مأساة بورسعيد ... إلى أين ...؟؟

السلام عليكم

طبعا هتكلم ف الموضوع ده عن أحداث بورسعيد

وما تبعها وايه ال نقدر نقرأه من ال حصل

وايه ال نقدر نفهمه من ال بيحصل ده

ويا ترى ده ايه تأثيره على ال جااااااي ....؟؟؟

أرجو المشاركة

هنقل كلام نيييييرة ف شعورك الآن هنا
بخصوص نفس الموضووووع

اقتباس :: شعورى يا جماعة بجد مقهورة على اللى بيحصل فى بورسعيد دة

يعنى ايه محافظة مصرية عندها نقص شديد فى الادوية والاغذية

والله العظيم دى كارثة كبرى .. لسه واحد على التليفزيون يقولك اى حد قاهرى

شغال فى بورسعيد هيقيلوه من عمله .. وهنبعت لحسن حمدى اكتر من 200

الف عامل قاهرى

يا نهار ابييييض .. هوا حسن حمدى اللى كان قالهم اكسروا اى عربية مكتوب

عليها منطقة حرة ولا ملاكى بورسعيد

انا دلوقتى هموت واعرف فيييييييييييين المجلس العسكرى !!!!!!!!!!!!!!!!!!

فيييييييين وزير الداخلية فين الكمين والردار اللى كان بيرعب الناس زمان

فين ضباط الداخليه يقفوا يأمنوا الطريق ..

أين عقلااااااااااااااااائك يا مصر

يفهموا اى حد ان بورسعيد واهلها دول جزء لا يتجزأ منا

مش جمهورية بورسعيد الشقيقة .. قسما بالله قلبى بيكبى قبل عينى على ما

سمعت وما قرأت

هو دة اللى اسرائيل عوزاه .. عملوها فى فلسطين وقسموا اهلها شيعا وخلوا

الاخ يقف فى وش أخوه

ودلوقتى بيعملوها فينا .. لا حول ولا قوة الا بالله وحسبنا الله ونعم الوكيل

فوضنا الامر ليك يااااارب

ودي وجهة نظري وتحليل بسيط

فعلا أمر مؤسف يا نييرة

اصبح من في بورسعيد كأنه في دولة تانية
والناس بتتكلم عن معونات ومساعدات
وكلام كتيييييير زي كده
وكأننا فعلا بقينا دولتين مختلفتين

حاسس يا نيرة ان في ناس بتدبر لنا طريق معين
واحنا ما شاء الله ماشييييييين بننفذ بالحرف

عاوز اقولك السبب من وجهة نظري

مجلس عسكري
داخلية متواطئة من اتباع العادلي
شباب متهور مش فاهم حاجة
ناس سلبية مالهاش دور

وربنا يستر

طيب دلوقتى مش المفروض ان الداخلية دى تعمل حاجة

احنا خلاص عرفنا وحفظنا المجلس العسكرى مبيعملش حاجة ومش هيعمل حاجة

طيب ابعتوا قوات امن تحمى العربيات الداخلة والخارجة

خلوا الناس اللى ليهم رأى وصوت او نقول الناس اللى طفت على الوش ( وش المجتمع بعد الثورة وبقوا أبطال ) يطلعوا يوعوا الشباب المتهور دة

يفهموه ان كدة مينفعش

ايوة كلنا زعلانيين ومقهورين من اللى حصل فى مذبحة بورسعيد .. بس حرام نعاقب شعب بأكمله على وقعه مدبرة واحنا عارفين أطرافها كويس

اعتقد هو برضه للأمانة
الموضوع مش صعب اووووي
زي ما احنا متخيلين ان ممكن كل حد
يتقتل لو راح هناك او جه القاهرة
بس الخوف والناس ال عاوزة تخلي الفتن
شغااالة هما ال بيخلوا المسألة تزيييييد
وخلي بالك كلما ما فضل البورسعيدية
خايفين ييجوا القاهرة والناس تروحلهم
الموضوع هيزييييييييييد

علشان كده فرحت اوي النهاردة
كان حزب النووووووور
منظم مسيرااااات ورحلاااات
من جميع انحاء الجمهورية لبورسعيد
لتنشيط التجارة
والوقوف بجانب الشعب البورسعيدي
وايصال رسالة بأن الموضوع ابسط
مما يحدث ولا يجب ان نتوقف ونعطل
مسيرة الحياة هناااااااااك

والاسرة عندنا مشاركين فيها
وهما دلوقتي ف طريق العودة ان شاء الله

اعتقد دي آلية من آليات الحل .؟؟

ولا في رأي تاني ؟؟

انا بردو فرحت لما قريت خبر ان ناس من السياسين والفنانيين وكدة

بس مش كفاية اننا نروح نشترى من هنا ونهتف

الناس بتقولك مش لاقيين دوا

وعربيات شركات الادوية خايفة تروح واللى بيروح عربياتهم بتتكسر

يبقى المفروض نعرف مين اللى بيكسر

ولو بيكسر على الطريق يبقى فين الامن اللى هيقبض على المخربين دول ؟؟

صحيييييييييييح
وممكن تكوون اشااااعات
الغرض منها التخويف لعدم التفكير
ف الذهاب لبورسعيييد

لازم نحس ان في دولة

للاسف احنا دلوقتي من غير كيان قوي
ودولة تحسسنا بالأمن

أرجع واقول السبب
المجلس ال مش ف باله
والداخلية ال فيها كتير من حبايب العادلي

صح جدااااا كلااااامك

والله لا نملك الا الدعاء بأن يرفع الله عنا غضبه ومقته