عوده الى الماضى

كنت زمان اول ما اشتركت فى المنتدى سألت سؤال الا وهو من هو الاحب الى الله المؤمن العاصى ام الكافر
و حضرتكم طبعا مشكرين جوبتونى على سؤالى
بس دلوقتى بسأل بالنسبه ليكوا انتوا كبشر مين الافضل مؤمن عاصى ما يعرفش اى حاجه عن الاسلام غير انه اتولد لقى نفسه مسلم عمره ما نطق بالشهاده و فى المقابل كافر ما يعرفش حاجه عن الاسلام ولكنه بيتصرف بفطرته السليمه بيعطف على الصغير و يكرم الكبير و يتصدق ويردئ الخصوم ويفعل كل ما تتخيله من خير....
واذا كان الكافر احب ليكوا او ما كنش من رايكوا الغلط من عند مين مش من عندنا ان احنا ما قدرناش نوصلهم الاسلام و نعرفهم ايه هى اصوله .
انا دلوقتى هسبكم تفكروا برحتكم بس ارجوكم انا عايزه اجابه مقنعه علشان انا حيرانه علشان لما هتجوبونى على السؤال ده معلش هتعبكوا معايا فى سؤال تانى برده محيرنى عوده الى الماضى 59097

شكرا احلى اصحاب

اكيد المؤمن افضل من الكافر

(ان الله لا يغفر ان يشرك به ويغفر ما دون ذلك لمن يشاء )

لكن مش معنى كده انه يبقى مؤمن ناسى نفسه بالشكل ده
لان نبينا صلى الله عليه وسلم متعبش كل التعب دا
علشان نبقى بالغفله دى

لكن هرجع واقولك بخصوص الكافر اللى بيتعامل بفطرته السليمه
لو فى اتنين واحد مسلم وواحد كافر
المسلم مقصر فى عمله والكافر متقن لعمله
الله عزوجل بيكرم المتقن .. حتى لو كان كافر
واظن دا اللى حاصل دلوقتى .. الكفار هما اللى متقدمين

مستنيه ردك منه ورجعالك تانى

ماشى موافقاكى فى كلامك ده كله
بس برده مقولتيش مين هما الافضل بالنسبه ليكى انتى
وبرده ما جوبتنيش عن باقى اسئلتى
مستنيه اجابتك يويا

اقتباس :: انتوا كبشر مين الافضل مؤمن عاصى ما يعرفش اى حاجه عن الاسلام غير انه
اتولد لقى نفسه مسلم عمره ما نطق بالشهاده و فى المقابل كافر ما يعرفش
حاجه عن الاسلام ولكنه بيتصرف بفطرته السليمه بيعطف على الصغير و يكرم
الكبير و يتصدق ويردئ الخصوم ويفعل كل ما تتخيله من خير....

بالنسبه للجزئيه الاولى من سوالك فاعتقد ولامناص من ذالك ان المؤمن العاصي افضل من الكافر بدرجات هذا لو حصرنا الامر على الجانب الديني وكم قالت ازهريه لااعتقد ان المومن العاصي هيكون في غفله لدرجه انه مانطق الشهاده ام بالنسبه للكافر اللى بالوصف اللى قلتيه فبيتهالي انه الله لايضع اجر من عمل صالحا ويمكن يهديه الله وبلحظه ينطق الشهاده عن اقتناع ويكون بمرتبه المومن المسائله دي شائكه جدا ولا نستطيع الاجزام او اعطاء درجه الافضليه لاي احد على الاقل لاننا لانملك من العلم الاقليل وانصحك اختاه دعكي من هذا المسائله التى تولد الحيره
..........
اتمنى انك تلاقي جواب مقنع ويزل لك حيرتك

يا جماعه ما حدش فيكوا فاهم قصدى انا مش بسأل السؤال ده علشان تجوبونى من ناحية الدين وده انا وضحته فى البدايه
انا عايزه اعرف مين هوه الافضل بالنسبالكوا انتوا و مليش دعوه اذا كان ربنا هيهدى الكافر اللى بالصفات ديه ولا لأ
اقولكوا انا هجبهالكوا بطريقه تانيه انتى او انت كشخص ممكن تصادق مين العاصى ولا الكافر اللى بالصفات ديه
ولاحظوا يا جماعه انوا فيه اسئله تانيه مش ده بس اقرؤا بتأنى
شكرا ليكى سلومه على مرورك

شوفي يا منة .. بعيد عن الفتوي والحكم الشرعي ..

كان ليا استاذ ( مادة العلوم ) مسيحي ..منتهي الطيبة والاحترام ..
كان مثال رائع للالتزام بصفة عامة ..
وكان دايما يقنعني ويشجعني بالاحاديث النبوية والايات القرانية .. ( كان شماس ف الكنيسة )
كنت ومازلت باحترمه جدا .. وباتمني انه يسلم لله تعالى
وكان ليا صديق مهندس مسيحي.. ( متدين - ان جاز التعبير - )
لكن انسان وجدع وخلوق ومجامل ..
ومازالت تربطني به صداقة طيبة

عن النوعية دي من المسيحيين .. انا مش شايف اي حرج من صداقتهم
دول من ينطبق عليهم .. قول القرآن :
ولتجدن اقربهم مودة للذين آمنوا الذين قالوا انا نصاري
زيهم زي النجاشي كده .. في الحبشة
اللي هاجر لهم المسلمين من مكة بعد الاضطهاد
وآاووا المسلمين ونصروهم واحتضنوهم

وبرغم انهم لم يؤمنوا بالاسلام .. الا انهم يقدرون فضائل المسلمين
ويعرفون انهم اصحاب منهج ودين ويحترمون الاسلام

------
انا شخصيا اتعامل مع الانسان ..
الانسان بصفة عامة وعاء .. يحتوي ما صهر فيه من نشأة وفكر وثقافة
ويخرج منه ما نضج من سلوك وتصرف .. يمكن وصفه بالقويم او السئ
ويمكنني تقسيم الناس الي ثلاثة انواع :
انسان صالح - وانسان فاسد - وثالث بين البين ( تارة الي الصلاح وتارة للفساد )

والدين .. هو اكثر النوازع تقويما للنفس البشرية ..
واذا لم يحقق الدين هذا الصلاح مع انسان ما .. فالعيب عيب الانسان
ولا ذنب للدين

اما من صلح وحسن سلوكه وتصرفه - برغم اختلاف الدين -
فيمكننا ان نتعامل معه من منطلق :
لا ينهاكم الله عن الذين لم يقاتلوكم في الدين ولم يخرجوكم من دياركم
ان تبروهم وتقسطوا اليهم
----------
وبرغم اني اعرف ان الكثيرين سيختلفون معي ..
وسيحتجون بالخوف من التأثر بغير المسلمين وبفكرهم ودينهم ..
فاقول :
ان العكس هو المفروض .. المفروض ان نأثر نحن بمن حولنا ..
المفروض الا نفرض حول انفسنا جدارا من الخوف وعدم الثقة بأنفسنا او بديننا
المفروض ان نحتك بالغير .. ونؤثر بهم ..
فبهذا انتشر الاسلام دون حرب وقتال .. بالمعاملة والاحتكاك مع الامم الاخرى
فلماذا لا نعرض سلعتنا الغالية .. ونثق ان معنا بضاعة ثمينة واصيلة
--------

بالظبط هوه ده اللى انا عاوزاه او اللى اقصده
ومن اجابتك يا استاذ حسامهبدأ اطرح السؤال التانى
كافر عاش طوال حياته مزلول و مرفوض ثم مات على ذله و فقره اليس ممن مثل هذا يحتاجون للشفقه اعلم ان منكم من يقول ما تشغليش بالك بالمور ديه و منكم من هيقول ان ده هيقلل مرتبته من العذاب و غيره و غيره
و مثال اخر لرجل عاش طوال حياته يجاهد من اجل تحرير بلده و هو ايضا هندوسى كافر ثم مات بعد كل هذا النضال ثم دخل فى نضال الاخره ضد النار
اللى انا عيزه اقوله من الكلام ده كله زنب الشخص الاول و الثانى فى رقب مين مش فى رقبتنا احنا كناس ربنا انعم عليها بنعمة الاسلام و من هنا نبدأ نفكر ازاى نستغل النعمه ديه فى نفس الاتجاه
فى ان شخص يسلم على اديك ايه هيبقى شعورك
شكرا ليك استاذ حسام على المرور الرائع دوما

لا تمدن عينيك الى ما متعنا به ازواجا منهم ولا تحزن عليهم واخفض جناحك للمؤمنين

هذا توجيه من الله .. سواءا كان الكافر منعما في الدنيا او معذبا
لا ننظر لنعيمه ولا نحزن لعدم اسلامه .. وتظل الرحمة للمؤمنين
-----
واما عن مسؤليتنا عن هداية الناس ودعوتهم .. فمعك كل الحق
وانتي تعرفين ان محمدا صلى الله عليه وسلم خاتم النبيين
وبالتالي لا نبوة بعده .. واصبحت مهمتنا نحن
ولذلك قال القرآن :
كنتم خير امة اخرجت للناس تأمرون بالمعروف وتنهون عن المنكر وتقيمون الصلاة
فكل منا نبي وداعية الي الله - في محيطه وحياته - ..
والدعوة الي الله من الامور الواجبة علينا ..
فنحن كمسلمين مسؤلون عنها امام الله ..

لئن يهدي الله بك رجلا الي الايمان خير لك من حمر النعم
-----
واما عن عذابهم ونعيمهم في الدنيا .. فان الله يعطي الكافر في الدنيا وينعمه
حتي اذا اخذه لم يفلته ولم يدع له عذرا ..
وبنص القرآن :

«و لا تعجبك أموالهم و أولادهم إنما يريد الله أن يعذبهم بها في الدنيا و تزهق أنفسهم و هم كافرون»: التوبة: 85

شكرا ليك استاذ حسام
دايما منور بصيرتى .... ربنا يجعله فى ميزان حسناتك

ربنا ينور بصيرتنا جميعا يا منة ..
اتمني اكون افدتك ..

ده شئ اكيد استاذ حسام
ربنا يجعله فى ميزان حسناتك و تشوف خيره على بنتك الاموره

منه ده الفيديو اللى كنت كلمتك عنه

بصي يامنه السوال هيبداء من الدقيقه 3.25
هو كل الفكره انه مغزى السوال تقريبا نفس مغزي سوالك بس بصيغه مختلفه
مش عارفه بس ان شاء الله يطلع نفس اللى انت عاوزه
عوده الى الماضى 862974

جزيتِ خيرا يا سلمى ومجهوووود رائع منك كالعادة
عمر عبد الكافى من الدعاة المعتدلين واثق برأيه كثيرا
لدرجة انى خاطرت وقررت احمل الفيديو اللى نزلتيه
وان شاء الله لما تدخل منة تشوفه ويفيدها زى ما افادنا كلنا

sm17

لكن هرجع واقولك بخصوص الكافر اللى بيتعامل بفطرته السليمه
لو فى اتنين واحد مسلم وواحد كافر
المسلم مقصر فى عمله والكافر متقن لعمله
الله عزوجل بيكرم المتقن .. حتى لو كان كافر
واظن دا اللى حاصل دلوقتى .. الكفار هما اللى متقدمين

ده كلام الازهرية

سوري اختى انا مو متوافق معك بهاي الجزئية

-- ان الدين عند الله الاسلام --

واكيد عمر ربنا ما اعطى الكافر بانه بيكرمه لعمله الطيب

لكن ربنا بيقوله خد من نعيمى في الدنيا واطغي واتجبر عشان الدنيا ليك والاخرة للمؤمن

ولما ياخد من المؤمن بيقوله اهو اخدت منك عشان اشوف صبرك ازاي حيكون

او كمان بياخد منه عشان يمحو من ذنوبه

[size=21]فمن ذلك قوله تعالى : ( إنما نملي لهم [b]ليزدادوا إثماً ) .

[/size][/b][size=21]( و إذا أردنا أن نهلك قرية أمرنا مترفيها ففسقوا فيها ) .[/size]

[size=21]( و لولا أن يكون الناس أمة واحدة لجعلنا لمن يكفر بالرحمن لبيوتهم سقفاً من فضة ).[/size]

[size=21]
انه صلى الله عليه و سلم كان يتقلب على رمال حصير تؤثر في جنبه ،[/size]
[size=21]فبكى عمر رضي الله عنه , و قال : كسرى و قيصر في الحرير و الديباج ،[/size]
[size=21]فقال له صلى الله عليه و سلم : " أفي شك أنت يا عمر ؟ ألا ترضى أن تكون لنا الآخرة و لهم الدنيا " .[/size]

ربنا يهدينا سواء السبيل

وحبيت انوه لك اية وما بعرف كلامى صح ولا غلط

اشكرك اغلى سلمى على مجهودك الرائع لكن للاسف مش شغال عندى
انين للاسف انا مش متفقه معاك فى النظريه ديه يمكن علشان اللى حوليك كلهم يهود غدارين مش قادر تتخيل نظره حلوه فيهم لكن فعلا ممكن تلاقى واحد كافر بيعبد بقره بس اخلاقه و صفاته و اسلوب معاملته احسن من اللى يسمى مسلم مجرد اسم فقط بدون فعل
اشكرك على مرورك الكريم

جزاك الله خيرا
الله يعطيكي الف عافية
تحياتي لك

شكرا ليكى احلى ملاك منوره الموضوع و الله
ربنا ما يحرمنا من طلتك علينا