شكلي هبدأ اتفائل

بسم الله الرحمن الرحيم



دخلت الأم المطبخ لقت بنتها بتبكي.. سألتها مالك؟
كانت البنت حزينة لآخر مدى, وردت .
..قالت
لأمها: النهاردة اسوأ يوم في حياتي, أكيد مافيش حد ف الدنيا دي تعيس قدي!!
أمها سألتها: طب إيه اللي حصل؟
البنت ردت: أنا خسرت المسابقة اللي كنت
داخلاها وضاع تعب السنة كلها في لحظات..
وأقرب صاحبة ليا خانت العِشرة
واساءت لي.. حتى شريف الطفل الصغير اللي كنت بأزوره دايماً في دار الأيتام
اللي جنبنا, عرفت إنهم حجزوه في المستشفى وهاياخد علاج كيماوي! مش عارفة
ليه بيحصل كده؟ أنا ماعملتش حاجة في حياتي أستاهل عليها كده؟!!!!!



بيقولوا
الأم الشاطرة بتعرف إزاى ترسم الإبتسامة على شفايف ولادها.
.
الأم كانت
عارفة قد إيه بنتها دي بتحب أوي التورتة اللي هى بتعملها, فقالت لبنتها.
.
تحبي أعملك تورتة مـ اللي بتحبيها؟ البنت قالت لها طبعاً

الأم جابت
الحاجات اللي بيتعمل منها التورتة
, وقالت لبنتها: تشربي شوية زيت؟ البنت
استغربت اوي
وقالت لها: ماما انتي بتهزري!!
شوية وامها قالت لها: طيب كُلي
شوية الدقيق الأبيض ده!
البنت برّقت أوي وقالت لها: في إيه يا أمي هو ده
يتاكل؟
راحت الأم قايلة لها: طيب شوية الفانيليا ع البيض النى ده تقدري
تشربيهم؟
البنت قالت لها: أمي إنتي عايزاني معدتي تبوظ, طعمهم أكيد وِحش!

هنا
أمها قالت لها.. كل الحاجات اللي إنتي رفضتيها و(بتكرهيها) دي!
لما تتحط
على بعض ونزيد عليها نار كمان بتبقى في الآخر التورتة اللي إنتي
(بتحبيها!)


ربنا بيعاملنا كده.. كتير أوقات تحصل لنا حاجات صعبة ومؤلمة
وبنبقى ناقمين ع الظروف والدنيا ومش فاهمين كل الحاجات دي بتحصل لنا!! بس
الحاجات دي ممكن تكون هى نفسها, سبب في شىء في المستقبل
أجمل وأحلى
ماتخيلناهوش ولا كنا متوقعينه! كل شىء بيحصل لحكمة.. ربنا بيحبنا

يا سلام على الافكار

وابداع الام في التعليم

اكيد عمرنا ما هنحس بالفرحة

الا لما نشوف كتير حزن

بس ساعات كتير بتبقا المشاكل قوية اوى

لدرجة مش بنقدر نتحملها

علشان كدا ربنا ادى مكانة عالية جدا للصابرين

ياسمينا

طبعا مش غريب عليكي الموضوع

كالعادة متميزة جدااااااااااااااا

بجد قصة جمييييييلة اوووووووووووى
تسلم ايدك رحوبة