والحاجات دى

بس اللى فكراه ودايما امى بتفكرنى بيه انى كنت طفله محترمة وبسمع الكلام

وعمرها ما مدت ايدها عليها بضرب او اذية

عمرى ما شخبطت على الحيطه

ولبسى كان نضيف ومنظم وشعرى كان متساوى( مش دايما يعنى )

وكنت شاطرة فى المدرسة

وامى كانت بتحس انها فخورة بيا

.. ليه بقى بتفولى كل يومين الكلمتين دول .. عشان تسمعهم لنيروز اختى اللى هيا عكس كل

الجمل اللى قلتها دى

كان متعتى فى الحياة .. اتفرج على توم وجيرى او ماما سامية وسينما الاطفال

وانا بضرب كاجو او بسكويت الشمعدان دة

يالهوووووووووى ايه الفضايح اللى خلتنى اقولها دى يا رحال

.. طب خد بقى دى .. امى كانت بتروح المدرسة ولما مش بتاخدنى بتودينى عند جارتنا .. اللى

تعتبر مربيانى يعنى .. تدينى بيضة مسلوقة وعشرة صاغ فى الكيس واروح ملكة

زماااااانى


هههههههههههههههههه

لحد النهاردة جارتنا تفكرنى بالكلام دة .. وانا لا يسعنى الا ان اضحك وافتكر الماضى

واقوووووول يااااه اياااااام

ربنا يبارك فيك رحاااااااااااااااالوووو

اقتباس :

نيرة كتبتي امبارح ف شعورك الآن

اقتباس:

عاوزة اعيييط ومخنوووقة اووووى

يا ترى بتحسي الاحساس ده دايما ..؟؟

ولا لما بتكون في مشكلة قوية ..؟؟

ومش هسألك ايه ال كان مخليكي مدايقة وتعبانة كده ...

مستني اجابتك

بيبــــــو بتسأل اسئلة فى الجوووول يا معلم والله

بص يا مان مش دايما بحس باحساس انى عاوزة اعيط دة غير لما بكون حاسة انى مظلومة

وواقعة فى مشكلة قوووية و مش عارفة اخرج

بحس انى مش قادرة اتنفس ونفسى اعييييط .. على فكرة امبارح مرتحتش غير لما عيطت

بس لما بكون متضايقة او كدة بحس انى مخنوقة بس .. ومش عاوزة اكلم حد ولا حتى امى

***

واللى كان مضايقنى حد كان ظالمنى جامد .. بس انا قلت حسبى الله ونعم الوكيل فيه

وان شاء الله ربنا مش هيكرمه

ربنا يسهله وخلاص

******

وعموما متشكرة جداااا يا بيبو على اهتمامك .. وبجد انت اخويا الصدوق

لالا الحمد لله مش دأب خااااالص

عشان لو اتعودت على كدة .. هتبقى حالتى وحشة خاااااالص

وطالما سمسمة اللى موصياكى

يبقى كدة تمام وزى الفل

تصدق والله فكرة حلوة جداااااا .. ممكن اكتب قصص بدل الفراغ اللى انا فيه دة

بس مش عارفة هينفع بقى ولا ايه

بس عموما هجرب إن شاء الله

ودة العشم بردو يا ابو عفاف

لا إن شاء الله هحاول اكتب حاجة على قد حالها كدة