اللي بيفهموا في الفوتوشوب؟؟

السلام عليكم

لو سمحتوا يا جماعة انا كان نازل عندي علي اللاب توب برنامج فوتوشوب

كان واحد زميل اخويا منزلهولي

احدث فوتوشوب

اللي هو

cs5

ودة اللي انا اتعودت عليه

المهم جيت انزله علي الجهاز العادي بتاع الكمبيوتر علشان ارحم اللاب توب شوية

لقيتها نسخة تجريبية

لمدة شهر

وانا مش بفهم في الكراكات والسيريال والحاجات دي

اخدت اتنين سريال وجربتهم وقالي انهم مش مظبوطين

اعمل ايه علشان يفضل معايا علي طول

دة سؤال

السؤال التاني بقي انا لما دخلت عليه

ونزلت خطوط عربي لقيته بيكتب بطريقة غريبة

يعني مثلا كلمة

اسلام

يكتبها كدة

م ا ل س ا

ايه المشكلة ؟؟

يا رب حد يقدر يفيدني

وشكرا مقدما اللي بيفهموا في الفوتوشوب؟؟ 3025635748

بصي يا دكتورتنا

هتبحثي ف عم جوجل على
كراك او سيريال بنفس اسم البرنامج
واصداره ونسخته
يا هتلاقي سيريلات جاهزة
يا هتلاقي كراك تحمليه وتسطبيه
يطلعلك السيريال ..

الكتابة المتشقلبة دي حلها حاجة من اتنين
الاولى انك تحذفي الفوتو وتسطبيه تاني
او في خط من الخطوط هو ال مبوظ الدنيا
ف الحالة دي جربي كل الخطوط
لو ما كتبوش كلهم ولا واحد منهم جاب
يبقى كده هتدوري على تعريب الفوتوشوب
برضه من على عم جوجل بنفس اسم النسخة
انما لو كتب باي خط يبقى هتحذفي
ال بيكتبه متشقلب دول والباقيين هيكتبوا صح
وبعدين تسطبيهم من جديد ...

مش عارف افدتك ولا لأ

بس انصحك تستخدمي cs2 او cs7

جزالك الله خيرا بيبو

انا دورت علي السريالات دي

وما فيش واحد فيهم ظبط معايا

المشكلة اني اتعودت علي الفوتوشوب دة وعاجبني فيه انه حديث وفيه حاجات حديثة

بس انا اتخنقت صراحة

طيب معلش هطلب منك طلب يا محمود

ممكن تقلي ازاي بقي اشيل البرنامج اللي انا سطبته دة

ويا ريت كمان لو تديني رابط انزل منه حاجة من الي انت بتقول عليهم دول

ويكون كامل من مجاميعه ما يغلبنيش

ولك الاجر والثواب ودعوتين ساعة الفطار اللي بيفهموا في الفوتوشوب؟؟ 820491

جزانا واياكي يا آية
ما عملتش حااااااجة

بصي
قبل ما تمسحي جربي ده كده

وبالشرح اهو

بعد تحميل الملف قم بنسخه إلى مسار البرنامج
وسيكون عندك المسار الافتراضي
C:\Program Files\Adobe\Adobe Photoshop CS5
إن لم تغيره أثناء التنصيب
افصل الانترنت ثم شغل الملف فتجد النافذة التالية :

اللي بيفهموا في الفوتوشوب؟؟ 01062010124148

اللي بيفهموا في الفوتوشوب؟؟ 01062010124148

اختر البرنامج الذي تريد عمل كراك له من القائمة

اللي بيفهموا في الفوتوشوب؟؟ 01062010124220

ثم اضغط patch

الحجم : 2.3 م ب
رابط التحميل :

لو باءت المحاولة بالفشل
وان شاء الله مش هتبوووء بالفشل علشان مجرب وفعال

وده كمان كراك تاني لو ال فات ما جابش معاكي

-----------------
اذا كل ده ما نفعش
هتشيلي التسطيب عن طريق قائمة start
cotntrol panel
add or remove programs
وتختاري البرنامج
وتدوسي remove
------------
وده رابط فوتوشوب 7
http://download.cnet.com/Adobe-Photoshop-7-0-Scripting-plug-in/3000-18498_4-28926.html?tag=dropDownForm;productListing

يارب اي حاجة من دول تفيدك

مش عارفة اشكرك ازاي يا بيبو

جزاك الله خيرا

انا جربته وهو غالبا كدة تمام

وحتي لو باظ تاني كتر خيرك

...............

قاضلي مشكلة واحدة بقي اللي هي بتاعة الكتابة

بجملة الغلاسة بقي لو لقيت حاجة تناسبنب يعني

وانا هدور في الحاجات اللي انت قلت عليها دي

معلش يا جماعة انا هتعبكم معايا

انا دورت علي التعريب دةوما لقيتش اللي بيفهموا في الفوتوشوب؟؟ 134538

قالي انه ما فيش وان في فوتوشوب نسخة الشرق الاوسط ودي فيها عربي

طيب دي لو نزلتها

اعمل ريموفال للفوتوشوب التاني اللي عندي؟؟

ولو جيت اسطبه استخدم نفس الكراك اللي اشتغل معايا تمام دة ولا ايه ؟؟

انا بصراحه مبصممش بالفوتوشوب اصل انا مبحبوش
بس بصمم ببرنامج تاني سهل كتير
وتعليم الدروس فيه سهله للغايه
عايزه رابط تحميل تستني رد محمود ؟

آه كده لازم تسطبي نسخة الشرق الاوسط
يا آيــــــــــــــة علشان هي ال عربي

من على نفس الموقع ال جبت لك من عليه
فوتو شوب7
موقع داونلود

وشيلي الاولاني بالطريقة ال قلتلك عليها
والكرك هيشتغل برضه معاه