| هل يحتاج أطفالنا حقا لهواتف؟ | |
|
+10a white rose بسملة ياسمينا سواااح Dr_aya Islam Nasr ملاااك طالبة عفو الرحمن BeeBooo Niera 14 مشترك |
كاتب الموضوع | رسالة |
---|
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: هل يحتاج أطفالنا حقا لهواتف؟ الأربعاء أغسطس 31, 2011 4:17 pm | |
| بسم الله الرحمن الرحيم خلال تصفحى على شبكة الانترنت .. فوجدت هذا الموضوع .. ولكنه لم يكن موضوعا للنقاش .. وفجأة تذكرت توسلات اختى التى تبلغ من العمر 12 عام لأبى .. حتى يشترى لها هاتفا محمولا .. وتذكرت ايضا توسلات ابن خالى لابيه والذى يبلغ من العمر 10 سنوات ليشترى له ايضا هاتف.. وتذكرت تلاميذ الصف الرابع والخامس والسادس وفى بعض الحالات النادرة الثالث وهم يمسكون بالهاتف وبتباهون به.. فقررت ان اطرح هذة الفكرة للنقاش واَخد أرائكم فيه وهذة كان مقدمة الموضوع الاصلى ..
[b]
[/b][b][b][b]لم تعد ملاعب الأطفال كما كانت، فاليوم بالإضافة إلى أصوات
الضحكات البريئة والصرخات الدلوعة لأطفال يلعبون ويلهون على
الألعاب الموزعة بشكل منسق على الأرضيات المطاطية اللطيفة،
هناك نغمات وأغاني من أفلام ومسلسلات تأتي من تجمعات
متفرقة لبنات وأولاد ما بين عمر 8 إلى 13 عاما تقريبا يتباهون
بما تحتوي عليه هواتفهم النقالة ذات الأشرطة والحقائب الملونة،
هذا يحمل هاتف سوبرمان، وتلك تحمل هاتف فله والجميع
مستمتعون بالضجة المزعجة والمثيرة في نفس الوقت. قد يبدو الأمر سخيفا لمجرد التفكير به: ولكن هل يحتاج هؤلاء
الأطفال حقا لهواتف نقالة!! على أية حال، كم هو عدد الأصدقاء
الذين يعرفهم طفلك وماذا يقولون لبعض عندما يتصلون بهواتفهم
الملونة الصغيرة؟ قد يكون من الصعب حقا تحديد الحاجة الماسة
لإعطاء الأطفال هواتف نقالة
وانتم احلى اصحاب هل توافقون على اقتناء الاطفال للهواتف
النقالة ام لا؟؟ واذا وافقتم ما هى هذة الحاجات الماسة لامتلاكهم
لتلك الهواتف [/b][/b][/b] | |
|
| |
BeeBooo صاحب الطلة البهية
عدد المساهمات : 11574 العمر : 35 الاوسمة: : النشاط : 14043 التقييم : 1869
| موضوع: رد: هل يحتاج أطفالنا حقا لهواتف؟ الأربعاء أغسطس 31, 2011 6:08 pm | |
| بصراحة وبالنسبة لي لا اواااااااااافق لانها تستخدم استخداما خاطئا وفي غير محله وجميعكم يعرف ماذا يفعلون بها
| |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: هل يحتاج أطفالنا حقا لهواتف؟ الأربعاء أغسطس 31, 2011 6:29 pm | |
| طب ما تقولنا ماذا يفعلون بها
ووضح اكتر يا عم
ولا هما كلمتين ورد غطاهم يعنى؟؟ | |
|
| |
طالبة عفو الرحمن زهرة ندية من فلسطين الحبيبة
عدد المساهمات : 5925 العمر : 31 الاوسمة: : النشاط : 7566 التقييم : 850
| موضوع: رد: هل يحتاج أطفالنا حقا لهواتف؟ الأربعاء أغسطس 31, 2011 8:30 pm | |
| موضوع جميل جدا ومهم
طبعا لا اوااااااااافق انااااا
ولي عودة لذكر الاسباب ان شاءالله
معلش اشوية متعبة بس حبيت ادخل اطمن عليكم | |
|
| |
ملاااك صديق لامع
عدد المساهمات : 7104 العمر : 34 الاوسمة: : النشاط : 9108 التقييم : 838
| موضوع: رد: هل يحتاج أطفالنا حقا لهواتف؟ الأربعاء أغسطس 31, 2011 11:28 pm | |
| اكيييييييييييييييد انا لا اوافق
زي ما قال بيبوووو لانها تستخدم بشكل خاطئ | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: هل يحتاج أطفالنا حقا لهواتف؟ الخميس سبتمبر 01, 2011 3:02 am | |
| انا عن نفسي شايف انها عادي جدا
بل بالعكس فيها فوائد كتيرة
ودا اللي شوفتو من ولاد اخواتي
هما اتنين تقريبا حوالي 10 سنين
يوسف وكريم ... الاتنين معاهم موبايلات
بس مش للتباهي ولا حاجة
كل الفكرة انهم ساعات بيبقوا لوحدهم
يا اما في درس او في البيت
وبتبقا وسيلة للاطمئنان عليهم لو في اي حاجة
يعني مثلا لو في درس واتاخر او في بيتو لوحدو وعايزين نعرف
موجود ولا خرج ولا نايم ولا في اي مشكلة
انا عن نفسي مش شايف مشكلة في كدا | |
|
| |
Dr_aya Princess
عدد المساهمات : 17630 العمر : 33 الاوسمة: : النشاط : 14904 التقييم : 1440
| موضوع: رد: هل يحتاج أطفالنا حقا لهواتف؟ الخميس سبتمبر 01, 2011 8:18 pm | |
| مش عارفة ليه حاسة ان مالهاش لزمة بصراحة
يعني احنا واحنا صغيرين ما كانش معانا موبايلات وكنا عايشين
المشكلة اني بشوف مثلا اطفال يقعدوا يعيطوا لباباهم مثلا عايزين موبايل
والاب اساسا مش معاه يجيب موبايل بنفسه
وبيبقي في نفسه زعلان انه مش قادر يجيب موبايل لابنه زي ابن فلان وابن فلان
كمان الاطفال اليويمن دول ما بقوش اطفال
فبيستخدوموا الموبايلات واللاب توب والحاجات دي احيانا غلط
يعني دي وسيلة لتحقيق الضرر مثلا في حالة وجود اصدقاء سوء
يعني كلنا لا يخفي علينا المقاطع الاباحية علي سبيل المثال اللي ممكن يتناقلها الاطفال دول
واللي بقت متاحة جدا بعد انتشار الكمبيوتر واللاب توب والبلوتوث والحاجات دي
اكيد مش كل الاطفال كدة
واكيد في شق مفيد في الموضوع
بس اللي اقصده انا ان الباب اللي ييجي منه الريح سده واستريح
موضوع مهم يا نيرو وانا متابعة معاكي | |
|
| |
سواااح صديق لامع
عدد المساهمات : 813 العمر : 42 الاوسمة: : النشاط : 1035 التقييم : 306
| موضوع: رد: هل يحتاج أطفالنا حقا لهواتف؟ الجمعة سبتمبر 02, 2011 5:25 am | |
| انا ضد وعلي فكره يا رحال مع ان اللي انت قولته صحيح الا انه انا ضد بكل انواع الاعتراض لاسباب كتير جدا اولا الطفل في السن ده اه هيستخدمه زي ما انت بتقول بس متنساش انك مش هتعرف امتي بالتحديد هيغير الاستخدام ده اول ما يعقل هياخد كل ارقام البنات اللي معاه في الدرس وده هيكون سعتها طبيعي ويا سلام لو موبايل متطور حبه وبالله عليكم انا عاوز حد يقولي كام طفل هيستخدم موبايل استخدام سليم انا بشوف في الشوارع شكل الاطفال في سن العشره بقي شكله ازاي دلوقتي عموما اختلاف الراي لا يفسد للود اي حاجه
| |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: هل يحتاج أطفالنا حقا لهواتف؟ الجمعة سبتمبر 02, 2011 6:33 am | |
| معلش يا سواح
هو عشان بيستخدم وحش مش استفاد من فوايدو الكتيرة
طيب تعالا نحسبها ببساطة اكتر
التليفزيون الفضائي وفي عيوب
النت وفيه عيوب
الشارع وفيه عيوب
الصحاب وليها عيوب
اصلا اصلا مفيش حاجة كاملة
احنا بقا كأسرة أو اولياء الامور
دا دورنا اننا ندور على الفايدة ونعلمها للاطفال
والوحش نبعدو عنهم
ولو خايف انو ياخد رقم صاحبتو في الدرس
يبقا مش هيجيب موبايل مدى الحياة
عشان مياخدش رقم موبايل حد
انا شايف انو تفكير مش منطقى
بالعكس قمة الابداع انو يتعامل في كل حياتو
بكل اشكالها ويتعلم ويغلط وهكذااااااااا
وبالشكل دا هيبقا على مقدرة لما يكبر انو يختار الصح دائما
ويقدر يتحدى الغلط طوووووووووول المشوار
متنساش كل ما تقفل على الاطفال بالتحديد
كل ما يبدأ فترة المراهقة هيعمل كل حاجة غلط
عشان الاحساس القوى جدا بأنو كبر وبقا راجل
ومسئول عن حياتو وانو حر
مينفهش اخد ومش أدى
اه هجيبلك الموبايل وتفرح بأنك مش اقل من حد
وهعرف استغل فوايدو جداااااااا
وفي نفس الوقت بنصيحتى ورقابتي الدائمة
اعلم ابني الصح والغلط
امال يعني ايه تربية
اني امنع وبس
لا طبعا | |
|
| |
ياسمينا عروسة المنتدى
عدد المساهمات : 9052 العمر : 33 الاوسمة: : النشاط : 9081 التقييم : 829
| موضوع: رد: هل يحتاج أطفالنا حقا لهواتف؟ الجمعة سبتمبر 02, 2011 4:15 pm | |
| اصل العيال دول هيسافروا لوحدهم مثلا ؟؟
فنقوم احنا متصلين بيهم ؟؟؟؟؟؟؟؟
ولا هيروحوا مكان بعيد ويتاخروا ؟؟؟؟؟؟؟؟؟
لا هما نطاقهم محدود اصلا فـــــ مافيش داعي ابدااااااا
للموبايل ....مش وقته
_
انا فاكرة ان اول حد فينا جاب موبايل
كانت نيرة وكنا في تالته ثانوي وانا بعدها
بس نيرة سبقتنا عشان عمو زكريا كان مسافر وجابه م هناك
ولولا كدا مكنتشي جه الا لما خلصت ثانوي
فاكرة يا نيرة ؟؟؟
بس كنا منبهررررررررررررررين | |
|
| |
بسملة نسمة حب
عدد المساهمات : 9346 العمر : 36 الاوسمة: : النشاط : 7160 التقييم : 440
| موضوع: رد: هل يحتاج أطفالنا حقا لهواتف؟ السبت سبتمبر 03, 2011 2:30 am | |
| انا شايفة انها مش مهمة للاطفال وكمان مضرة لصحتها وكمان الطفل مش بيحتاج تليفون لانه وبمعنى اصح لا فى شغل مهم ولا اى حاجة ممكن تخليه يحتاج للتليفون
جزاك الله خيرا على الموضوع | |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: هل يحتاج أطفالنا حقا لهواتف؟ السبت سبتمبر 03, 2011 4:33 pm | |
| ما شاء الله
الله اكبر على التفاعل
بجد احلى اراء واحلى كلام
حتى اللى انا مختلفة معاه فى رأيه عجبنى اسلوبه فى توضيح فكرته
شكر خااااااااص جداااااااا لكل فرد من افراد احلى اصحاب كتب رأيه فى الموضوع دة
انا بقى رأيى زى رأى الاغلبية
انه مش مهم خااااااالص للاطفال
انا لما سمعت اختى عاوزة موبايل .. كنت هتجنن قلت لابويا دة انا مشفتوش غير اخر اسبوعين فى 3 ثانوى
وكنت اول واحدة تشيل موبايل بقى زى ياسمينا ما بتقول وكانت حاجة املة
ودى اللى لسه مطلعتش من البيضة عاوزة موبايل
فانا ضد
دلوقتى بقى عشان بردو نطول النقاش اكتر
لانكم عجبتونى جدااااااا فى نقاشكم دة
نقول سؤالين كمان
امتة اول مرة استخدمت فيها موبايل او بقى ليك موبايل خاص بيك ؟؟
ومن سن كام المفروض الشخص يبقى معاه موبايل؟؟
ومستنية اجابتكم تاااااااانى على السؤالين دول | |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: هل يحتاج أطفالنا حقا لهواتف؟ السبت سبتمبر 03, 2011 4:37 pm | |
| +++
لكل من كتب حرفا فى هذة الصفحة | |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: هل يحتاج أطفالنا حقا لهواتف؟ السبت سبتمبر 03, 2011 4:49 pm | |
| انا عن نفسي متفقة مع رحااااااااااال جدااااااااااااااااااااااااااااااا انا عن نفسي عندي أطفال وببقى مرعوبة عليهم لما ينزلوا من باب الشقة لما بيكون معاهم جوال بكون الحمد لله مطمنة ومتابعاه ولما بيقع هو في مشكلة بيتصل عليا والحمد لله بتتحل يمكن الناس اللي قالت لأ لما تخلف ويكون عندها أطفال وتعرف قلب الام بيخاف قد ايه ساعتها هتعطي ابنها جوال مش علشانه هو علشانها هي تطمن عليه هي مش بتخنقه ولا حاجة هي بس بتطمن ان ابنها بخير مش اكثر يمكن ده حرص زايد بس الايام دي يتخاف اكثر و أكثر على الاطفال وخاصة في بلد غربة زي
بس الرقابة والتربية بيكون عليها عامل ولو فيه أشياء غلط يبقى النت هيكون أخطر والحاجات التانية ممكن ما يكونش الجوال متطور قوي لحد سن معين يكون هو شخص مسؤول فيه عن تصرفاته وبرضه نكون عينا عليه ونعرفه الصح والغلط علشان لما يكون حتى قدامه الغلط مش يعمله زي ما أهلنا ربونا حتى ولو الدنيا اتغيرت عن الاول بس برضه لازم يكون الطفل عنده رقابة ذاتية على تصرفاته ده رأي والله اعلم الصح فين وبرضه نشوف ابننا لو مش من النوع المتزن او اتصرف بيه غلط وقتها نعرفه ان ده غلط وما نعطهوش الجوال الا لما يتصرف بيه صح | |
|
| |
حبيبي رسول الله صديق لامع
عدد المساهمات : 1566 العمر : 30 الاوسمة: : النشاط : 1839 التقييم : 239
| موضوع: رد: هل يحتاج أطفالنا حقا لهواتف؟ السبت سبتمبر 03, 2011 5:20 pm | |
| بعكسكم كلكم انا موافق انو يبقى هاتف مع الأطفال أول شيء منو كتير فوائد تاني شيء اذا الاهل بدهم الطفل يعرفوا وين بيقدروا يلاقوا ثالثا بعكسكم كلكم ...شو الطفل بدو يعمل بالزبط اشياء مش منيحه بالهاتف ؟؟؟ | |
|
| |
سواااح صديق لامع
عدد المساهمات : 813 العمر : 42 الاوسمة: : النشاط : 1035 التقييم : 306
| موضوع: رد: هل يحتاج أطفالنا حقا لهواتف؟ الإثنين سبتمبر 05, 2011 7:16 am | |
| طب انا موافق يا اخوانا ان الطفل يبقي معاه موبايل علي كلامكم علي اني اصبر عليكم شويتين تعالو نشوف الموضوع من زاويه تانيه وطبعا يارحال علي كلامك يبقي في عندنا ضرر ومنفعه ونطبق من حكايه الموبايل لطفل ايه الضرر وايه المنفعه اظنك عارف كويس الطفل بيتخطف من غير ما يكون معاه حاجه اصلا هاتله بقي موبايل وكمان روشنه ولو تقدر تخليه يروح الدرس ومعاه اللاب توب بتاعه ماهو هسجل الحصه صوت وصوره ويراجع تبقي عملت الصح بلاش خلينا نقول ان دنيا الطفل محدوده وتحركاته محسوبه يعني لو رايح درس بتوصله لحد هناك يبقي موبايل ليه ولو بيروح لوحده يبقي سبب ادعي انك مش تخليه غنيمه ومحدش يقدر ينكر ان اليومين دول الموضوع بقي فعلا خطر انت نفسك يا شاب كبير وعضلات ممكن تتثبت عشان موبايل وممكن كمان تتعور عشان شمام عاوز ياخد سجاره عافيه يبقي مش بس ضرر الموبايل في انه يستخدمه غلط ضيف كمان دي ولا مش بنحسب كل الاضرار ولو علي المنفعه يا جميل ابقي وصله رايح جاي لو قلقان عليه اما لو علي حكايه انه يتفاعل مع التطور العلمي انت شايف اهو نفس المثال اللي انت ضربه كريم مثلا في الكمبيوتر بقي اشطر مني ومنك وبكده مفيش مانع من تفاعله بس مع الرقابه عليه عشان حسن الاستخدام ولا ايه ؟؟؟؟؟؟؟؟؟؟؟؟؟؟؟؟؟؟؟ | |
|
| |
الريح77 صديق لامع
عدد المساهمات : 700 العمر : 57 الاوسمة: : النشاط : 1102 التقييم : 154
| موضوع: رد: هل يحتاج أطفالنا حقا لهواتف؟ الإثنين سبتمبر 05, 2011 9:16 am | |
| السلام عليكم ورحمة الله وبركاته
الهاتف النقال في يد الطفل امر سلبي جدا ولا يجوز اعطاءه هاتف
الهاتف بشكل عام ايجابي مع من يستعمله في الطرق الصحيحة وليس مع طفل في طريقه الى المراهقة التي من الصعب
الخروج منها بسهوله الا بالمتابعة مع اطفالنا ولكن اذا وجد هذا الهاتف في يد مراهق اعتقد ان الامر سيكون معقد للغاية
الهاتف وسيلة اتصال من خلالها لا نعلم من يتصل مع ابنائنا لان صور الاصدقاء والاصحاب لاطفالنا كانت مرئية لنا
من خلال وجودنا معهم ومن كان يطرق الباب على اطفالنا
المتابعة في هذا الامر ليس بالامر الهين والبسيط لانه في هذا السن يعتبر نفسة طفل مسئول عما يفعله اذا كان بحجة الاتصال
او التواصل مع رفاقه عبر الهاتف ولا ندري اين يتجه به المطاف
اطفال اليوم ليسوا باطفال الامس هناك تطور وتكنولوجيا حديثة وهناك ايضا تطور في هذا الجهاز بعد ان كان سوى هاتف اصبح يوجد به مميزات كثيرة جدا استقبال الرسائل والفيديوهات وما خفي اعظم ويوجد الان في يد اطفالنا المراهقين
في هذه الحالة كيف تتم عملية المتابعه وهو خارج المنزل بالعصا السحرية مثلا؟؟
ساطرح مثل على استخدام الهاتف النقال لدى الاطفال
الاحتلال الصهيوني كان يعتبر الهاتف النقال الوسيلة السهلة والسريعة لاقتناص ضحاياه وكان هناك ضحايا كثر في مجتمعنا
على خلفية هذا الهاتف من مراهقين وقعوا في فخ العمالة ضد شعبهم
واليوم اطفالنا المراهقين يجيدون العمل على الهاتف النقال اكثر بكثير عنا نحن الكبار ويستطيعون اخفاء اي اتصال او غير ذلك
فكيف نستطيع متابعتهم ؟؟
اما ان نعرف اين هم او اين يلعبون او نطمئن عليهم اعتقد ان هذا الامر بعيدا عن التربية الصحيحة
نفترض ان طفلك يلهو مع اطفال السوء او يشاهد افلام اباحية
هل عند الاتصال عليه سوف يحدثك عما يفعل ؟؟ اعتقد لا
يبقى نقول اعطوا الحرية الكاملة للطفل حتى يخطئ ويتعلم في حمله للهاتف النقال وفي جلساته على النت وزيارة الاصحاب
والسفر للخارج ويبقى علينا المتابعة وتصحيح الاخطاء
الكل منا حمل هذا الهاتف والكل منا وقع في كثير من الاخطاء ومنها ما تم السيطرة عليه ومنها مازال عالقا ونحن ندرك في داخلنا ان الهاتف النقال في يد اطفالنا لا يعتبر بالامر السهل
عند دخول الدرجات النارية الى قطاع غزة حصدت وبتفوق اروح كثيرة من جراء استعمالها مع اطفالنا المراهقين بتوقيع من ابائهم اعطوا الحرية لابنائكم
اشكر كاتب هذا الموضوع
كل الاحترام والتقدير
| |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: هل يحتاج أطفالنا حقا لهواتف؟ الإثنين سبتمبر 05, 2011 10:14 am | |
| موضوع جميييييييل يا نيرة اوعدك .. اول ما سلمى تكبر وتعرف تستعمل الموبايل هاشتري لها واحد ان شاء الله واكييييد هاراعى السلبيات اللى اتكلمتوا فيها دى
لكن اكييييييد مش هاخلى الهواجس والخوف من المجهول ياثر عليا
عايز اناقش كل الاراء معاكم .. حبيت الاول اسجل رايي وارجع لكم لما سلمى تنام .. عشان مش عارف اكتب جملتين على بعض منها
مع احترامى وتقديرى ليكم جميعا
| |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: هل يحتاج أطفالنا حقا لهواتف؟ الإثنين سبتمبر 05, 2011 10:18 am | |
| - المواطن مصري كتب:
- موضوع جميييييييل يا نيرة
اوعدك .. اول ما سلمى تكبر وتعرف تستعمل الموبايل هاشتري لها واحد ان شاء الله واكييييد هاراعى السلبيات اللى اتكلمتوا فيها دى
لكن اكييييييد مش هاخلى الهواجس والخوف من المجهول ياثر عليا
عايز اناقش كل الاراء معاكم .. حبيت الاول اسجل رايي وارجع لكم لما سلمى تنام .. عشان مش عارف اكتب جملتين على بعض منها
مع احترامى وتقديرى ليكم جميعا
ربنا يخلهالك يارب | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: هل يحتاج أطفالنا حقا لهواتف؟ الإثنين سبتمبر 05, 2011 11:14 am | |
| ويخليلك اولادك يا رب ويحفظهم | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: هل يحتاج أطفالنا حقا لهواتف؟ الثلاثاء سبتمبر 06, 2011 1:13 am | |
| يا سلام عليك يا هندسة وانا اللي قعدت اقول كلام كتير اوي انت اختصرت في جملة واحدة - اقتباس :
- اوعدك .. اول ما سلمى تكبر وتعرف تستعمل الموبايل هاشتري لها واحد ان شاء الله
واكييييد هاراعى السلبيات اللى اتكلمتوا فيها دى
لكن اكييييييد مش هاخلى الهواجس والخوف من المجهول ياثر عليا
| |
|
| |
Niera تلقــــــائية الكلمــــات
عدد المساهمات : 4260 العمر : 34 الاوسمة: : النشاط : 5569 التقييم : 889
| موضوع: رد: هل يحتاج أطفالنا حقا لهواتف؟ الثلاثاء سبتمبر 06, 2011 3:52 pm | |
| انا رأيى مع راى الريح جدااااااا
لو يعنى هوا يعمل حاجة غلط وانا اتصلت بيه وقولتله بتعمل ايه هيقولى بعمل حاجة غلط
اكيد لا
وكمان مع سواح جداااااا .. دة بيثبتوا الكبير واللى بعضلات عشان سيجارة
والبلد مفيهاش حكومة ولا امن والكل ماشى بيبلطج
فمابالك بقى لو طفل صغير ومعاه موبايل على احدث طراز
ورأى روز يحترم جدااااا هيا وابو سلمى
ومستنيين بقية رأيه وكلامه
بس من رأيى الموبايل مش مهم اوى انه يكون مع الاطفال
لو انت خايف عليهم خليك معاهم
اطفال النهاردة مش زى اطفال قبل كدة
دول بقوا رجالة وبيألشوا وبيهزروا وبيتكلموا كلام اكبر من سنهم | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: هل يحتاج أطفالنا حقا لهواتف؟ الثلاثاء سبتمبر 06, 2011 4:39 pm | |
| خلو بالكوووووو
زمان اول ما طلع النت
كان نفس الكلام بيتقال عليه
زي ما بتقولوا على الموبايل في ايد الطفل
ودا مش انعدام اخلاق
دى مسألة تطور لكل حاجة حوالينا
انا بردو هعلم ولادى الكمبيوتر والنت كويس جدااااا
وبردو هخليهم يستخدموه صح
| |
|
| |
حبيبي رسول الله صديق لامع
عدد المساهمات : 1566 العمر : 30 الاوسمة: : النشاط : 1839 التقييم : 239
| موضوع: رد: هل يحتاج أطفالنا حقا لهواتف؟ الثلاثاء سبتمبر 06, 2011 5:02 pm | |
| بالفعل لازم نعلمهم يستخدموه صح والهاتف نفس الحاجه قبل شراء الهاتف اطرحوا على اطفالكم قوانين | |
|
| |
[ عُرُوبَة ] صديق ماسي
عدد المساهمات : 94 العمر : 31 النشاط : 111 التقييم : 2
| موضوع: رد: هل يحتاج أطفالنا حقا لهواتف؟ الإثنين سبتمبر 26, 2011 6:45 pm | |
| الله يحفظ أولادكم جميعاً
بس بشوف إنو الأولاد بهيك عمر ما بيحتاجوا .. بس أكيد إزا طلبوا هما جوال لازم نسألهم عن السبب ولازم يكون مقنع أكيد
بس إزا أعطونا سبب مقنع برضو لازم يكون سبب منعي للجوال أكتر إقناع إزا بدي أمنعهم
و إزا أصروا بدي أعطيهم لإنهم بدهم ينفذوا يلي براسهم و يمكن مشان هيك يلجؤوا للسرقة و أكيد مو حلوة منا
لازم نشاور عقلنا أكيد
بوركتم | |
|
| |
| هل يحتاج أطفالنا حقا لهواتف؟ | |
|