ما هو شعورك الآن

مساء الخير علي عيون احلي اخوة في الله

انا مبسووووووووطة جدااااااا

كنت عايزة اجيب هدية لصاحبتي ومش عارفة اجيبلها ايه نفسي اجيبلها هدية غريبة كدة

مش بحب التحف والدباديب والحاجات دي

ولا هي كمان

المهم مخمخت كدة وجبتلها حوض سمك صغير كدة فيه سمكتين زي العسل

انا مبسوطة قوي علشان الهدية عجبتها قووووووي

سبحان الله

تهادوا تحابوا

الهدايا دي فعلا مهما كانت بسيطة لو ليها معني بتقرب المسافات

..........................

منور استاذ حسام

كل سنة وسلومة طيبة هي عيد ميلادها النهاردة ولا بكرة ؟؟

اهلا بيك اخى وحبيبى الريح
النور نورك ياغالى
-------
برافو عليكى يا دكتورة
دايما باقول عليكى ان دماغك شغالة
وافكارك مبتكرة
هو ده بقى : فن اختيار الهدايا
ربنا يخليكم لبعض

بالنسبة لسؤالك بقى
هو يوم ميلاد سلمى بكرة
بس الادارة السياسية قررت تحتفل بيه النهاردة
علشان النهاردة الجمعة
ومش عايزين نعطل المرور ونوقف عجلة الانتاج
لفتة ذوق ذوق منك يا آية
وانتى طيبة وبالصحة والسلامة يا رب

ربنا يخليهالك وتفرح بيها

طبعا انا اتمني ان حضرتك ما تطولش في الغربة ان شاء الله

بس لو لا قدر الله حصل وكنت في الغربة وسلمي هنا في مصر ابعتلها هدية ولو بسيطة في عيد ميلادها

انا افتكر بابا حبيبي كان بيبعتلي هدايا لبس غالبا

ولو ربنا فتحها عليه يجيبلي حاجة دهب

اكتر حاجة كانت بتفرحني بقي لما دخلت ابتدائي وبدات اقري واكتب كان بيبعتلي كروت

وبعدين كروت السعودية دي تحفة

كنت باخدهم معايا المدرسة من فرحتي اوريهم لزمايلي

وكان بيكتبلي فيهم نفس الرسالة كل سنة بنفس النص

بنتي الغالية الدكتورة ايه

كل سنة وانتي طيبة وعقبال مليون سنة صحة ونجاح وسعادة

بابا عطية السعودية

ههههههههه

نفس الرسالة بس بالنسبة لي كانت حاجة جديدة كل سنة

وكان بيقولي دكتورة من وانا في ابتدائي ودي الحاجة الوحيدة اللي ما كانتش بتلفت نظري

وعمري ما حسيت بيها غير لما بقيت دكتورة فعلا

كل ما افتكر ان دة ما كانش حلمي

ارجع افتكر كروت المعايدة دي واقول كفاية انه كان حلم بابا

دلوقت بقي الموبايل لغي كل المعاني الحلوة دي

اقتباس :

ابعتلها هدية ولو بسيطة في عيد ميلادها

كده هانخسر بعض يا آية
انا غلطان انى شجعت افكارك
يا بنتى انا بقالى اسبوعين تلاتة هنا
ولسه ما قبضتش ..
عموما هي فكرة ممتازة جدا جدا
وخصوصا ان سلمى دى تفاحة عينى وحبيبة قلبى

فكرتينى بموقف كده حصل قبل ما اجى على طول
سلمى شافت قطر على سبيس تووون
واستغربته جدا .. وسجلتلها رد فعلها فيديو
رد فعل عنيف عجيب مضطرب غريب جدا
حسيت ان البنت اتهبلت .. روحت تانى يوم اشتريت لها قطر لعبة
وقعدت طول الليل احايل فيها عشان تلعب بيه
وهى خايفة منه جدا .. بس بعد اسبوع كده اتعودت بقى عليه ..
وكسرته .......
هاحاول ارفع الكليب بتاعها ( بس المشكلة انه طويل شوية - والنت ضعيف )
-----------
موقف بابا معاكى هو نفس اللى حصل معايا
الوالد برضه كان حلمه انى اطلع مهندس
والحمد لله اننا حققنالهم حلمهم

ااوعدك انفذ فكرتك - بفرض انى هاطول فى الغربة -
ربنا يوفقك يا دكتورة ويخلي لك باباكى
============
ميسااااااااااااااء هنا .......!!!! ؟؟
ازيك .. اخبارك ايه .. واخبار بلال ؟؟
اتمنى من ربنا تكونوا فى احسن حال
طمنينا عليكم

تمااااااااام الحمد لله يا مستر مبسوووطين ؟؟؟

خصوصا إنو بئي عنااا الصغنووون أحمد ؟؟؟؟

أخبار سلومة إيه يا مستر ؟؟؟؟؟

ازيك ميسو ( أم أحمد )

وابو احمد ازيه ؟؟

ان شاء الله تمام يا جميلة

انا كويسة قوي الحمد لله

اقتباس :

كده هانخسر بعض يا آية
انا غلطان انى شجعت افكارك
يا بنتى انا بقالى اسبوعين تلاتة هنا
ولسه ما قبضتش ..
عموما هي فكرة ممتازة جدا جدا
وخصوصا ان سلمى دى تفاحة عينى وحبيبة قلبى

ربنا يخليهالك ويرزقك برزقها

يعني لما تكبر شوية علشان تفهم الهدية اكتر

هو بابا اصلا متخصص هدايا وكروت

افتكر زمان كان بيبعت لجدتي اللي هي مامته وجدتي اللي هي حماته كروت في عيد الام

رغم انهم ما كانوش بيقروا

بس كان بيبعتلهم سبحان الله

الظاهر كان عنده كروت كتير

تمااام يا دكتورتناااا مبسووطين ؟؟؟؟؟

ياااارب دايمااا تكوني كويسة ؟؟؟

منورة

ما شاء الله تبارك الله
ربنا يحفظه ويحميه .. ويتربى بعزكم يا رب
ربى يجعله قرة عين لك ولابيه
تهانينا يا ام احمد
ولازم تعملى موضوع فى الصور باسمه
علشان نتابعه معاكى


=============

هاموت من الضحك يا آية
ربنا يجازيك خير .. انتى وبابا

تسلم يا مستر ربنا يخليك ويخليلك سلوومتك يااارب ؟؟؟

إن شاء الله ....

اجمل احساس فى الدنيا الاخلاص

الحمدلله على كل حال :)

ازيييييييييييييييييكم احلى اصحاب ف الدنياااااااااا


امبارح كان فرح احمد اخويا
وكان يوم بجد راااااااائع

ربنا يسعدك يا احمد يااااااااااارب



ايييه رايكم فى سمسم ؟؟

ايمان منوووووووووووووره حبيبتى

ادخلى هنا

http://www.dalem.net/t15346-topic

واحشتواااااااااااااانى احلى صحاب النت كان عندنا فاصل المهم انتو عاملين ايه يويو كانت بطمنى عليكم بس بجدواحشتوانى قوى

عاشقة الجنه كتب:

ازيييييييييييييييييكم احلى اصحاب ف الدنياااااااااا


امبارح كان فرح احمد اخويا
وكان يوم بجد راااااااائع

ربنا يسعدك يا احمد يااااااااااارب



ايييه رايكم فى سمسم ؟؟

ما شاء الله تبارك الله ...أموره جدا سمسم ربنا يخليلك اياها يا ايه
دراستك ازاي ؟

كل سنة وسلومة الكبيرة بألف خير

وما شاء الله تبارك الله على سلومة الصغيرة .. ربنا يخلى يا توووتة ياااارب

ومبااارك على زواج اخوكى وعقبال نجاحك وفرحك كمان

***

الحمد لله على حالى .. يارب اسألك ان تشفينى وتشفى مرضى المسلمين

الله يسلمك يا عم الحج

وربنا يتقبل منك ياااارب دعوتك الجميلة دى

هيا بعينها الانفلونزة وحكة جامدة جدااا كأنى طول الليل بشرب شيشة

حاجة غريبة والله .. ومن الصبح ادوية وبراشيم

الحمد لله رب العالمين

يويوانتى المنوره المنتدى بنورك يا محمود

انتوا كمان يا محمود :)
-------------------------------
نيره اخبارك ايه يا معلمة الانجليزي ؟

ربنا يبارك فى عمرك يا محمود

ميرسيييييييي يا ايمى
والله بحس انك طول الوقت مدلعانى دلع غييير عادى
انهارده يا جماعه كلمتها فى التليفون ايمان ظبطتنى دلع والله
ربنا يخليكى ليا يااااااااارب


__________

انا سعيــــــــــــده اوى