بالصور كشري مصري

وصفة من وصفات الطبخ المصرى

المقادير

- كوب عدس اصفر
- 2 كوب ارز مصرى
- 3 بصلة كبيرة او 4 بصلات
- زيت لتحمير البصل كل واحدة تختار كمية الدهون الناسبة لها بس المهم تكون كافية لتحمير البصل
- كيس مكرونة صغيره ( إختيارى )
- نصف كيس شعرية
- عدس بجبة ( إختيارى )
- الصلصة
- سلطه خضرا

الطريقة

. يحمر البصل فى الزيت جيدا الى ان يصبح غامق اللون أخد نصفه و أرفعه و أصفيه جيدا على ورق مطبخ

. والنصف الاخر أزود له ماء وملح يكفى لسوا الارز والعدس (ما تكتريش المايه علشان مش يعجن منك )

. لما تغلى المايه نخلط الارز مع العدس الاصفر ثم يتم وضعهم فى الماء ونظبط الملح ونغطى علية ثم بعد ان يتشرب معظم الماء نخفف النار علية علشان مش يشيط

. يحمر قليل من الشعرية الى ان تصبح بنى فاتح مع تجانس اللون ثم نضيف ماء و ملح حتى تستوى ونصفيها بمصفاه ونضعها فى طبق التقديم

. نحمر المكرونه وبعدين نضيفلها مايه وملح وزيت لحد ما تتسلق ونصفيها

. ونسلق العدس بجبة ويفضل ان يكون منقوع فترة ويسلق فى ماء وعليه قليل من الملح والكمون

. مقادير الصلصة

- 3 فصوص ثوم
- علبة صلصة كبيرة
- ملعقتين خل او ثلاث ملاعق
- ملعقة كبيرة زيت

الطريقة

-نضع الزيت على النار ثم الثوم الى ان يبدا فى الاحمرار نضيف الخل
- نضيف صلصة الطماطم وتترك حتى تسبك قليلا ثم نضيف المل وشطة خفيف
ثم نضع القليل من الماء
بس بلاش نكثر الماء علشان الصلصة متبقاش خفيفة

. نعمل سلطه خضرا

نعمل طبق ونحط فيه من كل حاجه وهيكون بالشكل ده وبالهنا والشفا

ودى السفره

.

وده كمان طبق

يارب تكون عجبتكم الكشري المصري

اممم ده طريقة تانية للكشري اول مرة اشوفها

تفتكرو ماما كانت بتضحك علينا كل الفتره دى
واللى بناكله مش كشرى بالصور كشري مصري 873394

وانا كمان اول مره اشوفها

عارف يا ايمن انا بموووووووووووووووووت فالكشري
بص مافيش اسبوع يعدي الا لما اكون اكلاه اكتر م 3 مرات
بدون مبالغه ومابحبش بقي اللي يتعمل فالبيت بموت فالتك اوي
ماما لسه خارجه وصتها تجبهولي وهي راجعه ههههههههههههههههه
_
بص ماتجربش تعمله جرب تاكله بره عند حد مشهور
نوووووووووورت الكشري اقصد الموضوع

يا جماعه انتوا تقصدوا انهي كشري ؟؟؟؟؟؟
دا الكشري المصري رز ومكرونات وصلصه وكبده
تقصدوا اكله تانيه؟؟؟؟؟؟؟؟؟
تقصدي ايه يا ايه؟؟؟؟

بصى تقريبا نفس المكونات
بس الشكل النهائى مش بيكون كده

انا اللي اعرفه انه مكرونه وعدس وصلصة
والكبده ده جديده كمان ؟

كبدة؟

كبدة ايه؟؟؟

الكشري مش فيه كبدة

الطريقة اللي فوق صح زي ما بعملها بس أغلب الوقت مش بعمل شعرية
بحط بدلها مكرونة اسباجتي مقطعة صغير بتكون جميلة
والله انا اصلا عايزة آكل كشري
جوعتيييييييييييييييييييييني ياسمينا

تسلم ايييييييييييييييييييييييدك يا قمر

اصل في اسكندرية بيتعمل بالكبدة
انا علي فكرة جربت اعمل كشري في البيت مرة في رمضان
اخواتي قالولي دة احلي من بتاع المحلات
اصل احنا عندنا في نوعين من الكشري
كشري عبارة عن رز وعدس اصفر وصلصة
والتاني اللي هو المصري بس بعدس اسود (عدس بجبة ومكرونة وتوم وبصل وصلصة وحمص الشام )
انا مستغربة بقي يا ياسمينا انهم حاطين هنا عدس اصفر

اه ما احنا عندنا برضه النوعين دول
بس بعض الناس بتيجي مع الكشري بجبة تحط مع الرز عدس أصفر

سبحان الله كل واحد وله طريقته

بس الكبدة دي مش في الطريقتين خالص عندنا
sm 174

بصوا الكلام اللي قالته ايه هو الصح
وكمان يا روز احنا بردو بنعمل بمكرونه اسباجتي زي مابتقولي
كدا او شعريه
وممكن بقي عشان ماتحسيش ان ده طبق الفقراء تحطي كبده
هههههههههههههههههههههههههههه
بس بجد الكبده مع الصلصه بتبقي تجفه وربنا جعت

كشررررررررررررررري
فينك يا رحااااااااااااااااااااااال
هو في احلى ولا اجمل م الكشري
ومن عند ابو طارق او ابو سليمان
يا سلاااااااااااام
فكرتيني يا ياسمينـــــــا
تسلم ايدك

خلاص يا بيبو اعزمنا بقي عند ابوسريع
اللي عندكم ده
منور يا بيبو كنت بتقول فينك يا رحال
ودلوقتي هنقول فينكم رحااااااااااال وبيبوووووووو

يسلمووو يا سمينا علي الوصفة
انتي روعة بمعني الكلمة
شكلك بتحبي الكشري
ننتظر ابداعك بشوق كبير
تحياتي لك