new egypt

اقتباس :

فينبغي ان نغير اخلاقنا جميعا وسلوكياتنا وتعاملاتنا

طبعا الاخحلاق ثم الا خلاق ثم الاخلاق
سمعت ان ممكن يكون في وزارة للتربيه بس

كمان نفسي يهتموا بالتعليم وترجع مصر منارة للعلم زي زمان

متها لي اساس كل الاسس هو التعليم

اقتباس :

رشوة

رشوة يعني ايه رشوة

خلاص الكلام ده اتلغي الكلمه دي بقي عليهخا تراب
_ان شاء الله يعني _ بصراحه مافيش حاجه مضمونه 100 فالميه

_ _ _ _
تسلم يا بيبو ع احلي مرور
بس لسه هنقول نفسنا فايه اكتر كمل كمل

جامد جدا الموضوع دة يا ياسوووو
كنت بفكر النهاردة مع نفسى طب انا عاوزة ايه
وتخيلت فى بالى لمدة دقيقتين انى رئيسة الجمهورية دى
او وزيرة مهمة بأيدها تاخد قرارات
اول فكرة جت فى بالى ونفسى بجد تحصل
ان سن المعاش يبقى 50 سنة بسسسسسسسسس
اى حد اكتر من 50 سنة ولسه فى وظيفة حكومية
لازم بقى ياخد استمارة 6
عشان كدة بجد كتير وكفاية
واهم ياخدوا معاشهم ويقعدوا فى بيوتهم يريحوا بقى
ونعين بقى شباب الجامعات الخريجيين اللى كل سنة بتطلعهم الجامعات
الناس الحلوة اللى فق ال50 دول يرتاحوا بقى ويقعدوا على القهاوى
والشباب اللى زى الورد دة يسيب القهاوى ويشتغل فى المصالح الحكومية بقى ونطلع ببلدنا لفوووق اوووى

حاجة كمان هموت واعملها
انى مدخلش اى مواطن غير مصرى للاقامة والعيش والعمل فى مصر
وخصووووووووووصا الناس رعايا الصين
بتوع الهدوم اللى بقوا منتشرين زى الطاعون دول
لو الشباب المصرى قام بالعمل دة هيكون افضل بكتير


وكفاية احلام بقى فى المشاركة دى
بس عندى احلام تانية هقولهالك بس بعد ما نشوف احلام بقية الشعب

شكرررررررررا ياسمينة المنتدى

فكرة حلوة اوي يا ياسيمنا

ما شاء الله عليكي دايما كده افكارك مبتكرة

انا احلامي كتيييير اووووي

وان شاء الله كلها تتحقق

اقولك ايه ولا ايه

ابتدي بحاجات صغننة كده عشان لسة قريبة من حياتي

يعني مثلا.. باحلم ان التعيين مايكونش بشرط الشهادة فقط

يعني لو الشخص المتقدم للوظيفة عنده امكانية وخبرة ومهارة كافية انه يقوم بالعمل دا ليه لأ؟؟

يعني لو واحد نبغة في الكمبيوتر ومستواه متقدم.. لكن معهوش شهادة بكده.. ليه مايتعينش في وظيفة تتوافق مع مهارته.. لانه ممكن يكون افضل كتير من اصحاب الشهادات

واكيد طبعا دا كله هايتحدد بناء على امتحان


الفكرة دي جاتلي لان معظم اللي بيدخل الجامعة بيدخلها يا اما عشان مجموعه كده (عشان لو عالي بيستخسر المجموع.. ولو قليل بتبقى اختياراته محدودة)

يا اما لو داخلها عن اقتناع.. بيكتشف بعد اما بيدرس انه مش دا اللي كان متصوره.. أو ان رداءة التعليم مش بتطلعه متمكن

فبيلجأ للكورسات الخارجية او بيحاول يعلم نفسه في مجالات اخرى .. وبالتالي بيبقى متميز في مجال معهوش فيه شهادة

انا باتكلم عن فئة مش الكل.. بس الفئة دي حاسة انها كبيرة اوي

:::::::::::::::::::::::

تاني حلم .. ان الترقية في الحكومة تبقى بالكفاءة مش بالأقدمية

وان كل درجة قبل اما يترقوا لها يبقى فيه اختبارات وكورسات

عشان حتى اللي يترقى يبقى دارس وفاهم

:::::::::::::::::::::::

نفسي كمااااان ان الدراسة في المدارس تبقى عملي

انا حاولت اتخيل الفيزياء دي بتتكلم عن معرفتش الا اما خلصت جامعة !!!!

لما قريت فيها مع نفسي كده ومقالات سهلة ومبسطة

:::::::::::::::::::::::

نفسي كمان ان كل واحد معاه علم مش يستخسره في غيره

لاني حسيت بمرارة الموضوع دا اول اما اشتغلت

رموني في الشغل كده وقالولي اشتغلي

:::::::::::::::::::::::

نفسي اما اشتكي من حاجة اللي قدامي يفهم ان في حاجة غلط..

يعني ما يشوفش الشكوى من وجهة نظره

لانه لو شافها من وجهة نظره طبيعي مش هايلاقي للمشكلة وجود

لانه لو كان لاقيلها وجود مكانش هايستنى شكوتي

حد فاهم حاجة؟؟

::::::::::::::::::::::

يااااااااااااااه يا ياسمينا

مش عارفة حسيت براحة نفسية اما حكيتلكوا على اللي نفسي فيه

::::::::::::::::::::::

ايه رأيكوا يا جماعة بعد اما نخلص امنيات واحلام

نتناقش كلنا ونحاول نوصل لطريقة نحقق بيها الاحلام دي..

عشان التغيير بيبتدي صغير من الفرد الواحد

يمكن اما كل واحد يبتدي من مكانه : مدرسته ، جامعته، مكان شغله، بيته وأسرته.. نقدر نشجع غيرنا يغير معانا.. وبالتالي فرصة التغيير تكبر

المهم نلاقي الطريقة المظبوطة

معلش رغيت كتير

شكرا ليكي يا ياسمينا على المساحة الحلوة دي

ومتبعاكوا

انتم عبرتهم عنى بجد نفسى نحب بعض كلنا

شوية احلام كمان كدة على السريع
وياريت نثبت الموضوع دة شوية
وكل الاعضاء يدخلو يقولوا نفسهم فى ايه
وايه افكارهم عشان نخلى مصر احلى

** انا نفسى بجد فى العهد الجديد اللى احنا داخلين عليه دة
ممنوع اى ممثل او لاعب كورة او اى حد من المرتزقة دول يضيع مجهود شباب كلية الاعلام
ويقدم برنامج سواء برنامج رياضى زى ( خالد الغندور _ حازم امام _ احمد شوبير وغيرهم كتير ) اللى هما كانوا لاعيبة
ولما فشلوا فى اللعب قالو نتجة للاعلام وتقديم البرامج
او فى البرامج الترفيهه حتى زى رزان مغربى مقدمة البرنامج الاكثر مشاهدة جماهيرية فى مصر
ليه نضيع شقا وتعب طالب كلية الاعلام اللى مركون على الرف دة
وكل ما يفتح التليفزيون يلاقى ممثلين ورقاصين وطبالين هما اللى بقوا اعلاميين
ولا لااااااازم خريج الاعلام يقدم نشرة الاخبار بس


حاجة تانية
مرتبطة بردو بجهاز الاعلام
الورم اللى بيحصلنا فى شهر رمضان من كمية المسلسلات والبرامج والمسابقات
اللى كأنهم بيسيبوا السنة كلها ويجوا على الشهر الكريم دة
اللى بنستناه من السنة للسنة عشان ربنا يغفرلنا ويبثوا فيه سمومهم دى وبكمية مبالغ فيها
ياريت يمنعوا اى برنامج او مسلسل فى شهر رمضان ويخلونا ناخد الشهر دة اجازة من المعاصى والذنوب
ويكون شهر ايمانيات وروحانيات وعبادة بس

كفاية الحلمين دول
واكيد ليا عودة باحلامى الكثيرة اللى نفسى تتحقق
عشان انا بحبك يا مـــصـــر

فكرة جمييييييييييلة جدا والله يا ياسمينا
بس الموووضوع خاص بالمصرييين ولا ايه يا ياسمينا
بس لو بدك تعرفي طموووحاتي لوين بتوصل راح احكي
وهوا انو الكل الشعوووب العريبة المسلمة تكون قلوووبها علي بعض
ويكون الهم هدف واحد يرضي الاطراف
انا حاسة الموووضوع خاص بكل مصري بس يبقي انا ما لي لزوووم لاني اجاوووب ولا اية يا ياسمينا

لا طبعا يا سوسو
احلمى معانا
وقولى افكارك اللى نفسك تحققيها فى مصر
لان مصر دى بلدك التانى
واكيد زى ما تتمنى فلسطين تبقى حرة واحسن من كدة ميت مرة
اكيد تتمنيها لمصر كمان
فانتى احكى وقولى وقولى كمان نفسك ايه الجديد اللى يحصل فى فلسطين

وعذرا لو رديت بالنيابة عن ياسمينا
مفيش فرق حبيبتى بين مصرى وفلسطينى
احنا اخووة

فكرة حلوة يا ياسمينا ونفسى الغش والمحسوبية ينتهوا بقى

عجبني كلامك اوي يا نيرة عن التخصص وان المهن المختلفة بقى يدخلها ناس مش مؤهلين وبيضيعوا الفرصة على أصحاب التخصص الأصليين

يا بنتي دا الكلام دا في كل حاجة كمان مش التليفيزيون بس

طيب مثلا.. عارفة ان مكاتب المحاماه بتفضل تستعين بمحامين معاهم لغة عشان يستغلوهم في أعمال الترجمة؟

ولو مش لقوا بيخلوا السكرتيرة تقوم بالمهمة دي؟؟

طيب فين التخصص؟؟ والمترجمين يشتغلوا ايه؟؟

عارفة ان أغلب مديري القرى السياحية من الظباط السابقين؟؟ طيب وخريجي ادارة الاعمال يروحوا فين؟؟

طيب عارفة بقى ان في المكان اللي بشتغل فيه معينين مترجمين خريجي تجارة انجليزي؟؟؟؟؟؟؟!!!!

طيب والمحاسبين بقوا خريجي ايه؟؟

الدنيا كلها معكوكة وماشية بالمقلوب

واللي زاد وغطى حديث لعائشة عبد الهادي في التليفيزيون المصري ااما سألوها خريجي حقوق وأداب ممكن يشتغلوا ايه.. قالت:

ممكن يشتغلوا في أمن المنشآت.. أو مدخلي بيانات.. او في المولات..

بجد كنت "متنحة" ومذبهلة من كلامها.. لا وكمان ايه.. بتقول ان الشباب بياخدوا الليسانس او البكالوريوس على سبيل الوجاهة الاجتماعية

يعني محدش عايز يتعلم!!!!

احنا مش بنتنكر للمهن دي.. بس لكل مقام مقال.. طيب ايه اللي خلانا نتعب ونزاكر بقى من الاول واحنا هانشتغل في حاجة تانية ..

انا معاها في حالة واحدة بس.. ان فعلا مش يبقى في فرص عمل.. بس احنا بلدنا فيها.. وفيها كتير.. بس ناس تانية واخدينها دون وجه حق..

في كمان شخص اعرفه بيشتغل في الشركة الوطنية للملاحة.. بيقولي ان التعيين فيها كان لازم يكون عن طريق عضو مجلس شعب اقل حاجة

ولما تتعيني .. الشغل جوا بواسطة.. يعني اللي ليه واسطة جامدة يريحوه ومش يدوله شغل.. واللي ممعهوش ياعيني يتطحن..

:::::::::::::::::::::

عجبني كمان كلامك عن مسلسلات رمضان.. بجد القائمين على التليفزيون والاعلام اثبتولي واكدولي ان شياطين الانس بنفس قوة شياطين الجن.. لعنهم الله جميعا..

:::::::::::::::::::::

بيبوووو

بجد احيييك جامد جدا على رد فعلك

الناس ساعات بتبقى عايزة بس اللي يحركها.. مش معناها انهم سلبيين.. لا هم بس الهم كان هاددهم شوية.. عاوزين دم شبابي يجري الحماس في عروقهم

انا كمان هاعمل زيكم ان شاء الله

ربنا يقدرنا ونقدر نعمل حاجة للبلد دي

:::::::::::::::::::

روزاااا.. وحشاني يا جميلة

يا رب تكوني بخير انتي والاسرة

ومستنية اشوف نفسك في ايه لمصر

ملحوظة: الايقونة بتاعة نقاش على الواجهة فيها رابط لمنتدى تاني

اقتباس :

ونعين بقى شباب الجامعات الخريجيين اللى كل سنة بتطلعهم الجامعات

معاكي جدا ..مانا كمان نفسي الاقي شغل ليا

اقتباس :

لو الشباب المصرى قام بالعمل دة هيكون افضل بكتير

بس احنا معدناش انتاج نبيعوه ...يبقي هيبقي زلام وجود مصانع
تمام

اقتباس :

ليه نضيع شقا وتعب طالب كلية الاعلام اللى مركون على الرف دة

عندك حق والله

اقتباس :

ويخلونا ناخد الشهر دة اجازة من المعاصى والذنوب

ياريت والله ومافيش مستحيل

اقتباس :

وياريت نثبت الموضوع دة شوية

ميرسي يا حببتي عالتثبيت الجامد ده

اقتباس :

وعذرا لو رديت بالنيابة عن ياسمينا

دانت ترد وترد يا معلم
هو انا اقدر اقول حاجه
وياااااااارب يااااااااارب كل احلامنا تحقق

اقتباس :

باحلم ان التعيين مايكونش بشرط الشهادة فقط

عكس حلم نيرا نرضي مين فيكم ..شوفتوا الحكومه غلبانه ازاي
اسماء انتي كدا هتلغي الشهادات

اقتباس :

ان الترقية في الحكومة تبقى بالكفاءة مش بالأقدمية

طبعا لازم تكون كدا والا مش هنتقدم خطوة

اقتباس :

نفسي كمااااان ان الدراسة في المدارس تبقى عملي

ياااااااااااريت دانا بعاني من حشو عقلي بالحفظ لحد يوم الامتحان

اقتباس :

نفسي اما اشتكي من حاجة اللي قدامي يفهم ان في حاجة غلط..

اهداء لشئون الطلبه عندنا ..بقالي 4 سنين اسمي غلط

اقتباس :

نتناقش كلنا ونحاول نوصل لطريقة نحقق بيها الاحلام دي..

يااااااااااااااااااااااااااااااريت


ميرسي يا سمسمه عالمرور الجميل ده
ويارب نقدر نعمل حاجه

اقتباس :

اقتباس:

باحلم ان التعيين مايكونش بشرط الشهادة فقط

عكس حلم نيرا نرضي مين فيكم ..شوفتوا الحكومه غلبانه ازاي
اسماء انتي كدا هتلغي الشهادات

توضيح على السريع

أنا أقصد الشهادة الرسمية..

يعني لو واحد خريج تجارة مثلا.. واخد كورسات أو اتعلم في مجال الكمبيوتر ووصل لدرجات عالية جدا فيه اللي بتأهله انه يشتغل زيه زي أي مهندس حاسب آلي

يا ريت يبقى له مجال في التعيينات بغض النظر عن شهادته الجامعية.. دا بشرط طبعا انه يبقى متفوق عن خريج الجامعة المتخصص وأفضل منه

وبكده هاتجبري خريجي الجامعات انهم يحسنوا نفسهم عشان يبقوا قد المنافسة

يعني مش اي حد يشتغل في المجال.. لازم يبقى دارس.. مش لازم تبقى الدراسة تبع الحكومة.. على الاقل لحد اما الجامعات بتاعتنا تتطور وتبقى على مستوى يسمح بتخريج دفعات متكمنة

حلم كبير شوية .. بس ممكن يتحقق

وياااا رب يحقق كل احلامنا - واسمك يتصلح قبل اما تاخدي شهادة التخرج ياسمينا

انتي عارفة اني اما اتخرجت كانوا كاتبنلي التقدير غلط

اقتباس :

خاص بالمصرييين

عيب الكلام ده طبعا احنا واحد
شوفي رد نيراااااا
_
بسمله

اقتباس :

ونفسى الغش والمحسوبية ينتهوا بقى

يااااااااااااارب يااااااااارب
ونفسك فايه تاني ؟؟؟؟
نورتيني يا احلي مرمورا

_
روزة

اقتباس :

]

مييييييييييرسي اووووووووي
بس ايه هو انتي عشان بره مصر ماتقوليش نفسك فايه
انا بقي نفسي كل المتغربين يرجعوا

_
بيبو

اقتباس :

تـــــــــــــم التثبيـــــــــت

ميرسي جدا ولو انها مش فكرتك بس ماشي

اقتباس :

نكون كلنا موقف واحد ضد اي حد

ياريت نكون كدا

اقتباس :

اللي يشوف كده مش يسكت عليه

ياريت نبطل سلبيه

اقتباس :

قلتله لا مش هتاخد الا اجرتك

حصل معايا نفس الموقف وكنت نفس الرد
احنا معفنين اوي
لا بجد والله مش بخل بس هو كمان مش يبلطج
عالم معفنه

_
شوشو

اقتباس :

دى اول مشاركه ليا فى المنتدى

يشرفني طبعا جداااااااااااااا

اقتباس :

((إن الله لايغير ما بقوم حتى يغيروا ما بأنفسهم))

يارب نتغيروا للافضل

اقتباس :

الأنانيه وحب النفس

سوء الأخلاق

الظلم

العنصريه

واكيد طبعا الغلاء وارتفاع الأسعار

يارب نتعلم الاخلاق وهنلاقي الدنيا بتنصلح حالها تلقائي

نورتيني يا شوشو وشرفتيني

انا اسفة جدا والله يا ياسمينا
اكيييييييد احنا وااااااحد واكيد مصر بلدي التاني وانا بقدر اقووول حاجة غير هييييك
والله مصر بلد عزيزة وغالية وما بحب الها الا كل خيييييييير
لذلك انا بدعيلها دايما يتحقق فيها الامن والسلام والامان والله ومن كل قلبي
لاتزعلي مني يا سميييييييينا
وشكرا الك نييييييييييييييييرة حبيبتي
يارب اجعل مصر وفلسطين فيهم كل الامن والامان والسلااااااااااام

انا كنت بتمني انو كل البلاد العريبة يد واحد تحت هدف واااااحد يسعوا الووو وانا ادعو من ربنا لانو انا متاكدة وعارفة انو احنا اخوان
وكما قال الله تعالي في كتابه العزيز "وجعلناكم شعوبا وقبائل لتعارفوا ان اكرمكم عند الله اتقاكم "

حاجات كتييييييييييييييييير قوي ياسمينا

بس انا كنت سمعت لقاء مع فاروق الباز وكان بيتكلم انهم شافوا البلاد اللي تقدمت ايه اول شيء أصلحوه علشان البلد دي تتقدم
وجدوا ان التعليم هو أول شيء وجهوا له طاقة البلد وكان اهم شيء يكون دخل البلد موجه له هو مجال التعليم ووضعوا خطة 7 سنين علشان يعملوا كده في كوريا على ما أتذكر
الخطة دي أخذت منهم حوالي 12 سنة

بس كان سؤال المذيعة هل الناس هتستحمل ان الصرف يكون موجه للتعليم؟ لحد ما ينهضوا به ؟
الموضوع ده عايز ناس تخطط صح وناس تستحمل علشان تلاقي فايدة

لما الناس راحوا في الشتاء وبيتوا في ميدان التحرير علشان هدف في دماغهم عايزين يحققوه
قدروا يستحملوا في المقابل الناس البسيطة الفقيرة اللي يمكن كثير او بعض من الناس اللي في ميدان التحرير كانوا بيتين علشان هم ما استحملوش علشان حالهم وقف يومين

اصلاح التعليم من اهم الاشياء

ازاي تكون المدرسة والجالمعة محببة للطلبة ازاي يصحى الصبح وهو فرحان وعايز يروح

ازاي ما يكونش فيه حاجة اسمها دروس خصوصية أبداااااااااااااااااااااااااااااااااااااااااااااااااااااااااااااااااااااااااااااااا

ازاي يكون المدرس عنده ضمير واحسان في عمله وفي نفس الوقت مرتاح ماديا بحيث ان لا يلجأ انه يعطي دروس اصلا طول الليل ويروح فايق وصاحي في الحصة ومراعي ضميره

ازاي بعد ما أكون درست سنوات وسنوات لحد ما أتخرجت من الجامعة اعرف أطبق اللي درسته

يعني انا مثلا متخرجة من تربية قسم انجليزي ومن أوائل الدفعة والحمد لله كنت من أشطر الناس في كتابة الإنجليزي لاني كنت بهتم الحمد لله بكل كلمة اكتبها وبخلي بالي من الحروف وابحث عن الكلمات في القاموس حتى ولو كلمة بسيطة بحيث الورق اللي يطلع من تحت ايدي ما يكونش فيه غلطة ومع ذلك لو روحنا رحلة مع اصحابي وحبينا نتكلم مع أجانب ولو كلمتين تبقى حاجة صعبة ونقف نحضر كلمتين ونبص لبعضنا علشان حد ينطق
داا أكيد خلل فظيع
غير بقى ان كل واحد بينطق على حسب ما يقرا الكلمة وخلاص لا تعرف هي كده نطقها صح ولا غلط واي كلام وخلاص

خلاصة القول ما فيش ممارسة حفظ وحفظ وخلاص

ولو قعدت في بيتك زي حلاتي كده تلاقي أكثرهم ااااااااااااااروا أصلا ولا كأنك قضيت كل السينين دي من عمرك وانت تدرس لان ما فيش أساس وقليل من المدرسين اللي اتحفر ت كلاماتهم داخلك

=-=-=-=-=-=-=-=-
اهم شيء كمان لازم يتعدل في النفس البشرية علشان ننهض هي الضمير ارضاءا لله عز وجل والرضا بالموجود والتلع للأفضل دون سرقة الآخرين والأخذ منهم بدون وجه حق

لازم الطبيب يكون عنده ضمير ويوصف الدواء المناسب والكافي للحالة فقط دون زيادات و أشعات وتحاليل غير مهمة ولكنها لمجرد المكسب

وكذلك المدرس ووووو
لازم الضمير

جزاكِ الله كل خير ياسمينا

..بنوتة وبس.. كتب:

هلين
روزاااا.. وحشاني يا جميلة

يا رب تكوني بخير انتي والاسرة

ومستنية اشوف نفسك في ايه لمصر

ملحوظة: الايقونة بتاعة نقاش على الواجهة فيها رابط لمنتدى تاني

تسلميييين بنوتة
انا عملت قسم لكِ علشان استشيرك في حاجة شوفتيه؟؟
شكرااااااا على الايقونة شوفيها اتعدلت كده؟

a white rose كتب:

..بنوتة وبس.. كتب:

هلين
روزاااا.. وحشاني يا جميلة

يا رب تكوني بخير انتي والاسرة

ومستنية اشوف نفسك في ايه لمصر

ملحوظة: الايقونة بتاعة نقاش على الواجهة فيها رابط لمنتدى تاني

تسلميييين بنوتة
انا عملت قسم لكِ علشان استشيرك في حاجة شوفتيه؟؟
شكرااااااا على الايقونة شوفيها اتعدلت كده؟

الله يسلمك يا روزا

الايقونة مشيت خالص وبقى باين بدالها كلام بالانجلييزي

وبالنسبة للقسم.. انا مش شايفاه

ممممممممممممممم هي ظاهرة عندي يا أسماء انا بستعمل فيرفوكس انتِ بتستعملي ايه؟؟

يب هسأل الباقي علشان نشوف المشكلة منين --انا محملاها على مركز تحميل يعني المفترض تكون ظاهرة حاجة غريبة


=-=-=-=-=-=-=
القسم ان شاء الله يكون ظاهرلك دلوقتي اسماء
شوفي كده؟؟

أنا بادخل من فايرفوكس برضه..! غريبة دي

يمكن انا عندي مشكلة في الصور ولا حاجة

القسم ظاهر اه يا جميل