علي فكرة يا نيرة انا كمان مش بحب البرادعي
بس اتضايقت قوي لما اتضرب في يوم الاستفتاء
دة مهما كان قيمة احنا كنا بنفخر بيها
عيبنا كمصريين اننا بنرفع انسان في السما في لحظة ونيجي رازعينه مرة واحدة علي الارض
زي اللي بيحصل مثلا مع واحد زي حسن شحاته
يا عيني طالع عينه من يوم ما مسك المنتخب
المهم
انا فهمت المقال بشكل تاني يا نيرة
- اقتباس :
- فقد تشكلت فى مصر «جبهة توضيب المرشح» مهمتها بهدلة من تسول له نفسه أن يترشح حتى لا يفكر أن ينزل الانتخابات أو حتى ينزل من بيته.. وتقول الجبهة المكونة من (بعض صحفيى الحكومة وبعض المذيعين) إن «البرادعى» على سبيل المثال لم يقف أمام عربة فول،
هو لم يقصد بالجبهة دي الشعب والناس العاديين هو موضح اهو انهم بعض الصحفيين وبعض المذيعين
يعني ابواق النظام
- اقتباس :
- وأنا لن أنتخب «البرادعى» أو غيره وسوف أنام خفيفا، لكن أين احترام الكبير والعطف على السرير،
لاحظي كمان انه لا يؤيد البرادعي
ومع ذلك هو بيسخر في الموضوع كله فكرة التلميع ثم التشهير
دة اللي انا فهمته والله اعلم
وعلي فكرة المقال دة تقريبا كتب في بدايات ظهور البرادعي علي ساحة الترشح للرئاسة قبل الثورة
نورتيني مرة تانية يا نيرو
واحلي تقييم قور ذا سكند تايم
علي طريقة باشمهندس حسام