ميسوووووووو
- اقتباس :
- ممممم وهتاخديلك كااام سؤال كدة تتسلي بيهم بدل
الخنائات الكبيرة يلي بتعمليها كل يوم مع مامتك وخواتك ههههه
ايه دة ؟ ايه دة ؟؟
انتى مين اللى قالك ؟؟
انا متراقبة ولا ايه
بسم الله نبدأ
- اقتباس :
- •°• لمـــاذا •°•
لماذا تعشقى الهدوء ... ؟
بدايةَ انا مش دايما بعشق الهدوء .. مش من طبيعتى اصلا الهدوء .. بحب فى اوقات يكون
فيها هدوء واوقات بحب اقعد وسط الدوشة واعمل دوشة
بحب اقعد فى لحظات الهدوء فى هدوء لييييييييه بقى ؟؟
عشان بحب اجمع نفسى وارتب حالى وافكارى واشوف انا هعمل ايه فى بكرة
وهعمل ايه فى المشكلة دى والحكاية دى
وبــــــــــس
- اقتباس :
- لماذا إخترتئ إسمك المستعار ... ؟
انا ماليش اسم مستعار .. هو دة اسمى اللى اتولد لقيتهم لزقينهولى
انا شفت فى فيلم من كام يوم فكرة وعجبتنى بفتييييييييك
يقولك ايه احنا المفروض نسمى عيالنا ارقام وهما لما يكبروا يختاروا اساميهم بنفسهم
والله فكرة عنـــــــب
- اقتباس :
- أين تقضي كـل وقتك ... ؟
هحرف فى صيغة السؤال وهقول
بقضى نص وقتى على الكمبيوتر سواء نت او العاب او كتاب او اى حاجة
والنص التانى فى المطبخ
- اقتباس :
- أين تجدى راحة البال ... ؟
لما احس ان ربنا راضى عنى
لما احس ان امى راضية عنى
فى قاعدة حلوة مع اخواتى بنضحك ونتكلم
فى قاعدة على البحر مع اعز اصحابى
- اقتباس :
- أين تجدى نفسك في البيت ... ؟
فى اوضة الكمبيوتر
- اقتباس :
- - أين تذهبى لو أعطيتى إجازة اليوم ... ؟
هطلع على البحر
ولو معرفتش
هقعد فى البيت
- اقتباس :
- من يعجبك من أعضاء المنتدى(( عضو واحد فقط )) ... ؟
روز == فى حب الاعضاء ليها
- اقتباس :
- من هى صديقتك الصدوقه ... ؟
مـــــاجدة
- اقتباس :
- - من أى شئ تغضبئ ... ؟
من البلاهه والسذاجة والكذب
ولو حد صغير مش بيسمع الكلام الصح
- اقتباس :
- متى تبكي بحرقه ... ؟
لما بحس انى بعيده عن ربنا
لما امى بتكون مش راضية عنى او مخصمانى
لما بظلم نفسى وارخصها مع حد ميستاهلش
- اقتباس :
- متى تجلسئ لوحدك ... ؟
لما بكون قاعدة على الكمبيوتر
ولما مش بيكون فيه حد فى البيت
بجد بقى .. لما بكون متضايقة اوى ومش عاوزة اكلم حد عشان ميزعلش منى
لانى وقتها هقول كلام يحرج اوووى
- اقتباس :
- - متى تكونئ أنانيه ... ؟
فى عمل الخير والنجاح
وانى اكون متميزة
ويارب مش اكون انانية فى اى حاجة تانية
ومش اكون فاهمة نفسى غلط .. او حد حواليا شايف انى انانية
- اقتباس :
- كيف تعيشئ يومك ... ؟
فى العادى يعنى .. كله حمادة بالزنجبيل
بصحى بدرى اليومين دول .. انضف البيت على امى ما تيجى من الشغل
افطر مع انى مكنتش بعملها زمان .. افتح نت وافضل قاعدة لحد الساعة 1
تيجى امى ندخل المطبخ نجهز الغدى .. نتغدى وافتح نت تانى
وافضل قاعدة للمغربية
ممكن اقوم اقعد مع امى شوية نرغى فى اى حاجة
وباليل بدخل المطبخ تانى اروق الدنيا .. اتفرج على الموسلسل
اعملى شاندوشت واطلع انام
وكل يوم بالشكل المقندل دة
كنتم مع حكاية من حكايات ابو زيد الهلالى
مش قلتلك حمادة بالزنجبيل
- اقتباس :
- - كيف ترى حال الأمة اليوم ... ؟
احوال بايظة ومتدهورة وخراب فظيع
مؤشر وعلامة من علامات قيام الساعة
- اقتباس :
- - كيف تنظرئ لمستقبلك ... ؟
نفسى احقق حاجة كويسة اوى لنفسى ودينى ووطنى
نفسى القى فرصة عمل كويسة واكون مدرسة شاطرة واطلع جيل فاهم وواعى
وزوج وبيت واطفال زى ما اى بنت بتحلم
- اقتباس :
- - كيف تنظرئ للرجـل (( ... ؟
الرجل ككل طبعا نص المجتمع التانى .. بما ان الستات هما النص الاولانى ..
طبعا مكملين لبعض ومنقدرش نستغنى عنهم ولا هما يستغنوا عنا
لو اتكلمنا على الشباب فى العصر الحالى اشعر بنوع من الفشل والضياع والامبالاه والسذاجة
إلا من رحم ربى طبعا
والامثلة دى موجودة جداااااااا على الفيس بوووك دة
- اقتباس :
- - كيف تنظرين للمرآة (( ... ؟
النص الناعم اللى مينفعش الحياة تستقيم من غيرها
والرجالة اللى بيقولوا على الستات خاينيين وغدارين وياريتهم مش موجودين
والله مش عارفين انهم هما الغلطانيين
المرأة دى اللى هيا امك واختك وحبيبتك ومراتك
مينفعش نقول انها لو مش موجودة الدنيا هتبقى احسن
وطبعا مش كلهم صح ومش كلهم غلط لان الدنيا فيها الحلو والوحش
وصوابعينك مش زى بعضيتها
- اقتباس :
- - في عصر العولمة الحالي (( ما رأيكئ في حب الإنترنت )) ... ؟
مش وحش يعنى .. ممكن نقول عليه تعارف على الانترنت والمفروض نلحقه قبل ما يكبر
وفجاة القى نفسى بحب شاشة وكى بورد
وانقله فى الحلال على ارض الواقع .. دة لو كان مناسب وصح
- اقتباس :
- يقال أن الحب يمحو جميع العيوب والأخطاء في المحبوب (( ما تعليقك )) ...
انا مع الجملة دى بس اللى بيحب بجد .. وبؤمن جدا بإن مراية الحب عامية
اللى هيا نفس معنى الجملة دى .. بس اللى بيكون بيتسلى وبيضيع وقته مع بنت على حساب مشاعرها ودقات قلبها
كل يومين هيتخانق معاها ويقولها اصلك فيكى عيوب كذا وكذا وكذا
انما لو حبها بجد .. هيشوفها اجمل ملاك على وش الارض
- اقتباس :
- ما هو سر نجاحك في الحياة ... ؟
انا لحد دلوقتى النجاح الوحيد اللى يمكن حققته .. نجاح فى الدراسه .. والصداقة نقدر نقول
وحب الناس مثلا ليا
وطبعا كله توفيق من عند ربنا ( كلمة لاعبين الكورة بعد اى ماتش
)
ودعوة أمــــــــى ليا
واجتهادى بقى
- اقتباس :
- - ما أجمل مافي الحياة في نظرك... ؟
راحة البال
- اقتباس :
- - هل أنتئ عاطفيه ... ؟
بيقوووولووووا
- اقتباس :
- - هل صدمتئ بالخيانة من أعز أحبابك ... ؟
مش خيانة اوى يعنى .. انا اتصدمت بإنى مفهومة غلللط لابعد الحدود
ودة اللى مضايقنى اوووى
- اقتباس :
- هل أنتى فوضويه ... ؟
لا عيب عليكى .. دانا نظيمة هانم المنظمة
.. بشهادة أمى فى موضوع
لقاء خاص مع امهات المنتدى
- اقتباس :
- وياااارب تنبسطي بالاسئلة يلي طرحتهااا عليكي ....
ايووووووة انبسطت جدااااااااا لانها اسئلة جديدة وانا عبرت فيها عن نفسى حلو
تسلميلى ميسوووو حبيبتى
الإثنين سبتمبر 12, 2011 3:25 pm
ان البت كانت عاملة نفسها زعيمة وانا مبحبش حد
))
يااااااااااااااه يا نيروووو إجاباتك تجنن 
