تحبوا يبقى في فعاليات للمنتدى؟

السلام عليكم أحلى أصحاب

ازيكوا كده؟

يا رب تكونوا كويسين ومبسوطين وفي احسن حال

المهم

اكيد اغلبكوا شاف الفعاليات اللي بتبقى في المنتديات

بمعنى صور شكلها حلو ومتحركة بتتحط على رئيسية المنتدى

وعلى الصور دي روابط بتوجه لأهم المواضيع اللي شايفاها الادارة

زي مثلا موضوع جايزة احلى اكلة من ايديا

او اي موضوع فيه استفتاء مهم او نقاش

او حتى موضوع مميز والادارة عاوزة تعلن عنه

لو عاوزين قولولي افكاركوا

:::::::::

الافكار اللي عندي

ان نعمل بنر عام مكتوب عليه "موضوع احلى اصحاب المميز"

عشان لو محدش موجود يصمم بنر باسم الموضوع

ممكن نعمل بنر باسم قسم الشهر.. أو القسم اللي انتوا شايفينه مميز او مهم وعاوزين الاعضاء الجدد يدخلوه

..........

مجرد فكرة صغننة وجاتلي

ومحتاجة تكبر على ايديكوا لو عجبتكوا

ولو مش عجبتكو ندوس حذف

مستنياكوا

ملحوظة: محدش يدخل يشارك من غير اقتراح والا

أكيد طااااالما فكرة لأسماء هتكووووووووووون روووووووووووووووعة من غير تفكييييييييييييييييييييييير
والله أسماء حااااااااولت اعمل زي ما قلتي و أحط رابط الموضوع بتاع المسابقة على الصور بس فشلت فشل ذريييييييييييييييييع
وبقى يفتح على موقع تاني وكنت مستعجلة اني انزل الجايزة
هجرب معاكِ تاني ان شاء الله

الله يخليكي يا روزا يا رافعة من معنوياتي دايما

طيب جربي كده تاني على رواقة وابقي قوليلي يا جميلة

احم احم

ادي انا عملت البنرين دول

لو عجبوكوا هاعمل واحد كمان عشان جايزة احلى اكلة ولو في قسم معين عاوزينله بنر قولولي

دا تصوري للشكل العام للرئيسية



(يا رب يعجبوكوا)

أولا: جزاك الله كل خير يا بيبو على تشجيعك

والحمد لله انهم عجبوك (عقبال الباااااقي يا رب)

ثانيا: مخك مش تخين ولا حاجة

انا اللي كان لازم اوضح

انا عملت التاني دا عشان لو في مفاجأة عاوزين تعملوها مثلا وبتشوقوا الأعضاء

عشان نعلن ان في مفاجأة قريبا.. بس ايه هي.. لسة هايعرفوا بعدين

وانا حطاهم هنا جمب بعض عشان تتصوروا المنظر بس.. عشان لو عملنا واحد لقسم معين.. وواحد لو في اعلان معين عاوزين نعمله زي اعلان جائزة احلى اكلة

..............

وصلتك فكرتي؟؟

معلش مش باعرف اشرح اوي

ماشاء الله لا قوة الا بالله
رائعة يا اسماء

زوقك جميل فى اختيار الالوان

تماااام يا بيبو

مستنية تقولولي على البنرات اللي محتاجينها عشان اصممها

::::::::::::

جزاك الله كل خير يا عمرو

من بعض ما عندكم

بدل اللي موجود دلوقتي

آيه الابداع ده كله
بجد مجهود رائع و نتيجه أروع
تسلم ايديكى يا سوما
فكرة بجد رائعة و مميزه
و متهيألى يعنى بالدماغ ديه انتى مش محتاجة رأى حد معاكى

ربنا يخليكي يا منووون يا رافعة من معنوياتي


طبعااااا لازم اخد رأيكوا يا منة

هو انا اقدر استغنى ابدااااااااا

ربنا يكرمك يا قمر ويخليكي ليا


قوليلي بقى

تحبي يكون فيه بنرات ايه تاني؟؟

لو فيه قسم مميز تحبي نعمله بنر

او اي حاجة معينة في بالك

من الاخر قولي اقتراحاتك (انتي عارفة مبحبش حد يدخل مواضيعي وايده فاضية.. خصوصا مواضيع الاقتراحات)

روووووووووووووووووووووووووووووووووووووووووووووووووعة يا أسماء
جناااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان
تسلم إيييييييييييييييييييييييييييييدك

ممممممممممم ممكن يكون من المواضيع المهمة موضوع ياسمينا
التعليم بعد الثورة
أو نيو إيجبت
أووووووووووووو أي مواضيع ثانية فكرووووووووا

ممممممممممم ممكن نعمل مسابقة إسلامية
مواضيع مميزة للقسم الإسلامي ويكون ده الشيء الجديد حاليا

اها فكرتك حلوة كتير يا رووووز

طيب تماااام

انا ممكن اعمل بنر مخصوص باسم الموضوع

واحتمال استلف صورة بيبو لأنها عجباني اوي

ايه ده .......!!!؟؟
انا بعت مشاركة من شوية هنا ومش لاقيها ....!!!!؟؟


ما علينا

انا حبيت اقول :

انى شايف بصمة جديدة لاسماء

طبعا انتى عارفة رايي فيكى يا استاذة

ما شاء الله .. متعددة المواهب والمهارات

صدق اللى قال : ابداع متواصل

واللى قال بنوتة وبس ..

ومبارك الوسام الجميل ... ديزاينر

انا كمان ديزينر اقول : ان فعاليات الثورة ظهرت هنا كمان والبركة فيكى

اقولك : ااستمرى .. استمرى

وربنا يوفقك

============
طبعا انا عارف انك مش عايزة حد يدخل بايده فاضية
علشان كده جبت لك معايا شوية تقييمات صغيرة ..
مش قد المقام ولا المهارات والابداعات دى كلها

على وعد انى ارجع واشارك تانى ( على قد معرفتى المحدودة )

لكن انا دخلت المرة دى بس علشان احييكى

تحياتى
===============
بالنسبة لاقتراح روز وبيبو ... انا معاهم تماما ..

موضوع نيو ايجيبت مميز جدا .. ومبادرة ممتازة من المبدعة ياسمينا

اقتباس :

انا كمان ديزينر اقول

انت تدزينر براحتك يا باشمهندس

أولا: جزاك الله كل خير على كلامك وتشجيعك المستمرررررر والمنتشر في جميع انحاء المنتدى

ربنا يخليك لينا يا باشمهندس وتشجعنا على طول كده

ثانيا: الفكرة موجودة من زمان في المنتدى

وروز - الله يكرمها- بتعملها دايما.. بس من غير صور

واللي بعمله مجرد حركات كده عشان نحط مواضيع اكتر على الرئيسية

::::::::::::::

مرورك شرف ليا يا باشمهندس

ومستنية توفي بوعدك..

ومش محتاج خبرة في تصميم ولا حاجة.. هو محتاج عين بتلقط المواضيع الحلوة وحس يفهمها ويقدرها

وكل دول موجودين فيك وفي كل احلى اصحاب

يعني الكل هايشارك هايشاااارك

وشكرا ليك تااااني على كلامك الجميل

اي تعديل؟

ماشاء الله عليكي يا سمسمة
انتي انسانة ذوووووووق جداااااا
برافو عليكي
بتفتحي نفسي علي المنتدي زيادة
لما تتجوزي ان شاء الله هبقي اجي اتفرج علي شقتك
اكيد هتبقي تحفة لان انتي ذوقك فوق الرائع
كان عندي اقتراح بالنسبة للمسابقة عايزين نغير المسابقات شوية
في مسابقة من زمان ما عملنهاش اللي هي مسابقة بأقلام احلي اصحاب
او مسابقة في قسم الصور مثلا
موضوع يظهر قدرة الله
او موضوع صور عن الثورة
او شعر عن الثورة او ما شابه

يعني عايزين تجديد في موضوع المسابقة نفسه