أيـمن عنبر على كرسي الاعتراف

شايف أحلي أصحاب كارمينك أوي ومفيش حد داخل يسأل و لا عاملين معاك أى واجب

فانا قررت أني هعمل كل الواجبات معاك

شوية اسئلة بس المرة دى مش علي الماشي ولا علي الخفيف

من هو صديقك الصدوق ؟.

بتحب تكون مع أصحابك أكثر ولا مع عيلتك ؟

كم عدد اخوتك وما اسمائهم ؟

أيه أكتر كلمة أيمن بيكرهها ؟

كلمة دايما أيمن بيقولها .. زى لازمة معاك ومش بتعرف تبطلها تلاقيها نطالك في كل جملك ؟

أيه أسعد وأجمل حاجة عملتها وبتفتخر بيها طول حياتك ؟

حين تكون بمفردك ماذا تفعل ؟؟

ما هي نقطة ضعفك ؟؟

أفضل شهور السنة بالنسبة لك ؟

افضل أيام الاسبوع بالنسبة لك ؟

أفضل فصول السنة بالنسبة لك ؟

حط أيدك في جيبك .. بصراحة قولنا ايه محتويات جيبك ؟

ايمن عاوز إيه من الدنيا دلوقتى ؟

اكتر حاجة عملتها وندمت عليها ؟

اكتر حاجة ندمت على فقدانها ؟

نفسك تسافر بلد غير مصر والسعودية ؟؟ ايه هيا البلد دى لو الجواب ايوة ؟

ما هو أفضل اختراع فى العالم بالنسبة لك ؟

مفهومك الشخصي عن المرأة الجميلة .. الفتاة المرحة .. الرجل البخيل ؟

من وجهه نظرك متى يفقد الرجل رجولته ؟

كم تتمنى أن يمتد بك العمر ؟

تاريخ مؤثر فى حياة أيمن لا يمكن أن ينساه ؟

ادينى سألت كتير أهو عشان متقولش في أى تحفظات

كان فيه كمية اسئلة جميلة اوى ومضحكة عهود كانت سألهملى فى موضوع كرسي الاعتراف تبعى

هجيبهملك وأهم يبقوا منى ومن عهود كمان

اقتباس :

انت ساكن فى الدور الكام و الشقة رقمها كام ؟؟

لون سيراميك البيت اية اوضة اوضة

نوع السخان بتاعكوا اية و كام لتر

نوع موبايلك

المطبخ كام سيراميكاية و لونة اية

اوضتك فيها كام صورة و لمين

التليفزيون كام بوصة

كام لمبة فى البيت عندكوا

التلاجة نوعها اية و كام قدم


بتحب الصيف ولا الشتا ولية؟

بتحب النهار ولا الليل وليه؟

بتقول لمين الكلمات دي :

( كلمة اعتذار . كلمة شكر . كلمة اعتزاز. كلمة عتاب . كلمة اعجاب .)

لو حبيت تهدي لحد الحاجات دي هتهديها لمين ولية؟


(ساعة. . قلم .. وردة .. موبيل.. مصحف.. منبه.. )


احسن كلمة حد قلهالك . واوحش كلمة؟

بتحب الناس تاخد عنك انطباع اية؟

بتفهم الناس على طول ولا بتحتاجي وقت؟

لو حد خد عنك انطباع مش كويس بتهتم انك تغيره ولا مش فارقة معاك؟

اول حاجة بتشدك للشخص اللي قدامك؟

لو سافرت مكان وكان لازم تخدي شخص واحد معاك هيكون مين ولية؟


لو حصل في دماغك حاجة وعزمت المنتدى هتطبخلنا اية؟ ( مش مسحت السؤال دة لانى عارفة انك متمكن فى الطبيخ )

اقتباس :

كلك واجب والله يانيرة مش عارف الكرم ده كله جبتيه منين

أنا كنيرة أتحرجت ههههههه

***

اقتباس :

ماشاء الله احنا 9 اخوة 5 بنات (حنان - ايمان - اماني -دعاء - بسمة ) 4 اولاد (احمد- اشرف- ايمن -ياسر )

بسم الله ما شاء الله .. ربنا يخليكوا لبعض يارب ويباركـ فيكمـ

**

اقتباس :

الجيب اليمين ولا الشمال
اليمين مفاتيح البيت +اربعة جنيه
الشمال بطاقتي ورخصتي وكارنيه الجيش وعشرة جنيه

أفهم من كدة ان أيمن مش معاه ف جيبه غير 14 جنيه .. يا نهاااااااار

ولا الباقيين متجمدين فى الكريدت كارد ؟؟

طب هات ال 4 جنية دول الله يكرمك .. مزنوقة فيهم

***

اقتباس :

اكتر حاجة ندمت على فقدانها ؟

مفيش بس خايف اني متجه ليه

ممكن تفسر الاجابة دى أكتر ولا حاجة خاصة ؟؟

ولو خاصة لازم تعترف .. انت علي كرسي الاعتراف يا استاذ

****

اقتباس :

نظام gps جميل جدا الساعات لما الواحد بيحب مثلا اجيك البيت
بتكوني انتي عملة لانة على الخريطة ان بيتك يقع في تلك النقطة انا على طول بختار النقطة
على جهازي والجهاز بيوجهني
جميل جدا بنصح الجميع انه يجرب الطريقة ده

يعنى دة نظام بيكون في العربية صح ؟؟

***

اقتباس :

- والثانية ان لا اعيش لحظة فقد احد الوالدين يارب احفظهم لنا جميعا

ربنا يديهم ويديلكـ طول العمر إن شاء الله

***

اقتباس :

بتفهم الناس على طول ولا بتحتاج وقت؟

عيبي اني بفهمهم على طول

وليه شايف ان دة عيب ؟؟ ما دة من مصلحتك انك تفهم الناس على أصلهم

***

اقتباس :

وهاعملكم مندي على اصوله مدفون تحت التراب

تقريبا دى أكله ولا هتأكلنا وتوارينا تحت التراب

***

شوية اسئلة كمان بقي ياااااالا .. عشان أنت ابن حلال بس يا هندسة

من هو مثلك الأعلي ؟؟

أكثر شئ يغيظك ؟؟

اَخر شخص يخطر علي بالك قبل ما تنام ؟؟

شخص تتمني الانتقام منه ؟؟

خطأ لا يمكن أن تغفره ؟؟

المنتدى بيغرق ومعاك قارب يشيل 3 أعضاء بس

هتاخد مين معاك وبمنتهي الصراحة .. و محدش هيزعل طبعا ؟؟

أكتر عضو مفتقده فى المنتدي .. اختر عضو واحد فقط ؟؟

بتلبس نظارة ولا لأ ؟؟

أيمن كان ليه صديقات بنات فى الكلية ؟؟ او اقول زميلات ؟؟

لو فى ايدك قلم وقدامك ورقة فاضية هتكتب إيه او هترسم إيه ؟؟

من هو تؤام روحك ؟؟

من فى نظرك أكثر عضو محبوب في المنتدي ؟؟

( انا عارفة هتقول إيه هنا .. بس هقولك بعد ما تجاوب )

ايه الصوت اللى بتحبه أكثر

صوت البحر .. صوت العصافير .. صوت المطر .. صوت ضحكة طفل

**

تخيل أنك طلعت رحلة للشاطئ إنت و4 من أعز أصدقائك .. هتاخد معاك ايه وأتخيل اليوم وأحكيه بالتفصيل

معلش سؤال رخم بس بيعتمد علي الجزء الادبي اللي أنا واثقة انه عشرة على عشرة عند باشمهندس أيمن

كفاية إكدة وليا عودة إن شاء الله

خدي راحتك يانيرة الواحد اهو يحاول يستفيد من وقته
كلام من ورى قلبي

---------

اقتباس :

اكتر حاجة ندمت على فقدانها ؟

مفيش بس خايف اني متجه ليه


ممكن تفسر الاجابة دى أكتر ولا حاجة خاصة ؟؟

ولو خاصة لازم تعترف .. انت علي كرسي الاعتراف يا استاذ

ههههه قانونيا يحق لي عدم الاجابة علشان انا جاوبت على سؤالك الرئيسي
وطبيعي الواحد في حياته فيه حاجات جميلة بيحب انها تددوم ليه وبيخاف انه يفتقدها

اقتباس :

نظام gps جميل جدا الساعات لما الواحد بيحب مثلا اجيك البيت
بتكوني انتي عملة لانة على الخريطة ان بيتك يقع في تلك النقطة انا على طول بختار النقطة
على جهازي والجهاز بيوجهني
جميل جدا بنصح الجميع انه يجرب الطريقة ده

يعنى دة نظام بيكون في العربية صح ؟؟

هو موجود في العربيات الحديثة بس انا كنت بقصد الموبايلات الحديثة

اقتباس :

اقتباس :

بتفهم الناس على طول ولا بتحتاج وقت؟

عيبي اني بفهمهم على طول
وليه شايف ان دة عيب ؟؟ ما دة من مصلحتك انك تفهم الناس على

أصلهم

اه انا كنت اقصد في مجتمعنا المصري اصلي كده هاوقف المصالح

اقتباس :

وهاعملكم مندي على اصوله مدفون تحت التراب


تقريبا دى أكله ولا هتأكلنا وتوارينا تحت التراب

هههه مش قادر امسك نفسي من الضحك والله يانيرة
لا بجد اكله جميلة وصحية جميل جدا الاكل اللي بيتعمل على الفحم
.

من هو مثلك الأعلي ؟؟
في العمل
والدي
الالتزام
والدتي

أكثر شئ يغيظك ؟؟
اللا مبالاه وحب الذات

اَخر شخص يخطر علي بالك قبل ما تنام ؟؟

الوالدين

شخص تتمني الانتقام منه ؟؟
كل شخص كان له يد في انتشار الفقر في مصر

خطأ لا يمكن أن تغفره ؟؟
الخيانه


المنتدى بيغرق ومعاك قارب يشيل 3 أعضاء بس

هتاخد مين معاك وبمنتهي الصراحة .. و محدش هيزعل طبعا ؟؟

المنتدى بيغرق ده صعبة قوي
دعاء علشان اختي وروز علشان اكتر واحده تعبت في المنتدى بصراحة والدكتورة اية حرام بعد سنوات دراسة الطب نسيبها تغرق ونيرة ياعيني على وش جواز خليها تفرح هههههههههه
وانا هافضل مع باقي الاعضاء
ضميري هاي انبني طول حياتي لو عشت

أكتر عضو مفتقده فى المنتدي .. اختر عضو واحد فقط ؟؟
استاذ معاذ
بتلبس نظارة ولا لأ ؟؟
لا
أيمن كان ليه صديقات بنات فى الكلية ؟؟ او اقول زميلات ؟؟

لا ماكانش فيه بصراحة

لو فى ايدك قلم وقدامك ورقة فاضية هتكتب إيه او هترسم إيه ؟؟

هارسم عين بتدمع

من هو تؤام روحك ؟؟
هو كان قبل سنتين كان اخوية اشرف
بس دلوقتي مفيش


من فى نظرك أكثر عضو محبوب في المنتدي ؟؟
بيبو وباشمهندس حسام ومن العضوات روز

( انا عارفة هتقول إيه هنا .. بس هقولك بعد ما تجاوب )
مش عارف بصراحة تقصدي ايه ؟؟

ايه الصوت اللى بتحبه أكثر
صوت البحر .. صوت العصافير .. صوت المطر .. صوت ضحكة طفل

كل الاصوات بحبها وكل حاجه ليها وقتها
بس اكتر حاجه حاليا صوت العصافير الصبح بالذات مع شروق الشمس
اول مااسمعها بقعد اسبح ربنا


تخيل أنك طلعت رحلة للشاطئ إنت و4 من أعز أصدقائك .. هتاخد معاك ايه وأتخيل اليوم وأحكيه بالتفصيل

معلش سؤال رخم بس بيعتمد علي الجزء الادبي اللي أنا واثقة انه عشرة على عشرة عند باشمهندس أيمن

ها اجل السؤال ده لبعدين

كفاية إكدة وليا عودة إن شاء الله

في انتظارك

اقتباس :

كلام من ورى قلبي

هعتبر إن الكلام دة مش ليا طبعا


****

اقتباس :

ههههه قانونيا يحق لي عدم الاجابة علشان انا جاوبت على سؤالك الرئيسي
وطبيعي الواحد في حياته فيه حاجات جميلة بيحب انها تددوم ليه وبيخاف انه يفتقدها

طب أنا كبرت في دماغي بقي إنك تقولنا علي حاجة لأ اتنيين من الحاجات الجميلة اللي أيمن خايف يفتقدها

***

اقتباس :

اه انا كنت اقصد في مجتمعنا المصري اصلي كده هاوقف المصالح

مش فاهمة الجملة دي ..

وعلي الهامش سؤال :

ليه حساك غامض أوي كدة ؟؟

أيمن بيخاف يكون صريح وواضح ولا دي حاجة في شخصيتكـ موجودة ؟؟

*****

اقتباس :

هههه مش قادر امسك نفسي من الضحك والله يانيرة
لا بجد اكله جميلة وصحية جميل جدا الاكل اللي بيتعمل على الفحم

يااااااارب تدوم الضحكة وما تفارقك ابدااا

..

كدة فهمتك

****

اقتباس :

المنتدى بيغرق ده صعبة قوي
دعاء علشان اختي وروز علشان اكتر واحده تعبت في المنتدى بصراحة والدكتورة اية حرام بعد سنوات دراسة الطب نسيبها تغرق ونيرة ياعيني على وش جواز خليها تفرح هههههههههه
وانا هافضل مع باقي الاعضاء
ضميري هاي انبني طول حياتي لو عشت

ايوة علي رأيك نيرة علي وش جواز يا عيني والراجل اللي بقي في رقبتها دة توديه فين

بس بجد أختيارك مثالي جدااا ودة يدل على إيثارك وتفضيلك للغير

وإن شاء الله مفيش المنتدي يغرق ولا حاجة

**

اقتباس :

هارسم عين بتدمع

وهل دة ليه دلالة معينة ؟؟

***

اقتباس :

( انا عارفة هتقول إيه هنا .. بس هقولك بعد ما تجاوب )
مش عارف بصراحة تقصدي ايه ؟؟

أصلي فى كل مواضيع كرسي الاعتراف إذا ذُكر العضو المحبوب ذُكرت رووز بلا منازع

وحسيت انك هتختارها فعشان كدة بقولك عارفة هتقول مين

***

اقتباس :

ها اجل السؤال ده لبعدين

أوك وانا مستنياك تجاوب على الاسئلة اللى بين السطور والسؤال دة ومعاهم

بتقول لمين ألف شكر .. الله لا يحرمني منك ؟؟

غير الحاج و الحاجة

ربنا يخليكم ليا يارب وانا بحسكم كلكم ولادي وبتعامل معاكم من هذا المنطلق علشان كده واصل لكم حبي ده
ربنا يزيد المحبة في الله يارب
--------
ما شاء الله عليكِ نيرووووو أستاذة في الاسئلة بصراحة وأيمن صراحته بتخلينا مش عايزينه ينزل من على الكرسي
ربنا يحفظكم

اقتباس :

طب أنا كبرت في دماغي بقي إنك تقولنا علي حاجة لأ اتنيين من الحاجات الجميلة اللي أيمن خايف يفتقدها

ههههه الله يهديكي يانيرة
اكتر حاجه جميلة في حياتي هي الاصدقاء دائما ما اخشى من فقدانهم
مش عارف مع اني دائما ما اكون شخصية محبوبة
ودائما ما احب ان اضع بصمة تكون ذكرى لهم بي الا ان هناك سرلا عرفه بذلك الشعور
كفاية كده وايمن بعترف بهروبه من السؤال

اقتباس :

اقتباس :

اه انا كنت اقصد في مجتمعنا المصري اصلي كده هاوقف المصالح

مش فاهمة الجملة

دي ..

اصلي دائما الناس بتتعامل بالمكر والخداع لنيل مصلحة
يعني مثلا تعالي في الشغل في الموقع على قد ماالناس بتحبني جدا اكتر من اي عسكري او ضابط مهندس ومع اني مهندس ميكانيكي مش مدني
الا انهم بيخافو جدا من استلاماتي علشان طالع فاهم كل واحد عارف ناوي على ايه وناوي يداري ايه بس فابقفشهم بطريقة مرحة يخليهم يختشو على دمهم وفي نقس الوقت بيكون فيه بنا محبة

اقتباس :

ليه حساك غامض أوي كدة ؟؟

شوفي في عندك حق بس اللي فاهمني صح وحاسس بيا
هايلاقني واضح وصريح بس اللي يفهمني بقى

اقتباس :

هارسم عين بتدمع
وهل دة ليه دلالة معينة ؟؟

ده وصف لحالي

اقتباس :

اصلي فى كل مواضيع كرسي الاعتراف إذا ذُكر العضو المحبوب ذُكرت رووز بلا منازع

وحسيت انك هتختارها فعشان كدة بقولك عارفة هتقول مين

والله هي اخت عزيزة علينا تستحق الاحترام والحب والتقدير

اقتباس :

بتقول لمين ألف شكر .. الله لا يحرمني منك ؟؟

غير الحاج و الحاجة

والله مفيش حد معين بس اهديها لاختي الكبرى حنان
واتمنى ان اقولها المرة القادمة لشريكة حياتي في المستقبل

a white rose

اقتباس :

ربنا يخليكم ليا يارب وانا بحسكم كلكم ولادي وبتعامل معاكم من هذا المنطلق علشان كده واصل لكم حبي ده
ربنا يزيد المحبة في الله يارب

جزاكي الله خيرا روز وجمع بيننا جميعا في الفردوس الاعلى

اقتباس :

ما شاء الله عليكِ نيرووووو أستاذة في الاسئلة بصراحة وأيمن صراحته بتخلينا مش عايزينه ينزل من على الكرسي
ربنا يحفظكم

لا بصراحة نيرة قائمة بالواجب وزيادة شرفني متابعتك روز

اقتباس :

ربنا يخليكم ليا يارب وانا بحسكم كلكم ولادي وبتعامل معاكم من هذا المنطلق علشان كده واصل لكم حبي ده
ربنا يزيد المحبة في الله يارب

الله يكرمك يا روز زيباركلك في أولادك


انتي شخصية جميلة ربنا يحفطك ياااارب العالمين

***
ونررررجع للباشمهندس بقي اللي بيعترف بهروبه من السؤال

بس أنا راضيه بالإجابة اللي أتقالت

وإن شاء الله ما تفقد أصدقائك مهما حصل ويكونوا خير الصحبة والعون لك

***

روز

اقتباس :

ما شاء الله عليكِ نيرووووو أستاذة في الاسئلة بصراحة وأيمن صراحته بتخلينا مش عايزينه ينزل من على الكرسي
ربنا يحفظكم

الله يخليكِ روووز .. خلاص أحنا فيها .. نفضل سايبينه علي الكرسي

بس أنتو تعالوا اعملوا معاه الواجب واعرفوه أكتر

الباشمهندس أيمن شخصية رائعة والله ومحتاجين نتعرف عليه أكتر

***

سؤلاتى بتوع النهاردة بقي

اومال فاكر مش هسأل يعني

اولا تقولنا السؤال المتأجل

ثانيا

اكتر حيوان بتحس ببراءته؟

لو اتيحت لك الفرصة انك تربي حيوان معين هيكون إيه الحيوان دة ؟

حيوان بتخاف منه ؟

حيوان بترتاح لما بتشوفه ؟

عمرك زرت حديقة الحيوانات ؟

لو الإجابه اَه .. احكيلنا علي موقف شفته من حيوان خلاك تقول سبحانك يا الله .

كفاية حصة الثروة الحيوانية دى

ونسأل بقي

عمرك مسكت سكينة ودبحت ؟

فرخة طبعا او خروف العيد ولا لأ ؟ ولو لأ ليه ؟

فاكر أول يوم ليك فى الكلية ؟؟ قولنا بقي علي موقف مهما طال العمر بيك أستحالة تنساه في أول يوم كلية



ورجعااااااالك طبعا

حلي بدي بقي بعد ما تجاوب




وإياك تاكلها قبل ما تجاوب

انا مراقبه الموضوع علي فكرة

السلام عليكم

اشمعنا انا بقه
لااااازم اسألك كمان
--
يلا اسئلتي هي ...

*ايه هو عطرك المفضل؟
*بالمستقبل باذن الله لما تتجوز وتخلف حابب تسمي عيالك ايه؟
*عندما تمطر السماء وتأتي رياح خفيفه تلامس خدك وتتشرب نسائم رائحة العبق بين رئتيك وتتنفس الصعداء ............ هتقول ايه؟




كفايه كده دلوقتي عشان مضربش هههههه

اقتباس :

سؤلاتى بتوع النهاردة بقي

اومال فاكر مش هسأل يعني

اتفضلي براحتك
اهو يعتبر علاج للحالة اللي انا فيها

اقتباس :

اولا تقولنا السؤال المتأجل

انا مأجله ليوم الجمعة بالليل او السبت معلش

اقتباس :

اكتر حيوان بتحس ببراءته؟

القط

اقتباس :

لو اتيحت لك الفرصة انك تربي حيوان معين هيكون إيه الحيوان دة ؟

الحصان بيقوله انه وفي جدا لصاحبه
والقط برضه

اقتباس :

حيوان بتخاف منه ؟

الثعبان

اقتباس :

حيوان بترتاح لما بتشوفه ؟

الحصان

اقتباس :

عمرك زرت حديقة الحيوانات ؟

وانا صغير خالص ومش فاكر غير
اني كنت بأكل الفيل والزرافة جزر
وكمان المزرعة موجودة ليه اروح حديقة الحيوان والطبيعة كلها عندي

اقتباس :

لو الإجابه اَه .. احكيلنا علي موقف شفته من حيوان خلاك تقول سبحانك يا الله .

مفيش بصراحة علشان مش فاكر
ممكن اللي بعجبني في متحف او جزيرة الاسماك اللي في الاسكندرية مش فاكر اسمها ايه
منظر الاسماك الى حد ما جميل

اقتباس :

كفاية حصة الثروة الحيوانية دى

كويس انها جت على قد كده

اقتباس :

عمرك مسكت سكينة ودبحت ؟

لا بس كنت بساعد مع الوالد في الفراخ او مع اخوية اشرف في خروف العيد

اقتباس :

فاكر أول يوم ليك فى الكلية ؟؟ قولنا بقي علي موقف مهما طال العمر بيك أستحالة تنساه في أول يوم كلية

شوفي اول يوم في كلية هندسة زراعية اللي انا دخلتها قبل ما ادخل الهندسة
هو مش اول يوم بس ده السنة ده مش هانساها خالص في حياتي

طبعا انا كانت لي رؤية في وجوه الاخرين استحببت بعض الوجوه في الكلية
طبعا انا على نياتي جاي من السعودية ومش فاهم حاجه وفاجأة
اكتشف اني اللي قاعد معاهم من جماعة الاخوان
قلت ربنا يستر وطبعا انا لاحظت بفراستي اني بتراقب واللي اكدلي كمان
جيت في يوم وانا داخل الكلية جه عسكري امن البوابة وانا معدي لقيته راح لعب في جهاز الارسال فا ادى انذار راح موقفني وعايز يفتشني يقولي انت معاك اسلحةاو حديدة او حاجه معدنية بقوله ليه قالي الجهاز صفر
قعدت اضحك ودخلت معاه في خناقه وعرف ان الحركة مادخلتش عليا
بعد كده بقيت في حالي علشان ابعد المشاكل
غير ان النظام
كان عك في عك بصراحة مناهج بتتحط وتتشال وكنا بنحضر ثلاث محاضرات في شبرا الخيمة كلية الزراعة وثلاث ايام في العباسية كلية الهندسة
ووصلنا لايام بنحضر محاضرتين في نفس اليوم ده كان عذاب
الله لا يعيد تلك الايام

Niera كتب:

حلي بدي بقي بعد ما تجاوب




وإياك تاكلها قبل ما تجاوب

انا مراقبه الموضوع علي فكرة

والله لسه عازم صحبي على ايس كريم من المالكي وانا جاي
ياسلام بقى المرة الجاية تكون بالفراولة
تسلمي نيرة

سؤالي لأيمن بسيط
هقوله إختار كذا عضو كده في المنتدى ووجه له سؤال عن أي شيء تحب إنك تعرفه منه

حتى لو العضو مش بيدخل حاليا إسأل واحنا هنخليه يدخل ان شاء الله بالعافية ههه

مادام الكل سال اسال انا كمان بالمره ههه

_______-

*ازيك؟ ده اول سؤال لعلمك
*ايه اكتر لحظه سعيده عشتها في المنتدى؟
*هل تؤمن بالمقوله ((الصديق وقت الضيق))؟
*اكتر موضوع من مواضيعي عجبك؟
*اكتر لون تكرهه؟
*بتحس اني طفله بالنسبه ليك؟؟ بصـــــــراحه ههه عادي لعلمك مش هزعل كاني مش عارفه الاجابه يعني

_____________

مستنياااااااااااااك

Niera

اقتباس :

مبسوطة جداااااا انك قادر تواصل معانا يا باشمهندس

والله يانيرة انا بشكرك جدا على اهتمامك ومتابعتك للموضوع
وبسعد كتيير لما اشوف مساهماتك

وياليت تعذريني على حاجتين
الحاجه الاولى كثرة غيابي الفترة اللي فاتت
الحاجة التانية سؤالك اللي حضرتك طلباه مني مش قادر اكتب فيه حاجه
كل ما افكر اكتب مابقدرش
والسبب ده يرجع بصراحة اني نفسيتي مش متظبطه بقالها فترة كده وانا بعتذر ليكي برض هاحاول اني اجاوب علىه اذا قدرت

اقتباس :

بتحس بإيه لما بتدخل المنتدي وتلاقيه صحرا كدة ؟

بحس بإستوحاش واللي بيزعلني اكتر اني بلاقي عدد الزاور حولي من 36 ال40
طيب بيعملو ايه كلهم معرفش
والغريبة اني واثق انهم منهم ناس كتيير بنحبهم وبيتابعونا طيب حرمونا ليه من ظهورهم معرفش ساعات بحس ان في حاجه غلط بس ايه هي معرفش

اقتباس :

حط نفسك ف الموقف اللي هحكيهولك دة ولاااازم تختار حل

شوفي هو موقف صعب جدا علشان وجهات النظر كتيييرة فيه
طيب احنا لو بصينا لمعطيات للوضع الاول
1- بنت محترمة
2- تحمل صفات جميلة
3- عندها استعداد لتغيير م نفسها للاحسن

المشكلة ان اهلها يحملون سمعة غير جيدة

بالنسبة لرايي غالبا البنت اكيد ستحمل بعض الصفات الغير جيدة في التربية من تلك الاسرة ومش لازم التربية بس ممكن في طرق التعامل

نبص للصورة التانية قبل مانكمل راينا
1- البنت لعبية
2- ليها ماضي مش لذيذ
3- واخده الحياة بالطول والعرض
الاسرة محترمة ومافهمش غلطة

طبعا معادلة صعبة جدا جدا ان اسرة محترمة وتخرج منها بنت بالشكل ده طيب ازاي الا اذا كان مفهوم الاسرة المحترمة مختلف هنا
هانفرض زي ماقولتي انه حاصل بس انا في نظري فيه معطيات كتيير ناقصة

المشكلة اللي انا فيها دلوقتي لما افكر اتقدم لوحده انا زي ما بهتم بيها بهتم بأسرتها كتيير ليه ؟

علشان دايما بنظر اني اهلها هايصبحو اهلي انا كمان واسرتي واسرتهم هايبقو واحد فلازم في توافق بينهم ونقطة تانية بعمل حسابها بعد عمر طويل الواحد مش ضامن عمره لقدر الله لو مت هل هايصونو كرامت عيالي واسرتي ؟؟
ده بالنسبة ليا نقطة مهمة برضه

عقلي هايبقى تناقضات لو انا خدت المحترمة طيب انا كده هاعزل عيالي عن اهلها الى حدما علشان مايطبعوش بأخلاقهم وزيارتهم لاهلها هاتكون قليلة

طيب انا لوخدت اللعبية علشان اسرتها طيب عندها استعداد للالتزام ؟ هو انا هاضمن عيلتها واخلاق عيالي ونقطة تانية لو فيه مشكلة حصلت مابنا هلاقي حد هايحكم بالصح من اهلها

بس دلوقتي كده هاظلم المحترمة برضه اني بعاقبها باخلاق اسرتها وهي مالهاش ذنب

هي معادلة صعبة فعلا بالنسبة ليا غالبا ما سيتدخل عامل الحب وهوى القلب
بوصي انا اخدهم الاتنين وريح نفسي
انا رديت رد سريع علشان اشوف وجهة نظرك برضه لو عندك سؤال وهاكمل اجابتي بالحوار معاكي

اقتباس :

بتحب لون العيون ايه فى البنات وفي الولاد ؟؟

يابنتي انا راضي باي لون بس نتجوز بس انشالله يكون فحلقي
اللي يرزقنا بيه ربنا راضيين بيه

اقتباس :

اقتباس :

أيمن بيقرف .. يعني لما تكون بتاكل وحد جه يقرّفك في الاكل دة من باب الهزار زى لما الصحاب يعملوا ف بعض .. بتكمل عادي ومش بيهمك منه ولا بيأثر عليك وتسيب الأكل ومش تكمل ؟؟

الى حد ما بيقرف بس مابيظهرش الموضوع عليه وبترك الاكل بطريقة مهذبة

اقتباس :

نفسك في ايه دلوقتي وبمنتهي الصراحة ؟؟؟

والله علشانك هاقول بصراحة نفسي الاقي النصف الاخر خلال السنة ده
هو اه انا لسه قدامي سنتين ثلاثة عقبال ماكون نفسي وكده بس بيبقى ليها طعم تاني
لما تكوني عايشه الثلاث سنين علشان هدف مهم عايزه تحققيه اصلي بصراحة ده لو محصلش في نظري
وربنا شاء وسافرت هايبقى في اتجاهات تانية للحياة عندي

a white rose كتب:

سؤالي لأيمن بسيط
هقوله إختار كذا عضو كده في المنتدى ووجه له سؤال عن أي شيء تحب إنك تعرفه منه

حتى لو العضو مش بيدخل حاليا إسأل واحنا هنخليه يدخل ان شاء الله بالعافية ههه

سؤال مش بسيط على فكرة انا لو هاختار هاختار جميييع الاعضاء الغائبيين
وهاسألهم انهم يعطوني جواب مقنع عن سبب غيابهم عن المنتدى

هاسألك انتي الاول علشان الناس ماتزعلش

بما انك عشتي في مصر والان في السعودية
هانرجع للزمن ورى شوية وحصل ان قدامك الخيار انك تعيشي في مصر او السعودية هاتختاري ايه مع ذكر الاسباب ؟


بيبوووووو

ياترى ايه خطواتك الي ناوي تخطوها في بناءمستقبل ؟

ياسمينا

هل ياسمينا عندها افكار تغيرت بعد مرحلة الزواج ؟

رحال

حلم ضاع منك ممكن تذكره لينا ؟

نيرة

اكتر افكار بتراودك خايفه منها في هذه الايام ؟

باشمهندس حسام

شايف ايه في ايمن غلط وبتنصحه بيه ؟

دكتورة اية

اختاري اي سؤال من الاسألة السابقة للاجابه عليه

السلالام عليكم ورحمة الله

* الحياه بتغير الانسان من دون ما يحس ... تقدر تقول اهم سمه تغيرت فيك الفترة الماضيه؟

*مين العضو الي بتحس ان عنده امكانيات كبيرة ولم يقدمها حتى الان؟

*اتخيل انك اب هتعمل ايه لعيالك؟ ده سؤال عاام

*لو حد منع عنك النت لاي سبب من الاسباب .. هتعمل ايه؟

*كلمة توجهها لجميع اعضاء المنتدى؟

* لمن تقدم هذه النصائح؟
>اتق الله في نفسك
>لا تؤجل عمل اليوم الى الغد
>افعل ماشئت كما تدين تدان

*تيه رايك في الي بيلجأ للانتحار او بيفكر فيه لما بتضيق الدنيا؟


مع السلااااااااااااامه

السلام عليكم

واضح ان الناس مظبطينك يا باشمهندس

للأسف انا ما قدرتش اقري كل ردودك في الموضوع دلوقت

فهسأل ويا رب الاسئلة ما تكونش مكررة

يا تري ايه اكتر نوعية من الكتب بتحب تقراها بما انك واضح انك بتقرا كتير ولو دخلت مكتبة علشان تختار كتاب

ايه اللي بيلفت نظرك للكتاب علشان تختاره يا تري اسم الكاتب ولا اسم الكتاب ولا نظرة عابوة في صفحات الكتاب ولا القسم الذي يوجد فيه الكتاب؟؟

سؤال كمان خفيف كدة :)

ايه اكتر الاكلات اللي بتحبها وبما اننا عرفنا عنك انك ما شاء الله بتعرف تتطبخ

ايه اكتر اكله بتعرف تعملها ويا تري لما تتجوز ان شاء الله هتساعد زوجتك في المطبخ

ولا هتاخد راحة بقي من عناء السنين

اقتباس :

وياليت تعذريني على حاجتين
الحاجه الاولى كثرة غيابي الفترة اللي فاتت

لا مفيش مشاكل .. عاذرينك وبندعيلك ان ربنا يظبطلك حالك

وتفضي وتتابع معانا بإنتظام

مع إنك أحسن من غيرك كتير في الدخول .. بس طبعا عاوزين مشاركة اكتر من كدة

ربنا يصلحلك الحال

اقتباس :

الحاجة التانية سؤالك اللي حضرتك طلباه مني مش قادر اكتب فيه حاجه
كل ما افكر اكتب مابقدرش
والسبب ده يرجع بصراحة اني نفسيتي مش متظبطه بقالها فترة كده وانا بعتذر ليكي برض هاحاول اني اجاوب علىه اذا قدرت

عموما معاك وقت لحد ما تيجي روز وتقول هنقفل الموضوع فأنت تلحق حالك وتحكيلنا القصة المصغرة اللي أنا عوزاك تألفها دي

وربنا يهديلك نفسك وحالك يارب العالمين

اقتباس :

هي معادلة صعبة فعلا بالنسبة ليا غالبا ما سيتدخل عامل الحب وهوى القلب
بوصي انا اخدهم الاتنين وريح نفسي
انا رديت رد سريع علشان اشوف وجهة نظرك برضه لو عندك سؤال وهاكمل اجابتي بالحوار معاكي

تصدق الموقف المتأزم دة مينفعش معاه غير انك تتجوزهم الاتنيين فعلا .. واحدة للصيف وواحدة للشتا

لا بس انا اكتشفت ان الموضوع فعلا معطياته صعب تيجي بالشكل دة

معلش الواحد احيانا بيألف افلام خيال علمي اكشم وهوا قاعد كدة .. فانت لازم تتحمل بقي

اقتباس :

والله علشانك هاقول بصراحة نفسي الاقي النصف الاخر خلال السنة ده

يااااااارب ربنا يوقعك في بنت الحلال اللي تسعدك وتهنيك وتلاقيها علي طول



************************************

اقتباس :

نيرة

اكتر افكار بتراودك خايفه منها في هذه الايام ؟

بصراحة أكتر حاجة مخوفاني دلوقتي أني خايفة من موضوع الخطوبة والجواز وكدة .. خايفة أحسن أفشل ف التعامل مع أحمد وفجأة يكتشف انه مش أنا اللي كان نفسه فيه اومش دي اللي كان عاوزها ..

وعماله بقي براقب خبرات الناس اللي حواليا المخطوبات .. صحباتي ومن قبلهم اخواتي .. وبحاول أشوف الكويس ف كل دة .. ومحتاجة دعواتكم اني أكون نعم الرفيفة والزوجة لأحمد