180 يوم ...........

يوم 30/11 بالظبط
كنا قاعدين وكلنا فرحانين ان بالظبط فاضلنا 180 يوم بالتمام والكمال
وكلو بيضحك وبنفتكر كل الأيام اللي فاتت بحلوها ومرها
ومرة واحدة سعادة الباشا رئيس العمليات سمع ضحكنا
فازاي وليه اسمع ناس بتضحك
المهم زعق وشتم وهزق من غير ما يطلع ومن غير ما يعرف مين بيضحك اصلا
هو كان بيزعق عموما علي الصوت
لحد دلوقتي عادي لكن اغرب مافي الموضوع
انو قال جملة جننتني اوي
قال (الضحك دا تضحكو عند امك )
فسألت نفسي كتير
من أمتا كانت الضحكة عند الأمهات بس
ومن أمتا كان الضحك ممنوع
للعلم احنا كنا في وقت الراحة
يعني لا شغل ولا خدمة ولا طابور
بس اتخنقت جدا ودخلت قعدت قدام الجهاز لوحدة وسرحت حبتين
لقيتني بقول
يا جنود الأرض انتباه
دا احنا اللي اممنا القناة
ورفعنا راية النصر
فوق رؤوس الأعداء
ولما قالوا اكتوبر
جرينا وراكي لاخر المشوار
وعملوا السلام
ومنعوا الكلام
ولحد النهاردا مش فاهمين
هو مين مع مين ؟
عايزين كام ولمين ؟
دا الرمل ويا الزلط عملوا الأسوار
والغاز يملا بيوت العالم
الا بيوت جنود الأبطال
بكام ؟
وليه ؟
ومنين وازاي ؟
أنسي إني في حضنك محروم
دا حتي صوت همسك مخنوق
حرام أكون ليكي مذلول
دانا في مرة فرحت
قومت ضحكت
سمعت من اول تيت تيت
وحفظت باقي الشريط
ولا أنت فاكر إنك عديت
أنت في الأول والأخر غفير
بتحرس اللي اتباع من غير بديل
وتسرق دفعتك عشان تعيش
ماهو الجبل مالوش كبير
ينفع انسي صوت ضحكتي
دا حتي لون بشرتي
لما اتعدل قالولي
هي دي فرحة الـ 180 ليل

اقتباس :

رحال .. الفنان المقاتل دون ميدان
اخى الجميل
فكرتنى بحكايات الجنود فى المعسكرات .. ومواقفهم وصداقاتهم الحميمة
التى تولد فى حضن ظروف عصيبة .. فتدووووم طويلا

فعلاً يا مصري
صحبة الجيش أو الايام الصعبة بالتحديد بتبقا جميلة جدا

اقتباس :

فصبرٌ جميل

الله المستعان يا غالي

اقتباس :

الحان ليالى الجبال والسهر مع الابطال
اراك الان شاعر السيف والقلم .. ومن شعراء مرحلة البطولة والحلم والعزم
تغنى اغانيهم .. وتحكى عن ذكرياتهم
وليل الجنود طويل

تسلملي يارب
انا فخور جداً بكلامك

اقتباس :

على فكرة .. توقيعك خطير

ربنا يخليك يا غالي
تسلملي يارب علي احلي مرور

اقتباس :

لما قلت انت في تطووووور ما صدقتنيش
ولما قلت انت متميـــــــــز ما سمعتنيش
ولما قلت انت فنان كبير ما عجبنيش
علشان كلامك ده ما يفهمنيش
غير حاجة واحدة بس ما تنتهيش
انك شاعر وعبقري وموهوب في الجيش

كل دا عشاني يا بيبووووووو
ربنا يكرمك يا غالي
شهادة اعتز بها وربنا

اقتباس :

استطراد ( انا هتمنى ادخل الجيش علشان ممكن اعرف
اكتب زيك كده واعبر عن اللي جوايا بس اعتقد هيكون
صعب .. والا كنا هنلاقي مصر كلها شعراااء )

ههههههههههههههه لا مش اوي كدا
حاول تحس بعيد عن البهدلة دى
وبعدين يا صاحبي الموضوع واجب بس مش اكتر
زي واجب المدرسة زمان
بنعملوا واحنا عاصرين علي نفسنا لمونة
نوررررررررررررررتني كتير يا غالي

ربنا يكرمك انين
دا من زوقك بس
تسلملي علي المرور

تسلمين سوسو علي المرور وعلي رأيك
ـــــــــــــــــــــــ
منة
منوووووووورة الـ 180يوم وباقي الايام كمان
تسلمين يارب علي مرورك
وكلامك اللي اتشرف بيه دايما

تسلم ايدك اخي رحال علي كلماتك الروعة
ملاك

تسلمين ملاك على المرور الطيب