بسم الله الرحمن الرحيم
التعليم في مصر
من خلال كلام روز في موضوعي
new egypt جه فبالي نتكلم عالتعليم
علي حدااااااااااااا
التعليم (مدارس _ المناهج _ المدرس _ الطلاب)
1:_ المدارس الحكوميه معظمها قديمه بلا تطور الديسكات والكراسي معظمها مكسرة ومتربه
انا نفسي كنت بعاني يوم الامتحان من اني مش عارفه اكتب والخشب
طالع م كل حته والكرسي مكسر وحالته حاله
معظمها مافيهاش حوش او ضيق جدا لا يستوعب طلاب المدرسه فالبريك
عدد الديسكات فالفصل الواحد 20 ومطلوب مننا بقدرة قادر ان الفصل
يستوعب 60 طالب سبحانك ياربي
2-المناهج
كلهااااااااا ليس لها علاقه بالحقيقه
كتاب الدراسات لحد ماخرجت انا من
المدرسه كان الارز واالقمح والقطن اولي صادرات مصر
م ان مصر مابقتش خلاص بتنج حاجه عشان تصدر اصلا
امتحان الحاسب الالي كان نظري علي ورق وغرفه الحاسب الالي
فيها اجهزة بس مكتوب عليها ممنوع الاقتراب
المنهج غير قابل للفهم المنهج للحفظ فقط لحين وقت الامتحاان
وغير كدا الطالب غير مطالب بحفظ بعد الامتحان
حتي حصه الالعاب المدرس كان بيقولنا الالعاب دي عهده كان بيزلنا
لو عطاني كورة
وده طبعا فالمدارس اللي فيها حوش ..حوش عننا يارب
3_المدرس
فقد كثير من صفات المعلم كالاقناع وقدرته علي الافهام والامتاع
لجاء لممارسه الاساليب الغير تربويه مع الطلاب المشاغبين
وسمعنا كتير عن مدرس عذب طفل حتي الموت والعكس فعلا حصل
لجاؤا معظم المدرسين للدروس الخصوصيه
4_الطلاب
معظمهم مابيعرفش يحفظ يبقي هيرسب طاب ينجح ازاي لازم يغش
معظمهم بيكره المدرسه والمدرس وبيشوفهم كانهم عبء عليه
فاكرين جرس الفسحه او الخروج تسمع كلمه هيييييييييييه كأننا فسجن
كفاره ...زيح عننا يارب
شوفتوا التعليم عامل ازاي في مصر
طيب اللي فات مات
تعالوا نشوف ازاي هنطور التعليم ودا بعد الثورة
من رأيي المتواضع :_
1:_ زياده ميزانيه التعليم بقدر ضخم وده يتوزع علي المنهج المدرسه المعلم
2:_وزير عنده قدرة علي وضع خطه سليمة لتطوير التعليم واختيار ناس
مؤهلين للادارة والتربيه والتعليم
3:_اضافه ماده اخلاق ودي تكون من اولي ابتدائي لغايه التخرج
يمكن اخلاق الطلاب تتغير ومايهربوش من المدرسه و ...
4:_الغاء كل المناهج القديمه وليس تطورها لانها غير صالحه
الاعتماد علي الجانب العملي
5:_عدم تعيين اي مدرس غير مؤهل لتربيه وتعليم الطفل
هستني اراءكم و\ردودكم
لكم ودي واحترامي