متى يتناقشوا ومتى لا يتناقشوا

متى أناقش..؟ومتى لا أناقش..؟

لا تناقش كثيراً...ولا تجادل ..

فلم يهلك الأمم التي قبلكم إلا كثرة الجدل..

إذا كنت تتوقع أنك لا تستطيع إقناع الطرف الآخر ..
إذا كنت تشعر أنك في وسطٍ لا يستجيب لك.. لا يحتويك..
لا يتفهم أفكارك ..
لا تناقش..

إذا كنت غير ملم بموضوع النقاش..
غير مدرك لسبب النقاش..
ولا لبعد النقاش..
إذا شعرت أن نقاشك لا يقدم الحل المناسب..
لا تناقش..

إذا شعرت برغبة من يحاورك في إستفزازك.. والعبث بأعصابك..
لا تناقش..

إذا كان موضوع النقاش ليس سوياً ..
لا تناقش..


إذا شعرت بعدم قناعتك بموضوع النقاش..
وأحسست بعدم قدرتك في إظهار وجهة نظرك بطريقة مقنعة..
فلا تناقش..

إذا أحسست أن النقاش قد يسلك مساراً متوسع..
ولا تستطيع إحتواءه ...
فلا تناقش..

إذا شعرت بأنك قد تخسر من يناقشك.. وتتخذه خصماً بعد موده...
فلا تناقش..

لا تناقش لأن الدنيا والعمر أقل زمناً من أن تهدرها في نقاشٍ لا يجدي..
ولكن.
إذا تولدت لديك روح الإصرار على التعلم..
وقدرة إستيعاب التغيرات في أي حقائق..
إذا شعرت أنك مطمئن إلى من تحاور ..
وعرفت أن النقاش لن يكلفك كثيراً من الزمن..
للوصول إلى مبتغاك من النقاش..
إذا كنت تتقن فن الإنصات..
والملاحظة الحسية..
والفكرية ..
إذا عقدت العزم بتغيير مالم يكن صحيحاً..
مع احترام خبرة محدثك..
او اعجبت بأسلوب من تحاور ..
حينئذٍ..
لا تتردد ..
وناقش
مما اعجبني فطرحته بين ايديكم

مش عارفه اقتبس اييه ولا اييه من الموضوع

بجد مفيييييد جدا

وفى نقطه معينه حاسه انها جايالى فى وقتها كمان

إذا شعرت برغبة من يحاورك في إستفزازك.. والعبث بأعصابك..
لا تناقش..


بنستفيد من مواضيعك كثيييييرا سواح

فى انتظاااااااارك


مع تقييمى

اللـــــــــــه على الجمــــــــال

والله انا كمان مش عارفة اقتبس ايه ولا ايه الموضوع جميل جداااا

وفعلا دى اهم حتة عجبتنى

اقتباس :

إذا شعرت بأنك قد تخسر من يناقشك.. وتتخذه خصماً بعد موده...
فلا تناقش..

وللاسف بتحصل كتير معايا لاختلاف وجهات النظر

ودايما غياب فكرة ان اختلاف الرأى لا تفسد للود قضية

بل للاسف بتفسد

جميل جداااااا ما قرأت وما طرحت سوووواح

استمر فى ابدااااااعتك

اختي ازهريه كل التقدير لكلامك الذي لا يكون الا وسام جديد لي
لقد انتقيت الكلمات ليس الا وانني اختار ما يجول بخاطري

اقتباس :

مع تقييمى

بس حبيت اقول فين التقييم غير الوسام السابق ذكره
--------------------
نيرة اقتبسيه كلو طبعا ويكون ده قمه الشرف ليا طبعا
لكن اختيارك هو لب الموضوع
بصراحه كنت عاوز اسقف فعلا
ده ان دل يدل علي وعقي وفهم واسع للموضوع
بشكرك جدا علي تشريفك الموضوع

اقتباس :

بس بصراحة لو واحد مافيهش الشروط دي واستفزني
بكلام مثلا ضد معتقداتي وفكرتي مش بتردد اني اتكلم
معاه بس على ما بلاقي فيه الصفات دي

صراحتك كافيه للاحترام والتقدير مع كمان انك معترف بانه مش صح يبقي انت جميل فعلا يا بيبو ويا رب نقدر نصالح نفسنا زيك يا محمود
مرورك اسعدني وهعتبر ان موضوعي عمل سبق صحفي تسلم يا غالي

النقاش والجدال والخلاف والتعصب

والاقتناع التام برأيك والمحاربة من اجله

كلها أمور تعكس لنا شخصياتنا مع الغير

وتعاملاتنا اليومية التي من خلالها تتكون افكارنا

الاختلاف في الرأي لا يفسد للود قضية

ما اجملة من شعار نضعه دائما امام اعيننا حينما يبدأ النقاش

ولكن ان مس المعتقدات الروحانية او الدينية

عندها فقط نرفع دائما شعار يفسد للود قضية

لأنها مسألة اعتقاد وليست مسألة خلاف

تسلملنا اختياراتك يا سوااااااااااااااح

موضوع في غااااااااااية الاهمية

إذا شعرت برغبة من يحاورك في إستفزازك.. والعبث بأعصابك..
لا تناقش..


انا كل الموضوووع عجبني جدا والله
تسلم الايادي
ربي يخليك يا سووواح
انابجد بستفيد من مواضيعك جدا

اقتباس :

عندها فقط نرفع دائما شعار يفسد للود قضية

كلام جميل جدا رحـــــــــال فيه اتزان فكري وثقافه واضح
النقاش في مضمونه للتواصل الثقافي والفكري والتلاقي بين الاشخاص حول كل ما يدور حولنا
اما اذا مس المعتقد الديني فلا يلزمني اتصال او تواصل ولا يلزمني فكره ولا عقله
بل القضيه تقطع كل وود زي ما قولت انت
الا لسبب واحد ان يكون آملا في ضم هذا الذي تحاور الي الصف وهذا هو السبب الوحيد الذي يمكن ان يجمعني بيه في حوار
طبت اخي سلمت يداك وعقلك الرزين
-----------------
براحتهم يا بيبو اي تعديل لغوي او حتي جزري في الموضوع
-----------------------
تسلمي سوسو يا رب تكوني بخير دلوقتي
------------------

كلام جامد جدا واضيف عليه

اذا كان الشخص اللى قدامك غبى

لا تناقش

اقتباس :

اذا كان الشخص اللى قدامك غبى

كلام جميل كلام معقول مقدرش اقول حاجه عنه
بشكرك جدا

اقتباس :

ولكن.
إذا تولدت لديك روح الإصرار على التعلم..
وقدرة إستيعاب التغيرات في أي حقائق..
إذا شعرت أنك مطمئن إلى من تحاور ..
وعرفت أن النقاش لن يكلفك كثيراً من الزمن..
للوصول إلى مبتغاك من النقاش..
إذا كنت تتقن فن الإنصات..
والملاحظة الحسية..
والفكرية ..
إذا عقدت العزم بتغيير مالم يكن صحيحاً..
مع احترام خبرة محدثك..
او اعجبت بأسلوب من تحاور ..
حينئذٍ..
لا تتردد ..
وناقش

بصراحة .. طرح فى منتهى الجمال
ولا يحتمل الخلاف على اى من فقراته
حتى الردود الجميلة هى امتداد للموضوع القيم
هاضيف بس حاجة بسيطة من ناحيتى .. عظيمة من مصدرها
( ادفع بالتى هى احسن فإذا الذى بينك وبينه عداوة كأنه ولى حميم )

تقييم لكل من شارك فى هذا النقاش
+++++++++
--------------
بمناسبة بقى حكاية ( اختلاف الرأى لا يفسد للود قضية )
اللى هيا حكمة كلنا حافظينها
ونادرا لما حد يلتزم بيها فى اى نقاش ..
بالعكس دايما النقاش بيقلب بغم
حتى لو كانت المناقشة على ماتش كورة
( السبب طبعا .. ان كل واحد عاوز ينتصر لنفسه ورأيه )
طيب تعالوا نجرب :
انا عاوز اختلف معاكم ف الجزئية دى :

اقتباس :

عذرا سواح تم تظبيط اسم الموضوع
لغويا ونحويا
الناس بتوع اللغة هنا واخدين بالهم أوي ..

ممكن استأذن الناس بتوع اللغة .. ونغير العنوان
ونخليه : متى يتناقشون ومتى لا يتناقشون
او نخليها متى تناقشون ؟ ومتى لا تناقشون ؟
او نخليها : متى تناقش ومتى لا تناقش ؟
او نخليها : متى يتناقشوا .. و متى لا يتناقشون ؟؟
او زى ما تحبوا يعنى
-----------
ايه حكاية العنوان العجيب ده يا عم سواح ؟

والله انت عسل
شوف يا سيدي اول ما اقولك الشيخ العلامه الدكتور يبقي انت سلمت فورا
فطبعا من غير ما تناقش
اول ما تسمع الناس بتوع اللغه يبقي البلد بلدهم والمطرح بتاعهم وهما
ادري مني في الصح
ومن غير ما احاول اعرف التصريف الخمسين عشر فعلللللوووووووون
مش بفهم طبعا بس زي ماا قولت ليك انت عارف اللي بيني وبين النحويان مفيش عمار وطبعا وانا مالي ده لو قالو ان الاسم ده شتومه هصدق
انت سخنتني بقي
بص يا بيبو وانا مالي يا اخويا انا عاوز الاسم بتاعي بقي ياما
مش عارف بس برضو مش هسكت بقي

سخنتني يا حسام
مرورك وسام مين وسام ده
اه شرف يعني ايووووووووه
بقصد حاجه حلوه خالص

اقتباس :

اول ما تسمع الناس بتوع اللغه يبقي البلد بلدهم والمطرح بتاعهم

لا يا عم .. الموضوع موضوعنا والعنوان عنواننا
وممكن انا وانت ورحال نعمل وقفة احتجاجية هنا
وانا كبرت فدماغى بقى ..
اصرت .. تصر .. إلحاحا

احنا هانشوف بقى الجماعة بتوع القضية والود والاختلاف
هانوصل معاهم لحد فين ؟؟
وبعدين انا مش عايزك تقلق ..
جهز انت الرجالة بس وماتنساش العدة
-----------

اقتباس :

انت سخنتني بقي
بص يا بيبو وانا مالي يا اخويا انا عاوز الاسم بتاعي بقي ياما
مش عارف بس برضو مش هسكت بقي

حقك يا عم والله ..
ده موضوعك وزى ابنك .. لو عاوز تسميه : ( حاتم )
انت حر

انا شفت الموضوع قبل ما تدخل يا بيبو بس الجهاز هنج على الرد

كنت لسه هقولهم انتو هتخوفونا ولا ايه ؟

دة انا اروح اجيب بيبو وروز وعمرو ونعملكم اجدع خناقة هنا

وماله رحال بينفخ عضلاته ليه كدة

تقوم انت جاى تستسلم كدة

واضح انى لاااااازم ابيعك يا بيبـــــو

بعدين الموضوع موضوعهم وعلى رأى ابو سلمى لو حب يسميه حاتم مش مهم عادى جدا

ارجع لاستسلامك يا بيبو احســـــــن

واكيد مش هنبعد عن مخزى الموضوع كتير ولااااازم نقول

ان اختلاف عنوان الموضوع لا يفسد للود قضية

وسع وسع انا جه وجايب معايه معدات الحرب
انا سامع ولاد ابو اسمعين بيجهزو الرجاله
وفي الحاله دي انا هسمي موضوعي ولاء
وزي ما قال حسام ده زي ابني بقي
وانا سخنت
رحال انت جيت من الجيم طب تمام هنحتاج للعضل
بيبو ونيره وقفتو قدام القطر
رحال نفخ عضله
ولسه سلمي بنت حسام جايه من كرتونه كراتيه
وبتضرب بالبوكس
يعني الاصابات للصبح
ماشي يا نيره انتي وبيبو
بيبو اللي يوقع من عندنا راجل نوقع من عنده راجل
علي الله اشوفك في الشارع

اقتباس :

ولسه سلمي بنت حسام جايه من كرتونه كراتيه

بالصراحة مفيش اى حاجة من اللى انت قولتها ولا رحال بجيمه

ولا رجالتك ولا معداتك الحربية

قد ما خوفتنى الجملة اللى انا مقتبساها دى

وانا قد اعلنت استسلامى من قبل

وبيبو من قبلى بردو

يعنى احنا كدة بيس ومفيش اى مشكلة