متزعليش يا بلدى

بلدي

قلمي ناشف مش قادر أكتب......الحقيقة مُرة بس لا يمكن اكدب

حقيقة أيام كانت فين من زمان؟....لناس فاض بيها الكيل وآن الأوان

طوفان الشعوب كإنه كاس وداير...لف ووصلك في25 يناير

خرج الشباب يرفعوا صوت الحق...مكتوب على جبينهم للظلم ألف لأ

ظلم السنين الي طحن الغلابة...القوي داس الضعيف كإنك في غابة

ظلم خلا نفوس كتير ضعيفة....سقّف للحرامي ودفن ناس نضيفة

عارفة يا بلدي إيه أشد كربة؟...تبقى صاحب مبدأ وفي بلدك تحس بغربة

أو تشوف الصالحين نفوسهم مهزومة...وتلاقي الصوت العالي للقيم المهدومة

ساعتها الحر دمه بيفور...يشق ظلام الخوف وينادي للنور

نور يرجع الكرامة لولاد للبلد..ويمسك الفساد بحبل من مسد

واتملت الشوارع بعيون بريئة..صوتهم للحق عالي وصدورهم جريئة

النية واحدة ننقذ بلادنا..ونرجع نسيم الحرية لولادنا

سلمية سلمية شعار الجميع...محدش هيرضى بلادنا تضيع

وقف قدامهم ظباط كتير وعساكر...منهم شرفاء بيحموهم ومنهم قلبه غادر

ضربوهم جرحوهم فرقوهم بالسلاح...قتلوهم بالمئات يا مصري دمك مستباح

متزعليش يا أمي لو مت بينهم شهيد...أنا طاير مع الملايكة واليوم دة ليا عيد

بس مصر تتغير ودة له تمن...عشانك دمي يهون واشهد يا زمن

والبيوت مليانة بأيادي مرفوعة...لرب العباد ودعواتهم مسموعة

نزل شباب قالواعليه مالوش لازمة..يحرسوا البيوت ويسدوا في الأزمة

شباب سهران مفنجل عينيه....شارة في دراعه وشومة في إيديه..

وفي ميدان التحرير شباب بالألاف...بقلب واحد يعلوا الهتاف

تغيير تغيير الكل بينادي....نفسي أحس بالكرامة في بلادي

حقق يا قاضي مع الغني الوزير...ورجع حق الغلبان والفقير

واقضي بالعدل على كل الفساد... ونفذ شريعة رب العباد

وصِبِر الشباب على برد الليالي ..وضحّوا في الثورة بالرخيص والغالي

ومرت أيام صعبة علينا حسينا بلادنا بتضيع من إيدينا

ونجح الولاد وانكشفت الغمة بوقفة شباب عالي الهمة

ويللا يا ولادنا آن الأوان نعدي ببلادنا لبر الأمان

لو الإختلاف في وجهات النظر ...عمل بيننا فتنة دة أكبر خطر

بلاش نتفرق ولبلادنا يالا نبني...ونخلي منها جنة لإبنك وإبني

بلادنا وصية رسولنا الأمين ....مدحها ربنا في قرآنه المبين

أمانة يا مصري خليك إنسان جديد حب وكرم وإرادة من حديد

ركز في شغلك ومتضيعش ثانية وعمّر بلدك مصر أم الدنيا


مصطفى حسني

جامد اوى تسلم الاياااااااااااااااادى

تسلمى بسمله على مروووورك

حلوة جداااااااا ازهرية
بس يارب بقى نقف واقفة واحدة فى وش اى حد ناوى يدمر البلد
ويكسر احلام الشباب واحلامنا
يارب وفق كل المصريين الى ما تحب وترضى

سلمتـــ يداكـــــِ

بجد رائع تسلم ايديكى يا جميل
ارجوكى يا آية اتصلى بيّا علشان انا مش عارفة اوصلك خالص
وحشتينى أوى يا جميل

[quoteوفي ميدان التحرير شباب بالألاف...بقلب واحد يعلوا الهتاف

تغيير تغيير الكل بينادي....نفسي أحس بالكرامة في بلادي
][/quote]

رائـــــــــعة يا ازهرية القصيدة
والاروع اختياراتك
سلمت يداااااااااك
ويارب ادم على مصر الامن والاستقرار
واحفظها من الفتن ياااارب ...

بنحبهااااا والله بنحبها

ربنا يهدينا ونصونها ونعليها وبادينا منخربش فيها ابدااااا
وكل واحد فينا مقامه حيث اقامه



اشكركم على المروووووووووووووووووور احلى اصحاب

راااااااااائعة جدا يا الازهرية
تسلم ايديكي
جميلة جدا الكلمات والله

تسلمى يا جميله

الله يسلمك حبيبتي ولوووو هدا واجبنا اكيييييييد