تخاريف استاذ جلال عامر (متجدد )

السلام عليكم ورحمة الله وبركاته

ازيكم احلي اصحاب
ان شاء الله تكونوا تمام
ندخل في الموضوع
انا مؤخرا قريت مجموعة من المقالات الساخرة نوعا ما
للكاتب الاستاذ جلال عامر
بصراحة انا اول مرة اسمع عنه
انا قريت كتير لكتاب ساخرين
قريت مثلا كتاب غلطة عمري لانيس منصور
وكتاب الست دي امي ليوسف معاطي
بس اسلوب جلال عامر لفت نظري جدا حبيت اشارككم بعض المقالات
وهي متجددة ان شاء الله
لوعجبكم المقال الأول هكملهم واحد واحد ان شاء الله

ودة اول واحد
بقلم جلال عامر

١٨/ ٦/ ٢٠٠٩



«لو مش عاجبك مصر انزل خُد تاكسى»، فقد وضعونا فى اختيار خاطئ، إما أن تختار «أبوحصيرة» الإسرائيلى أو «السجادة» الإيرانى ونسوا تماماً «الكليم» المصرى، فمصر فوق الجميع حتى تبططهم رغم أنها أصبحت مثل مطعم أسماك مليان قطط، حيث يدفع الزبائن ويقبض أصحاب المطعم وتأكل القطط، فنحن نسرق كل شىء بنظام تسليم المفتاح خزائن البنوك وقضبان السكة الحديد وألحان بليغ حمدى،


وأصبح عندنا الوصايا العشر الممنوعة من النشر (لا تعمل لا تنتج واشهد الزور واسأل عرّاف التليفزيون واقتل أباك وأمك لتأخذ الشقة)، فقد اكتملت المنظومة، وأعاد التاريخ نفسه، وأصبح عندنا «أحمد باشا» كما وصل «الطاعون» فاضل «عكا»، وعادت إلينا السنة السادسة فى «الابتدائى» والمرحلة السادسة فى الأنفلونزا، واخترعنا مجلس الشورى لنملكة الصحف، فأحياناً تكون الحاجة أم الاختراع وأحياناً تكون الحاجة أم حسن..


وأصبح من «يُنتخب» يأتى بالتزوير ومن «يُعين» يأتى بالواسطة، فتحولت مصر من أم الدنيا إلى أم المطاهر، وقد قابلنى مواطن بسيط وقال لى: (يعنى حضرتك لابس بلوفر غالى بتاع سبعين جنيه أُمال بتعارض ليه؟!)




فالعقل زينة والقماشة أحياناً تكون أسوأ من الترزى، وقد استعان الناس بالإخوان ضد الحكومة، وهم الآن يستعينون بالله ضد الإخوان، فالتجربة أثبتت أنهم شكلوا مع الحكومة طرفى مقص، لتقطيع القماشة وإعادة تفصيلها بدلة للحكومة وجلابية للإخوان..


وأصبح علينا أن نحمل المرأة من «شلتة» البيت إلى «مقاعد» البرلمان، ونحمل الشباب من «مقاعد» الجامعة إلى «شلتة» البيت، وأنا طبعاً مع المرأة ومع توسيع البرلمان، ليسمح بمرور عربتين، وأطالب بتخصيص مقاعد للأمن المركزى.. وهات كراسى هنا.


وأتذكر قول ابن عروس: أعمى ينادى على أطرش لا ده شايف ولا ده سامع.. على فكرة النهارده الخميس، والدنيا زحمة والمقال واقف فى الممنوع والونش جاى.. بعد إذنك.

اقتباس :

انا مؤخرا قريت مجموعة من المقالات الساخرة نوعا ما

انا اعشق المقالات الساخرة وخصوصا اذا كانت هادفة
مش غرضها التسلية والفكاهة وبس

والحقيقة مقالة جلال عامر بتحقق ده كويس

اقتبست وعلقت على كل فقرات المقال .. بس لاقيتنى قلبتها نكد

فقلت خلى الاصحاب يستمتعوا بالواقع العجيب .. بسخرية وفكاهة جلال عامر
مقالة جميلة جدا يا آية .. وبتفكرنى بمقالات محمود السعدنى
السخرية من الاوضاع والمفارقات .. و نقد السلبيات بخفة ظل وروح

فى انتظار مقالات اخرى للكاتب الجميل .. جلال عامر
استمررررررررى .. مع تقديرى وتقييمى

انتي عندك الكتب دي ؟؟؟؟؟؟
طيب ماتسليفني حاجه اقراها فالعربيه وانا مسافره
وماتخفيش هرجعهالك سليمه

استاذ جلال عامر شكله كده عقل
وبطل تخاريف

اممممممممم لا طبعا ما بطلش
واديه بيخرف من تاني
اتفضلوااااااااا

من تخاريف جلال عامر (جبهة توضيب المرشح)

انا عملته موضوع مستقل افضل ولا ايه؟؟

شي جميل والله
تسلم ايديكي يا دكتورة