يا ترى عنده حق؟؟

السلام عليكم ورحمة الله وبركاته


ازيييييييكم يا احلى اصحاب . النهاردة هحكيلكم على مشكلة واحدة جارتنا .. بس انا زعلانة عشانها اوووى

المهم ندخل فى الموضوع وعاوزة كل حد يقولى رأيه وبصراحة

جارتنا دى ست كبيرة بس مش اوى ممكن نقول 50 ل 53 سنة .. متجوزة وعندها بنتين وولدين .. بنتيتها متزوجات .. وولادها واحد عنده 25 سنة والتانى 22 او فى الحدود دى..المهم الست دى بدينة بدرجة فظيعة .. لدرجة ان سمنتها دى سببتلها امراض ومشاكل مش كويسة ( ربنا يعافينا كلنا ) .. المهم الست دى عملت عمليات وكدة .. ودلوقتى مش بتقدر تعمل بقى طلبات البيت وتلبى احتياجات بيتها وجوزها وولادها الاتنيين.. فبييجوا بناتها يساعدوها ويروحوا.. بس بردو ميمنعش ان نفوس ازواج البنات دى مش دايما هتبقى راضية وصافية للموضوع دة .. مع العلم ان البنات عندهم اطفال وبردو محتاجين رعاية .. فمن كام يوم كدة شفتها جاية مع جوزها واختها .. وماشية بالعافية يا عينى .. واختها بتسندها .. وبتعيط جامد اوووى

فانا مرضتش اسألها فيه ايه؟!! المهم بعدها جوزها بيقول لابويا انه كان واخدها هيا واختها .. ورايح يخطب واحدة .. عشان هيتجوز

بجد انا اتضايقت اوووى من الموضوع دة .. يعنى هوا بيلغيها وبيحسسها ان العشرة اللى كانت بينهم راحت كدة ببلاش .. وغير كدة واخدها معاه تخطبله .. يعنى بيكسر نفسها كمان..

تفتكروا الراجل دة من حقه انه يتجوز ويعمل كدة فى مراته؟؟
يعنى لو محتاج حد يساعد فى البيت .. ممكن جدا يجيب واحدة ست تروققلهم البيت وتساعد وتاخد فلوس .. او ممكن يجوّز ابنه الشاب دة

انا بجد متأثرة اوى من الموضوع دة وعاوزة اخود رأيكم فيه

هو صحيح مجرد رأى بس انا عاوزة حد يقنعنى الكلام دة ينفع ولا لا؟

وربنا ما يوقع حد فى مشكلة رخمة زى دى ابداااااااا

مممم نيرو مش شرط نيرو علشان احتياجات البيت بس
ممكن هي علشان سمنتها الزائدة ومرضها مش قادرة توفي حقوق زوجها وزوجها مش قادر يستحمل الموضوع ده
وحكاية واخدها معاه هو مش قاصد يجرحها هو ممكن يكون قاصده انه عايز يحل المشكلة وبيشركها معاه ومش عايز يتجوز من وراها
في رجالة بيكون تفكيرها كده

فبيقول يتجوز واحدة تشيل البيت معاها وتعطي له حقوقه وفي نفس الوقت ما يطلقش زوجته وتكون برضه معاه

بتعرفي يا نيررررو والله زعلت كتير من الموضوع هدا
الله يشفيها ويعافيها ويكوووون معها يارب
وهدا ابتلاء من ربنااا ولازم تصبر وتحتسب هدا كله لله سبحانه وتعالي
واتاكدي انو ربنا ما بينساها والله وراح يكووووون معها ان شاءالله
زوجها بحقله يتزوج بس مو بهاي الطريقة انوياخدها وهي تخطبله
انا بعتبر هاي اهانة للزوجة والله
كان بامكاااااااانه يجيب خدااااااااااااامة تقووووم باعمال البيت او يزوووج ابنه بدل ما هوا حضرته يتزوووج يا نيروووووووو
وزوجة ابنه هي الي تقوووووم باعمال البيت ولا يكسر خاطر امراته والله


الرجاااااااااااال ما بيصبروا علي الزوووجة بس بدهم الزوووجة تصبر عليهم هههههههههههههه

وجهه نظركم احتمال تكون صحيحة واحنا فعلا منعرفش ايه ظروفه

بس انا الموقف مزعلنى اوى وانا تخيلت نفسى مكانها بصراحة حسيت انه خاين جدا ليها

بعد العمر دة كله ياخدها كدة معاها تخطبله .. بس بردو فى الاول والاخر اكيد فيه اسباب هوا اتحط فيها احنا اكيد منعرفش الصورة كاملة

بس انا حبيت افضفض ليكم بالموضوع دة وخصوصا انى طول الليل امبارح بفكر فى موقفها

وانى شفتها وكانت بتعيط جامد جداا وانا معرفتش السبب

بس لما عرفت حسيت انها كانت مجروحة اووووى

ربنا يشفيها ويصبرها

ومعتقدش يا بيبو ان مرات جوزها دى ممكن تبقى مؤنس ليها

دى بقت ضورتها يعنى برضو موقف صعب

شكراااااااا ليكم احلى اصحاب على اَرائكم ومشاركتكم

ومعلش لو كنت دوشتكم بمشاكل مش مشاكلنا اصلا

بالظبط زي ما بيبو قال
أدينا بنشوف الدنيا ماشية إزاي
ربنا يشفيها يارب ويهدي الجميع

وكمان اهتمامكم وردكم على الموضوع فدة احساس اروع منكم بجد

وادينا بنتعلم فعلاااااااا

ربنا يكرمكم يارب ولا يوقعكم فى اى مشاكل لا قدر الله

والله مش عارفة شو احكيلك يا نيروووو
وفعلا مجرد احساسك بزوجته احساس رائع جدا وانتي رائعة باحساسك وبزعلك عليها
ويمكن فعلا يكون ظروووف زوجته هوا الي خلاه يتخطب
ربنا يشفيها ويعافيها

ياااااااه يا نيرو هقولك شي اختي
من الناحية الشرعية فاكيد ربنا حلل للزوج انو يتزوج اربعة على ان يعدل بينهما والجميل فموضوعك انها عارفة وبموافقتها
ومن الناحية الاجتماعية احتمال تكون الست المسكينة دي هي اللي طلبت منو يعمل كده لما شافت تقصيرها معاه في كل الجوانب بس كل رجل وعقليتو
في رجالة بيستحملو ويتقبلو قضاء ربنا وقدرووووو ويفضل مخلص لها ووفي ليها مهما قصرت معو واكيد ربنا هيعوضو وفي ازواج متستحملش الوضع ده
وهقولك شي اي ست مهما ضحت ومهما بينت انها راضية فهي اكيد موجوعة انو رح يكون مع امراة ثانية انما ادي الله وادي حكمتو
اسال الله ان يشفيها وان يجعل في هذه التضحية من اجل زوجها خيرا لها
وكما قال اخوتي في الله: الله اعلم يمكن في سبب اخر جعلهم يفعلو ذلك
تقبلي مروري

لا طبعا يانيره انا رايى من رايك ان دى خيانه وهو مش من حقه مهما كان انه ياخدها معاه ويروح يخطب يعنى مش كفايه انه هيتجوز عليها لا بيوجعها كمان رجاله معندهاش دم

كده يا نيرة .. جبتى لنا الكلام .......!!

اقتباس :

رجاله معندهاش دم

اغلبهم .. مش كلهم يا نور

اهلا بيكى اختى الكريمة نور ..
وانا مقدر والله احساسكم المرهف ده
الانسانية مسألة فطرية فينا كلنا
============
نرد بقى على سؤال نيرة - انا عارف انى متاخر ف الرد شوية -
بس الحقيقة اانا قريت الموضوع من زمان وحسيت ان احلى اصحاب
وفوا وكفوا .. واتفقوا
وانتى نفسك وافقتى ( او هديتى شوية بعد كلامهم )
بس انا نفسى اسال سؤال صغير :
لو ما كانتش الاسباب اللى انتى شرحتيها دى مبرر للزواج الثانى ؟
تفتكرى ايه الاسباب اللى تدى الحق ده ؟
( ما حدش يقولى الخلافات الكتير وانهم مش سعداء مع بعض وبيتخانقوا كتير
الكلام ده علاجه الطلاق - ابغض الحلال - ودوره عندما تستحيل العشرة بينهم )

واقسم انى لا اتحدث بتحيز ولا عنصرية
بالامس سئلت عن امرأة ارملة تجاوزت ال 40 عاما.. ولديها 4 من الاولاد
واخبرونى - غمزا - انها تريد تزويج ابنتها الكبرى لتتفرغ لنفسها ( لكى تتزوج )
فقلت : شرع الله وحلاله .. من يملك الحق ان يحرمها من الحياة ؟
ولماذا نحجر على الناس ونحرمهم من سعادة احلها الله ....!!!؟؟

اعتقد انها انانية وقسوة
--------------
وهل الوفاء = التضحية ام يساوى = الشقاء
اعتقد الوفاء = التضحية بالنسبة للزوجة الاولى - فموضوعك -

اما ان نطالب الزوج ان يمتنع الزواج - وفاءا - للاولى - فهو الشقاء بعينه
( وان اختار الصبر فله اجره ان شاء الله )

لسنا اكثر حكمة من خالقنا ... !!
===========
بارك الله لهما وبارك عليهما
وجزى الزوجة الاولى خير الجزاء .. هذه الصابرة المحتسبة قضاء الله

اقتباس :

كده يا نيرة .. جبتى لنا الكلام .......!!

اكيد مش كلهم فعلاااااا ههههههههه

انا فعلا استاذى سكت وخلاص .. لان الراجل خلاص كتب كتابه .. ومستنى يجيب العروسة على العيد .. عقبال عندكم كلكم

بس المشكلة انه مرة كان موجود وفضل يقول على مراته انها ست حلوة جدا .. وعمره فى حياته ما هيلاقى احسن منها .. وانه متجوز بس عشان يجيبلها حد يساعدها فى شغل البيت .. فانا كان نفسى ارد عليه واقوله على فكرة لو شغالة هتوفيلك كل اللى انت عاوزة من شغل البيت .. بس مردتش اتكلم بقى وقلت كل واحد ينام على الجنب اللى يريحه .. واكيد العروسة الجديدة اللى جايبها كشغالة دى .. طبعا مش هيعجبها انها تكون شغالة .. واكيد هيكون فيه مشاكل فى المستقبل .. وربنا يعينه ويتحمل بقى نتيجة اختياره

**

الست اللى حضرتك بتقول عليها دى ارملة .. يعنى محدش يقدر يقولها حاجة .. دة طبعا حقها انها تتجوز .. لكن لو راجل ومراته عايشة .. وياخدها كمان تخطبله .. ويفضل يهلفط بالكلام ويقول هيا اللى قالتلى اتجوز .. يبقى الراجل دة ربنا يعينه على اللى جاى

**

نورت ابو سلووومة ولو ردك جة بعد ميييييت سنة أكيد هيكون رد دسم وشافى وهام بالنسبة لى

وكمان شكرا لرشا ونووور