سلبيات الثورة (نقاش)

السلام عليكم ورحمة الله وبركاته
قد يتخيل الناظر الي عنوان الموضوع لاول وهلة انني ضد الثورة
او اني احاول ان اسيء اليها
لذا وجب التنويه اولا انني ما وضعت هذا الموضوع
الا لنتناقش سويا في تلك السلبيات التي لا تخلو منها اي حركة جديدة
حتي وان كانت نظيفة طاهرة بريئة
ولنسعي سويا ان نمحي تلك السلبيات من حياتنا تماما
طالما امتدحت السنتنا الثورة وشبابها
ومنجزاتها
لكننا غفلنا كثيرا عن سلبياتها
وان كانت تلك السلبيات لم تفسد الثورة ولم تسيء اليها بفضل الله
..............................................
السلبية الاولي : فكرة الانشقاق والانقسام
بداية من ميدان التحرير وحتي الاستفتاء
السلبية الثانية : فكرة التخوين
السلبية الثالثة : الدكتاتورية في التعبير عن الرأي
السلبية الرابعة : تغيير مفهوم الاحترام
ختصة بعد ظهور العبارة الشهيرة
فلان بيشتغل عندنا
السلبية الخامسة : المطالب الفئوية الغير محدودة
السلبية السادسة: فكرة التعميم

طبعا تحت كل عنوان من دول ممكن اكتبلكم موضوع تعبير بس انا هسمع منكم وعايزين احنا نتناولهم
ولو مش واصل قصدي في حاجة هوصلها ان شاء الله
بس السلبية الرابعة بالذات هناقشكم فيها بالتقصيل لأني مقهورة بصراحة من اللي بقي يحصل

السلبية الرابعة
تغيير مفهوم الاحترام عند البعض
بصوا يا جماعة انا اتربيت علي حاجة من وانا صغيرة
احترام الكبير واااجب مهما عمل
الرسول عليه الصلاة والسلام قال
ليس منا من لا يرحم صغيرنا ويعرف حق كبيرنا" رواه أبو داود والترمذي
بل ان الاسلام اوصانا باحترام الكبير حتي وان لم يكن مسلما

فاخلاقنا وقيمنا تتعدى فتشمل الكافر لاننا نتعامل بقيمنا لابقيمهم موقف لعمر رضي الله عنه ـ مع ذلك الشيخ اليهودي الكبير يذكر أبو يوسف في كتابة (الخراج) "أن عمر بن الخطاب رضي الله عنه ـ مر بباب قوم وعليه سائل يسأل ـ شيخ كبير ضرير البصر فضرب عضده من خلفه فقال: من أي أهل الكتب أنت؟ قال يهودي. قال: فما ألجأك إلى ما أرى؟ قال: أسأل الجزية، والحاجة، والسن. قال: فأخذ عمر ـ رضي الله عنه ـ بيده فذهب به إلى منزله فرضخ له ـ أي أعطاه ـ من المنزل بشيء ثم أرسل إلى خازن بيت المال فقال: انظر هذا وضرباءه، والله ما أنصفناه إذا أكلنا شبيبته ثم نخذله عند الهرم {إنما الصدقات للفقراء والمساكين..} سورة التوبة 60. .... وهذا من المساكين من أهل الكتاب، ووضع عنه الجزية وعن ضربائه".

من بداية الثورة ظهرت لهجة غريبة جدا وظهرت عبارة علي كل لسان بتقول
فلان بيشتغل عندنا
انا الموضوع دة ضايقني لما شفت حوار دكتور علاء الاسواني مع دكتور احمد شفيق
علي قناة اون تي في
وبرر دكتور علاء اسلوبه غير اللائق في الحوار مع رئيس الوزراء السابق
انه بيشتغل عندنا
بالذمة دة كلام
ما هو لو هو بيشتغل عندك رئيس وزراء
فحضرتك بتشتغل عنده طبيب اسنان وروائي وكاتب او ايا كانت وظيفتك
اللي زود ضيقي
انه كان في اعتصام في الكلية عندنا لتنفيذ بعض المطالب زي
تخفيف المناهج وتعديل اللائحة الطلابية وااقالة وكيل الكلية وما الي ذلك
لما اتوجه الطلاب لمكان التظاهر
اظهر وكيل الكلية بعض التعالي ولم ينزل ليحاورهم
ولما الوضع زاد طلب انهم يتجمعوا في مدرج ويتكلم معاهم
رفضوا
وفي الاخر وافقوا فبعد ما اتجمعوا ساب المكان ومشي
طبعا الموقف دة زود الوضع سوءا
واستمر الاعتصام
فجه عميد الكلية وهو طبيب محترم بشهادة الجميع
والتقي مع بعض الطلاب ممثلين الدفعة واصدر بعض القرارات
وطلب منهم انهم يجمعوا الدفعة كلها في مدرج
علشان هو يبلغهم القرارات بنفسه
وقال انه مش عايز بينه وبين الطلبة وسيط
وانه عايز يكلمهم مباشرة
فلما نزل الزميل اللي بيبلغ الرسالة دي
رفض الزملاء انهم يطلعوا
وقالوا هو ينزلنا احنا ما نطلعلهوش
قالولهم يا جماعة دة عميد الكلية ورؤساء الاقسام
ومش هينفع يقعدوا في الجنينة وهيبقي الوضع هرجلة
وبعدين احتراما ليه دة زي والدكم
وهنا بقي سمعت العبارة الشهيرة
دة مش زي ابونا دة بيشتغل عندنا
فضلوا راقضين بتعنت شديد لغاية الدنيا ما مطرت واضطروا يطلعوا
وفي القاعة العميد فضل يشرح مقدمة طويلة عن امكانية تنفيذ الطلبات
والكل عمال يقوله خلص
هات المفيد
مطالبنا تتحقق وبعدين نتناقش
ايه دة؟؟
هو احنا ليه بقينا كدة
تلاقي قلة صوتهم عالي
يتكلموا بصوتنا بمنتهي الدكتاتورية
انا اتربيت علي اني احترم الكبير مهما اساءلي
هي انا اتربيت غلط؟؟
مش عارفة
انا شايفة اننا بعد الثورة صوتنا علي
بس مش بس علي علشان طالب بحقوقنا
لا علي كمان علشان نقول اي كلام ونعارض من اجل المعارضة ونهاجم بعض
ونقول يا مطالبنا تتنفذ يا اما بلاش
طيب مين هو الشخص في نظركم الذي لا يستحق الاحترام؟؟؟؟

دكتورة آية ...

ما تفعلينه هو من آليات الثورة ... هو نقد السلبيات فى ضوء الثورة

والا اصبحت ثورة عمياء بلهاء وصماء .. لا تسمع الا للهتاف والتصفيق

ومراجعة النفس والتصرفات هو من صميم الثورة

ولا يقل اهمية عن رصد المكاسب والنجاحات ...

هذه مقدمة اعجاب بصياغتك للموضوع ... وتقديمك الرائع له

لست ادافع عنك .. وانما اسجل اتفاقى معكـــِ

اقتباس :

طبعا تحت كل عنوان من دول ممكن اكتبلكم موضوع تعبير

ولهذا السبب ساحاول ان اكون منظما .. واشارك بالتفصيل - بمشيئة الله -

بس حبيت اسجل وجودى فى الموضوع المهم

ولى عودة طووووووويلة

اقتباس :

ساحاول ان اكون منظما .. واشارك بالتفصيل - بمشيئة الله -

بس حبيت اسجل وجودى فى الموضوع المهم

ولى عودة طووووووويلة

في انتظارك يا باشمهندس

اقتباس :

اننا محدثــــــــــــــــين ديموقراطية
واننا كنا في كبت شديد وانفجرنا مرة واحدة
ولا نعرف احترام الاراء والاختلافات وللاسف الشديد ...

أنا معاك في النقطة دي
بس قيمة زي قيمة الاحترام
اعتقد اننا اتربينا عليها من واحنا صغار
دي حاجة طبعا تختلف عن احترام الاراء
لان احنا اصلا لم يكن لنا اراء عامة او سياسية
يعني اراءنا كانت غالبا في بيوتنا
مستنياك يا بيبو

فعلا عدك حق بيبو
انت عارف في ناس انا كنت بخاف اكلمهم في موضوع الثورة دة ولا الاستفتاء ولا غيره
لحسن يفتكروني خاينة وعميلة
عارف المشكلة ايه كمان
كان نفسي انا كآية ما ابقاش متوقعة فلان هيقول نعم او لا
كنت هحس وقتها اننا فعلا شعب متحضر وبنفكر بعقلنا احنا العقل الفردي
مش عقل الجماعة
يعني انا مثلا كنت لما اعرف ان فلان من الحزب الناصري يبقي هيقول لا
لو ست بيت عادية هتقول نعم
لو من الاخوان هيقول نعم وهكذا
كان نفسي اغلط في توقعاتي علشان احس اننا ابتدينا بقي نفكر بنزاهة وما نمشيش زي الساقية ما بتودينا
مشاركة فعالة بيبو ومنتظراك

Dr_aya كتب:

كان نفسي اغلط في توقعاتي علشان احس اننا ابتدينا بقي نفكر بنزاهة وما نمشيش زي الساقية ما بتودينا

نقطة مهمة جداااا يا آية فعلا انا كنت بعمل كده اشوف فلان وده ينتمي لكذه يبقى هيقول كذا ومش عارف ليه فعلا الاتفاق ده وعدم الاختلاف يعني كله ماشي ورا بعضه ما حدش فكر من دماغه وطلع القرار من جواه سواء بنعم اولا وده للاسف هيودينا لنقطة تانية وهي اننا اختياراتنا مش هتبقى مبنية على عقل وحكمة لا دي هتكون مبنية على سياسة جماعة او حزب بدون اعمال للعقل ...

مين قال ان الثوره ملهاش سلبيات بالعكس ليها سلبيات واضحه

قدام اللى عايزين يشوفوها