*~*~*~*~*~*~*~*~*
.: 2 :.مرة الخواجة حب يفشر على ابو لمعة فقال له: احنا فى اتينا عندنا مكن كبير تحط البقر من ناحية يطلع بلوبيف من الناحية التانية ابو لمعة قال له طيب وايه يعنى حصلت يا خواجة الخواجة قال له طيب عندنا مكن تخط فيه البولوبيف من ناحيه يطلع بقر من الناحية التانية قال له ابو لمعة احن بقى عندنا فى مصر بقر تأكله بلوبيف من ناحية يطلع مكن من الناحية التانية!!!
*~*~*~*~*~*~*~*~*.: 3 :.أبو لمعه والخواجه بيجو بيتكلموا فى الموسيقى رد الخواجه بيجو على أبو لمعه وقاله : ايه فهمك انت فى الموسيقى رد أبو لمعه وقاله: يا خواجه انا موسيقار كبير أوى انت مسمعتش عنى قاله يعنى شايكوفسكى يا خبيبى يعنى قاله شايسكوفسكى مين يا خواجه أكبر بكتير الحواجه اتغاظ و قال للأبو لمعه ما هو بص بقه يا خبيبى بعد بيتهوفين مفيش رد أبو لمعه و قاله عليك نور يا خواجة أهو انا بقى مفيش
*~*~*~*~*~*~*~*~*.: 4 :.مرة الخواجة بيجو بيقول لأبو لمعة: الماما بتاع الانا كان مربى 2ديك رومى عشان الكريسماس وقعدت تأكلهم لما بقوا زي الخروف لدرجة انه كان بتفكر تدبخ واخد بس فى العيد.ابو لمعة قال له : طب وايه يعنى ما انا مرة اشتريت خروف عشان العيد الكبير وقعدت اأكله لحد مابقى قد الفيل لدرجة لما جه العيد كنت بافكر ماأدبحوش كله!!!
*~*~*~*~*~*~*~*~*.: 5 :.الخواجه بيجو سال ابولمعه وقاله قبل السد العالى كنتوا بتخزنوا الميه ازاى قاله كنا بنخزنها زى القمح اكوام اكوام وانا اللى كنت مسئول عن الاكوام بتاعة الميه الخواجه قال ياربونا الميه اكوام اكوام ابولمعه قاله امال ياخواجه حتى الواد لمعه ابنى كان كل مايعطش يجي يقولى امبو امبو اقوله روح اشرب من الكوم ومن هنا جه اسم كوم-امبو اللى فى اسوان
*~*~*~*~*~*~*~*~*.: 6 :.مرة الخواجة حب يفشر على ابو لمعة فقال له : انا مرة كنت راكب القطر بتاع اثينا وماشى على سرعة 120 كيلو ببص على المحطة لفيت بابادوبلوس ابن عمتى واقف على المحطة نطيت من القطر وبسته من هنا ومن هنا ونطيت فى القطر حصلت اخر عربية.ابو لمعة قال له : حصلت يا خواجة انا كنت راكب الديزل بتاع اسكندرية وماشى على
140 كيلو ببص لقيت اخويا شلبى بالجلابية الدبلان المخططة على احمر قمت ناطط وبوسته من هنا ومن هنا حلف عليا لاشرب شاى قعدت معاه حلف لاتغدى القصد اتغديت واتعشيت وهوب نطيت حصلت اخر عربية.
الخواجة قال: ياربونا بقى تنط وتشرب معاه الشاى وتتغدى وتتعشى وتنط تحصل القطر هوهو. ابو لمعه قال له الكدب خيبة ماطلعش هو .....طلع القطر اللى قبله!!!
*~*~*~*~*~*~*~*~*.: 7 :.مرة أبو لمعه والخواجة بيجو بيتكلموا عن الصيد ، أبو لمعه قاله انت عارف يا خواجة أنا كنت زمان أحسن واحد اصطاد فى المحيطات رد عليه بيجو وقاله يا سلام يا خبيبي ، بقى انت بتعرف تصطاد أبو لمعه أمال يا خواجة ، هو فى حد بيصطاد زيي ، ده أنا مرة دخلت بطولة العالم لصيد السمك بيجو وبعدين يا خبيبي؟ أبو لمعه وبعدين كل واحد اللى اصطاد سمكة 20كيلو ، واللى اصطاد سمكة 30 كيلو ، واكبر واحد اصطاد سمكة 60 كيلو , الخواجة بيجو أمال انت عملت أيه يا خبيبي ؟ أبو لمعه :وحياتك ياخواجة أنا استنيت مدة كبيرة مش عايز اصطاد أى سمكة والسلام، وعلشان كدة استنيت لغاية ما لقيت سمكة كبيرة قوي ،شفت أولها ومشفتش اخرهامن كتر ماهى كبيره بيجو يا سلام يا خبيبي, أبو لمعه: أمال يا خواجة،أول ما شفتها روحت ناطط عليها وماسك فى نظارتها بيجو :هى السمكة بتلبس نظارة يا خبيبى؟؟ أبو لمعه منا كنت فاكر كدة زيك ، لكن عرفت بعد كدة انها نازلة تاخد حمام شمس بيجو:يا سلام, أبو لمعه :انت فاكر أيه ، المهم قعدت أشدها علشان أطلع بيها على الشط وهى تشدنى جوة ناحية البحربيجو :وطبعا شدتك على البحر ,أبو العربى :أبدا وحياتك يا خواجة ، ده أنا قعدت أشد فيها 3 سنوات لحد ما جبت اخرها، والمسابقة مستنية لحد ما أطلعها كلها ، ويدوب همسكها هربت منى,ولكن ساعتها كان معايا كاميرة فصورتها بسرعة عارف أما وزنوا صورتها جابت كام كيلو؟,بيجو: كام يا خبيبي؟ 200 كيلو وحياتك.
*~*~*~*~*~*~*~*~*.: 8 :.إستقبل أبو لمعة الخواجه بيجو فى بيته وقعد يكلمه عن جمال السجاد اللى عنده ، فحب الخواجه يفشر عليه ولو لمرة فقال له :إخنا عندنا السجاد طول الوبرة بتاع الهوه شبر ، رد عليه أبو لمعه وقال له: إيييييه فين السجاد بتاع زمان ، تسدق بالله يا خواجه انا كان عندى سجاده الوبره بتاعتها ثلالثه متر ومره وانا قاعد مع ضيف عندى دخل الواد الخدام علينا بالقهوة نزل فى الوبرة ماطلعش ، قال له الخواجه : وبعدين ؟ قال له ابو لمعه : أبدا قعدنا ندور عليه يومين تلاته مالقيناهوش وبعديها بكام يوم لقينا الواد طالع من الوبرة ،،، تصدق بالله يا خواجه طلع بالقهوة سخنه
*~*~*~*~*~*~*~*~*.: 9 :.أبو لمعه و الخواجه بيجو معروفين طبعا........ابو لمعه يفشر و بيجو يصدق المهم......................الخواجه بيجو قال لابو لمعه بص خبيبى انا عايز افشر على انت شويه اشمعنى انت تفشر عليا كل يوم قاله اتفضل يا خوااجه لمهم الجواجه بيجو قاله انا الساعه بتاعه جدى انا خبيبى قعددت تحت ميه البحر 70 سنه و طلعوها و كانت شغاله خبيبى تخيل.........قاله و فيها ايه يا خواجه الخواجه قاله انا بقول ل انت 70 سنه و كانت شغاله لسه و تقولى فيها ايه..........قاله عادى م انا جدى قعد 70 سنه تحت ميه البحر و طلعوة صاحى؟...........الخواجه قاله لالالالا مستخيل خبيبى انا مش مصدق انت ...ازاى قعد 70 سنه كان بيعملتوا ايه 70 سنه تحت ميه...............ابو لمعه قاله مهو كان بيملا فى الساعه بتاعه الجدو بتاع انت يا خوااااااجه
*~*~*~*~*~*~*~*~*.: 10 :.الخواجة بيجو قرر انه لازم يفشر زى ابو لمعة فقال: اسمع خبيبي احنا عندنا فى اتينا واخد خرابة كبير جنب البيت بتاع اخنا انا رخت الشغل ورجعت لقيت عمارة كبير عشرة دور مبنية فى الخرابة. ابو لمعة قال له : طب وبعدين الخواجة قال : خلاص الفشرة خلصت ,قام ابو لمعة قال له: ربنا ما يحرمكش من العبط ...حصلت ياخواجة, احنا جنب بيتنا فى خرابة برضه انا رحت الشغل ورجعت لقيت عمارة ييجى خمسين دور مبنية فيها والعفش عمال يترمى من الشبابيك. الخواجة قال له: عفش اية دا؟ ابو لمعة قال له : بتاع السكان اصل بقالهم 3 شهور ما دفعوش الايجار
*~*~*~*~*~*~*~*~*
الأحد مايو 18, 2008 1:39 pm
