شيش بــــــــــركـ بالصور

r=white]]بسم الله الرحمن الرحيم

هلا بالجميع
الشيشبرك اكلة ممكن كتير تضيف لها او تنقص بحسب ذوق الشخص وما يحب

مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت مازولا
نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد
ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي

مقادير الحشو :
نصف كيلو لحمة مطحونة
كمشة بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار
نقلي البصلة بزيت مازولا لحد ما تدبل موتنحرق او يتغير اللون
نضيف اللحمة والملح والبهار ونقليها منيح منيح
اخر شي نضيف البقدونس ونقليها شوي بس
ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كتير
الطريقة بالصور :
نرق العجينة منيح بالشوبك او بألة العجين متل الصورة

[/size] شيش بــــــــــركـ بالصور 000_0216

منقطع العجينة او بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
وهي صورة مع مراحل عمل الشيشبرك بالتدريج بجانبها

شيش بــــــــــركـ بالصور 000_0218

وهي اوضح

بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال

شيش بــــــــــركـ بالصور 000_0225

بعدين ناخد طرفين الهلال ونلزقن ببعض متل الصورة

شيش بــــــــــركـ بالصور 000_0227

قطعة قطعة ليخلصوا الكل

شيش بــــــــــركـ بالصور 000_0221

اذا بتحبوا تفرزوا دخلوات الصحن على البراد متل ما هو ولما يجمد العجين منحطوا بكيس نايلون حتى ما ياخد حجم

طبخ اللبن :
افضل طريقة للبن يلي ساكن بالسعودية وبيطلع متل لبن الشام
3 علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد
اعلبة من اللبن بس فيها ماء فقط
3 ملاعق كورن فلاور كبار بس ممسوحين مو مطفطفين
ملعقة صغيرة ملح وبعدين ممكن نزيد الملح حسب الذوق
نضربهم بالخلاط او اذا في الخلاط يلي بينزل بالطنجرة احسن منحطون بالطنجرة ومنخلطهن منيح منيح ونضعهن على نار متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن
منسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة

وبهل الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس
نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين
منقليهن منيح ومنحطون فوق اللبن قبل ما نطفي بدقيقتين والف صحة
واتفضلوا

شيش بــــــــــركـ بالصور 000_0229

يسلموووو كتييير
لون غيرت اللون كان احسن
هلاء شوو راح يصير بعيون الاعضاء راح كلهم يلبسووو نظارات
هههههههههههههههه
تحياتي لك

تسلمى يا خال انا ما بهون علي اعيون الاعضاء

تسلم يا خال
اصلا عارفة ما بدها حكي
انا وياك بس اللي فاتحين

هههههههههههههههه

شكلك ما قريت القوانين الجديدة

ههههههههههههههههههههههههههههههههههههههههه

دووووووووووووووم هالضحكة يا رب