الشعب يريد الدقيقة بجنية ونص

بسم الله الرحمن الرحيم



انا خلااااااااااااص فاض بيا ومليت على رأى اللى بيقولوووا كدة ..

ايه يا ناس كمية الاستخفاف او ممكن نقول يعنى ( اعذرونا فى اللفظ ) قلة الادب والفضا دة..

هو انا المطلوب منى انى اغير كل يوم خط جديد عشان خاطر المعاكسات دى.. والمكالمات دى .. والتفاهات دى ..

يا جماعة الموضوع دة بجد حاصلى حقيقى .. انا اخر خط مغيراه دة ميعرفهوش غير 3 صحابى بس واخواتى وامى ..

يعنى اكيد مش اخواتى اللى هيتصلوا بيا يعاكسونى .. ولا صحباتى القريبين منى .. واكيد مش ماما (( مع انى شاكه فيها شوية ))

المشكله ان رقم طويل وعريض القاه بيرن .. اقول دة م السعودية دة ولا ايه.. ايام زمااااااااااان الرقم الطويل دة كان بيكون من بره مصر .. دلوقتى الارقام المصرى بقت اطول من السعودى

افتح وبصراحة مش بتكلم اخلى الطرف التانى يبدأ الاول .. عشان اشوف لو كان صوت حريمى او حد اعرفه برد .. صوت مش اعرفه اقوم متخنة صوتى واقوله ((نعـــــــــمــ ))
المهم بقى يا اخوانا انا سمعت حاجة متتسمعش .. حاجة خلتنى ارمى الموبايل وتحصلى حالة زهول .. وشلل خفيف مؤقت لمده 10 ثوانى.. من بعدها قفلت التليفون ونمت مخضوضة

ليه كدة يا نااااااااااس؟

كتر فلوس صح ؟ حد يقولى صح ؟ اصل المصريين دول كلهم فلوس

ولا هيافة ؟؟.. لا هيا هيافة فعلا

لما شركة موبايل محترمة (( مش اوى يعنى )) تقول الخط ببلاش ولا ايه كماااااااااان

عليه دقايق ورسايل ببلاش

فطبعا كل من هب ودب هيبقى معاه خط واتنيين وتلاتة ميضرش عشرة

وموبايل واتنيين وتلاتة

والدقايق ببلاش فاكلم اى حد فى اى وقت واعمل اى حاجة واقول اى حاجة..

فانا بطــــــــــالب بقى اهل المنتدى اننا نطلع الاربع الجاى على ميدان التحرير رافعين شعار

(( الشعب يريد الدقيقة بجنية ونص ))

زى زمان .. الرنات كانت هيا اللى شغالة .. واللى يتكلم دقيقة دة يتقال عليه " يا غنى يا ابن الغنية "

الكارت ب 100 جنية ونجيبه ب 115

ويقعد 3 شهور

وفترة سماح وفترة دعاء

دلوقتى بقى عاااااااادى وايززززززى وكوووووول

بس مش لاقيه حاجة تانية اقولها


غير انى متغاظة اووووى من الموضوع دة


حد عنده حاجة عاوز يقولها ؟؟

اها انا عاوزة اقول
ان المفروض المعكسات دي شغل قديم واتلغي
والله يا نيرة انا يوم وانا رايحة الكلية واحد فضل يتصل
بيا لدرجة اني مش لاحقة اقفل الموبايل قمت فتحت الموبايل
وطلعت البطارية م راضي يتقفل وحد بيرن عليا

فضاااااااااااااا ناس فاضية والله
ياريت والله الدقيقه ترجع زي زمان عان الناس المعاقة
دي تتلم بقي وترحمنا

مرة رديت لاقيته واحد فضل يتصل يتصل كان فاضل
شرطتين وخايفه يفصل ومعرفشي اكلم ماما
كنت ف محاضرة رديت قولتله
ابوس ايدك انا في محاضرة والموبايل هيفصل
قالي حاضر اسفه ...قولت ايه الزوق ده

بعد ساعه اتصل هاه خلصتي المحاضرة
_
انتي عارفه انا غيرت كام خط من يوم مامسكت موبايل
استني اعدهملك
والله اكتر من 6 خطوط
بس اخر واحد ده مقدرشي اغيره لان بدر هو اللي جايبه
فمكسوفة اقول هغيره

بس ده مايمنعشي ان في اوقات بقفله م قلة الادب دي
وحاليا قافلة والله قبل مانزل
بقي عاااااااااادي

المكلة اني اقفله فالبيت مش مهم
انما لما حد بيغلس وانا بره البيت بتبقي
مشكلة لو ماما اتصلت ولقته مقفول
هي بتقلق عليا اوي وانا مقدرشي اقفله وانا بره

مرة قفلته وانا بره
جيت والله لاقيت اخواتي الولاد
راحوا لاصحابي اللي بسافر معاهم وبابا واقف
فالشارع عمال يتصل بولاء المشكلة الكبري
انها كانت غيرة رقمها ومكنتش لسه ماما تعرفه


سوري للاطاله

لا اطاله ولا حاجة

انا اصلا كاتبه الموضوع دة عشان اللى نفسه فى اى حاجة يقولها

عجبتنى اوى الجملة دى

اقتباس :

ياريت والله الدقيقه ترجع زي زمان عان الناس المعاقة
دي تتلم بقي وترحمنا

فعلا الناس دى مينفعش يتقال عليهم غير معاقين

بس والله البلد دى مليانة فلوس

ويقولك احنا فقرا وتحت خط الفقر وتحت خط الاستواء

اصله طالما اشترى خط

يبقى اكيد هيشترى موبايل

وطالما هيشترى موبايل يبقى دة ليه دخل وبيشتغل

مش هقول يعنى شغال وزير

بس اهو شغال وبيجيب فلوس

انا بشوف ناس والله معاها بدل الموبايل تلاتة

ومحدش يقولى اصل اسعارهم رخيصة

لا دة معناه اننا معانا فلوس ومش فقرا

وبردو غبية اوى لما تقفلى موبايلك والناس تقلق عليكى

عارفة انا اخر ما زهقت امبارح افتح على الرقم واحطه على

hold

والغباوة انه بردو يفضل فاتح

ايه التوخولوف دة . ربنا يرحمنا منهم

اقتباس :

لدرجة ان الخط بجنيه وزي ما انتي عاوزة
وفيه نص جنيه كمان

لالالالا خاااااااااااااااالص

انا شفت خط موبنييل وفودافون ببــــــــــــــــــــــــــــــــــــلاش

والناس كمية الفضينة عندهم بقت كتير

والتفاهه بقت فى كل مكان

والبعد عن الدين كمان من اهم العوامل

اقتباس :

ربن يهدي والله
بس احسن شئ التجاهل ولا تردي ولا تتكلمي
ده بيريح الزبووون خالص
وبيخليه ما يفكرش يرن تاني ...

هههههههههههه حلوة الزبون دى

لا دة فيه زبون يعشق انه يتفتح عليه وفيه ناس بتوصل معاها الميسدات ل 50 ميسد كوووووول



ربنا يهديهم فعلا انا دلوقتى معظم الوقت

" الهاتف الذى طلبته غير متاح مؤقتا "

نورت بيبو بكلامك الجميل

**

هيا فكرة بردو يا دوندون بس تصدقى انا فكرت وقلت ان الرقم دة وصاحبه

اقل من انى افكر انه اتصل على الشركة واحطه ف البلاك ليست

لان المكالمات المحظورة عندى على الموبايل خاصية لازم تتفعل من الشركة نفسها

اقتباس :

معتش عندي حاجة اقولها

واللى قلتيه كفاية جدا ومهم جداااااااااا

نورتـــــــــــــــ ــــــــــــــــــونى