تقاليد الزاوج عند الشعب المصري.........ضروري

ممكن حد يقولي شو هي تقاليد الزواج عند الشعب المصري ؟؟؟
يعني حجات زي كده قبل فترة الخطوبة و في الفترة نفسها و التجهيزات للفرح من شهور و حتى بيوم الفرح شو اللي بصير؟؟
انا عاوزة هاد الموضوع ضروري ..مطلوب مني تقرير تقاليد الزاوج عند الشعب المصري.........ضروري 655602

تقاليد الزاوج عند الشعب المصري.........ضروري 655602

و انا اخترت الشعب المصري
تقاليد الزاوج عند الشعب المصري.........ضروري 695361

بلييييييييييييييييز

هههههههههههه
غريب شوية الموضوع ديانا
طيب انتي بتدرسي ايه
علي فكرة هتدوووووووووخي
جاااااااااااااااامد
لأن مصر بالذات بيختلف فيها التقاليد من منطقة للتانية يعني الصعيد غير الفلاحين غير في دمياط
غير القاهرة واسكندرية
دة غير الافراح الاسلامية
طيب يا تري انتي مطلوب منك كل الحاجات دي ولا حاجة معينة؟

معك حق الموضوع غريب هههههههههه
انا بدرس تربية انجليزي و هاد الموضوع مطلوب منا ...حترجمو للانجلش اكيد
و ع فكرة اختاري المنطقة اللي تحبيها يا عسل بس ساعدوني -انا حتفجر من كتر الضغط اللي عليا-

ههههههههههههه
هحاول
هقولك علي اللي بيحصل في الغالب والباقيين يكملوا
بصي يا ستي
أول حاجة العريس بيتقدم لعروسته
لو كان يعرفها قبل كدة ما فيش مشاكل
يتقدملها ويا ترفض يا توافق لان في الحالة دي هيكون الرد منها هي بس
لو ما يعرفهاش وحد رشحها له
بيروح يشوفها الرؤية الشرعية
ويا يوافق يا لا وهي كمان رأيها بيبقي مطلوب
يقعد بقي اهل العروسة يسألوا عن العريس وعن اخلاقه والعكس برضه يعني العريس قبل ما يتقدم لواحدة بيسأل عن اخلاقها وبعد ما الاتنين يصلوا صلاة استخارة ويرتاحوا لبعض بيبقوا كدة اتخطبوا
( علي فكرة اسمع من جدي وجدتي ان زمان كان العريس ما يشوفش عروسته ولا تشوفه غير يوم الفرح )
هحكيلك بقي عندنا ايه اللي بيحصل بعد كدة ( عندنا دة في شمال مصر زي اسكندرية ومدن الساحل )
العريس عندنا لو وافق علي العروسة وعايز يبين دة اول يوم راحلها فيه من كام سنة كدة كان بيسيبلها مبلغ من المال كتعبير عن انه شاريها يعني وموافق عليها
دلوقت الموضوع اتطور بقي بيديلها خاتم مثلا ( بيغريها يعني تقاليد الزاوج عند الشعب المصري.........ضروري 820491

تقاليد الزاوج عند الشعب المصري.........ضروري 820491

)
بعد كدة لو العروسة وافقت الموضوع بيمشي لو مش وافقت الفلوس دي بترجع للعريس تاني
بعد كدة بعد ما تتم الموافقة من الطرفين يروح العريس واهلة يوم للعروسة ويقعد العريس واخواته يدوها فلوس تاني وابو العريس امه وقرايبه لو امكن
ويوم تاني يتعمل خطوبة علي الضيق في البيت تبقي بشبكة بسيطة يعني دبلة وخاتمين ولا حاجة
بعدها بفترة يتعمل شبكة بقي في نادي ولا حاجة ويكون فيها شبكة للعروسة كبيرة طقم دهب كامل مثلا أو اساور
أحيانا بقي لو فترة الخطوبة قصيرة يتعمل اما شبكة او خطوبة حاجة واحدة يعني
لو العريس ملتزم شويتين بيفضل انه يكتب الكتاب خلال الخطوبة
انما الغالب بيكتبه قبل الفرح باسبوع او شهر وبيتعمل احتفال بكدة اما يكون في نادي أو في البيت برضه علي الضيق بس بيكون زي عزومة كدة للاهل والقرايب
العريس بقي طول ما بيروح لعروسته في فترة الخطوبة ياخدلها كل مرة اما فلوس او هدية الهدية بتكون طقم شاي طقم قهوة حاجات بتبقي معروفة انها علي العريس
( غلبانين العرسان والله تقاليد الزاوج عند الشعب المصري.........ضروري 918493

تقاليد الزاوج عند الشعب المصري.........ضروري 918493

)
نيجي بقي للمناسبات عيد ميلاد العروسة لازم العريس يجيبلها هدية بتختلف من شخص للتاني (اخويا كان جايب مثلا لخطيبته سبيكة دهب صغيرة كدة )
وهي برضه تجيبله في عيد ميلاده وبرضوا يتهادوا في عيد الحب وعيد الام هو يجيب لمامتها وهي تجيب لمامته ولجدته لو موجودة
في فترة الخطوبة بيتكلم الاهل عن الشقة وتفاصيلها مين عليه الستاير ومين السجاد وهكذا احنا عندنا العريس عليه الموبيليا ( الاثاث يعني ) والشقة طبعا و السجاد والستاير والعروسة عليها اللبس بتاعها والصيني والمعالق وكدة دة غير الحاجات اللي بتزين البيت يعني ورد ودباديب وتحف والالومونيوم وفرش المطبخ دة غير انها ممكن تساهم في السجاد والستاير حسب حالة العريس المادية والعريس كمان بيجيب القطن اللي بيتعمل بيه المراتب والحاجات دي
نيجي بقي لحتة بيحصل فيها اختلافات شوية
يعني مثلا العريس عندنا احنا بيزور عروسته كل اسبوع في بيتها وفي وجود اهلها في حتت تانية في مصر ممكن يخرجوا يتقابلوا برة البيت وممكن يخرجوا مع بعض للفسحة
بعد كدة يحددوا ميعاد الفرح
ليله الفرح بيتعمل حنة بتبقي زفة كدة بالليل والاهل بيبقوا فيها وبيعملوا طقوس معينة
يعني العروسة تتحني واحيانا بتشتري فستان مخصوص للمناسبة دي
بس العريس يعمل حنة في بيته والعروسة في بيتها
بعد كدة بيجي الفرح غالبا بيتعمل في قاعة في ناس بتعمله في الشارع جنب البيت بس دة قل قوي وفي ناس بتعمله ع البحر زي في اسكندرية ودمياط وفي ناس بتعمل فرح اسلامي يعني جوة البيت وبيبقي في فصل بين الستات والرجالة وبيبقي اغاني اسلامية وكدة
بعد كدة العريس والعروسة بيروحوا شهر عسل بيختلف دة بقي
يعني مثلا في ناس بيتجوزوا وما يروحوش شهر عسل ولا حاجة في ناس تانية يقعدوا في بيتهم ويروحوا يقضوا مثلا يومين في اسكندرية او الغردقة في ناس بتقعد شهر كامل في الغردقة والعريش وفي ناس بتسافر بره مصر
دة اللي قدرت اجمعه
لو عايزة اي تفاصيل تاني قولي وانا اقولهالك
ولو عايزة تعرفي الطقوس في مناطق تانية ممكن افيدك

شكرا كتير ايوتا انا مش عارفة اردلك الجميل ده ازاي(انا قلبت مصرية من كتر مقريت كلام منكو-اتعديت-)
بس انا اعرف انو العروسة هي اللي عليها الشقة (ولا ده في مناطق محدده برضه؟)
حسب مبسمع يعني
تقاليد الزاوج عند الشعب المصري.........ضروري 273597

تقاليد الزاوج عند الشعب المصري.........ضروري 273597

مرسييييييييييي

لا شكر علي واجب حبيبتي

اقتباس :: بس انا اعرف انو العروسة هي اللي عليها الشقة (ولا ده في مناطق محدده برضه؟)
حسب مبسمع يعني

لالالالالالالالالالالا
عمرة ما بيحصل دة غير في الافلام
ههههههههههه
دة حتي ابو العروسة اول حاجة يسأل العريس عليها هي الشقة
ممكن في ناس ترضي بكدة يعني العروسة تبقي عندها شقة وتمشي حالها
لكن انا عمر ما شفت دة
ومستغربة انك سمعتيه
لكن ممكن تكوني سمعتي عبارة الشقة من حق الزوجة
هي الفكرة ان لا قدر الله لو حصل طلاق بتبي الزوجة هي اللي تاخد الشقة تربي فيها الاولاد
نسيت اقولك ان لو لا قدر الله حصل خلاف قبل الزواج وتم فسخ الخطوبة
لو السبب العروسة بترجع كل حاجة للعريس بما فيها الشبكة
لكن لو العريس هو اللي طلب دة بيسيبلها كل حاجة
الا اذا تم برضا الطرفين انهم ياخدوا حاجاتهم او يتقاسموها
لو عند استفسارات حطيها
وانا لو افتكرت حاجة اقولهالك

تسلمي يا قلبي كفيتي و وفيتي والله
لكن لو العريس هو اللي طلب دة بيسيبلها كل حاجة
دي احلا عبارة ...يا سلام لو العروسة تكون قصداها يكون العريس تخرب بيته المسكين

يسلمو يا قمر

جزاك الله خيرا
ننتظر جديدك المميز والرائع
دمت بخير

هههههههههههههه
موضوع غريب جدا
يلانشوف ونتعلم ههههههههههههه
اتمني انووتكوني استفدت من الاخوات وخلصت وكتبت وترجمت للانجليزي
ربي يوفقك