الطريقة علي طووووووووول
نجيب الارانب ونقطعها اجزاء حسب الرغبة
ونخرمها بسكينة
نحضر بصلة ونضربها في الخلاط مع بهارات لحمة وقرفة وهيل وورق لوري وكبة صيني وزر ورد
ومستكة ونحطهم في حلة مع زيت وطماطماية مضروبة ونحط فيهم الاراانب شوية تاخد التتبيلة
علي النار
بعد كدة بما ان احنا عندنا الشوربة حاجة مقدسة بنطلع الارانب
ونحطها في ماية بتغلي وبعد ما نشيل الريم
نحطلها حوالي خمس وحدات بصل ابيض مع بهارات
في الاخر نجيب الارانب واما نحمرها في زيت او في الفرن
بالنسبة للرز
هنجيب المرقة الاساسية اللي استخدمنا فيها
طماطم ونزودها ماية لو محتاجة ونظبط البهارات بتاعتها
ونحط فيها مكسرات
بالنسبة ليا انا استخدم زبيب ولوز وبندق
ونحط فيها الرز ونسيبه لما يستوي
ونجيب فحمة نسخنها علي النار ونطفيها بزيت في طبق
زنحطها في حلة الرز
بالنسبة ليا انا بفضل فكرة الفحمة دي مع اللحمة نفسها بس يعني مش بحب اعملها مع الرز
وبالهنا والشفا