صينية قرع العسل ببشاميل حلو (عمايل ايديا )

صينية القرع العسل ببشاميل حلو
المكونات
كيلو قرع عسل
نص كيلو سكر
(ممكن كيلووكيلو للناس اللي بتحب السكر كتير )
مكسرات
(زبيب جوز هند سوداني علي الأقل )
نص كوب لبن
5 معالق كبيرة نشا
3 معالق سمن أ و زبدة

الطريقة
نحط القرع مع السكر علي النار بدوووووووون ماء
هيغلي وينزل ميته لغاية ما يبقي طري جدا وسهل الهرس
هنصفي القرع من اماية والسكر اللي هتطلع منه
علشان هنستخدمها في عمل البشاميل الحلو
نهرس القرع مع المكسرات لغاية ما يبقي زي العجينة كدة
نحضر بقي البشاميل كالتالي
نجيب الماية اللي طلعت من القرع وناخد منها كوبايتين ونحط عليهم كوباية ماية باردة
في نفس الوقت نكون دوبنا النشا في نص كوباية اللبن
ونفضيها علي خليط الماء والماية اللي طالعة من القرع ونسيبها تغلي علي النار لغاية ما تعمل
مهلبية بس تبقي ملظلظة علي الآخر
بس اهم حاجة ما تكلكعش مننا
اول ما نطفي النار نحط علي طوووووول السمن
علي المهلبية اللي طلعتلنا دي ونخفقها كويس قوي
نجيب بقي صينية
ونحط فيها البشاميل في القاع شوية من غير ما ندهنها سمن لأن البشاميل فيه سمن كتير
نحط القرع في النص بالمكسرات
ونحط بشاميل فوق الوش
ونحطها في الفرن في نار عالية يتحمر ياخد وش بس
مش هيحتاج يستوي
وبعدين نبردها ونحطها في التلاجة ونطلعها نقطعها
ونقدمها هكذااااا









وبالهنا والشفا
انا اول مرة اعملها علي فكرة
كنت مش بحب القرع
اول مرة اكله
جربوها بجد تحفففففففففففة

شكلها لذيذة قووووووي

تسلم الأيادي يا أيه

جميييييييييييييييييييييييييييييييييلة تسلمين

تسلم اييييييييييدك أيوت

ايه
انا مش عارفه القرع وعمري ماكلته
بصي هاجيلك يوم وتدوقيني
ماشي ؟

نورتوني جميعااااااااا
......................
ياسمينا بس كدة
من عنيااااااااا
تعالي انتي بس وما لكيش دعوة هما خلصوا علي الصينية امبارح
بس لسة ماما قايلالي اعملي تاني
يعني هتيجي تلاقي ان شاء الله

بصي اي حاجة فيها بشاميل
فيها طبعا

بس انا عاوزة اعرف دا حلو ولا حادق
والله بجد مش عارفه عمري مادوقت القرع

تسلم ايديك
جميل جدا
رغم اني مابحب لا القرع ولا البشاميل ولا مغرمة العسل
هههههههههههههههههههههههههههه

هو القرع نفسه بيبقي شوية مسكر يا رحاب
وكمان بتحطي عليه سكر وبعدين اللي في الصورة دة مش بشاميل بتاع المكرونة
دة اسمه بشاميل حلو او تقريبا صيامي حاجة كدة بتبقي زي المهلبية بيبقي معمول من نشا
لو كان لي نصيب وعملتها تاني ان شاء الله ادوقهالك ياسمينا