دروس فى الـــــــرزالـــــه....متجـــــــدد ....

بسم الله الرحمن الرحيم

وهنبدأ اليله...........لا بجد ..

لو عندك حلم انك تكون رزل..لو بتدور ازاى تباه غتت ...لو نفسك تكون انسان ممل

لو عايز يكون محدش طيقك ...لو لو لو ....

متقلقش ..اتصل بينا على اللينك اللى فوق دا ..

هنحققلك كل احلامك وامنياتك ...

فى التوبيك دا بجد بجد ..هتكون انسان رزل ورخم وعتت وممل وكل الحاجات الحلوه دى

مش عايز اطول عليكم

واحده واحده معايا وهتبأه ارزل مخلوق فى الدنيا

ونبدأ

الحصة الأولى

ازاى تبقى رذل فى المواصلات

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

كده إنتهت الحصة الأولى
واللى عنده أى إضافة مفيش مانع
أهو معلومة ونستفيد منها كلنا
إن شاء الله الحصص هتنزل كل أسبوع كده
درس خصوصى مجانى أهو للى عايز يتعلم

كل أسبوع كتير يا ميدو عايزين كل يوم إحنا مستنين مواضيعك الجميلة دي

بس ملاحظة واحدة بلاش كلمة (والله) في المواضيع الرزلة دي sm 93

:موضوع جميل:

شكرا

أنا يتهيألي لو ركبت مواصلات الناس هتلاقيني قاعدة أضحك لوحدي كده

ومش عارفين إن موضوعك شغال في دماغي sm 88

ماهو الضحك برده من احد الاساليب وبيجيب نتيجه بسرعه

ممكن تلاقى الى قاعد جنبك بينط من الشباك

sm 96

دا إنت قاموس بقى!!!!!!!!!!!!!

مش معقووووووووووووووووول sm 93

دة انت مفترى يا جدع

انا خايف اكون ضحية

silent

متخافش لسه الدور ماجاش عليك

ههههههههههه

انة يقترب

دروس فى الـــــــرزالـــــه....متجـــــــدد .... 307889

هههههههههههههههههههههههههه

اية دا كله بس تصدق حصلت قدامى مرة فى الموصلات وجابت

نتيجة هايلة بس البنات مش هتنفع معاهم ممكن يقعدوا يلكوا حتى

ما يتخنق منهم ولا اية رايك

لا عندك حق ماحدش يعرف يسد معاهم