راقي بأخلاقي

موضوع يا آيوت فكرتة روعة

انا فى راى ان الاثنين هما اللى خلونا نوصل لكدة
التاثر بالغرب والنفس الامارة بالسوء دة غير سؤء الترتبية فى مصر وان معظم وسائل الاعلان بقت تهتم بالشهره على حساب ما تقدمة من مواد

علشان نرجع تانى زى الاول اعتقد ان اهم صفه لازم تكون عندنا هى الحياء وكمان الزوق

موضوع رائع يا آيوت وليا رد تانى

:sm15:

فعلا عمرو الحياء مهم جدا للولاد والبنات
في ناس بتعتقد ان الحياء قاصر علي البنات بس
كمان في ناس بترفض الحياء وتقول انه هيؤدي للفشل
بس الناس دي للأسف مش فاهمة الفرق بين الحياء وبين الخجل والنطواء

شكرا لمرورك عمرو

:sm19:

جميل جدا موضوعك يا ايه
وموضوع الاخلاق دا كبير اوى
اول حاجه يا ايه اللى قال البيت الشاعر الكبير والعظيم
حافظ ابراهيم
القيم والمبادئ والاخلاقيات بقت حاجه شائكة جدا
ورسول الله صلى الله عليه وسلم بعث ليتمم مكارم الاخلاق
ولكن الحال دلوقتى فى اصعب ما يكون
اختلفت انواع البشر وبالتالى اختلفت الاخلاقيات
فالكل مقتنع بحاله
وكتير بنسمع مقولة الايمان فى القلب ومش مهم انا قدام الناس ازاى
وطبعا دا اكبر غلط
الاخلاقيات لا يتم تجزءتها مهما حدث
فكيانها ثابت يحافظ على مكانته
وانا شايف ان المجتمع هوا اكبر سبب فى التأثير على قيمنا واخلاقنا
ودا بعد الاسرة طبعا
وبعدين لازم اخلاقنا تنعدم
مش احنا اللى قولنا اهلا بالانفتاح
وبقت سداح مداح
مش احنا اللى عملنا من الناس دى رموز للبلد
لازم يحصلنا كدا
لكن طبعا يبقا جزء حتى لو قليل فهو موجود
من يحافظون على قيمهم واخلاقياتهم
سيبقا الحق حق مهما طال الزمان
حتى تقوم الساعة
اسف جدا يا ايه على الاطالة
لكن الموضوع يحتوى على الكثير جدا

جزاك الله خيرا محمود

انت كدة جبت من الآخر

:sm19:

بصراحة مش لاقية كلام بعد كلامكم

فعلا زي ما بيبو قال الإنسان لو تمسك بالقرآن وتعاليمه وسنة الرسول صلى الله عليه وسلم

هيكون راقي أخلاقيا

وما يكونش معياره الصح والغلط والعيب من وجهة نظر المجتمع إللي عايش فيه

لإن الناس اللي بتمشي وتتمسك بالعادات والتقاليد فقط
وتترك الدين

مش دا المعيار الصحيح
إحنا ساعات بنعمل حاجات غلط وحرام وفاكرين إن دا الصح لإن دي العادات والتقاليد

بتاعتنا
لازم نوزن الأمور بمعيار الدين مش العادات والتقاليد
من ناحية أخرى

لازم ما نسكتش على الغلط لإن سكوتنا بيعززه وبيكون دا الصح من وجهة نظر البعض

ناس كتير تقول
أنا لما كنت طيب مع الناس كان حقي بيروح
ودلوقتي لما بقيت أعاملهم من فوق وأزعق عرفت آخد حقي وبقوا يحترموني

(أكيد هما مش بيحترموه لشخصيته ولكن مش عايزين يوجعوا دماغهم معاه ودا الغلط ----لإنهم كدا خلوه يعتقد إنه صح )

المعادلة الصعبة دلوقتي :إزاي تكون مهذب ومحترم وما تغلطش وتعرف تاخد حقك ؟


أظن لو غيرنا سلوكنا وبقينا نعطي الحق للناس المحترمة الذوق الناس التانية لازم هتغير سلوكها

عندكـ حق روز في كل كلامكـ
يا ريت يكون تفكير كل الناس كدة
بس فعلا احنا دلوقت العادات والتقاليد بتحكمنا اكتر من اي حاجة تانية
انا مثلا احان كتير ببعد عن حاجة معينة او اعمل حاجة معينة بس لأن ماما او بابا طلبوا مني كدة
مش لأني مقتنعة بيها وشايفة انها نابعة من أخلاقياتي
حتي لو الحاجة دي مش بتتعارض مع اخلاقياتي
فأنا برضة بقبلها او برفضها طبقا لوجهات نظر اللي حواليا

شكرا ليكي يا روز

بس عامة يا آية حاولي شوية شوية تعرفي فين الصح والغلط دينيا وتكوني مقتنعة به وتعملي به شوية شوية هتلاقي الموضوع بالنسبة لك بقى سهل والناس إتعودوا منك على كده بس أهم حاجة كل حاجة تكون باللين والحب والإبتسامة علشان تقدري تعملي الصح من غير ما حد يزعل منك

وهتلاقي الناس هتبتدي تعمل زيك

بس أهم شيء الكلمة الحلوة علشان الإنسان يعرف يغير الغلط إللي في مجتمعه وتجدي من يسمعك وتكسبي حب الناس

:bball:

ان شاء الله

ودة فعلا اللي بحاول اعمله

:bball:

تفتكرى فى ايه تانى ممكن يتقال بعد كلام عمور واحمد ومحمود وروز

واكيد كلامك توته

الموضوع جميل جدا

وباختصار عاوز يبقى عندك اخلاق ارجع لدينك وتعاليمه

فعلا الدين والقرآن وما نبصش لحد

sharingan كتب:

موضوع غاية في الروعة و كلام جميل
"إنما الامم الاخلاق ما بقيت فإن هم ذهبت أخلاقهم ذهبوا "

اسعدني مرورك

راقي بأخلاقي (الخلق الأول ..الإيثار)

هذا رابط للجزء الأول
نرجو المشاركة من الجميع

الجزء الثاني


راقي بأخلاقي.. الخلق الثاني(الحب في الله)

الجزء الثالث


راقي بأخلاقي .. الخلق الثالث(الصدق)

موضوع جميل و رائع لانه يمس العالم الاسلامي خاصة و العالم ككل و لانه من عماد الدين ومن المقوملات الاساسية لانشاء جيل متميز و انا اشكرك جزيل الشكر على التميز الذي قمت به و اتمنى ان تمتعنا بكثير من المواضيع الرائعة و التي احنا بحاجة ماسة لاثرائها و نحن ننتظر كل جديد منك.......... و شكرا :affraid:

شكرا أمينة نورتي موضوعي

لاشكر على واجب تستاهل ياصديق الوفي