الطريق

الصراحة موضوعى موضوع ملموس كلهم هتحسوا بيه بس بجد لازم نغير من العادات دى وياريت نبدأ بنفسنا احنا اللى حققنا الثورة واتبهدلنا يبقى لازم نغير كل حاجة


موضوعى النهردة عن الطرق يعنى بمعنى اصح المشى فى الشارع الحمد لله ان احنا مسلمين وربنا ورسولنا وضحوا لينا كل ده فى سلبيات كتير جداا بلحظها كتير فى الطريق

اولها مثلا : ازاى يعنى تبقى ماشى فى الشارع وحد قدامك ومحدش يفكر يتنازل لتانى ويعديه ازاى وخاصة لما يكون راجل وست تلاقى الحد جاى فى وشك ومفيش اى نوع من التفكير لامبالاه متنهية ازاى الست تتنازل وتوسعله ازاى مش فاهمة .


ثانيا : النظرة بجد يعنى الواحد لازم يمشى فى الشارع محافظ على غض البصر تلاقى الناس يبصولك فى عنيك وغصب عنك حتى لو بنت بتبص لبنت ليه تجرحى او تجرح غيرك بنظرك عليه متتلهى فى همك .

ثالثا : الصوت ممكن تلاقى واحد ماشى وراك او جنبك او قدامك وتلاقى صوته عالى وانت سامع الموضوع اللى بيتكلم فيه ليه تجبر غيرك يسمعك



رابعا : البصق فى الشارع والسجاير والبرفن الزايد اوى اللى بيقلب بطننا ليه يعنى لازم نش روائح وتفضل فى المكان اللى انت مشيت منه بعد متمشى بساعة .

خامسا:رش المياه يرش قدام المحل او البيت واللى يمشى تتبهدل هدومه ليه ال يعنى الهوا هيدخله ولا التكييف هيشتغل من الرش

الرسول قال : غض البصر وكف الاذى ورد السلام والامر بالمعروف والنهى عن المنكر .




ياريت نتغير ياريت نجدد سلوكنا ونجدد حيتنا ونغير من نفسنا علشان نكمل مسيرتنا اللى ابتدت وفى نص الطرؤيق سبناها .