طالبه مساعدتكم

السلام عليكم احلى اصحاب .. هدخل فى الموضوع على طول
انهارده فى المسجد جت بنت عندها حوالى 11 او 12 سنه
المهم البنت دى مش بتروح مدرسه ولا بتعرف تقرا ولا تكتب طبعا ونهااائى
اللى عرفته بعد كده انها بنت حاارس عماره وولا والدها ولا والدتها بيعرفو يقراو
كان فى مشكله فى انها تحفظ اصلا ازاى هتحفظ فى البيت لكن لقيت حل
بانى احفظها فى المسجد والمشكله اتحلت .. بس عندى رغبه قوويه اوى فى ان
البنت دى تتعلم تقرا وتكتب اكيد دا هايفيدها جداااا حتى ولو بدايات بس هتفرق معاها
ومفيش حوالينا فصول محو اميه قريبه .. فقلت حتى لو انا اعلمها معنديش اى مشكله
بس للاسف انا معنديش اى خبره فى الموضوع ومش عارفه ابدا معاها ازاى

وقلت محدش هيفيدنى غير احلى اصحاب

عايزه اعرف رايكو ولو تفكيرى مش غلط ياربت تقولولى اعلمها ازاى

فكرة رااااااااااااائعة أزهرية

ممكن تجيبي كتاب حد يكون كان في صف أول إبتدائي السنة دي وتعلميها منه الحروف الأبجدية علشان تعرف تقرأ

وده هيكون شيء عظيييييييييييم ان شاء الله وطبعا إحتسبي الأجر والثواب وتكون النية خالصة لوجه الله

الله يجازيكِ خير أزهرية

فكره كويسه رووووووز


هشووووووووف وضرووورى هدخل اقول عملت اييه

ربنا يوفقك أزهرية

ياااااااارب يااااااااارب

يا روز

طبعا كملى الفكرة

جميل جدا

تخيلى لما تقرى وتكتب وتكونى انتى اللى علمتيها دة وتستخدموا طول حياتها
دة انا لما حد بيعلمنى درس فى المنهج بستنى الفرصة اللى اردلوا فيها الواجب دة
تخيلى انتى بقى

واحتسبى الاجر عن ربنا

واحنا فى اجازة قدامك 3 شهور ويمكن اكتر تعلميها وبعدين هى كبيرة فان شاء الله تفهم بسرعة

ربنا معاكى

عندك حق يا عمرو
يارب ابقى اد المسؤليه

وان شاء الله خيييييير

اشكرك بيبو

جزانا الله واياك كل الخيييييير

انهارده روحت المسجد واكتشفت انهم بنتين كمان نفس
النظام مش واحده بس ..
المهم روحت للمعلمه وقلتلها على اللى ناويه اعمله علشان
تبقى عارفه اييه اللى بعمله وللاسف الشديد مش عارفه لييه
قفلت الموضوع فى وشى ومفيش وقت يا ايه يادوبك الوقت بيقضى
التحفيظ والدرس وبس وكلام من دا كلامها طبعا معجبنيش فروحت لمعلمه تانيه
واتكلمت معاها اساسا انا دماغى قفلت وقلت حتى لو اخدتهم البيت عندى
مفيش اى مشكله المهم علشان مطولش عليكم اتفقت معاهم بعد مناهده كبيره ان بعد ما البنات
اللى بتحفظ كلها تمشى هقعد انا معاهم نص ساعه كل يوم علشان بردو متاخرش على البيت

بس بجد اتخنقت اوى لما قلتلهم واول انطباع خدوه هوا لسسسسسه هنعلمهم
رديت عليها فى ساعتها وقلتلها معلمه احنا كده بنقولها متجيش تانى
مش معقول حتى كلام ربنا وبيته هنمنعهم من دخوله كفايه اووى ظروفهم

رغيت كتير معلش بس انتم عارفين برتاح اد اييه بالفضفضه معاكم



عايزه اعرف رايكم ف اللى حصل

إستمري أزهرية إنت صح

بصي يا ازهريه في مجموعه كتب مستويات
تعليم اللغه للاطفال الكتاب ب2او 3 جنيه
انا كنت لسه جايبه واحد م فتره لحد بردو فمحو الاميه
ابدأي علميها الحروف ونطقها وكتابتها
وم خلال كلامك ازكري الحروف ده مثلا موجود فكلمه ايه
وهي تفكر وتحاول تخمن
واحدة واحده فهميها اننا ممكن م حروف جنب بعصها تبقي كلمه
ميزي صورة الحرف داخل الكلمه فاولها عامل ازاي
فالوسط فالاخر
فااااااااااااااااااااااهمه حاااااااااااااااااجه؟؟؟؟؟؟؟؟؟؟؟؟

فاهماااااااااااكى ياسمينا

اشكرك حبيبتى عالاهتمام والرد

والله هاي تبقي في حالة امية
ممكن نجيب كتاب اطفال يعني نبدا معهاا بتعلم الاحرف الهجائية شوية شوية ولما تتعلم الاحرف نعلمها كيف تكون كلمات من هاي الاحرف ولما تتعلم تكون كلمات بعدها بنعلمها كيف تكون جمل وسعتها البنت هاي بتصير تعرف تقري وتكتب
هدا الحل عندي شو رايكم يا احلي اصحاب
تحياتي لكم