مش طيقااااااااااااااها

بسم الله الرحمن الرحيم


ازيكم احلى اصحاب
انا النهاردة معايا مشكلة حاصلة مع احدى صديقاتى

المشكلة وباختصار ان صديقتى دى عندها اخت وحيدة والاخت دى اصغر منها ب 12 سنة

ففيه بينهم فجوة عمرية وزمنية وعقلية بشيييييعة

البت الصغيرة بتتعامل زى ما تكون حد كبير

عندها 8 سنوات بس بجد فظيعة

طبعا دلوعة ولا الاب ولا الام يرضوا ان الاخت الكبيرة تتكلم معاها

او حتى توجهها للصح

انا مش بقول كدة وخلاص دة حصل قدامى

البت الصغيرة بتتعامل زى ما اختها الكبيرة بتعمل بالضبط

انا نصحت صديقتى دى انها تصغر مخها شوية وتحاول تنزل لاختها الصغيرة دى

تعاملها بالراحة وتحاول تتكلم معاها باسلوب الطفلة دى تفهمه

بس للاسف بلا اى جدووووووى

انا كنت عندها مرة والبنت الصغيرة اتكلمت مع اختها بطريقة وحشة واسلوب يحرق الدم

حسيت انى اشفقت على صحبتى اوى

وقلت لو كنت مكانها انا كنت انهارت وفقدت اعصابى

مع انى فى نفس الموقف ليا اخت اصغر منى بكتير

بس لما الفجوة بتوسع بينا

ومش بقدر عليها بتجنبها

هيا بتحس انها بقت لوحدها بترجع للسليم

المهم بقى انا عاوزة منكم تفكروا معايا فى نصيحة فعالة ومقنعة

اقولها لصحبتى لانها فى الاونة الاخيرة بدأت تقولى

" انا مش طيقااااااااااها "

ولكم الاجر والثواب

فعلا مشكلة جامدة جدا
لأن المشاكل بين الأخوات أو بين الأسرة الواحدة بتبقى صعبة جدا
اقولك حل انا مش عارفة هينفع و لا لأ بس هقولى و أمرى لله
من الواضح ان صحبتك ديه عصبية جدا و اختها الصغيرة لئيمة و فراسة و كمان عندية و مدلعة زيادة عن اللزوم
فمن الممكن انها تستخدم أسلوب جديد خالص معاها أول شئ انها تحاول تتجاهلها تماما و تبعد عنها لدرجه تخنقها و تحسسها انها كانت غلط
بس طبعا البنت مش هتستسلم على طول بل بالعكس هتحاول ترخم عليها و زى ما بنقول كدة هتحاول تجر شكلها فعلى صحبتك كده انها تمسك نفسها و ما تفقدش اعصابها فى اللحظة دية
بعد كدة بقى تبدأ تستخدم الأسلوب اللى قال علية بيبو و ان شاء الله تتصلح الأوضاع عندها
جزاكى الله خيرا يا قمر على مجهودك من اجل صديقتك ربنا يقرب بينكوا دايما و لا يفرقكوا عن بعض ابدا

نفس المشكله دي معايا انا وهيما اخويا
المشكله ان كل ماجي اكلمه او ازعق له ماما تقولي:_
بس يا رحاااااااااااااااب
يابنتي دا مراااااااااااااااااااااااااااااااهق مايتعاملشي كدا (
لما ببقي هتشل

بس هيما قدام الناس واصحابي بيحترمني جدا ومطيع
كمان في حاجه بتاثر عليه وهي زي ما بيبو قالك

اقتباس :

يعني مثلا تجيبلها اكلة حلوة حاجة حلوة من برة هدية

شايفه ان اطعم الفم تستحي العين
والعيال دوووووووووول عينهم قويه اووووووووووووي

والله يا جماعة كلامكم دة جميل اووووى
بس فى حيز التنفيذ بيبقى صعب جدا
وزى ما قلتى يا منه البت الصغيرة دى تفرس بشكل وحش اوى
انا قلت لصحبتى كل ما تضايقك ابعدى عنها وروحى مكان متكنش هيا فيه
واتصلى بيا كلمينى
قالتلى كدة هخسر عليكى كل يوم 100 جنية مكالمات

بس فعلا حتة انها تصاحبها وتجيبلها حاجة حلوة وتحاول تقرب منها دى حلوة جدا
وانا كل ما بكلم صحبتى بقولها كدة

ويارب ربنا يصلح الحال بينهم

متشكررررررررة اوى على اراءكم احلى اصحاب

جزاكم الله خيرااا

اهاااالمشكلة بتصييييييييير وكتير في بيوووت والله
بس انا عندي حل ويارب ينفع وتستفيدي منه
البنت صغيييييرة والصغييير بتسكت باي شي والله والسبب هوا الدلع
واكيدمافي حد بالدنيا بيكره اخوه او اخوته والله
اتمني انها تتقرب منهاااا اشوية اشوية وتحسسها بقربها
وتحكيلها انو الي بتعملووو غلط وتاخدها الي اماكن تتنزة هي واياها والله راح تنبسط معها وراح تفرح اختها
واتمني انها تنحل المشكلة ياعسل

ميرسى على ردك سوسو يا قمر

وهيا اكيد بعتقد يعنى مش بتكرهه اختها ولا حاجة بس صحبتى دى خلقها ضيق اوى زى ما بيقولوا

فالدلع بتاع البنت الصغيرة وان الكل فى صفها حتى لو على غير حق بيضايق الكبيرة

فانا ان شاء الله هعرض عليها كل حلولكم دى

ويارب ربنا يصلح الاحوال

السلام عليكم اختى نيرة وعلى الجميع

اسمحى لى ادخل ف الموضوع على طول

انا رايى ان الحل مش مسؤلية صاحبتك لوحدها . . انما مسؤلية الابوين ف المقام الاول .. الطفلة الصغيرة بتستمد عنادها وقوتها من الابوين
مش باقول اننا عايزين نكسر البنت الصغيرة .. ابدا
انما باقول محتاجين انها تحب الكبيرة وتحترمها هو ده الوضع السليم والطبيعى والسوى ..

طيب بما اننا ما نقدرش نوصل للابوين علشان نشرح لهم حاجة مهمة جدا :

مهما كانت البنت الصغيرة عندها مميزات ولطيفة ومحبوبة .. لكن هما بيغلطوا ف حقها .. لما يعودوها على الانانية والتمرد .. و-لا قدر الله - هايندموا ف المستقبل على كده

طيب .. الوحيدة اللى تقدر توصل للاسرة كلها هيا صاحبتك

يبقى مضطرين نتقل عليها شوية ونقولها :
لازم تقومى بالدور ده كله .. وانتى قده ان شاء الله

ما تحاولش تفهم باباها ومامتها انها عاوزة تستفرد بالبنت الصغيرة او انها تربيها من جديد بدالهم .. انما تفهمهم انها اولى الناس بيها وبمحبتها .. وانها هاتكون اقرب لاختها منهم

انا مش موافق انها تتجنب اختها .. وتسيبها لوحدها - علشان ترجع لعلقها -

للاسف الشديد ان التعامل مع الموضوع على نظرية العقل مش موضوعى ولا عملى - احنا بنتكلم عن طفلة 8 سنوات - يعنى العواطف والغرايز هيا اللى بتتحكم فيها .. والغريزة بتقولها انها هي الاقوى وانها مش محتااجة لوجود اختها الكبيرة ف اى حاجة .. وخصوصا ان الابوين ف صفها
طيب الحل باختصار :
1- وقفة مع النفس .. ومقاومة الغضب والاذى النفسى اللى حست بيه الكبيرة
وبالتالى محو احساس الانتقام اللى ممكن تكون حاسة بيه
2- تبص لاختها الصغيرة على انها بنتها مش اختها ( يعنى لا للمقارنة والندية ابدا )
3- لازم تعرف انها مسؤلية عن تربية اختها الصغيرة زيها زى الابوين بالظبط
وبالتاالى العقاب مش هو اول وسيلة .. انما المحبة والرفق والعطف اولا
ولازم تعرف ان الصغيرة غير مكلفة ولا مسؤلة عن طفولتها .. وانها بعد 10 سنين مش هاتكون فاكرة اى حاجة من اللى بتعمله دلوقتى .. وبالتالى هاتحس ان الكبيرة هيا اللى غيرانة منها وبس .. وهايتهيالها انها بريئة وضحية

5- بساطة المشكلة فى انها هاتتحل تدريجي .. وبهدوء
انا مش باقول ابدا ان الكبيرة تتملق الصغيرة ولا تمثل انها فجأة بقت بتحبها
او باختصار توطى راسها لاختها الصغيرة
انما باختصار باقول ان بما انها الكبيرة .. يبقى المفروض هى اللى تحكم عقلها
وهيا الاقدر على حل المشكلة
مثال :
اى مناسبة تخص الصغيرة ( نجاح - عيد ميلاد - ... )
الكبيرة تجيب لها هدية حلوة ... علشان تهادوا تحاابوا
اى مناسبة - لا قدر الله - مش لطيفة تخص الصغيرة ( مرض - خناقة - غلطة ( الاخت الكبيرة تقوم بدورها المطلوب )
بلاش تقعد تتفرج عليها او تتجاهلها .. لان الصغيرة هاتحس انها شمتانة فيها
مع يقينى ان ده مش صحيح

اخر حاجة بقى .. تعمل لاختها عمل ( تسحر لها يعنى )
ازااااااااااااااااااااااااى .... حضن جميل - ابتسامة صافية - بوسة طيبة
مفيش احسن من كده سحر

ويوم ورا يوم ... والله وربى وما اعبد .. هاتبقى الصغيرة روحها ف اختها الكبيرة
وهاتتمنى لها الرضى ... ترضى

شكرا .. وماعرفتش اختصر برضه

والله كلااااااااام جميييييييييل
وحل رهيييييييييييب علي فكرة يا اخي
والله معك حق يا استاذ حسااااام
في الي كتبتوا
بارك الله فيك
اتمني انها تنحل المشكلة والله

مممممممممممممم

والله يا نيرة مشكلة جامدة جدااااااا

بس مش عارفة هاقدر افيدك ولا لأ

لاني انا كنت مكان اخت صاحبتك لاني أخر العنقود

والفرق بيني وبين اخواتي كبير نوعا ما

وبرضه بابا وماما كانوا مدلعني شوية .. بس مش بالدرجة دي

لان انا بنت وحيدة برضه لأخين!

يعني كان عندي 3 بابا!!!

هاقولك بقى ايه اللي كان بيضايقني

(عشان لازم تفهمي وجهة نظر البنت الصغيرة وتعرفي اللي مضايقها)

كنت دايما باحس انهم كانوا عاوزين يفرضوا وصايتهم عليا.. وانهم - زي ما قلتلك - عاوزين يبقوا بابا هم كمان

اه لما كبرت عرفت انه خوف عليا.. لكن دا ما يمنعش ان الاسلوب كان خطأ

كانوا كمان دايما بيحسسوني انهم اكبر مني

وكنت بضايق اوي انهم مش مصاحبني ومش بيتكلموا معايا

كان كل الكلام عبارة عن طلبات.. يا اما بيغلسوا عليا.. على أساس اني عيلة صغيرة وماينفعش يتناقشوا معايا في حاجة

عارفة.. كان ممكن الكلام دا يأثر فيا وفي شخصيتي.. لولا ان ماما وبابا كانوا دايما يشركوني في مناقشاتهم

وبرغم اني كنت مبسوطة بكده.. وان اهلي بيدوا رأي قيمة.. الا اني كنت زعلانة من جوايا من نظرة اخواتي ليا اني مجرد طفلة.. وهم الكباااار

عارفة لو صاحبتك اخدت اختها معاها وهي بتشتري لبس حتى.. او بتختار اي حاجة ليها

عارفة لو حتى اخدت رأيها في مشكلة وهمية..

عارفة لو كلفتها بمهمة واعتمدت عليها في حاجة

هايفرق مع الاخت الصغيرة كتير

وهاتحس انها هي اللي بتاخد بالها من اختها الكبيرة.. وانها هي كمان مسئولة عنها

وزي ما اختها الكبيرة سمحتلها تتحكم في جزء من حياتها وتوجهها فيه... هي كمان هاتسمح بكده

لازم المعاملة بالمثل..

ربنا يهديهم لبعض ويخليهم لاهلهم

والله يا استاذ حسام كلامك جميل جدا جدا جدا

لا وكمان تربوى احنا درسنا الحاجات دى فى علم نفس النمو بس طبعا كلووو اتبخر

التنفيذ بقى هوا اللى هيكون صعب

هيا دلوقتى صحبتى المجنونة دى وصلت لمرحلة انها بتشك فى اختها

يعنى لو لقيت الشنطة بتاعتها متحركة من مكانها تقول ان البنت الصغيرة سرقتها

لو لقت ورقة من ورقها مش فى مكانها تقول ان الصغيرة هيا اللى عملت كدة

وطبعا مشاكل بقى وخناق وزعيق وضرب احيايين كثيرة

انا بتصعب عليا البنت الصغيرة احيانا

لانها الحقيقة مستفزة احايين اكتر

وصحبتى قالتلى انها قالت لابوها وامها

طبعا الرد كان عنيف وقالولها انتى مش هتعلمينا ازاى نربيها

ودى الاصغر

وانتى لازم تخلى عندك دم

وتعاملى اختك احسن من كدة

انتى ليكى مين غيرها والكلام الكتير دة

وانتهى الموضوع بخناقة بينها وبين بباها

يمكن الام كانت شوية مع البنت الكبيرة فى ان الصغيرة اصبحت متمردة

على امها كمان

بس فى وسط الكلام كدة سرسبت صحبتى وقالت انها بدأت الكلام معاهم بزعيق وخناق

قلتلها بلاش اسلوب الاوامر دة لانه مش مهذب واكيد مش هيتقبلوه منك

بس والله انا دوقتى الاتنيين صعبانيين عليا

لما قلتلها على موضوع هدية وحضن وبوسة ومعاملة كويسة

قالتلى الصغيرة دى على حد قولها _ زى القردة _ هتحس انه مقلب منى

ومش هتقتنع بيه

احنا بجد بنتكلم فى واحدة 8 سنيين بس دماغ 18 سنة على الاقل

واكيد زى اسماء ما بتقول الصغيرة ليها بردو ظروفها وحاجات هيا حاسة بيها

فانا والله فى كل مكالمة وكل مقابلة كل الكلام يبقى على الصغيرة

وافضل اقولها بالراحة وواحدة واحدة

اضحكى عليها

قربى منها

وكل الحاجات دى

بس واضح ان صحبتى هيا اللى دماغها --------- بدأت اشفق عليهم هما الاتنيين

ربنا يصلح الاحوال ويهدى نفوسهم

سعيدة جدا باهتمامكم احلى اصحاب
ومنجليكمش فى حاجة وحشة ابدااااااااا