بصراحة انا شايفة ان الفيس بوك دة حاجة عادية جدا
زي النت عموما فيه الخير وفيه الشر
يعني مثلا اللي بيفتح النت العادي ممكن يدور علي اغاني وممكن يدور علي قرآن
نفس الموضوع بالنسبة للفيس بوك في صفحات لمطربين وفي صفحات دعوية
كمان النت بشكل عام فيه مواقع اباحية
الفيس بوك عليه صفحات اباحية اللي عايز يدخلها هيدخلها بسهولة
الفيس بوك فيه شات اللي مش عايز الشات ممكن ما يفتحهوش
الفيس بوك فيه امكانية ارسال رسائل لأي حد علي الفيس بوك والامكانية دي ممكن تتعطل
ممكن لو اي حد بعتلك طلب صداقة ترفضه بكامل الحرية
البنت اللي بتتعرض لمشكلة بسبب الفيس بوك بتبقي غالبا هي السبب فيها يعني مثلا حطت صورتها علي الفيس وحد استغلها استغلال مش كويس
او تجاوبت مع حد ما تعرفهوش
يعني ببساطة الفيس بوك عالم احنا نقدر نتحكم فيه ونخليه صالح ومفيد
انا عن نقسي بستفيد منه جدااااااااا خاصة في الدراسة
لان في مجموعات خاصة بالسنة الدراسية بتاعتي وبيتبعت فيها امتحانات السنوات السابقة وبدخل الجروبات دي وبناقش
زمايلي سواء اولاد او بنات في اسئلة طبية واشياء تفيدني بمنتهي الادب والاحترام
وبالتالي فهو بيتوقف علي سلوك الفرد نفسه وازاي هيستخدمه
ربنا يحمي شباب وبنات المسلمين ويبعدنا عن كل سوء