وقفة ليوم الزفاف ؟؟!!

بداية انا خايف كلامي يزعل حد فيكم !!!!



ليه بس ماتقولش كده احنا اخوه وعمرنا مانزعل من بعض قول وما تقلقش

ماشي هاقول بس لازم تعرف اني كلامي ده بقولو علشان انا خايف عليكم وبحب ليكم الخير

ولازم توعدوني انكم تحاوروني بكل صراحة اتفقنا ؟


اتفقنا اتفضل بقى وقول ؟؟

ياترى انت او انتي اتجوزته ولا لسه ؟؟

ياترى الفرح كان شكله ازاي ؟؟؟ ولا بتحلمو انه يكون ازاي ؟؟؟

ياترى الفرح كان او فكرتم يكون اسلامي ولا عايزينه يكون ,,,,,,؟؟

احم احم
بلاش إحراج بقة .. وبعدين كل الناس بتعمل فرحها كدة ..

الفرح ازاى اصلا يكون فرح من غير أغاني ورقص ونساء ورجال


طيب لما يكون فيه إختلاط وزحام ولا يعلم أماكن الرجال من النساء

لما يكون فيه ملابس لا تستر بنات المسلمين

ووجوه مزينة بالمكياج وشعور سدلت وإنكشفت

ورقصات ولما تقول ده حرام ترقص وتتكشف أمام الرجال

فين الحياء فين غيرتك ياراجل على مراتك وهي بكامل زينتها امام الناس
وحضرتك اين حياؤك ماشاء الله عليكي قبل الزفاف كان لبسك محترم
ودايما بتخرجي بدون زينة ملفتة للنظر


يا راجل هو فيه حد غريب دا ابن عمها ودا ابن خالتها

زي أخوانها يعني ليه تسيئوا الظن كدا !!!!!

وانا ما قلتش ان مراتك ماتتزينش ده يوم فرحها ولازم تفرح بس يكون بين صحابها وقرابها البنات
يا جماعة تعالوا نتكلم بالعقل .. هل لما انت تعمل فرح عادي أغانى رقص رجال ونساء كل كل حاجة .. ده شئ يرضي ربنا ؟
فكرت قبل كدة .. إزاى ربنا يرضى عنى ؟؟
هل جعلت هذا هدفك في الحياة ؟؟

ما هو أنا بحاول وبرجع تانى وأحاول وربنا يعني

تمام مقولناش حاجة .. ربنا يعينك ويثبتك على طريق الحق
بس انت عارف قدر الذنوب اللى ممكن تطلع بيها ؟؟

يا خبر .. لا مفكرتش .. بس هو يوم واحد ..



مشكلتنا اننا عندنا امل كبييير ان الحياة ادامنا طويلة
مش عارفين اننا ممكن في اي وقت ينزل ملك الموت يقبض أرواحنا

طيب بالراحة علينا شوية


طب تخيل أن رسول الله صلى الله عليه وسلم حي بيننا الآن ودخل فرحك اللى المفروض أنه طاعة لله وشكر على نعمة الزواج !!

ها ..

هتقوله ايه ؟؟ .. بالله عليك هتقوله ايه ؟؟

ولما ربنا يسألك عن اليوم ده هتقوله ايه ؟؟

فكرت انك تعمل فرحك اسلامي .. وقولت هعمله اسلامي عشان ارضيك يارب .. علشان افرح بطاعتك وافرح اهلى

واشكر نعمتك عليا يااارب ؟!

فكرت نور الطاعة يملأ قلبك..

جربت الفرحة بجد .. الفرحة الحقيقية ؟؟




ده كان راي صاحبنا ياترى انت وانتي رايك ايه في كلامي ؟؟؟

موضوعك غاية في الروعة والأهمية
و أذكر اني ومعاذ كان لنا نفس التفكير اننا ننزل موضوع زي ده

علشان توعية الجيل الجديد والناس اللي لسة هيتجوزوا

للأسف انا كان فرحي عادي ولكن بالفعل لم أجد أيامها من ينصحني ولكن كنا بنعمل زي النا س وخلاص حتى لو كان فيه أيامها فرح إسلامي ما كناش برضه عارفين ليه ويعني ايه

ونحسب اي شيء انه تشدد وخلاص

أستغفر الله و أتوب إليه
و ان شاء الله فرح أولادي إذا ربنا أعطاني العمر سأجعله إسلاميا بإذن الله

حتى نفرح ولا نغضب الله

جزاك الله خيرا أيمن

وممكن يكون كمان الموضوع في شباب مشتاق للجنة

a white rose

اكيد ربنا هايغفرلكي ان شاء الله مادام صدقتي في توبتك
ومفيش حد فينا ملاك بس لما نعرف الصح لازم نعمل بيه وننصح بيه غيرنا

========
ياسمينا

ارى من حديثك ان بدر شاب ملتزم ادعو الله ان يحفظه لكي وان يزيدكم ايمانا
وثباتا وان يبارك لكم
ولا تنسي دعوتنا للزفاف
=========

ولازم نعرف ان الهدف هو رضا الله سبحانه وتعالى
وان نشكره على نعمة الزواج بطاعته وليس بمعصيته

مش دايما بيتقال عليها ليلة العمر
طيب لما هيا ليلة العمر
ليه نبدا عمرنا بشىء يغضبه سبحانه وتعالى
اييه اللى هيجرى لو خليناها فى حدود ما احله الله

كمان الافراح العاديه غالبا بيكون فيها زى ما قلتو سواريه
وبنات خلعت حجابها
وعمر ما بتكون الافعال طبعا بدون الحجاب زى لما كانت لابساه

لا والكارثه التانيه وهيا الرقص ولما تسال ازاى كده يتقالك عاااااااااااادى
تقول طيب هوا ممكن البنت اللى بترقص اودام كل الناس دى
ممكن ترقص كده فى المول مثلا
يتقالك اييه قلة الادب دى لا طبعا هوا فى الفرح بس
انت عايز النااااااس تقول عليها اييه

وهيا دى المشكله اننا لا ننظر الا للناس

يا جماعه ما ربنا زى ما موجود فى المول موجود فى الفرح

وعروستك لو غاليه عندك بجد هتخلى كل الناس تتفرج عليها كده ؟؟

وباعدين الفرحه اللى بجد عمرها ما كانت متعلقه برقص وخلع حجاب ووضع ميك اب

للاسف الشديد انا شخصيا احيانا بحضر افراح عاديه
ولما بروح لا حاطه ميك اب ولا بتحرك تقريبا من على الكرسى نهااااائى
تحس ان اغلب الناس بصالك انك مش طبيعى .. بس مش مهم

ولو كان الغلط هوا اللى بقى العادى

فامة النبى صلى الله عليه وسلم امه مش عاديه


اشكرك جزيييييييييييييلا باشمهندس
لا تتخيل الموضوع دا عندى اد اييه مهم وكتيييير بفكر فيه

تقبل كااااااامل تقديرى ثم تقييمى

توبيك جميل .. ومميز فعلا

ومش عارفه فى ناس بتتعامل على اساس انه ليله فى العمر ومش هتتعوض يبقى اعمل اللى انا عاوزاه
وناس تحب تعمله فرح اسلامى وكده

فى الحالتين تحس ان كل واحد ليه عذره

بس لو اتكلمت عن نفسى انا هعمله فرح عادى عشان احس بفرحتى وبرده مش هيبقى فى غضب لـ ربنا او معصيه لان رضا ربنا علينا اهم حاجه فى الاول والاخر


تحيااااااااتى وم ـودتى لكـ

يسلمووو
جد انك زوووو ء
كلامك روعة
شكرا

كلامك روعة كتير يا ايمن
موضوعك في غاية الاهمية
انا بدي احكي بصراحة وبكل امانة
انا لسا مو خاطبة ولا شي لسا انسة
بس لو ربنا كتبلي نصيبي في الدنيا راح يكون فرحي اسلامي
ومافيه اي اختلاط
لانو احنا اسرة متدينة واسلامية كمان
واكييييد انا حافظة المصحف مارااح اقبل في انو يكون فرحي فيه اختلاط
والا يكون اسلامي
وما بقبل الا يكون الشخص الي بدي اخدو متدين وحافظ المصحف متلي وكل صلاة بصلاتها عالمسجد ويكون بيعرف قيمة الي بدو ياخدها صح كلامي ولالأ
هدا هو الي لازم يكون ويصيييييير
علشان تعيشي حياة سعيدة وتعيش اخي حياة سعيدة انتا كمان

مشكورين علي مواضيعكم
وجزاكم الله خيرا