اقتراح يا جماعة الخير

السلام عليكم
في فكرة كدة بتراودني من فترة
مش فاكرة اذا كنت عرضتها قبل كدة ولا لا
بس عامة انا هحاول اعرضها بالتفصيل وبكافة جوانبها
واشوف رأيكم وامكانية التنفيذ ان امكن
انا في الغالب لما بعرض اقتراح بحاول ادور علي الايجابيات
والسلبيات واحطهم مع بعض
لكن المرة دي مش عارفة الاقي سلبيات لغاية دلوقت
نشوف

الفكرة بقي اني فكرت ان يكون في المنتدي في كل فترة حملة معينة
يعني انا هديكم مثال حي وانا متخيلاه ازاي
اولا نحدد موعد لبدء وانتهاء الحملة مثلا من 1 ابريل الي 1 مايو
ثانيا نحدد موضوع الحملة مثلا القضاء علي الاباحية ومحاربتها وحجب المواقع الاباحية من مصر
ثالثا يبقي طابع المنتدي كله بيعبر عن مضمون الحملة
(وهنا بقي تكمن السلبية الوحيدة هي مش سلبية قد ما هي مشكلة وتعب (
علي المصممين طبعا
لان انا متخيلة واجهة المنتدي تصميم عن صميم الموضوع
كمان متخيلة مجموعة من التوقيعات والصور الشخصية تناسب موضوع الحملة
وتترك للاعضاء حرية الاختيار بينهم
ويبقي كل الاعضاء عندهم توقيعات وصور شخصية تعبر عن مضمون الحملة
ييجي بعدها بقي دورنا احنا كجزء لا يتجزأ في المجتمع
المفروض احنا بضميرنا وحسنا الواعي نجمع معلومات عن مضمون الحملة
معلومات علمية ودينيه ونحطها علي هيئة موضوعات في الاقسام المناسبة وما نكتفيش بكدة لا
نتناقش فيها ونوعي بيها الناس اللي معانا في البيت والجامعة وقرايبنا وجرانا وهكذا
كمان للناس اللي بيدخلوا الفيس بوك كتير ممكن ينشروا مواضيع الحملة عليه
دة تخيلي واكيد انتوا عندكوا ارا ء وافكار تانية
بس انا بداية مشفقة علي مصممي المنتدي
الفكرة دي انا نفذتها قبل كدة وكنت مشتركة فيها
كانت عن حملة توعية ضد سرطان الثدي
وكانت علي النت برضه
وفي شباب تفاعلوا جدا مع الموضوع لدرجة انهم عرفوا اماكن لسيارات فحص الثدي
دي مني وعنوانها وبتبقي موجودة فين ونشروا دة في المساجد في خطبة الجمعة
ها ايه رأيكم؟؟

شي جميل جدا يا اية والله
واقتراااااااااح رااااااائع جدا والله
وانااوافقك بالراي
بس في سؤال الحملة حتكووووون عن شوووووو
عن سرطان الثدي ولافي حملة تانية بموضوع تاني
ممكن الاجااااااابة يا دكتورة حتي افهم ياريت

ابداااااااااع بلاحدووووووووود

شكرا سوسو
لا سرطان الثدي دة كان بمناسبة ان في حملة وقتها تتزامن مع الموضوع وكان في سيارات
في مصر في معظم المحافظات فيها جهاز الماموجرام
اللي هو بيكشف عن المرض فحبينا نوعي بالموضوع دة
لكن انا اقترحت موضوع تاني للحملة كموضوع مؤقت عن القضاء علي الاباحية
وطبعا اي موضوع تاني عادي يعني دي حاجة احنا ممكن نختارها

اها فهمت عليكي يا عسل
بجد اقترااااح جميل
اتمني المشاركة والتفاعل مني ومن الجميع
ورضي كل الاعضاء علي هدا الاقتراااااااااح حتي نبلش في موضوع الحملة

راااااااااااااااااااااائعة يا اية والله

ما شاء الله عليكي يا أية
بجد فكرة جميييلة اوي
طيب بالنسبة لفترة الحملة.. ممكن تبقى أطول من شهر؟؟؟
يعني كل حملة شهرين مثلا.. ويبقى عندنا 6 حملات في السنة..
ليه بقى.. أولا: عشان فترة المشاركة تطول.. لان في أيام الأعضاء بتغيب بسبب الامتحانات.. والمشاركة بتقل.. ولو المدة طولت ممكن يلحقوا يشاركوا اكتر..
ثانيا: عشان التصميم :)))) هو سهل مفيهوش حاجة.. لكن انا كمان عندي امتحانات في مايو.. وممكن مقدرش اتواجد.. ولو كنت موجودة ممكن مالحقش أصمم حاجة حلوة تليق بالحملةوكمان بيبو وعمرو عنهدم امتحانات..
ثالثاً: لما المدة تطول.. هانلحق نستوعبها هنا كويس ونعرف اهدافها.. وبالتالي نقدر نطبقها في حياتنا.. وننشر أهدافها بين معارفنا..
دا رايي بخصوص المدة.. ومستنية ردك انتي والاعضاء
أما بقى بخصوص الأفكار.. انا عجباني اوي فكرة مكافحة الاباحية دي.. وممكن نتناولها من كذا اتجاه.. يعني من الدين والمجتمع وكل حاجة.. حتى ممكن نجيب أراء مجتمعات علمانية بتحارب الموضوع دا..
ونفسي جداااا ان المواضيع ماتكونش منقولة.. او حتى نصيغها باسلوبنا.. بجد هاتبقى تحفة..
وكماااان ايه رأيك في اخر كل حملة نعمل مسابقة عن أحسن مواضيع.. ونعمل كذا جايزة.. مثلا:
احسن موضوع.... ودي يشترط فيها ان الموضوع يكون مش منقول.. او منقول الفكرة لكن الكلام والصياغة بقلم صاحب الموضوع..
احسن نقاش.. لافضل رأي وأفضل نقاش اتقال في موضوع..
أحسن تصميم (مين يشهد للعروسة بقى :)) ) ممكن كمان يدخل فيها تصميمات من الانترنت شوفناها وعملنا بيها موضوع..
وياريت اللي بيعرف يكتب خواطر أو قصص لو عرف يألف حاجة مناسبة للحملة.. هاتبقى حاجة جميلة اوي..
::::::::::::::::::::
فكرتك حلوة اوي وانا متحمسة لها جداااا
يلا بقى ورينا همتك.. وفي انتظار احلى اصحاب

ايه دة يا سمسمة
انتي شجعتيني اكتر
فكرة الوقت مش هنختلف عليها خالص
وشهرين حلو قوي
وفكرة المسابقات كمان جميلة
وفكرة ان المواضيع مش منقولة حلوة كمان
طيب نشوف راي باقي الاعضاء ونبدا من ادلوقت علشان نستغل فرصة تواجد عدد لا بأس به من الاعضاء

طبعااااااا اكيد معاكى فى اقتراحك
والحملات دى اكيد بتبقى كويسة جدا والتوعية فيها مهمة
وحاجة بردو زى مكافحة الاباحية دة شئ مهم لانه انتشر بشكل وحش
وفى كل مكان
وابسط مثال ليها الكليبات
فانا ان شاء الله معاكو
ونشوف باقى احلى اصحاب هيقولوا ايه

تسلمى ايوته على المبادرة
وان شاء الله تكتمل الحملات على خير
ونقدر نفيد ونستفيد منها
واسماء طبعا كلامها عشرة على عشرة

الفكرة حلوة جداااااا
بس الشغل هيقع ع عاتق المصممين اكتر
يمكن المواضيع اللي هتنزل سهله ممكن انزل
كذا موضوع عن الفكرة الواحده في كذا اتجاه
عادي وسهل جداااااااا
بس المصممين ؟؟؟؟؟؟؟؟؟؟
لو يوافقوا يبقي تمام اوووووووووووي
يارتني بعرف اعمل الحاجات الحلوة دي
كنت هساعد بنسبه كبيرة
بس للاسف كلا ميسر لما خلق له

انا شايفة قبول مبداي
ناقصنا بقي راي الادراة
وان شاء الله برده نساعد المصممين نجيبلهم صور وكدة
اول ما ناخد الموافقة
نبتدي مع بعض نعمل بقي خطة للي هيحصل بالظبط علشان الموضوع يبان منظم
والله المستعان

أكييييييييييييييييد أفكار فووووووووووووووووووووووق الرائعة

وده أصلا كان الهدف اللي أنشأنا بسببه قسم
شباب مشتاق للجنة ولو انه أخذ منحى آخر

معاكم

وهي اخدتي يا دكتورة راي الادارة رووووووز
والحمدلله انو هي معانا في الموافقة
وربي يسهل الامر وبتنفذ اسرع فرصة
لانو انا راح اغيب فترة طويلة عن المنتدي بسبب اختباراتي والله

اسفة الادارة بيبو وعمرووو

ان شاءالله بيدخلووو وبيعطوووكي رايهم يا اية

شكرا لكل اللي اهتم بالموضوع
وانا هبدأ من دلوقت
وان شاء الله هدي الموضوع الاهتمام اللي يستحقة
وربنا يجعل كل دة ان شاء الله في ميزان حسناتنا جميعا

ماشاء الله لا حول ولا قوة الا بالله

ربنااااااااا يوفقك يا آية ويكرمك

فكرة رائعة وعايزة مجهود وطبعا المواضيع الحملات دة ماتتسيش تحطيها على الفيس علشان تاخد حقها برضو

اكيد طبعا يا باشمهندس باذن الله
ويا ريت لو عندك صور ولا حاجة تنفع للتصميم تحطها
او لو عرفت ترفع فيديوهات
احنا عارفينك مشغول بس برضه لازم الثواب ما يفوتكش باذن الله

و الله يا دكتورة مش عارفة اقولك آيه
بجد شغل جامد ربنا يجعله فى ميزان حسناتك
و تتم الفكرة للآخر و زى ما انتى و احلى اصحاب عايزين بالظبط
و ان شاء الله لو فكرة فى اقتراح جديد
مش هاتأخر عنكم بيه