مش كفاية

طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية



لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية
ــــــــــــــــــــــــ
هشام الجخ

تسلمين روز
الجخ مش مجرد شاعر عادي
اصبح الآن بيمثل الكثير والكثير
والحقيقة هو كشاعر فهو راااااااائع جدا

يسلمووو كتييير
شي من الابداع والتالق

تسلمين أحلي ملاك

شكرا الك يا زوووووووء

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية


روعة رحال ..كلام كلو عزيمة و اصرار
مشكور لجهودك الرائعة

تسلمين منة علي مرورك الأروع

عاشقة الحماس
بيبو
تسلموا يارب على المرور الأجمل

نيرة
تسلميلي يارب
على المرور الجميل دا
وفعلا الجخ شاعر فوق الوصف
واجمل ما فيه انو بيكتب عامية وفصحى
مش زي واحد في مرة بيهاجموا وبيقولو انت بتكتب عامية
ودا مش شعر ومش معترف بيه
فرد عليه رد جميل اوى
قالوا قصيدة انطردي الآن من الجدول