بسم الله نبدأ
- اقتباس :
- / اية هو لونك المفضل ؟؟
الموف والبرتقالى
- اقتباس :
- اية رايك في الناس دي ؟
محمود:
محترم جداااااااا
- اقتباس :
- عمرو:
مجتهد
- اقتباس :
- رحال
انسان اوووى وصاحب صاحبه
- اقتباس :
- سواح:
دمة خفيف ورأيه مهم
- اقتباس :
- روز
روح المنتدى .. طيبة الى ابعد الحدود
- اقتباس :
- اَيــــــه
دكتورتنا الجميلة .. مجتهدة ودمها خفيف
- اقتباس :
- عاشقة الجنه:
عسووووووولة .. اول ما سجلت بقت صحبتى على طول وانا بحبها جدا فى الله
- اقتباس :
- سلمـــــــى
محترمة وانسانة جميلة اوى وشفافة
- اقتباس :
- ابراهيم
محترم وابن حلال
والجميع طبعا لهم بصمة خاصة فى المنتدى
- اقتباس :
- منتدي احلى اصحاب بيمثلك اية ؟.؟؟
تمت الاجابة من قبل
- اقتباس :
- بتعملي اية في وقت فراغك ؟؟؟
بفتح احلى اصحاب .. او اقرى كتب الكترونية
لو مفيش نت بنااااااااام
- اقتباس :
- افضل شهـر بالسنه والسبب ؟
الشهور الهجرية ( شهر رمضان ) لانه شهر الله والقراَن بحس فيه بروحانيات صعب احسها فى اى وقت تانى من السنة
والميلادية ( ابريل ) عشان دة فيه يوم مولدى .. والجو بيكون حلو
- اقتباس :
- حلمك في الحياة؟
* رضا الله
* رضا امى
* التميــــــــــــز
- اقتباس :
- جمل سنوات مرت عليك؟
3 ثانوى
وسنوات الكلية الاربع
- اقتباس :
- البرامج المفضلة؟
انا فى العادى ماليش فى التليفزيون خااااااااااااالص
احيانا كنت بحب اتفرج على القاهرة اليوم
ولما بحب اعرف اخبار بتفرج على الجزيرة او العربية
- اقتباس :
- -شـخــص تتمنــي الإنتقــام منـــه؟!؟
مش بحب فكرة الانتقام وبدعى ربنا انها مش تيجى فى بالى فى يوم من الايام
- اقتباس :
- -جــريمــة تتمنـــي لـــو تستطيـــع ارتكابهــــا؟!؟
كنت جاوبتها قبل كدة
بس هقول اقتل كل رجال السياسة والحكم
انا كنت قلت فى مصر
بس دلوقتى بالاضافة لزعماء العرب كلههههههم
- اقتباس :
- شــئ او عمــل لا تستطيــع مســامحته؟!؟
الكـــــــــذب
- اقتباس :
- ياتري بتحبي الحياة ؟؟
عادى .. مش بحبها هموت عليها ولا بكرهها لدرجة انى ادعى على نفسى بالموت
بس انا من اول رمضان بدعى ربنا انه يخرج حب الدنيا من قلبى ويجعلنى من الزاهدين
- اقتباس :
- انتي شايفة حياتك ازاي ؟؟ اوصيفيها في سطرين او اكثر ...
حياة بسيطة وعادية ومفيهاش اى جديد .. ومش فيها الكثير من الانجازات عشان اقول انا عملت
كذا او كذا .. مملة بدرجة كبيرة .. نفسى اخليها متغيرة ومتميزة .. بحاول ودعواتك معايا
- اقتباس :
- اختاري لنفسك اسم يكون بجد يدل علي شخصيتك في الحياة ؟؟
أم صابر
- اقتباس :
- هل الحب له ركن اساسي بالحياة ؟؟
هو طبعا ركن اساسى .. بس لسه مجاش وقته خالص دلوقتى
- اقتباس :
- ياتري في حد قبل كدة فهمك غلط .؟؟ وياتري اية كان موقفك ؟؟ واتصرفتي ازاي ؟؟
مش جاى على بالى موقف معين .. بس اكيد اتفهمت غلط قبل كدة
- اقتباس :
- رتبي تلك الكلمات علي حسب اهميتهم بالنسبة ليكي ..
الحب - المال - الشهرة - الصداقة - راحة البال
راحة البال
الصداقة
الحب
المال
الشهرة
- اقتباس :
- ليكي اصدقاء ياحياة ؟؟
ايوة اكيد
ليا اصحاب
وليا اصدقاء
وليا زملاء
وليا معارف
- اقتباس :
- ليكي صديقة عارفة عنك حاجات ميعرفهاش غيرها ؟؟
ايووووووووووووووة
- اقتباس :
- لو كان ليكي اسمها اية ؟؟
ماجدة
- اقتباس :
- ياتري لو حصل بينكم اي حاجة لا قدر الله وبعدتوا عن بعض ياتري حاسة انها ممكن تخونك ؟؟
لأ .. لانى طالما اخترتها من الاول تعرف عنى حاجات ممكن اخواتى مش يعرفوها ..
يبقى مش اى اختيار ..
فبالتالى هيا صعب تخونى ولانى كمان اعرف عنها حاجات بردو ميعرفهاش غيرى
يعنى احنا الاتنيين ثقة
- اقتباس :
- اصدقاؤك شايفين شخصيتك ازاي ؟؟
مرحة وحبوبة وقالولى كمان انتى قيادية
- اقتباس :
- صديقة الطفولة ياتري لسة مع بعض ولا الايام فرقت بينكم ؟؟
لسه مع بعض بس قوة الصداقة مبقتش زى زمان
- اقتباس :
- اية رايك في حب اليومين دول ؟؟
اصلى معرفش حب اليومين اللى فاتوا فبالتالى مش هعرف افرق بينهم
بس اعتقد ان اى حب دلوقتى يعنى بالنسبة لى لعب عيال وحاجة غلط مينفعش تحصل
الحب لخطيييييبى إن شاء الله
- اقتباس :
- ما هو الاجمل بالنسبة اليكي
حبك الشديد للحبيب ..... ام حب الحبيب الشديد لكي ؟؟؟؟؟
معلش بقى كرسى اعترافى وهغير فيه زى ما انا عاوزة
انا هغير بس كلمة فى السؤال
بدل للحبيب هخليها للخطيب
والاجمل بالنسبة ليا حب خطيبى ليا يكون اكتر من حبى ليه
- اقتباس :
- هل عشتي قصة حب من طرف واحد ؟؟ وما رايك فية ؟؟
لا انا عشتها من طرف تالت
اتنيين كانوا بيحبوا بعض وانا كنت بروح اتفرج عليهم
لا مش عشتها الحب من طرف واحد دى .. ومرة رحال قال على العلاقة دى كلمة حلوة اوى .. قال اسمه اعجاب من طرف واحد لانه عمره ما بيكون وصل لمرحلة الحب
رأيى فيه انه حاجة فاشلة ممكن بنت او ولد يحطوا نفسهم فيه
وهيصابوا باحباطات نفسية مريرة
- اقتباس :
- حبك الاول لو جاءت الفرصة وكان مسموح باللقاء هل ستقدمين علية .؟؟
لو حبى الاول جة على اساس خطوبة وزواج فانا هوافق
لكن لو لقاء والسلام .. انا هستفيد ايه يعنى من بعد اللقاء
هتعب وهقلب فى الدفاتر ونفسيتى هتتدمر
فبلاشه اللقاء دة احسن
يدخل البيوت من ابوابها احسن
- اقتباس :
- هل انتي علي علاقة حب الان ؟؟
شوف الدحلبة والسحلبة
عمال يكلمنى عن الحب وايه رايك فيه وحب من طرف تانى وتالت عشان يوقعنى فى السؤال دة
قول كدة يا نممممممس
الاجابة : لآ
- اقتباس :
- ولو كنتي هل انتي سعيدة في هذا الحب ؟؟
لا انا مش سعيدة انا نيرة
- اقتباس :
- وان لم تكوني فلماذا لا تبحثين عن الحب ؟؟
مش هدور على الحب .. هخلى الحب هو اللى يدور عليا ..ولما يجينى بالحلال وبالطرق الشرعية
هعيشه
- اقتباس :
- هل احسستي انكي تقولين اشياء بالمنتدا لا تستطيعي ان تقوليها في الحياة ؟؟
لا خالص .. انا كلامى ومبادئى على المنتدى .. هيا نفس الكلام والمبادئ اللى فى بقولها فى الحياة
والا هبقى متحولة ومنافقة وانا مش بحب اكون كدة
الخميس أغسطس 18, 2011 10:21 pm
حبيبــــــــــــــــــــــــــى
الرسالة الاولى 
