هل تعرف من هو الواحد الذى ليس له ثانى بديهى كده هتقول (الله) و انا برده بديهى كده هقول صح وهاروح لسؤال ثانى وهقول من هما الاثنان اللذان ليس لهنا ثالث هتتحير شويه وممكن ما تعرفش بس انا هرد وقول (الليل-النهار)
وهرجع واسأل سؤال ثالث وقول طب مين هما الثلاثه اللى مالهومش رابع برده ممكن ما تعرفش زى ما انا معرفتش فى الاول بس دلوقتى اقدر اقول وهما (ثلاثة اعذار سيدنا موسى للخضر المذكورين فى سورة الكهف طبعا مش هقدر اكتبها علشان ما تملوش وتقفلوا الكمبيوتر وتقوموا بس عليكوا تقرأوا الايات
وهلف ودور وهسأل سؤال رابع وهوه بيقول مين هما الربعه اللى مالهومش خامس ما تقلأش مش هخليك تتعب و تفكر انا هقولك الاجابه على طول هما يا سيدى (زبور سيدنا داوود-توراة سيدنا موسى-انجيل سيدنا عيسى-وطبعا القران اللى انزل على خاتم الانبياء والمرسلين سيدنا محمد)
وهرجع اسال سؤال خامس الا وهو مين هما الخمسه اللى مالهومش سته ما تقلأش هقول على طول و مش هرغى هما يا سيدى (الخمس صلوات ثلاثه بالليل و اثنين بالنهار
ونلف على السؤال السادس وهوه مين هما السته اللى مالهومش رابع قلتلك ما تقلقش انا برده اللى هجاوب هما يا سيدى (الستة ايام اللى ربنا ذكرهم فى القران وقال خلق السماوات فى ستة ايام مش كده ولا ايييييه)
وهرجع برده وهسأل سؤال سابع وهوه اكيد يعنى عرفتوه مين هما السبعه اللى مالهومش ثمانيه برده انا اللى هجاوب علشان ما تدايقش هما برده يا سيدى (السبع سماوات اللى ربنا قال عليهم فى القران الذى خلق سبع سماوات طباقا)
وهسأل سؤال ثامن وهوه برده مين هما الثمانيه اللى مالهومش تسعه ما تخافش انا اللى هرد (حملة العرش فى قوله تعالى ويحمل عرش ربك فوقهم يومئذ ثمانيه)
هااااااااا اكمل ولا زهقتوا انا عارفه ردكوا اكيد هتقولوا مااااا لأ..لأاكيد هتقولوا اكمل طيب يالا بينا نكمل
السؤال اللى قبل قبل قبل قبل الاخير اكيد عرفتوه مين هما التسعه اللى مالهومش عاشر اكيد انا برده اللى هجاوب علشان مفيش غيرى اللى قاعد الاجابه هى ... هى (تسع معجزات سيدنا موسى اكيد عارفنها مش محتاجين اقوله صح ولا ايييييييه)
نيجى بقى للسؤال اللى قبل قبل قبل الاخير وهو ده بقى مش كالعاده ده مختلفش شويه وهوه مين هما العاشره القابله للزياده الاجابه بسيطه قوى بس ممكن ما تجيش على بالكوا الاجابه هى (الحسنه.... الحسنه بعشر امثالها ويضاعف الله لمن يشاء)
نيجى للسؤال اللى قبل قبل الاخير بكده نرجع تانى للعاده وهوه مين هما 11 اللى مالهومش 12 الاجابه بسيطه قوى وهما (اخوات سيدنا يوسف اللى ذكروا فى قوله تعالى انى رأيت أحد عشر كوكبا )
ونيجى للسؤال اللى قبل الاخير وهوه ميت هما 12 اللى مالهومش 13 برده الاجابه سهله وهى (ال12 عين اللى انفجرت من الحجر \فانفجرت منه اثنتا عشرة عينا)
نيجى للسؤال برده اللهى قبل الاخير الا وهو مين هما 13 اللى مالهومش 14 برده الاجابه سهله وبسيطه مقتبسه من اجابة سؤال قديم و الاجابه هى (اخوات سيدنا يوسف و ابوه وامه \ انى رأيت أحد عشر كوكبا والشمس والقمر رأيتهم لى ساجدين)
نيجى المرادى وبجد للسؤال الاخير تلقيكوا بتقولوا أففففففف الحمد لله على العموم معلش طولت عليكوا المهم السؤال الاخير بيقول مين هما 14 اللى مالهومش 15 ودى المرادى اجابتها بسيطه جدا..جدا وهى ( السبع سماوات و السبع اراضين)
يالا بقى مع السلامه دلوقتى لا تقوموا تخنقونى
الجمعة أغسطس 27, 2010 10:45 pm
