Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: جيفارا مات ... الفاجومي الثلاثاء يوليو 26, 2011 7:24 am | |
| اليكم قصيدة جيفارا مات .....لأحمد فؤاد نجم
جيفارا مات
جيفارا مات آخر خبر فِ الراديوهات و فِ الكنايس و الجوامع و فِ الحواري و الشوارع وعَ القهاوي و َ البارات جيفارا مات جيفارا مات و اتمد حبل الدردشة والتعليقات ******** مات المناضل المثال يا ميت خسارة عَ الرجال مات الجدع فوق مدفعه جوّه الغابات جسّد نضاله بمصرعه و من سُكات لا طبالين يفرقعوا و لا اعلانات ******** ما رأيكم دام عزكم؟ يا انتيكات يا غرقانين فِ المأكولات و الملبوسات يا دفيانين و مولعين الدفايات يا محفلطين يا ملمّعين يا جيمسنات يا بتوع نضال آخر زمن ف العوامات ما رأيكم دام عزّكم؟ ******** جيفارا مات لا طنطنة و لا شنشنة و لا إعلامات و استعلامات عيني عليه ساعة القضا من غير رفاقه تودّعه يطلع أنينه للفضا يزعق و لا مين يسمعه يمكن صرخ من الألم من لسعة النار فِ الحشا يمكن ضحك أو ابتسم أو ارتعش أو انتشى يمكن لفظ آخر نفس كلمة وداع لَجل الجياع يمكن وصية للي حاضنين القضية بالصراع صور كتير ملو الخيال و ألف مليون إحتمال لكن أكيد و لا جدال جيفارا مات موتة رجال ******** يا شغالين ومحرومين يا مسلسلين رجلين و راس خلاص خلاص مالكوش خلاص غيرالبنادق و الرصاص دا منطق العصر السعيد عصر الزنوج و الامريكان الكلمة للنار و الحديد و العدل أخرس أو جبان ******** صرخة جيفارا يا عبيد في أي موطن أومكان ما فيش بديل مافيش مناص يا تجهّزو جيش الخلاص يا تقولو عَ العالم خلاص ******** | |
|
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: جيفارا مات ... الفاجومي الثلاثاء يوليو 26, 2011 3:46 pm | |
| فى الحقيقة انا مقرتش كتير اوووى عن جيفارا بس اللى اعرفه انه مناضل كره الظلم والتفاوت الاجتماعى اللى كانت غرقانه فيها بلاده - اقتباس :
- مات المناضل المثال
يا ميت خسارة عَ الرجال مات الجدع فوق مدفعه جوّه الغابات جسّد نضاله بمصرعه
جميل اختيارك رحاااال | |
|