غسل الزوج للصحون مفتاح السعادة الزوجية

يااااه لو النظريه دى تتطبق فى مصرر

هنبقى اخر حلاوه
ههههه
بس هم لو مصممين على انهم يغسلو معندناش مانع

هههههه
انا عايزة من دة
ويا ريت يبقي بيعرف يعمل كل حاجة في البيت مش بس غسيل الاطباق
....................
نتكلم جد شوية بقي
المشاركة فعلا حاجة جميلة جداااا
وبتخلق جو من التفاهم والالفة
مش لازم تبقي في شكل واجبات
لكن من باب المساعدة والتقدير
وتقديم العون لأن الست لها حاجات اتخلقت تعملها والرجل كمان
فلا حرج في انه يشاركها من باب الود
واظهار التقدير وليس من باب الواجب
انا شفت بابا بيعمل حاجات زي كدة كتير
طبعا مش الفكرة في انه يغسل الاطباق
بس في انه يعرض المساعدة في اي حاجة قد تبدو انها مش من اختصاصه
وانا مش شايفة حرج في كدة خالص
يعني بيبقي المواضيع تفاريح كدة بغرض المرح
واظهار روح التعاون
يعني احيانا كان بيجيب اكله هو بحبها
ومثلا بتتعمل هناك في السعودية
واحنا ما نعرفش نعملها فكان بيعملها هو لاول مرة
واحنا كنا بنشاركه
ووقت الاكل بقي بيبقي احساس رائع
وبتبقي في حاجة كدة ما اعرفش ايه هي بتخلي للأكل معني
موضوع جميييييييييييل ياسمينا

انا فعلا متفق مع اية فى الراى

بس فى راى ان المداومة على العمل دة من غسل الاطباق او غيروا من الاعمال المنزلية هيتحول من وسيلة لاظهار الحب والمودة الى واجب على الزوج

يا سلااااااااااام والنبى يا اخوانا عاوزين الحملة الجاية ان شاء الله نتكلم فيها عن المشاركة وتأثيرها على السعادة الزوجية

وامسكوا اوى فى موضوع غسيل الاطباق دة

تسلمى ياسمينا فكرة بجد حلوة ودراسة ميه ميه

اها شي جميل جدا والله
والمساعدة حبوة خالص والله
تسلم ايديكي ياجميل

والله برافو عليكم
المنتدي كله عقول نضيفه
ياريت يا رحال متغريشي رايك
ايه كلامها صح جداااااااااااااااااااا
ونيرة فكرتك والله جات فبالي بس قولت
ان معظمنا لسه متجوزشي واللي مجربشي بردو
هيقول كلام يمكن ساعة التنفيذ ميقدرشي يعمله

جميل النقاش ده
ويارب يرزقنا بالازواج الصالحين
اللهم امين

اقتباس :

بس فى راى ان المداومة على العمل دة من غسل الاطباق او غيروا من الاعمال المنزلية هيتحول من وسيلة لاظهار الحب والمودة الى واجب على الزوج

اعتقد اصلا يا عمرو ان ما فيش واحد هيعمل الاعمال المنزلية دي اللي مش من اختصاصه اساسا كل يوم وعلي الدوام
دة بيبقي في ظروف معينة لو شايف زوجته مريضه مثلا أو مشغولة جدااااا
انما اللي علي طول دة دة بيبقي في حالة تانية خالص بقي
لو مراته مفتريه
اصل هو كمان مش فاضي وعنده شغل
وبعدين الفكرة مش في ان الواحد بس يساعد مراته
هي كمان ممكن تساعده لو شغله مثلا ممكن يبقي جزء منه في البيت
وهي تقدر تساعده فيه
او علي الافل خااااااالص
توفرله جو هادي يشتغل فيه
ربنا يهدي بال جميع الازواج يا رب

مش عيب خالص ان الراجل يغسل الصحون او يساعد

فى اى اعمال منزلية

ومش عيب كمان ان ترعى الزوجة زوجها

واريد ان اضيف على موضوع ياسمينا الرائع

ودا بجد عن تجربة

وادعو كل المتزوجين لتجربة دا

حاولوا تتشاركوا مع الزوجات فى طاعة الله

يعنى نصلى العديد من النوافل سوياً

ان يكون الورد اليومى من القرآن له ميعاد مشترك بينكم

انت تقرأ صفحة وهى صفحة

تصححوا لبعض

بجد هايكون الامر مختلف عشان ربنا سبحانة وتعالى

سيضفى الطمئنينة والحب وماادراك بقيمة حب الله والحب فى الله

والاجتماع على طاعتة

بجد طمئنينة وصبر وروعة فى العلاقة

وتقدير لكل الاطراف

استاذي
والله يا استاذ معاذ مواضيعي مش بتكمل الا لما تمر عليها
ولما بنزل موضوع ومش بتعلق عليه بحس انه مش عاجبك
واضافاتك دايما في كل المواضيع بتبقي قيمة اكتر منه نفسه
طبعا مش عيب المشاركة بين الزوجين

اقتباس :

حاولوا تتشاركوا مع الزوجات فى طاعة الله

يااااااااارب اعمل كدا انا كمان يااااارب
ربنا يهدينا لطاعته ويجعلنا زوجين صالحين


بالمناسبة يا استاذي
كنت عاوزة اسال هو انا بعد ماكتبت كتابي
لازم اقول لبدر ع كل حاجة ؟؟؟؟؟؟
ولما اخرج لازم اقوله ولا عادي عشان انا لسه في بيت بابا ؟

بالمناسبة يا استاذي
كنت عاوزة اسال هو انا بعد ماكتبت كتابي
لازم اقول لبدر ع كل حاجة ؟؟؟؟؟؟
ولما اخرج لازم اقوله ولا عادي عشان انا لسه في بيت بابا ؟
************

رائىى الشخصى رحاب

ان التعاون فى كل حاجة بس كمان يجب مراعاة الآتى

1/ توقيت الابلاغ عن خبر ما

2/ نوع الخبر

3/ اعرفى ان المشاركة اكيد بتقرب وجهات النظر كمان تدعم الحب

وتظهر الحرص على الطرف الآخر

بس الحكاية محتاجة فطنة وكياسة واكيد ان شاء الله موجودين بوفرة فيك

وكمان اكيد من فترة خطوبتكم انت عرفتى متى تتكلمين ومتى تصمتين

ومتى تقولين خبر قد يخفف عنه

ومتى تقولين عتاب ومتى تطلبين طلب وهكزا

**********

اما ان كنت تقصدين دينياً

فكل شىء يجب ان يكون بمعرفتة

زى الخروج والدخول وزيارة فلانه

او اهداء كزا

ونوعية الملبس

وكل الحاجات دى اكيد من حقة معرفتها

لكن اعلمى ان فعلت كل دا عن حب واقتناع هاتاخديه بحب كمان يعنى حتى وان كان

متعنت قليلاً فى قرار هتاخدية انت على انه حب وغيرة وخوف عليك

اما ان اختيه على انه حريتك ومش من حقة وكدا

فهايكون وقعه عليك مش كويس

هايكون تسلط وكبر وتحكم

شوفتى الفرق رحاب

مع ان المواقف من الممكن ان تكون واحدة

اختى الفاضلة نصيحة من اخ

حبية واحترمية وقدرية

واعلمى مقدار مايتعرض له من ضغوط

رحاب

بجد كونى

السكن والملجىء والحل

لكل المشاكل

بلاش تبقى انت نفسك المشكلة

**********

اعزرينى رحاب ان كنت تجاوزت حدودى

بجد آسف

بس الله اعلم انى لم اقصد سوى التزكرة والارشاد ان صح تعبيرى

ربنا يوفقك

وتملى لنا المنتدى ولاد وبنات

ميرسي يا معاذ بجد انت استاذي واستفدت منك كتير
انهردا وقبل كدا طبعاااااااااااااااا
انا الحمد لله بقيت بعرف اتعامل معاه كويس
ولو حاجة انا عاوزاها بخليه هو اللي يقولها واقنعه
اني بنفذ طلبه طاعه له بس بحاول احسسه دايمااااااااااا
ان هو اللي بيقرر وفالاصل القرار بيبقي قراري اصلاااااااااااا
ربنا يوفقنا ويجعلني زوجة صالحة

اللهم آمين

عارفة رحاب

بجد حب الطرف الآخر حاجة مهمة جدا لتقبل قراراته

حتى لو خطىء هاتلاقى مليون عزر

وكمان هاتخليكى تقبليها بسعادة

وبدون ضجر خليك دايماً رحاب نعم العون

ونعم الزوجة اللى بتراعى جوزها

وبتحبة ولما توصلى للمرحلة دى اللى بتيجى مع العشرة وجمالها

ان شاء الله حياتك هاتبقى كلها سعادة

وافتكرى دائماً ان طاعتة واجبة وان النقاش اكيد له اصول

فما بالك بالنقاش مع زوجك

احسبك على دراية وخلق راق رحاب

واتمنا لك كل سعادة فى حياتك

ربنا يوفقكم ويخليكوا ويرزقكم الزرية الصالحة

اللهم آمين

اللهم امين يارب اكون كدا فعلا
عارف يا استاذي احلي حاجة عجبتني في كلامك وحستها
اني حاسة ان الكلام من اب لبنته فيه طيبه ونصح باللين
دخل جوايا والله ع طول
لاني من النوع اللي بيحب السياسة والعنف فالكلام بقابله
بعند عنيف وقوي
بس كلامك اثر فيا جامد حاسة ان حد مر بتجربة
وبيقولي فايدة التجربة دي
بجد كلمة شكرا دي ملهاش وجود قصاد كلامك
وادعيلي اكون زوجه صالحة ياااااااااااارب

اقولك ع حاجة
احنا معندناش كتب كتاب قبل الفرح بكتير
فانا خايفه م الفترة معرفشي ليه والله
بس خايفه
فاضل كام شهر ربنا يعديهم ع خير

لا تخافى رحاب

الوضع زى ماهو

انت متزوجة من فترة خطوبتك مع الفارق طبعاً

بس قصدى فى الارتباط وكثير من التعامل

متخضيش وتكبرى الحكاية واعرفى انك انت وهو لسة بتتعلموا يعنى

زى ماانت قلقانة هو كمان قلقان

بس انا عايزك سعيدة انت ان شاء الله داخلة على حياة

ان شاء الله حلوة جداااااااااااااا

فيها المشاركة والتعاون والحب

وكمان المسئولية والاستقلاليه الاسرية

يعنى انتوا الاتنين هاتبقوا مستقلين هو عن اهله

وانت كمان

انت فعلاً تستحقى كل خير

وان شاء الله ربنا ييسر لك احواك ويهديك له ويهديهولك

فعلاً ياسمينا مااقولة تجربة بجد شخصية

ومن وجهة نظرى كانت ناجحة بكل المقاييس واتمنى من الله

ان تكون حياتك اسعد واوفر حظاً منى

بس يجب السعى ومفتاح رضا الزوج

التقدير

رحاب

التقديير

تقديرة نفسياً عند النجاح

المساندة عند الازمات

المشاركة فى رضا الله بجد حاجة مهمة جدااااااااااااااااااااااااااااااااااااااااااااا

ومش عايز اقولك انا تحت امرك فى اى استفسار

بل بالعكس هاكون فى منتهى السعادة

بس لازم رحاب تكونى مقدرة لما يقوم به من دور

كمان هتلاقيه هو بيقدرك

وكونى دائماً صاحبة المبدرة الحسنة

وعلى فكرة رحاب

بجد

يشرفنى ان يوصلك احساس انك زى بنتى بجد يشرفنى

ربنا يبارك فيك ويوفقك

اقتباس :

وكمان المسئولية

اهو انا خايفه كل الخوف من دي
معقول رحاب اللي كانت م فترة قريبه لابسه جيبه فوق الركبة
وضفيرة تشيل مسؤليه راجل وبيت بكل مافيه
وتغسل وتطبخ وتكوي وتروق يا ماما
حاسة اني مش هكون قدها بس والله والله انا اتغيرت عن الاول
انا مكنتش بشيل ورقة م الارض
دلوقتي بقيت بعرف اعمل رز واشوي سمك وصواني بطاطس
بس كدا بصراحة وحاليا لسه غاسله سجادتين والله اينعم انا وماما
بس قبل كدا مكنتش بعرف اعمل حاجة

والله خايفه اوي
من الكام شهر دول
ومن بعد الجواز
ربنا يقدرني ياااااااااااااارب
عقبال ماتشوف بناتك يااااااااارب وهم عرايس

ربنا يقدرك ان شاء الله

عارفة رحاب

اهم حاجة فى الفترة دى

الاستعداد

من استعد لشىء وعمل حسابة واخز باسباب النجاح

اكيد ربنا هايوفقة

ابدأى كمان ركزى فى الحاجات اللى انت حاسة انها ناقصاكى او انك مش

متقناها كويس

وسيبيها على الله

(على المرء ان يسعى وليس عليه ادراك النجاح)

اجمل حاجة فى مشاعرك دى

انك فعلاً عايزة تكونى على قدر المسئولية

انك فعلاً حعايزة ترضية

انك فعلاً عندك رغبة فى النجاح

واكيد ان شاء الله هاتنجحى

ايوة والله
طبعا عاوزة اكون قد المسؤليه
وبحاول اتعلم
دانا طول النهار قاعدة عالنت بشوف الاكل
وايه ينفع مع ايه
وايه يفيدي فالحياة وبحاول اطبقه مع بدر


ميرسي يا استاذي تعبتك معايا والله
ربنا يجعلنا كلنا ازواج صالحين

اللهم آمين

ولا تعب ولا حاجة تعبك راحة رحاب

للمتزوجون فقط


نصائح للازواجوالزوجات


على فكرة رحاب الموضوع دا

فيه معلومات كويسة جدا للطرفين

وشوفى بجد دول بقة رحاب مفيدين جدااااااااااااااااااااا
ليست كل البيوت تبنى على الحب، كما قال الفاروق عمر رضي الله عنه، فأين الرعاية والتفاهم ؟ أين حدود الله التي يقف عندها المسلمين والمسلمات ويتحاكمون إليها ؟
يقول سبحانه : {فَلاَ
وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ
ثُمَّ لاَ يَجِدُواْ فِي أَنفُسِهِمْ حَرَجًا مِّمَّا قَضَيْتَ
وَيُسَلِّمُواْ تَسْلِيمًا} النساء(56)

:ادفعي زوجك نحو النجاح

يقولون: "وراء كل رجل عظيم امرأة عظيمة" هل فكرت يومًا أن تكوني تلك المرأة العظيمة التي تجعل من زوجها رجلاً عظيمًا؟

أسرار النجاح، وما هو دورك المنتظر لتيسير تلك الأسرار أمام زوجك :

1- ذكرى زوجك دائمًا باستحضار النية الصالحة في كل عمل، ولا تدفعيه لشيء فوق طاقته، فيلجأ لطريق حرام، أو فيه شبهة لتلبية طلبك،
ولتكن وصيتك دائمًا له كوصية تلك المرأة الصالحة التي قالت لزوجها: (اتق الله فينا، ولا تطعمنا إلا حلالاً، فإننا نصبر على الجوع في الدنيا، ولا نصبر على النار في الآخرة).

2- اقتربي
من الواقعية في وضع الأهداف، فإذا رأيت أن زوجك يضع أهدافًا خيالية
فاجذبيه إلى الواقعية برفق وهدوء، واتبعي المرحلية في وضع الأهداف
وتحقيقها، فالهدف الكبير يمكن أن ينقسم إلى عدة أهداف جزئية،
3- طالما حدد الإنسان أهدافه، لابد من التخطيط السليم المنضبط لتحقيق تلك الأهداف، ويحتاج التخطيط السليم إلى المعرفة التامة بالعمل، فعليك إذًا توفير الجو الملائم للزوج لمساعدته على إنجاز مهمة التخطيط للعمل، وهو
هادئ النفس، مرتاح البال، ساعديه في حصر كل ما يحتاج إليه لإنجاز العمل
الذي يقوم به، وشاركيه في وضع خطة خمسية مثلا يتم فيها إنجاز شيء مهم
للأسرة كل خمس سنوات.

أمر الله سبحانه وتعالى بإحسان العمل وإتقانه فى كل الظروف والأحوال، وقد قال الرسول عليه الصلاة والسلام: «إن الله يحب إذا عمل أحدكم عملاً أن يتقنه»
5- اكسبي زوجك الثقة بالنفس، فامتدحي فيه الصفات الحسنة، وذكريه بنجاحاته السابقة التي حققها في حياتك معه، أو قبل زواجكما،

7-
إن أي نجاح في الدنيا مبتور إذا لم يتصل بفعل الخيرات، ولا نعنى الفروض
التي فرضها الله تعالى علينا، فأمرها مفروغ منه، بل نعنى ما يتقرب به
الإنسان المسلم من النوافل والصدقات لذا ادفعي زوجك دفعًا (((حنونًا))) نحو كل الخيرات.
8-
ساعدي زوجك على أن يكون من أصحاب النفس الطويل بعدم الإلحاح عليه بطلباتك
التي تفوق قدرته، فيضطر لترك عمله للانتقال إلى آخر دون أن يحقق شيئًا فيه،
فيفقد التفوق في كليهما.
9- لا تخلو الحياة
أبدًا من العقبات والعراقيل، ولكن العقل الواعي السائر نحو النجاح يعتمد
دائمًا على همة عالية تدفعه لتخطى العقبات، والصبر عند الملمات، وهذا سيد الخلق عليه الصلاة والسلام يخاطبه ربه قائلاً:
{يَا أَيُّهَا الْمُدَّثِّرُ * قُمْ فَأَنْذِرْ * وَرَبَّكَ فَكَبِّرْ *
وَثِيَابَكَ فَطَهِّرْ * وَالرُّجْزَ فَاهْجُرْ * وَلَا تَمْنُنْ
تَسْتَكْثِرُ} المدثر:1-5، إنها دعوة لنفض غبار النوم، وخوض معترك الحياة لإعمار الكون، ولكي يكون زوجك عالي الهمة يجب أن تكوني أنت كذلك أولاً.
0- اعلمي أن الإنسان لا يحتاج في حياته شيئًا أكثر من الصبر، وفى الحديث عن رسول الله صلى الله عليه وسلم: «واعلَمْ أنَّ النَّصْرَ مَعَ الصَّبرِ، وأنَّ الفَرَجَ مَعَ الكَرْبِ، وأنَّ معَ العُسْرِ» ،
11- نجاح فاشل !

ليس كل الناجحين سعداء، بل هناك ناجحون نظنهم في قمة السعادة، وهم تعساء
يتمنون زوال تلك النجاحات، فالنجاح الذي يأتي على صحة الإنسان الجسمية
والنفسية
والأخلاقية هو في الحقيقة نجاح مدمر،

إن الحياة توازن بين أشياء عديدة، الإخلال بشيء منها يدفع الحياة نحو الكدر والفشل والخسارة، ذلك التوازن لن يوضحه أروع ولا أجمل من حديث رسولنا الحبيب صلى الله عليه وسلم: «إِنَّ لِرَبِّكَ عَلَيْكَ حَقًّا وَلِنَفْسِكَ عَلَيْكَ حَقًّا وَلِأَهْلِكَ عَلَيْكَ حَقًّا فَأَعْطِ كُلَّ ذِي حَقٍّ حَقَّهُ»

اقتباس :

(اتق الله فينا، ولا تطعمنا إلا حلالاً، فإننا نصبر على الجوع في الدنيا، ولا نصبر على النار في الآخرة).

الحمد لله الحمد لله
احسن حاجة عملها حمايا في
ولاده ..انه رباهم كويس وعرفهم الحلال
والحرام وده الحمد لله احسن من انه يساعدهم ماديا
وبس انا حاسة اني مع بدر مطمنه ع النقطة دي لانه الحمد
لله بدي لشغله حقه وبيشتغل باتقان ومابيقبلشي قرش حرام فانا مطمنه

اقتباس :

2- اقتربي
من الواقعية في وضع الأهداف، فإذا رأيت أن زوجك يضع أهدافًا خيالية
فاجذبيه إلى الواقعية برفق وهدوء،

بدر طموح اوي
وانا بكسر طموحه ده بقوله
كفاية الشركة بس هو مابيسمعشي كلامي
لا ان شاء الله هحاول اشاركة فاحلامه هي بصراحة
واقعيه وسهل تتحق لانه ما شاء الله شاطر اوووووووووي

اقتباس :

للمتزوجون فقط

انا هقرا وارد عليه
ولما يجيلي بدر ان شاء الله
هخليه يقراه هو انسان متفتح اوي
ومثقف وهادي وباله طول عليا
ربنا يصبره عليا يااااااااااارب



استاذي
ربنا يفرحك ببناتك يارب
ويقدرك تكون عون ليهم فالحياة
وبصراحة يابختهم بحضرتك
خير اب خير انيس ليهم في وحدتهم

استاذي
ربنا يفرحك ببناتك يارب
ويقدرك تكون عون ليهم فالحياة
وبصراحة يابختهم بحضرتك
خير اب خير انيس ليهم في وحدتهم************

الله اكبر

ربنا يبارك فيك اللهم آمين

انت وبناتنا وبنات المسلمين

ويارب اكون فعلاً زى ماانت شايفانى