نفسي أنام فينك؟ يا ام الرموش عنقريب (العنقريب سرير يصنعه اهل النوبة من الجريد) ماتدمّعيش عينك الفرح جاي عن قريب
إيزيس
إزاي بتتحمّل؟؟ أنساها .. وتجيني .. أسقي بنات الدنيا إلاّها ولما العطش يكويني أقاها هي اللي تسقيني تهديني يوم وردة أدِّيها لفلانة تجري على حضني احكيلها عن نانا
إزاي بتتحمّل؟ غمز البنات واوعر من غمزهم ردِّي جاياني ملهوفة ما تلاقي غير صدِّي أحزن في أحضانها وافرح هناك وحدي يا ام القليب اتخلق معرفش غير يِدِّي
يا ام الفؤاد ولاّد معرفش غير يعشق الصبر عدّى وزاد يا قلبها المتقاد ما عرِفت يوم تزهق كانت بتلبس لي اجمل فساتينها ترمي ف صحاريا أفتن بساتينها تِدْمع رياحينها ولا قلبي يوم يشفق
وإزاي بتتحمل ؟؟؟ كُتر الكلام عني بحكاوي وانا غايب الليلة كان سهران الليلة كان سكران الليلة كان عاشق والليلة كان دايب
يا ام الرموش طايشة وام العيون لامّة حضبك ما حيسعنيش انا بَلْوِتي طامّة اربع سنين يا هوا مِلْكِيّتي عامّة
كل البنات اتلبنوا بيا وتفُّوني ورسموني خروف معلوف وسمعوا قصايد وابتسموا وصحيم بدري يوم العيد ودبحوني بقالي ييجي اربع سنين مسمار في غيط شواكيش دَقُّوا على راسي لكن مثبتونيش يوم التقي مرسى وسنين ياخدني الطيش
كل الالم فيّا ومش قادر اتألم وبتصعبي عليا ومش بقدر اتكلم انا نفسي بس افهم كل البلاوي ديا ازاي مابعّدوكيش
سامحيني لما اغلط وانا تاني رايح اغلط لجلٍ تسامحيني احلى ما في التوهان اول ما باجي اوصل واحلى ما في الاحزان انك تضميني
يا مسكناني ضلوع جواكي راح وبراح ما بينلهاشي رجوع شكلي حاموت سواح
كان نفسي فيكي زمان أياميها كان لي قلب كانت الحياة خضرا النخلة والبقرة والقلب طين ابيض بينام على القرآن وبيصحى وقت الحَلْب اياميها كان لي قلب ايه اللي قلب النور ضلمة وليل راسي؟ واشمعنى فوق راسي يحلا العذاب والقلب؟ واشمعنى سابوا الناس بقلوب خضار وعمار ؟ وف قلبي نِزْلوا سَلْب ؟ انا اول اللي اتصلب بس التاريخ كداب مفهمش معنى الصلب ركعوا البنات ليا واتّنوا قدامي وفي حفل اعدامي ضحكوا وقالوا كلب
انتي اللي دمّعتي جمّعتي جسماني من مملكة ايزوريس ويا ريت ما جمّعتي طب كنتي سبتيني ادخل هنا غزوة واعمل هنا هُدْنة وما دمت انا ميت ايه تِفْرِق الدفنة؟ ما البحر راح يسبق لو مهما جدّفنا انتي اللي بتعاندي وعشمانة في الجنة والجنة مش ليا
إزاي بتتحمل لوم الصحاب فيا؟؟ على ايه غرامك بيه؟ ده التبن من تحتيه باقي الماعون مية تضحك على قولهم وتبص في الساعة وتقول زمانه صِحِي زيدي كمان نورك يا ام الجبين الضَّحِي جَنّنِي صوت حزنك إياكي يوم تفرحي لا الفرحة تسرقنا
لا انا حِمل مهرك ودهبك ولا جاي معاي عاجِك ولا حمل توب من حريرك ولا ماسة من تاجك ده انا بالكتير حاجج من وسط حجاجك جيت لك في شهر حرام فمتهدريش دمي ماتقربيش مني مانتيش كِفَا همي وَلِّي لحجاجك يا ام الجبين عرفات حبك كما الصلوات والقِبلة مش يَمِّي
يا معلماني الهوا ومسَكِّنة التباريح حبك نخيل طارح ميهزهوش الريح ارمي الحجر جارح تنزِل رطب مجاريح إزاي بتتكسر اشواكي جواكي ابكي على صدرك القى البكا تفاريح
إزاي بتتغير دنيايا جوايا اول ما اكون جنبك وإزاي يجيلك صبر تنشفي بكايا والذنب مش ذنبك انا الاعمى جفاني الحب ونسيته على ايدين اللي تتسمى ما تتسمى قطع راسي على خوانة ولا كَبَّر ولا سمّى ولا سابني اموت مستور ولمّ عليا ميت لمّة وذنبك ايه بقية السكة تقضيها بعجوز اعمى؟
انا اللي الناس بتخشاني هوا ومنظر هموم الدنيا خاشاني وبتمنظر وعايش عيشة خشّاني وبتغندر وبتلكلك في حضن الليل سُكّيتي عواصفي فوق حدود وصفي وبابك صعب يتحمل عواصف مهما سَكّيتي
انا المدبوح ولما تقول لي حبيتك بحس دماغي واكلاني اردّ بايه على بنيّة في كل كيانها شايلاني انا المجرم وانا القاسي وانا اللي نسيتها ميت مرة ما نسيتني ومشيتها في دروب مرة ما ملّتني وداست ع الطريق حافية وسلّتني وصحيت بدري وقت الفجر صلّتني
ارد بايه؟ وقلبها سابها في متاهة قليل الاصل غَيَّاها وقلبي التاني قسّاني وقلّ باصله ويّاها
غرامك يا ام طيف مخمل بيتجمّل ويفرش صدري بالعنبر وبالمحمل انا المعشوق يا كل العاشقين غيروا تحبوا شيء جميل طبعا لكن تتحبوا ده الاجمل حبيبتي احلى من شعري واحلى م الحروف كُمَّل ولا بتهجر ولا بتغدر ولا بظلمها تتململ لكني في حيرتي بستغرب انا ازاي مش بغني لها ؟ وهي ازاي بتتحمل؟؟؟؟
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
نعود من جديد على يديك يا رحال مع ( واو ) هشام الجخ.. ورحلة عذاب الضمير وندم المرار
اقتباس :
انا المجرم وانا القاسي وانا اللي نسيتها ميت مرة ما نسيتني ومشيتها في دروب مرة ما ملّتني وداست ع الطريق حافية وسلّتني وصحيت بدري وقت الفجر صلّتني
يبدو لى ان الجخ مازال يبحث عن هذه الطاهرة .. التى تملك كل ما يبحث عنه ويتخيل انه يملكه .. ومازال يعذب نفسه من اجلها قد تبدو حالة ماسوشيتية .. او عقدة فرويدية انه هو هذا القاسى الظالم المعشوق .. وضحاياه كومة على الطريق واميرته الصابرة .. هى هذا الحلم النفيس هى اكبر جرح .. لقلب لا يبالى وهى النقيض لهذا القلب الانانى -------------- دوما انت انت يا رحال .. صاحب الجديد المتالق حياك الله شاعرنا الجميل رحال وسلمت يدا شاعرنا الجخ
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
موضوع: رد: ايزيس ( للرائع هشام الجخ ) الثلاثاء أكتوبر 05, 2010 4:23 am
ايه تسلمين يارب علي مرورك انا عن نفسي خطفني اوى هشام من اول مرة سمعتو بصراحة مكنتش اعرفو لحد ما عرفني بيه واحد وكانت اول قصيدة اسمعها هي ايزيس والأجمل كمان اسلوبو في التعبير يعني لو بألقائة بتبقا روووووووووووووووعة ــــــــــــــــــــــــــــــــــــــــــــ ابو سلمي
اقتباس :
انا الاعمى جفاني الحب ونسيته على ايدين اللي تتسمى ما تتسمى قطع راسي على خوانة ولا كَبَّر ولا سمّى ولا سابني اموت مستور ولمّ عليا ميت لمّة وذنبك ايه بقية السكة تقضيها بعجوز اعمى؟
ذنبها ايه ؟ أم أنها المخطئة بحبها المثالي الشفاف العنبري الأخضر البسمل ـــــــــــــــــــــــــــــــــــ تسلم يا الغالي علي اجمل مرور
Ayman 3nbar نهـــــــــــر عطـــــــاء
عدد المساهمات : 2626 العمر : 37 الاوسمة: : النشاط : 3365 التقييم : 523
الإثنين أكتوبر 04, 2010 5:24 pm
