طلب صداقة على الفيس بوك

بسم الله الرحمن الرحيم
السلام عليكم ورحمة الله وبركاته



قصة من وحى الخيال تبدأ من هذه الغرفة التى تجلس فيها صاحبة حكايتنا






طلب صداقة ياترى من مين


ايه ده من ولد يووه طيب اضيفه ولا لأ


النفس الطيبة : بلاش تضيفه ولا متخذات اخدان


النفس الشريرة : اخص عليكى وتحرجيه


اضيفه وخلاص يعنى هيعمل ايه انا مش هكلمه اصلاً


انا مش بحب احرج حد


وبعد الإضافة : مرة كانت فاتحة صاحبتنا الشات وهو كان قاعد اكيد استغل الفرصة وهوبا :D نط بالبرشوت عليها


هاى


هى : ايه هاى دى ارد وخلاص


هى: أهلاً


هو : انا مش هقولك الحوارات بتاعت منكن اتعرف والكلام ده بس انتى واضح انك انسانه محترمة اووى وغير بقية البنات فى الفيس بوك


كل الحاجات اللى بتحطيها دينيه وحقيقى انتى بتأثرى فيا كتير بس محتاج منك طلب


هى: ياه انا عملت كل ده ده شكله انسان محترم اوى وبعدين انا بعمل خير لازم ارد عليه عشان يكمل الخير


: اتفضل اطلب


هو : انا محتاج منك تتابعينى فى الالتزام وتشجعيني منكن


هى : ممممم ازاى اتابعه يعنى


النفس الشريرة: تابعيه انتى ايه مش عايزة تخدى اى نوع من الثوابات احفظوا مع بعض قراءن وذكروا بعض بالصلاة والاذكار


يسلام على الصحبة الصالحة والله اعلم يمكن الموضوع يقلب ويبقى الزوج الصالح وتعيشى حياة دينية سعيدة


وتعيشي فى تبات ونبات وتخلفى صبيان وبنات


هى : بعد معاركة كبيرة مع نفسها الطيبة والشريرة


اخيراً وافقت وقالتله ماشي



ومرت الايام وفكرت نفسها بكده بتخد ثواب واجر وفى نفس الوقت زوج صالح مد ايده ليها عشان تساعده

وللأسف اكيد الشيطان كان فرحان وكل يوم بقى يدخل بينهم حوارات جانبيه وهى مكملة بحجة انها بتساعده على الإلتزام والايام تمر والكلام يتحول والحوارات تزيد


وبقى الكلام كله كل واحد عن حياته وانه معجب بيها وعمره ماشاف لا فى ادبها ولا طيبتها والحوارات دى و البنت معدتش تقدر يعدى يوم من غير ماتطمن عليه وتكلمه وللأسف شمعة الايمان اللى فى قلبها اطفيت والنور اللى كان يملىء قلبها بقى يضلم

وبقت على طول ذهنها شارد وتفكر فيه وبدأ قلبها يدق ليه لحد ما جيه يوم مالقتهوش على النت


كانت هتتجنن مش ممكن طيب ازااى ده اكيد فيه حاجة


منمتش اليوم ده ولا اللى بعده ظهر لحد ما مر 10 ايام وهى مبتنمش من كتر قلقها



ولقيته فى اليوم ال 11 اون لاين وهوباا نطيت على الشات بالبرشوت ماهو خلاص الشمعه انطفت والنور ضلم


وسألته بكل شغف انت كنت فين كل ده ؟؟؟؟؟


رد عليها حد تانى


ايوا انا صاحبه بس هو مسافر برا البلد وكان مبلغنى ادخل على حسابه وادنى الباس وررد عشان الغيله حسابه لانه هيستقر هناك ومش ناوى يرجع دلوقتى خالص فقالى اقفله عشان محدش يقلق عليه


طيب حضرتك عايزانى اوصل له حاجة


هى : لا ابداً خلاص


قالها طيب عن إذنك


واتقفلت المحادثة على كده واتقفل الاكونت واتقفل قلب البنت معاه


مبقتش مصدقة ايه اللى بيحصل ده طيب ليه يعنى طلع بعد كل ده بيتسلى وبمجرد انه انشغل مفكرش يقولى حتى مع السلامة .. يااااه انا غلطت اووى فى حق نفسي يوم لما سمعت كلام شيطانى


وغلطت فى حق ربنا اكتر


طيب ليه كده وانفجرت البنت من البكاء وبقى ايامها كلها كئابة وحزن وندم


وفى مرة بعد فترة كبيرة اوووى دخلت الفيس بوك لاقيت الاكونت مفتوح ولاقيت صورته عليه دخلت جوا الصور لاقيت صوره مع فتيات صديقاته وصور مع الشله ومكتوب تعليق عليها


احلى ايام قضيتها فى حياتى الصيف ده


والتعلقيات ايوا يابرنس انت كده موقع قلوب البنات كلها


التعليق اللى بعده : ياجاااااااااامد وهكذا .....


نزلت دمعه ندم وتأكدت فعلاً انها انضحك عليها وانه لا كان عايز يلتزم ولا حاجة

بس كان حابب يتسلى مع نوع جديد من الفتيات


وقررت انها تلغيه من عندها وعاهدت ربها انها لا يمكن ابداً تضيف عندها او تكلم شاب تانى إلا لو كان زوجها














عاوزه اسمع ارائكم ؟؟؟؟؟؟؟؟

وماااااااااااااااا اكثر البنات الضعيفه دلواتى ..

واغلبهم تحت شعار ايييه
تحت شعار اصل مفيش جواااز

وباعدين انا عارفه حدودى ..

وللاسف مع مرور الوقت بتمحى اى حدوووووووود اصلا

وعلى اساس ان اللى اودامها اصلا لو حد كويس
هيقبل يرتبط بيها بعد ما رخصت نفسها اوووى كده ؟؟


ربنا يتقبل دعوتك ويعاااااااااااااافى بنات المسلمين
اللهم ااااااامين



اشكرررررررررررك محمود على مرورك
وتفاعلك الدااااااائم

يعنى هما البنات دلوقتى بترخص نفسها بحجة انه مفيش جواز

لا حول ولا قوة إلا بالله

والله العظيم الفيس بوك دة نكبة وانا شخصيا مش شفت منه وعليه غير المصايب

ربنا يعافينا منه

والبنت فعلا اللى فى الموضوع دة ازاى مثلا تبقى متدينة ومتربية وكل البوستات اللى بتحطها دينية وقراَن وادعية وترضى انها تكلم واد او تضيفه وهيا متعرفوش

حاجة بجد غريبة جدااااااا.. مفهوم الناس عن كل حاجة اختلف

والمعايير اتخبطتت والاخلاق فى النازل

كل دة من علامات يوم القيامة وربنا يسسسسسسسستر

سلمت يمناكِ تووووتة

طلب صداقة على الفيس او على اي برنامج محادثة اخر



الصداقة لا تطلب وانما الصداقة مع الصدفة ومن ثم تأتي هذا في نظري



تحدثت كثيرا في برامج المحادثات ولي اصدقاء كثر ولكن هذا لا يعني ان كل ما يتحدث معي يكن صديقي

ولكن تتصادف الافكار او العكس هذا ما يقربني منه للاستفادة والفائدة



ولكن في هذا الموضوع هناك نفس ضعيفه جدا ليس لها فن التعامل مع من يحدثها انساقت مع اهوائها فكيف لها النجاة

في ما تفعل اكيد ستسقط في الهاوية



اما الصداقة دائما في نظري تأتي عن طريق الصدفة



كل الاحترام والتقدير لكاتب هذا الموضوع

تمااااااام يا نيره
انا كمان مش بحب الفيس نهاااااااائى

بس اكيد مش هنقدر نقول للى بيدخله انت غلط
لكن ربنا يهدى الجميع ويعرفو يضبطوا افعالهم بس

__________



الريح 77

اشكرك على مرور حضرتك
ربنا يعافينا ويحفظنا ويرضى عنا اللهم ااااامين

يااااااااااااه القصه مؤثره كتير يا ايه
وانا سمعت بقصص غيرها على المسنجر التويتر وغيره وغيره وغيره
وبالفعل البنت كانت ضعيفه وفي وقتنا حالا وللأسف كتير بنات ضعاف في
هو الولد قدر بالفعل يضحك عليها لما قاللها انه عايز تعلمه بالدين وتساعده
وبالفعل من حبها لربنا عملت كده
وبعد كده شدها الولد للخطأ للأسف
بس النهايه سعيده
انا فرحان كتير انها تعلمت الدرس ده
مش تصدق ايي حد متعرفوش
أو تضيف ايي حد متعرفوش
موضوع في غاااااااااااااااااية الروعه يا ايه
مع التقييم

اشكرك ابراهيم ..

تمام كلامك

الله عليكي يا اية بجد القصة مؤثرة جدا والله

والله فعلا القلوووب الضعيفة ما اكترها في الايام هدول وخاصة قلوب البنات

وفعلا بيقدروا الرجال يضحكوا علي البنات بصورة او باخري وبصدقوا الكلام الحلو يلي بتقال

يارب ابعد عناااا اولاد الحرام وبنات الحرام يااااااارب

يارب ثبت قلوووبنا علي دينك واملا قلوبنا بحبك وبحب كل عمل يقربنا اليك يارب

بارك الله فيكي يا اية

وجزاكي الله عني وعن احلي اصحاب كل خيييير

انا لا يمكن احب الفيس بووووك ابدا ولا يمكن اضيف ايميل اي حدا

الفيس بوك

موضوع زي دة في زيه اكتر من واحد هنا في المنتدي دة

وفي المنتديات التانية

مش عارفة ليه بقي عندنا حساسية من الفيس بوك

يا جماعة الفكرة مش الفيس بوك نفسه

الفكرة في الانسان وارادته وعزيمته

بصوا هوضح اكتر

ربنا سبحانه وتعالي لما خلق البنت والولد

جعل بصفة عامة كدة ميل من احد الجنسين للتاني

ودي حاجة طبيعية جدا وغريزة وفطرة

بدليل ان ربنا سبحانه وتعالي بيجازي الانسان العفيف اللي بيحافظ علي نفسه من الشيطان

في الفيس بوك بقي او المنتدي او حتي الشارع والجامعة

هتلاقي ان في الجذب دة موجود

يبقي العيب مش الفيس بوك بقي

العيب في الانسان نفسه

انا ممكن اضيف ولد مثلا علي الفيس بوك ويحط حاجات مفيدة وانا استفيد ممنه ومن اراءه وتفكيره

من غير ما اكلمه علي الشات بقي او اعمل معاه علاقات او كدة

الفكرة ان البنت المحترمة تقدر تبقي في عين الناس محترمة وتقدر تراعي ربنا وتعرف انه شايفها وسامعها

علي الفيس بقي او مش عليه

انا مثلا علي الفيس بوك يمكن بضيف الناس الكبيرة شوية

زي دكاترة الجامعة عندي او اي حد كبير انا اعرفه

ومش بضيف شباب من سني مش علشان انا مش واثقة في نفسي لا سمح الله

بس علشان النظرة اللي البعض بينظرها للبنت ان اللي تضيف ولاد تبقي بتكلم ولاد علشان عايزة تتجوز

او الكلام الفاضي دة

بس ان شاء الله هييجي وقت اضيف ولاد عادي ما فيش مشكلة

لما ابقي مسؤلة عن نفسي اكتر

ولو اتجوزت ان شاء الله وزوجي رفض اني اضيف ولاد مش هضيف

لكن لو استأذنته ووافق فهضيف عادي ما فيش مشكلة

طالما انا واثقة في حالي وفي اخلاقي

وربنا يحفظ شباب المسلمين يا رب

انا معك يا دكتورة والله في كل كلمة حكيتهااا

بس خلاااااااص اصلا كمان الغلط في الناس يلي عملت الفيس بووووك

في ناس كتيرة مش بتستخدموا صح وحقيت يكون رقابة علي الناس يلي بسجلو فيه من خلال الادارة

متل ما المنتدي الها ادارة تراقب برضو اكيد بكون في الفيس بوووك ادارة والله

وانا عارفة انو البنات قلوبهم ضعيفة جدا والشباب بيلعبوا في عقولهم

والبنت كمااااان بتنساق وراء شهواتهااا واهوائها وتبعد عن دينهااا من خلال الكلام يلي تسمعه

الله يبعدناااا عن الحراااااااام ويستر علينا دنيا واخرة يااااارب

موضووووع هام جدا ومحتاج جدا للنقااااش يا اية

تسلمي حبيبتي بجد

بارك الله فيكي اية

مش عارفة شووو احكي بس المفروض البنت تحافظ علي حالهااا

انا بوافق الدكنورة في كلامهاااا

الله يهدينا ويوجهلنا الخير دوووووووووما

جزاك الله كل خييييييير

حاساكى متعصبه اوووى يا ايه

بس لو تلاحظى انا زى ما قلت انى مش بحبه
ف نفس الوقت انا قلت دا

بس اكيد مش هنقدر نقول للى بيدخله انت غلط
لكن ربنا يهدى الجميع ويعرفو يضبطوا افعالهم بس

اللى اقصده نفس اللى انتى قولتيه
يعنى احنا مش عندنا حساسيه من الفيس ولا حاجه

انتى عندك حق .. الموضوع فى البنت نفسها

طيب ما عندك ناس وجهات نظرها انها مبتحبش النت عمووووووووما
والسبب .. ان الغلط فيه اكتر من الصح

دى وجهة نظر ..
منقدرش نقول عليهم مكبرين الموضوع
ولا نقدر نقول انهم كدا بيحاربونا يعنى ..

لكنها وجهة نظر ..


ايه مش عاوزاكى تزعلى

كااااااااااااااااامل احترامنا للبنات الجدعاااان اللى زيك والله

اللى للاسف يا ايه مفيش منهم كتير
ويمكن دا السبب فى عدم حبى ليه

لا يا ايه انا مش متعصبة خالص

انا بس ضد انك تطرحي الموضوع بالنسبة للفيس بوك بس

طيب انا هديكي مثال

انتي مش هنا علي المنتدي بتتكلمي مع بيبو ورحال وعمرو وغيرهم وبتردي عليهم

طيب ما هو الفيس بوك نفس الفكرة

يبقي احنا مش نقول فيس بوك

احنا نتكلم عن النت بصفة عامة وعن الأخلاق عند البنت

احنا في يوم من الايام كان في هنا في المنتدي رسايل شخصية

يعني المنتدي كان زي الفيس بوك بالظبط

اتلغت الرسايل

ومع ذلك احيانا بيبقي في بعض التجاوزات من اعضاء او عضوات في المنتدي

واحنا نبهنا لكدة

انا احسبهم جميعا علي خلق

لكن هو الواحد احيانا بتعدي عليه حاجات والتربية بتفرق برضه

انتي عارفة ان انا هنا في المنتدي ببقي حريصة جدا لدرجة ان في سمايلز معينة تلاقيني مستحيل احطها لولد

علي الرغم من ان كلهم اخواتي وربنا العالم بكدة

والله اعلم يمكن اكون غلطتت في حاجة كدة ولا كدة سهوا

دة مش علشان انا جدعة زيادة عن اللزوم ولا أأأدب من غيري

انا اتعلمت دة في المنتدي هنا

لما لقيت ناس محترمين

حسيت انهم يستحقوا اني اعاملهم باحترام

انتي لو بصيتي لردودي في اول ما اشتركت في المنتدي

او ردود الشباب حتي اللي معانا هنا

هتلاقيها الي حد كبير اختلفت

لان الانسان كا ما بيكبر كل ما بينضج وبيتعلم

انا في ردود لنفسي بقراها مثلا بالصدفة في مواضيع زمان

اقول ايه الهبل دة وابقي مكسوفة من نقسي وبصلحها

انا مثلا لو سألتيني الفيس بوك دة بالنسبة لك حاجة حلوة ولا وحشة

هقولك حاجة حلوة جدا كمان

اولا وسيلة اتصال سهلة بصحابي اللي ممكن اكون مش بشوفهم كتير

ثانيا وسيلة معرفة

ثالثا ودة الاهم انا استفدت منه جدااااااااا في الدراسة كانت المحاضرات بتتسجل وتتبعت لنا عليه

ولو انا جبت السنة دي 91 في المية ف 40 في المية منهم بفضل الفيس بوك

يعني انا شايفة الموقع دة مظلوم معانا يا جماعة وحد يقنعني بعكس كدة

هو موقع عادي زيه زي اي موقع

بس بتفرق باللي بيستخدمه

عارفة انا ليه بتكلم كدة يا ايه

لاني وصلت لمرحلة من كتر الكلام في الموضوع دة بقيت اتكسف اقول قدام حد اني بدخل الفيس بوك

وكاني لا سمح الله هدخل موقع اباحي مثلا



بس اكيد مش هنقدر نقول للى بيدخله انت غلط
لكن ربنا يهدى الجميع ويعرفو يضبطوا افعالهم بس



فعلا زي ما قلتي يا ايوتة

مراقبة الله هي دي الحل

الواحد ممكن يتعرض لفتن تهز الجبال علي النت عموما

بس الحياء والخوف من الله والتربية الصالحة بتفرق اكيد

اقتباس :

ايه مش عاوزاكى تزعلى

لا دة انا كدة هزعل بجد

انا مش زعلانة ولا حاجة حبيبتي

انا بس ردي احيانا بيبقي جد كدة فيبان انه زعل

انا عمري ابدا ما ازعل من حاجة

عامللاها عن اقتناع وبراعي ربنا فيها مهما حد انتقدها

ربنا يهدي شباب وبنات المسلمين يااااااااارب

ايووته بحترم وبشده وجهة نظرك

كل واحد ليه دماغه وليه راْيه

رايي خطاْ يحتمل الصواب وراي غيرى صواب يحتمل الخطاْ


اشكررررررك على نقاشك وتوضيح وجهة نظرك
واستفادتنا منها اكيييد






سيبك من كل دا بقى .. انتى عامله اييييه يا قمر

الحمد لله علي كل حال

شكرا لسؤالك يا جميل

كتير بنشوف هيك حالات .. نفسها بتكون ضعيفة و مش محصنة حالها منيح

و زين إلها الشيطان كل حاجة الخطأ و الصح و ضحك عليها

كما قال الشيطان للإنسان إكفر فلما كفر قال إني بريءٌ منك

شفتوا بس همو إنو يوقعنا بأية طريقة لازم الواحد يشاور نفسة أكتر من مرة مشان ياخد القرار المزبوط

و ما يوقعوا الوقعة المهببة

و أكدي بعد كل ده حتتندم بس حترك أثر فظيع في نفسا إلي كانت طيبة و روحها حلوة

بدها تتغير في تعاملها مع الناس

الله يهدينا ولا يوقعنا هالوقعات

موضوعك رااااائع و يمكس الواقع